32
9
42
港鐵天后站 A2 出口, 步行約3分鐘 繼續閱讀
電話號碼
2503 2501
付款方式
現金 銀聯
座位數目
12
食評 (91)
等級1 2016-05-13
541 瀏覽
叫左一碗 腐竹薏米糖水,試完覺得好古怪,朋友試完都覺得唔好再食,薏米味好似煮左30年咁。叫店員換過另一碗,佢話ok,改另外一款,過左5分鐘,佢拎番同一碗出來話自己試過無問題,就放番低叫我再食。我打算唔會再黎!同埋極力勸大家唔好幫襯!因為嬲到即刻要upload上黎既關係,我希望朋友唔好今晚肚痛 繼續閱讀
(以上食評乃用戶個人意見 , 並不代表OpenRice之觀點。)
等級1 2016-02-08
346 瀏覽
從來未寫過食評,今次開齋就係因為佢。年廿九同朋友行花芇,行到攰去食碗糖水,就求其走左入呢間。叫左個芝麻糊,黎到真係未食都知有伏:攞個人地裝碗仔翅的發泡膠兜上糖水,個芝麻糊就水汪汪、淺灰色(唔夠黑),用佢枝外賣膠羹LIU兩LIU,嘩,真係稀過白粥,食落口唔駛問都知係接近零芝麻味,同埋勁溝砂糖。 簡單啲講就係砂糖水配少量芝麻粉,我食左一半多啲都頂唔順走左,老實講超市啲“日X”即沖芝麻糊都好佢N倍,可以做到咁難食真係世間罕有。朋友點了其他甜品(一個唔知咩燉奶同埋白涼粉)都不遑多讓,一味死甜。 服務就預左冇乜,個個_口_面,不過都係要收“加一服務費“既。啲咁既質素都仲有人去食,真係經濟奇跡。。。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-01-13
342 瀏覽
晚晚都食快餐,食到厭曬,肯定要去換啲新野啦,於是就同班同學霖著去甜品店食啲甜品做dinner啦。 芒果小丸子,真係超級無敵多芒果吖,小丸子就好似一粒粒湯丸仔咁,好彈牙,最緊要係啲芒果夠新鮮,而且唔酸,好甜,呢碗食完仲唔夠食吖! 楊枝甘露,芒果就少左啲,無芒果小丸子咁多芒果,不過依然仲係有非常濃郁噶芒果味 朱古力好甜,我好鍾意,而且雪糕凍冰冰,仲有兩隻味,個人特別推薦朱古力味,唔係食落去係好cheap果種朱古力,正吖 芒果加龜苓膏,個搭配真係夠曬特別了,不過龜苓膏食落都有好香噶芒果味,再加上芒果西米露一齊食,我好鍾意吖 繼續閱讀
(以上食評乃用戶個人意見 , 並不代表OpenRice之觀點。)
等級4 2015-12-31
163 瀏覽
最近都無點浦頭的舊朋友約我去食甜品,就係天后喇。芒果天后是推薦點的,話曬都嗌天后甜品喇,天后芒果都幾大份的,芒果肉都超級無敵多,入口甘美多隻,果肉厚實,都是新鮮的芒果肉。龜苓膏同芒果的鮮甜有小小不一樣,它是偏苦味的,不過是甘甘地嘅苦味,西米都好多,食唔曬一個,可能胃口細咗吧。老友點的是榴蓮天后,早知我都點榴蓮天后喇,岩曬我吖!榴蓮果肉都係好多啫,佢霸道嘅味道隔遠就聞到喇,流曬口水,咬一下D味就散發開喇,好香好正嘅榴蓮。最尾就整翻個燒雞翼同咖喱魚蛋,燒的雞翼都唔錯嚇,岩岩夠味,表皮金黃誘人。魚蛋咖喱就麻麻,粒粒都彈牙,兩個人都食唔曬。 繼續閱讀
(以上食評乃用戶個人意見 , 並不代表OpenRice之觀點。)
哩間野真係令平時唔寫食評既我都要發火!!!完全係態度差不特止,仲要食物又唔係好食過人,我仲覺得唔係太乾淨,加上價錢唔合理之餘仲要收加一!!! 無病吧?5粒湯圓加D糖粉收$30,咖哩魚蛋都要$20...好!唔緊要,因為唔洗等位同唔洗等好耐就有得食。1. 西米白果腐竹 - $27,價錢貴,味道一般般,因為唔係太甜,但覺得腐竹唔新鮮2. 西瓜汁 - $35,價錢貴!一般般,有少少甜,感覺還算新鮮3. 擂沙湯圓 - $20,價錢超級不合理、貴。D湯圓好冧,亦無咬口。比錢個陣我地想分開比,所以就問個職員可唔可以分開比。佢話可以。但因為佢唔係收錢個個,當佢同收錢個個女人講個陣(懷疑係老闆),個女人就話「下次唔好比人分開比,有規矩架嘛」,之後仲要做個口型講左句「麻煩」。好明顯只係個女人嫌麻煩唔想找。其實間野好細,而我亦係佢前面正正地望住佢等拎返D錢,所以好明顯佢係有心比說話我地聽。好啦,我之後食完堂食叫左外賣,叫左一雨碗紅綠豆雙併、芝麻糊加湯圓同芒果西米露。我落單個陣好清楚個職員係寫左雙併,隔左一陣個女人問我,係咪叫左紅豆沙,我話唔係係雙併。佢就話:「下我整左紅豆沙喇喎,個職員聽唔到你叫雙併,你要唔要」我就話「下,我同佢講左係雙併...」然後我一擰返轉面背對住佢個陣我朋友見到佢個樣「 miu」口「 miu」舌,最後3碗野收$98... 哇!!!你都唔洗咁貴呀?!丁丁咁細碗仲要唔係滿既你要趕客ok~我以後點都唔會黎食!!! 繼續閱讀
(以上食評乃用戶個人意見 , 並不代表OpenRice之觀點。)