影片
食家推介
星期日中午一行12人去到此店，自携海鮮加工，可以不提，因為食物質素唔關佢事，烹調方法都係大路嘢。我不得不提的係佢自家出品的南乳吊燒鷄，講明要預訂，索價$320，一點不便宜，大家都有期望。點知一上枱，外觀已不吸引，皮肉甩甩離離，我心諗鷄不可以貌相，可能係以肉質取勝。一放入口，感覺特別，與期望相差甚遠，準確啲講係肉質霉霉的🤢，明顯不新鮮，講明要預訂，我以為係新鮮製作，原來可能係今日之前已製作好！本來以為係我唔識欣賞啫！家人食過逐個話隻鷄好唔掂，一人一舊試食後，大半隻無人再掂佢，連打包都唔願！我哋同店員反應，佢漫不經心咁話，會同㕑房反應下，我哋埋單再同櫃檯果位反映，佢話俾咗折扣我哋，減咗尾數$96，似乎認為咁樣已經係厚待咗我哋。我哋唔打算再嚟此店，所以都費事再俾意見，俾二百幾食霉鷄當買個教訓。果位負責人仲解釋係因為隻鷄來貨問題導致，講到佢哋好無辜咁！Well！費事嘥氣再同佢講啦，但佢呢種不思進取，只把責任推俾他人的做法，就解釋到佢舖頭門堪羅羅雀的原因！另外店員本身的服務態度已經好有問題，舉一例子，我哋請佢加水落茶壺，佢就話我哋要揭開壺蓋，到我哋揭開壺蓋，佢就人影都唔見，最終都係我哋自己去加熱水！經過今次，連本身係忠心客戶的家人都表示不滿，希望佢醒覺，不會再去幫襯啦！
繼續閱讀
去西貢食海鮮一定想起「天天好海鮮酒家」，之前已經寫過食評，最吸引之處就係食得好放心，唔會食完埋單價錢不似預期。午市同晚市加工費都係一樣，價錢公道無隱藏收費，按人頭收加工費，今次我哋四個人到西貢買海鮮，自來料每碟加工費$75，刺身加工費$120，酒家都可代買海鮮，報價之後實報實銷，去到問返店員，食前了解價錢就食得好放心。⋄ 碼頭艇仔檔 ► 游水方利 (3條) $300❖ 鹽蒸方利 (加工費) $75游水方利唔係成日會遇到，西貢都算多，游水方利咁新鮮又靚，仲要唔細條，當然食蒸啦，撒啲鹽加蔥清蒸，魚肉超滑，魚味勁鮮，如果食炸，可能會俾人笑嘥料唔識食，當然漁民遇到靚魚都係平常事，照炸可也。⋄西貢街市 ► 懵仔魚扒 (1塊) $70❖ 煎封懵仔魚扒 (加工費) $75到街市魚檔買，想要幾厚就切幾厚。魚扒厚肉，簡單煎封已經相當美味，皮脆肉嫩，肉質實在，油份較重，豉油另上。⋄ 碼頭檔 ► 滑仔魚乾 (1袋) $50❖ 薑絲豉油熟油蒸魚乾 (加工費) $75碼頭檔口總會見到有一袋袋魚乾賣，間間唔同，可以問返船家就知係用咩魚曬乾，呢種魚乾唔屬於鹹魚，似一夜干啲friend，唔會曬到乾晒，有少少濕潤，較鹹魚淡口。簡單薑絲豉油蒸，送飯佐酒一流。買一包今次蒸咗一半，一半攞返屋企，放飯面蒸。⋄ 碼頭艇仔檔 ► 大尾魷 (1條) $150❖ 大尾魷刺身 (兩食) (加工費) $120大尾魷係魷魚界中嘅極品，買一隻魷魚兩食，肉身部分刺身，大廚刀工了得，切成大薄片晶瑩透明，勁新鮮，入口柔軟黏黏的口感，強烈鮮甜味，好鍾意，食唔停口。❖ 泰式金沙大尾魷 (兩食) (加工費) $75泰式金沙係呢度獨有嘅style ，用魷魚鬚同埋啲邊位嚟做，醬汁有番茄同埋蛋漿，香辣少少酸甜，熱辣辣好惹味。❖ 羊腩煲 $338冬天就最啱，大煲多料，羊腩入味軟腍，啖啖肉，筋皮位都炆得腍，膠質豐富，完全無羶味，連麻麻地食羊嘅我都食咗好多嚿，枝竹同冬菇吸收晒湯汁嘅精華，最後淥唐生菜。❖ 蒜蓉炒豆苗 $108豆苗翠嫩，口感爽脆，蒜蓉芡汁包裹住每棵菜，熱辣辣夠晒鑊氣。❖ 北菇蒸雞 $88雞件入味，混合北菇、雲耳一齊蒸，醬汁香濃，味道豐富。#天天好海鮮酒家地址：西貢市場街41號地舖
繼續閱讀
今日試完呢間店，真係要上嚟吹吓水！🌟 首先，跟朋友三兩成群嚟到，環境算係清潔企理，坐落得舒服。我哋一行人醉心於它個，外層酥脆嘅椒鹽味好撲鼻，入口後就覺得鮮魷肉質彈牙又爽口。再講講其他菜式，呢，真係砌到唔錯👍，肉質軟熟帶點咸香，簡直係下飯狂魔。話曬，你話唔食兩碗飯都難！至於呢，嫩滑得嚟香氣逼人，我食得停唔到口啊！啱啱得閒仲回味吓個，啖啖肉，鹹酥香脆就係王道！我又點止食左兩碗飯，連隔籬桌嘅人都看得出我嘅開心模樣呀。食飽飲足，仲有生果送上，真係貼心！總括來講，這間店的食物同服務都算係上乘，重點係價錢合理，真係平民天堂之選。下次再嚟，我鐵定要試下佢地嘅奄仔蟹，我哋下次見！🦀🍚🍗
繼續閱讀
8位波友打完波慕名而來，餐廳後面就係街市，入座後由靚女老板娘代買咗8款海鮮，加份椒鹽鮮魷、炒面&油菜連飲品，埋單每位$510。1.椒鹽鮮魷2.椒鹽瀨尿蝦3.薑蔥鮑魚4.豉椒聖子5.蒜蓉粉絲蒸扇貝6.酥炸台山蠔7.清蒸黃腳䲞8.辣酒煮花螺9.鹽焗奄子蟹10.清炒白菜仔10.豉油王炒面
繼續閱讀
呢間海鮮餐廳真係好抵食，價錢又公道，味道又好正。我去嗰陣，試咗豉油皇蝦、墨魚同椒鹽鮮魷，全部都好新鮮好鮮味，令人十分滿足。而且佢地嘅價錢真係非常平民化，非常適合我呢啲啱啱出黎做野無耐既人。餐廳環境都好舒適，令人感到好放鬆。另外，員工都好友善，服務好好，真係幫到我地好多。總括而言，呢間海鮮餐廳係一個非常抵食嘅地方，如果你想食到好味道嘅海鮮同埋唔想花太多錢，咁就一定唔可以錯過呢間餐廳啦！
繼續閱讀