天后叻沙 (已結業)

又係一個加班的晚上. 既然來到天后, 不如就趁天后叻沙結業前吃吃這裡的叻沙. 七時許, 店內客人不太多, 也坐得幾鬆動的.來得這裡, 吃的當然係叻沙.脫脂牛脷叻沙 $49: 7分, 揀了個得獎菜色脫脂牛脷. 湯底有三個選擇, 小弟當然不要那個甚麼纖體湯底, 就要回傳統吉隆坡叻沙湯底. 麵底要了純米, 即係淨米粉. 辣度有四級, 也不好揀完全不辣的, 就要第一級. 每加一級要多加一元, 於是這碗叻沙就要$49.想不到只係要第一級, 個辣的程度已經相當猛烈, 不知第三級會去到甚麼地步? 當然, 幾辣也要喝喝個湯, 偏濃同埋杰, 椰味仍幾重, 都相當豐富的口感. 牛脷質感不錯, 或許不算太吸收到個湯底, 吃上去的味道好像跟個湯不太匹配.這個叻沙其實也不俗. 當然, 跟328還有點距離. 又或者係那種風味吧.另外, 要了杯自家清熱銀菊露救火, $20一杯, 比較貴.埋單$76, 不是經濟的選擇, 但食物係有水準的. 不知是否即將結業, 態度係奇差, 不過看來也不再重要了.…查看更多

終於有機會一嘗聞名已久既 "天后喇沙" 喇~ 一入到去見到呢 D 牌, 以為入錯左一間日本鋪頭, 差 D 想轉身走.... -_-"叫左碗脫脂牛俐喇沙, 喇沙一共有三款湯底同三款麵底選擇, 最後揀左普通喇沙湯底, 同埋 "摻摻" 麵底 (即係油麵 + 米粉), 上檯見到都幾大碗, 又夠晒足料, 大大塊牛俐, 湯底有濃郁椰香~ 但食極都唔明點解 D 牛俐會同 "脫脂" 扯得上關係, 加上本身喇沙就係肥架啦~ 總結: 唔錯唔錯~ :)…查看更多

經常和女朋友行過天后，卻從來未試在天后食過飯，所以決定今晚來到女友一直想試食的天后叻沙吃晚飯。約九時來到，全場滿座，等了約十分鐘左右才有位！看過之前的食評和來到這裡親身體驗，不會奢望環境舒適和招呼週到，總之希望食物好吃就可以了。由於女朋友今日身體不適，二人合共點了一碗脫脂牛纖體叻沙湯底（米粉+組米線）、咖哩牛仔腩配彼得飽、一串日本BB甜薯串燒和一串意式香草燒羊肉。脫脂牛纖體叻沙湯底（米粉+組米線）：牛很腍，有牛味，連不愛吃牛的女友都話好食；湯底頗濃，小辣已經夠辣，不過沒甚麼特別！咖哩牛仔腩配彼得飽：女友覺得很好食，我就覺得一般，咖哩不夠香辣，而且吃不出所謂的牛仔腩和普通牛腩有甚麼分別！日本BB甜薯串燒：女友愛吃，我就祇是覺得D甜薯特別！意式香草燒羊肉：羊肉味很淡，不夠羶，個汁幾特別，女友更覺得串燒內夾雜的青、紅、黃椒比羊肉更好食！P.S.:該店門口已張貼告示因租約期滿營業至八月二十四日，而且並沒有通告另遷新鋪或其他的消息。但回家後和女友研究過，應該不是續不到租約這麼簡單！？…查看更多

同朋友專登去天后拜訪呢間叻沙好彩今晚唔算熱, O係條街等一陣都唔算辛苦等左十五分鐘左右有位同其他人既COMMENT 一樣SERVICE 一般, 而且座位唔舒服, 迫迫夾夾咁想食蟶子又無, 羊仔扒又無, 唔知想點最後ORDER 左豬仔脾叻沙, 傳統湯底, 少少辣唔駛等好耐就到, 味道OK, 夠熱, 夠辣但最弊係間鋪頭人迫人, 冷氣又唔開足, 杯水又唔夠凍一路食一路流汗, 專登走過黎食無失望, 但亦無驚喜門口貼住八月廿四LAST DATE, 要食趁早…查看更多

呢日同越南粉無緣, 蕩0下蕩0下0黎到呢間頗人氣的喇沙小店, 又0黎試試. 呢度的喇沙原來係可以自由配搭的, 連豆漿湯底 (!?) 及「脫脂牛舌」(!!??) 都有, 聽到都怕... 原本想食蟶子, 阿姐又話「無蟶子喎!」, 退而求其次要個走辣清真羊鞍架滲滲 ($48).店內勁焗促, 坐0係水吧旁的勁窄勁 "ung" patpat 座位, 仲等了好一陣子先有得食, 真係頭都暈埋... 先呷啖杰撻撻的湯, 椰味好重, 但只可以話佢係「mustard 色杰身椰汁湯」, 絕對唔算得上係好的喇沙湯, 唔0岩口味; 滲滲即米粉 + 油麵兩溝, 油麵幾彈牙, 米粉好索湯又唔會腍晒, 味道 ok, 叫做無咁單調吧; 羊架有兩件, 點「清真」法真係唔知, 只見面頭鋪滿(索晒湯的)炸蒜粒, 見佢 d 肉咁0既色水, 肉0鞋都預0左, 好在唔算太韌, 加上羊味幾濃 (仲帶點臊...), 味道可以接受, 不過實在太多肥油了... 一向唔介意食肥0野, 但每件羊架都有一大半係黐住晒 d 筋的肥油, 叫人點食? 思前想後, 都係俾 2 分好了.小店裝修骨緻, 不過實在勁焗, 出面成 30℃, 仲要愈來愈多客人, 開大少少個冷氣都唔係好過份吧? 店員們態度一般, 不過最難頂係經常聽到中年女店員及另一位較後生的男店員0係度「唱 K」, 店內的古巨基播足咁耐, 佢0地就唱足咁耐 (仲要幾大聲0個隻), 真係... 雖然呢度唔係高級餐廳, 加上返工吊頸都要抖抖氣, 但俾人感覺唔專業之餘, 亦真係十分騷擾.連加一 $53, 唔貴, 但離開時係 literally 喊咁口, 會唔會再幫襯? 你話呢???…查看更多