天仁茗茶

營業中

休息中

📍新蒲崗Mikiki 天仁茗茶📍成日行過Mikiki都會比呢間天仁茗茶吸引🥲🥲，總係會好想買一杯手搖嚟飲😂😂。今次終於忍唔住買咗杯冰香橙綠！大杯係$35，另外我加咗$5寒天。鍾意飲冰香橙綠係因為佢嘅橙味十足，真係會飲到橙肉絲。加上佢溝埋左綠茶，個味道好夾，令到本身橙汁唔會變得太甜，而係多咗一種茶香。😆😆寒天配果茶類嘅飲品非常之夾😆😆，增加咗就咁飲冰茶嘅口感🤭🤭，值得一試！不過記得要嗌半糖，或者微糖！冰🧊就可以少冰😂😂。

落order諗住嗌杯珍珠奶綠，我只係講得慢咗 「微糖小冰中杯凍」，個店員即刻西面好惡咁話「先生你即係想點」，大佬我買嘢飲唔係受你氣。 其實已經唔係第一次，上一次我等緊落單，喺counter淨係講咗句「唔該想買嘢飲」，（冋一個）個店員又係態度惡劣咁話「先生一陣先」（佢洗緊嘢。  其實講真佢用詞上冇乜問題，但係啲態度真係太差，好似佢先係個客我係服務佢咁。我就話後生仔，假設有啲阿伯阿婆（唔熟悉奶茶店）嚟買嘢飲，佢啲態度真係唔知點服務人。嗰位店員態度真係十分惡劣，整個店舖嘅氣氛差，員工之間幾乎零交流。

係新蒲崗食完飯之後，就行去呢個Mikiki商場行街啦，咁啱經過，原來呢度都有間天仁茗茶，出咗名茶味夠香✨✨🌟🌟！Order完後先發現熱珍珠奶茶同熱珍珠鮮奶茶，不過算啦都叫咗，杯熱奶茶好夠熱🌟👍🏻👍🏻！要比讚(⁎⁍̴̛ᴗ⁍̴̛⁎)

店員態度散漫，想落order 叫左幾次唔該都無人應。特別係店員Sxxw小姐，同你有眼神接觸，知道你叫緊人的，但就係唔應你前面無其他Order, 我order 2杯飲品，等左20分鐘結果出錯，甜度亦不當。913‘奶’茶，微甜....無奶無甜的好采茶味都仲係香既員工既態度令天仁茗茶扣曬分...可惜

口乾乾行開一田見到有天仁茗茶就買杯飲下，放學時間有堆學生買所以要等陣。我要咗杯🍵凍茉香綠茶($16)加珍珠($4)，少冰、五分甜。店員無乜反應，剩係找錢無比單我，我都唔為意搞到唔知單號😑。唔知係咪因為冇單號，所以覺得等得特別耐，雖然係有班學生，但其實都係得6,7條友，我唔明點解可以等咁耐，成20分鐘。店員態度散慢，令人燥底😡。點知一飲令人更嬲，因為五分甜都仲係好甜，珍珠太甜，雖然茶底就幾香嘅。另外，佢啲冰又係完全無少到，飲到尾剩返啲珍珠比冰卡住咗，留意返我唔係2秒飲完杯嘢囉😤。總括嚟講，Mikiki間天仁唔掂，飲品唔係按客人要求整，而且成間店嘅服務都好差下，下次去返第間分店算，呢間唔會再幫襯。同埋佢地整飲品時，好似洗嘢打開咗個蓋定點，我覺得好似有陣焗咗好耐嘅噏味🤢，不了。

Bubble tea places are everywhere nowadays however I always come back to this particular one for its milk tea with fresh milk! Ones stead of making it with fake, low quality and very unhealthy milk powder, there’s an option of ordering one with fresh milk! It was truly a treat! Taiwanese black tea mixed with fresh milk. I usually went for no sugar ( you get to choose how much sugar you want in your drink) as the sweetest of the bubble was enough for me.

係mikiki食飽飯想飲野，就發覺新蒲崗真係好少飲品外賣店。如果熟路既話，一田天仁茗茶都係就腳之選。但我地都唔多熟路，所以上網搵地址，搵左一輪都搵唔到。口味standard 唔特別講，佢鋪頭有張高嘅圓枱比客人放低杯嘢飲企下傾吓計。

和朋友在對面的餐廳吃完晚飯後，打算去一田超市逛一下，點知經過見到有間天仁茗茶竟然有梳乎厘班戟買，咁當然要試一下啦。一共有四種味道，有茶王，士多啤梨，藍莓和鐵觀音，我選擇了茶王，很期待不知道會是什麼味道，不過要等15至20分鐘左右。大約等了20分鐘，終於可以取餐了。班戟好富空氣感，好彈。厚厚的吃下去到嘴裏便溶化，而且好香茶香味，感覺好特別。賣$42我覺得還可以，我相信我下次會再試一下鐵觀音的味道。

天仁分店愈開愈多，曾經有一段時間我好沉迷913鮮奶茶同香橙綠茶，但由於每間分店飲到嘅比例都唔一樣，無所適從，我都好少再飲喇。之前佢地出左個梳乎厘班戟，其實都想試嘅，但又唔係間間分店供應，有嘅分店又離我特別遠。難得今日黎到新蒲崗，仲要見到Mikiki都有，明明要食晚飯都衝啦。913茶王梳乎厘班戟 $42梳乎厘班戟共4款：913茶王、鐵觀音、藍莓、士多啤梨，一律$42。理論上即點即製，但唔知點解我地點單時剛好有一份出爐，就唔洗等。賣相同圖片都有些少出入，珍珠同士多啤梨放喺旁邊，我自己搬番去淡忌廉上面。班戟兩件，不易下塌，厚薄都適中，質地合格，唔會太實在，又唔合好似風一樣，可惜淡而冇味，唔知食緊咩，靠面頭啲淡忌廉搭夠。所謂茶王，只有微弱茶味來自珍珠，早知叫鐵觀音啦。話貴就唔係貴，但味道太普通，冇咩值得試嘅點。

去完新蒲崗拜年之後，小妹我就跟咗老母行街，近近地行咗去Mikiki shopping。因為今年新年太熱啦，所以老母同我就走咗落去一田買天仁。✨嗌咗每人一杯，而抹茶冰沙就係我嗌嘅。記得要嗌抹茶拿鐵冰沙，因為佢地呢杯先係用鮮奶㗎咋。另外一杯抹茶冰沙係用奶精㗎，大家留意翻❗️❗️❗️✨大大杯冰沙🤤🤤🤤對於小妹黎講抹茶冰沙都幾甜，唔知係本身個抹茶粉有落糖定點，店員話無得較甜度嘅☹️☹️☹️而且冰沙未打得好匀，所以都飲得幾辛苦💕小妹我其實好中意飲珍珠鮮奶茶、茶濃、走甜。事關佢地珍珠已經好夠味，所以再加糖水就好甜。大家下次不妨試下。

－ 913茶古早冬瓜茶 7分 💰22 小編真心覺得天仁茗茶既茶底好出色，佢地既913茶王其實係烏龍茶，勁香同埋濃郁，飲落去超級舒服。冬瓜甜度適中唔會好甜。小編勁推薦女士們🚺可以飲多d冬瓜茶，因為有消腫功能，排除身體多餘既水份。同埋，冬瓜茶係眾多珍珠奶茶款式卡路里係最低幾款之一。