天下茶屋 (迎海薈)

營業中

休息中

以前呢個舖頭係一個Cafe，而家變咗天下茶屋，啱啱開張嘅時候試過一次，嗰陣Menu上嘅選擇比較少，今日晚餐選擇再訪。六點幾左右，入面得幾台客，所以即日唔使等。而家Menu上邊多咗選擇，我哋揀咗一個晚餐set：combo丼(燒牛肉加豚肉嘅丼飯)配牛肉薯餅同埋一杯嘢飲。另外仲加咗一個咖喱芝士雞肉飯。所有菜都係即叫即整，新鮮熱辣上枱，兩個飯嘅醬汁都好濃郁，味道唔錯，份量亦都好大，我哋兩個人都食唔晒。牛肉薯餅都好脆，幾好食。飲品叫咗白桃綠茶同埋柚子綠茶，但係兩杯飲品都偏淡，如果可以濃味啲就更加好。呢度環境都好開陽，亦都比較少人食，所以隨便坐喺邊度都得，好有空間感，不過我坐嘅位置咁啱撞正冷氣機滴水，希望餐廳可以注視下呢個問題。

星期日下午五點半到達，有好多吉位，大約得兩成座位有客人。我哋(2大人1小朋友)揀咗落地大玻璃隔離張枱坐， 日照充足🌻🌼，景觀非常開揚，配合裝修日本木質簡約feel⛩️，感覺非常休閒🌴。當時有下午茶set，食品價格非常大眾化， tea set由五十幾蚊至八十幾蚊不等，QR code自助落單，tea set可以加錢叫凍飲，食物質素都唔錯，炸生蠔鮮味鬆脆， 漢堡juicy又鬆軟厚身，擺盤夠精緻，以咁嘅價錢，絕對值得再嚟😍。

假日入到黎烏溪沙，誤打誤撞入咗呢間日式餐廳食下午茶，冇錯，係下午茶，但係係一個正餐嘅份量呢個下午茶餐非常之抵食，而且自住性好高，前菜、炸物、主食都有得選擇，最後仲可以揀烏冬或咖喱飯，完全好似A la carte咁食茶餐👍🏻前菜揀咗螺肉，螺肉大大粒非常之厚身嘅，用料唔錯，之後就係吉列炸蠔，非常之新鮮，熱辣辣，不過蠔肉較細小，不夠肥美，仲有照燒雞扒，雞扒加上照燒汁，煎得夠乾身脆口，最後還有大大碗的咖喱飯，呢個下午茶食完之後晚餐都食唔落餐飲的選擇亦不少，夏日炎炎，加錢叫左杯士多啤梨雲朵乳酪沙冰，雖然要加$32，但這杯沙冰口感豐富，酸酸甜甜嘅士多啤梨沙冰配上原味乳酪，絕對係消暑之選另一份要左較輕量的燒雞扒配薯條，比較之下，大約相差$30，第一個餐性價比較高，輕量茶餐的雞扒只有半件，不過雞扒味道依然做得出色，雞皮烤得香脆👍🏻而第二個茶餐就叫了杯不用另外加錢的餐飲，香桃綠茶，味道簡單清新，都係唔錯嘅選擇

到附近探朋友，喺附近商場搵嘢食，見到呢間喺餐牌、食物同價錢都有吸引之處，即管試試。企喺門口10至20秒時間，店面員工跟我與朋友你眼望我眼，完全沒有半點打算招呼嘅反應；用手勢示意2人用餐，前後被兩個員工分別指向埋面 / 外面坐， 可見場內溝通差劣。整個用餐過程，完全冇聽到任何員工有講過半句禮貌嘅用語，包括入座、落單、用餐及結帳任何部份。食物方面，下午茶餐牌及引力低，因此同朋友揀咗燒咖哩系列，揀時自助order兩款都係標準汁量、甘口口味。兩款同樣汁太少、咖哩味道太淡。燒咖哩芝士吉列豬扒飯 - 吉列豬扒夠厚身，質感外脆內嫰，調味味道微鹹而口味適中。大細蓋過整個飯面，配埋焗熔芝士及溫泉蛋拌勻食，口感豐富。燒咖哩芝士唐揚炸雞飯 - 有五件同樣炸雞，顯得係普通貨色，較吉列豬扒明顯感覺對比下去。炸雞肉質恰好，調味屬偏甜一種，顯得不太融入產品中。用餐環境算衛生舒適，整個體驗上最差的是服務部分。

當日因去迎海附近工作，見店入環境不錯，所以試一試。點了店員推介吉列咖哩豬排飯（$64），入口應覺這裡的咖喱汁跟一般日式咖哩略有不同，多了一些入香料的味道，搭配軟糯的白飯十分美味。而且豬排份量十足，絕對是性價比之選。當日正值平日，午市套餐還有搭配一杯飲料，我選了蜂蜜綠茶，入口甜度選中。店內的菜單選擇亦夠多樣，不論是豬排咖喱飯、雞球咖喱飯等，還是有烏冬，丼飯，poke魚生丼等選項。餐廳的環境也非常舒適，融合了簡約風格，讓人感受到一絲清新的氛圍。相當適合朋友或家庭聚會的理想選擇，絕對值得一試！

餐廳環境對比起其他餐廳嚟講冇得輸，夠闊夠大，起碼唔使同其他人迫。有韓國Cafe嘅七成。服務質素都中規中矩，唔使加一嚟講接受到。另外食物質素，60幾蚊嚟講，我覺得好食，同好抵食，個焗飯仲要即刻焗好鬼死熱🥵，個雞球都好入味好好食，但係硬咗啲。我見好多人都嗌咗吉列豬扒應該都好食嘅，但係今次就冇嗌到。總結下次一定會返嚟幫襯。

上週我造訪了一家名為天下茶屋的餐廳，期待能享受一頓愉快的午餐，然而，整體體驗卻讓我感到失望。首先，餐廳的飯質過於硬實，咀嚼起來非常費力，完全無法帶出應有的米香。儘管配菜的味道尚可，但主食的失誤讓整道菜大打折扣。另外，飲品的價格實在令人咋舌。沒有跟餐飲品，每杯都三十元起跳，全場大家都喝水，與餐廳的整體定位不相符。雖然服務人員態度親切，但高昂的飲品價格讓我對餐廳的性價比產生質疑。總體而言，天下茶屋在菜品的選擇上需更加用心，尤其是米飯的品質；同時也應重新考慮飲品的定價策略，讓顧客感受到更好的價值。期待他們在未來能有所改善。

馬鞍山新開無耐，今日來試下。自選天下丼 三文魚漬、玉子燒粒、蟹柳、粟米、芝麻沙律汁，配熱辣辣白飯，刺身配料凍冰冰，口感不錯，出奇地好食。燒咖喱芝士牛肉飯日焗飯熱辣辣，式甜咖哩配非常大量嘅肥牛片，上邊鋪滿厚厚嘅芝士。照燒雞扒黑松露薯蓉忌廉湯烏冬忌廉湯底充滿着黑松露味，烏冬煙韌，雞扒大大塊外皮煎得香脆。小丸牛乳抹茶抹茶味都幾濃，又有奶香味，小丸子大大粒幾煙靭。朱古力豆腐飲朱古力奶香濃，加咗類似豆腐花，撈埋一齊有幾好味。幾岩口味，小朋友都鍾意，可以再來。

烏溪沙新開的日式餐廳🍴店內裝修過，跟之前的cafe不太一樣挑高的樓底顯得空間十分寬敞太陽光日照充足🌞桌椅擺得疏落環境優美、舒服，適合聚餐店內種了一棵樹😁綠化的概念下午茶餐牌附飲料，多數是麵餐烤汁牛肉拉麵$50這款清湯底偏甜和鹹，另外也有咖哩湯底可選牛肉薄片份量蠻多的，還有煮爛的洋蔥麵條是細拉麵，軟硬適中平日下午茶時段不算多人勝在用餐環境好，午餐和晚餐的選擇亦蠻多的掃描QR code線上落單全日不設加一服務費

安排混亂：其他食客要求調位，但忘記安排新位置QR code，導致新入座食客出現前食客order餐點。店員服務態度其差無比：明明係前食客order餐點，會老屈係你落order，要求更改，會黑你面發晦氣。衛生意識不良：店員冇戴口罩情況下，會係傳送食物時不停係食物上講野，情況噁心。食物質素尚可：經歷以上三點，本已無心情進食，唯食物質素尚可。不過飲品性價比低，完全唔值個價。如果鍾意貼錢買難受，不介意進食店員飛沫之食客，可以一試。