天下茶屋 (置富第一城)

營業中

休息中

翻開了天下茶屋嘅Menu📖，我嘅眼球直接被咖喱豬扒飯吸引著🤩。豬扒炸到金黄香脆，搭埋咖喱嘅濃郁，香辣交織下，令人嗌'正'！分量嘅話，真係得啖嘴飽😋。轉個頭，再睇吓個溫泉蛋牛肉丼，牛肉軟嫩入味，喺溫泉蛋嘅滋潤下，咀嚼間牛味四溢，真係好夾！茉莉香茗則用嚟清新一下口腔，啱晒！睇番啲學生仔姐仔們，大家都面帶滿足嘅笑容，我同朋友都忍唔住笑出聲。整體嚟講，呢度嘅食物賣相精緻，分量同質素都拍得住板，真係值得一試！啱晒想搵啲抵食之選嘅你，推介👍！親民嘅價格，滿意嘅味道，加埋侍應嘅親切笑容🙂，我保證，呢間茶屋絕對唔會令你失望！下一次，我一定要再嚟試多啲佢哋嘅手打食物！👅💫

係呢間餐廳試咗幾款簡直得嚟又撩味嘅咖哩飯，同我一齊嘅食友們都嗌得口水直流。首先，攞起叉嚟啜兩啜嗰吉列豬扒咖哩飯啦，多汁嘅咖哩湯汁攪拌入米飯，真系惹味到一個點。豬扒炸到金黃脆口，Q彈嘅肉質同嗰甜甜地醬汁真係夾得好，真系吃出個「滿足感」。跟住又有燒咖哩芝士唐揚咖哩飯嚟挑戰我嘅味蕾，個芝士層拖住曬啲滑嫩唐揚雞塊，濕濡嘅咖哩飯配上熱辣辣溫泉蛋，真系一絕。芝士拉絲得嚟啱啱好，唔誇張；咖哩呢，有種淡淡嘅辣同甜絲絲嘅杯具味，千祈唔好以為我食唔慣，只系口感上想佢再濃烈啲。最後呢，我哋試咗下煎野菜豚肉餃子，呢個係我個人新歡。個皮煎到佢外層香脆，豆豉味道香噴噴，豚肉餡料鮮美得滴，每啖都令人一試鍾情！🥟總括來講，食物份量慷慨，價錢又合理，令人食到飽咁都唔心痛，呢度真系人人有份嘅美食天堂。🍛👌🏃‍♂️下次一定會再嚟，要挑戰下啲其他菜式！

裝修和音樂吸引我們內進，餐廳音樂選曲配搭日系風格裝修，環境舒適，氣氛輕鬆。自選天下丼，這個菜式可以自選不同的配搭，今次選擇了三文魚漬、青瓜粒、粟米粒、菠蘿粒、玉子燒粒、和柚子有醋汁，這個配搭清新可口，食物切粒厚度適中，令到有足夠的咬口。溫泉蛋生薑燒豚肉丼溫泉蛋烤汁牛肉丼飯量相當充足，即是成人吃了一半已感到很飽，溫泉蛋和適量肉汁而令飯味有提升，肉量也相當多，薄切令食客容易入口。餐牌上的飲品10分吸引，我們點了三杯不同的凍、熱飲，可惜味道比預期訊息，抹茶味淡如水，寒天或白玉等未煮頭，令到整杯飲品平平無奇。

我和同事路過沙田第一城要搵個地方坐低視象開會，見呢間餐廳冇客靜靜地就坐低(鋪外的一張枱)，我order咗一杯嘢飲，我已經問過女職員我可唔可以坐低飲，佢話可以，之後我同事返嚟一齊坐低，女職員過嚟要求佢都要order一杯(有min charge)，因為趕住要開會，我地同佢講會稍後order。5分鐘後(開會途中)，另一個男職員好唔友善咁攞埋menu過嚟催我地落order，要我地點食物，我地話宜家開緊會，之後會即刻order番，佢話唔得，要即刻點，佢好冇禮貌，好似欠咗佢咁，我地開緊視象會議，雖然好唔gur，但唔想同佢糾纏，同事唯有快快脆脆點餐，唔想佢又嚟煩住晒。1分鐘後，正當同事選擇緊食物時，男職員又過嚟話要進行場地清潔，要我哋兩個立即離場，唔可以繼續留低。嗰刻心諗咩料，但因為要繼續開會，冇得同佢理論，唯有好狼狽咁執拾隨行物件轉移陣地繼續開會。事後諗番成件事都幾離譜，竟然可以咁樣對待客人，趕盡殺絕...呢單嘢不吐不快!

⭐️火炙帆立貝湯烏冬($84)選了黑松露薯蓉忌廉湯，非常香濃，煙韌烏冬掛滿湯汁，入口滿滿黑松露味，加上肉質彈牙的帆立貝，獨特味道令人上癮！⭐️火炙芝士厚打漢堡扒野菜咖哩飯($104)漢堡扒咬下去肉汁豐富，很有口感，芝士焦香，蛋香嫩滑，最特別是日本咖哩有夠辣，漢堡扒與咖哩🍛 相輔相成👍🏻，加上清爽配菜，是有驚喜的體驗！⭐️蟹籽青瓜沙律($32)青瓜絲份量十足，新鮮爽脆，蟹柳絲加上蟹籽，口感清爽又鮮味！抹茶豆腐飲叫了少甜及走冰，甜度適中！豆漿與抹茶非常絕配，豆腐拌勻後入口嫩滑！菠蘿蘋果寒天乳酸可以不試，不合我口味⋯⋯

今日去開沙田第一城探個朋友，跟住我哋就之前諗住食少少嘢先返屋企就去咗呢一間叫做天下茶屋嘅日本小店度食下午茶，餐廳位置都唔會太迫，而且好彩等候時間都唔係太耐，我同朋友去都即刻有位，我就叫咗一個蝦嘅烏冬，配料，其實仲有日本魚蛋同埋粟米，呢個價錢嚟講其實份量都算正常，有四隻蝦，每一隻蝦都算爽口彈牙，而且本身有煎過，都本身諗住以為得嗰兩隻，有少少驚喜嘅呢個位，反而烏冬就冇乜特別，不過勝在份量較多下午茶嚟講都算幾飽！

我去親第一城都係為左睇醫生，唔會行嚟呢邊D商場，估唔到都有唔少餐廳。今次揀左間偽日式小店，貪佢晚市無加一，同埋重點可以食到芝士加咖哩😂自己揀左個，燒咖哩芝士牛油烤雞扒辛口咖哩飯$65芝士份量好多，而且拉到好長絲，望到都好興奮!!我食三哥三小辣都嫌辣，但呢個辛口咖哩對我嚟講完全唔辣😂。雞扒已經切件，方便食用，無腥味，正正常常；白飯係珍珠米，有咬口。吉列豬扒辛口咖哩飯$62豬扒夠厚，不過無乜肥，食落較乾同柴。蒲燒鰻魚帆立貝溫泉蛋丼$76屋企人話個珍珠米好硬唔夠濕潤，加上明明寫左要多汁，但無多到。炸薯條配黑松露蛋黃醬$32薯條即炸出嚟，又熱又脆。個醬太甜，個人覺得就咁食薯條會好D。唐揚炸雞$34/六件呢個都係即炸出嚟，熱辣辣；外層夠硬身、夠脆，不過炸過左少少，有D介口。寒天柚子綠茶$16 (跟飯價) 香桃白玉綠茶$17 (跟飯價)前者用柚子茶沖出嚟，無乜特別；寒天幾有咬口。食左5樣野，共$302，人均一百，晚市嚟講唔算貴。

平日晚飯時間唔需要等位👀Menu選擇多；用QR code落單，好快有得食😋-吉列豬扒咖哩飯 甘口 $62個飯黎到嘅時候覺得咖哩汁好稀，好驚唔夠味😵‍💫點知加埋白飯味道岩岩好👍🏻吉列豬扒嘅炸粉唔厚，咬落脆口；豬扒肉質都夠firm。咖哩汁嘅配料有細細粒嘅薯仔同蘿蔔，撈撈下就會不知不覺咁食哂全個飯。🤭-燒咖哩芝士唐揚咖哩飯 甘口 $65會嗌呢個係因為佢餐牌幅相好吸引🤩黎到都圖文相符嘅🤭4大舊炸雞加上微焦嘅芝士，仲有大大隻溫泉蛋係中間！可惜我每次食溫泉蛋都會肚痛，隻蛋就交左俾朋友🤣佢表示溫泉蛋無過生/過熟，撈飯一流，並且食完無肚痛🤣佢個飯底係炒過嘅咖哩飯，我略嫌味道偏淡。炸雞有少少炸過龍，有d柴皮，但入面尚算juicy！-呢間餐廳嘅份量都大份，最尾都食到捧著個肚離開🥳

⭐️ 溫泉蛋豬軟骨丼 豬軟骨的份量足夠且入味，口感軟嫩，加上芝麻的香味，味道很不錯。丼食搭配溫泉蛋，整體嘅配搭好合拍。 飯嘅份量相對較多，連同配菜食完之後仲剩低大半碗飯。 如果鐘意食較少份量嘅話，可以選擇啲細份量嘅飯。⭐️ 燒咖哩芝士唐揚炸雞飯 係呢間餐廳嘅拿手菜。 一上桌時碟子非常熱，呢個燒咖哩係成個碗一起放入焗爐烤製嘅。 咖哩味道濃郁，偏向日本咖哩口味，有點甜而不辣。 唐揚炸雞嘅表現都好正常，份量好大，共有五塊炸雞，而且芝士都成功咁拉絲效果，分量都唔少。 最後，飯同其他配菜一起搭配，口感豐富。⭐️ 寒天蜂蜜份子綠茶 一款普通嘅蜂蜜綠茶加上寒天嘅飲品，冇乜嘢特別之處。 如果要加錢先可以飲，就唔值得推薦試。⭐️ 煎椰菜豚肉餃子 煎椰菜豚肉餃子嘅份量比較細，感覺似係喺超市買嘅餃子。 煎完後放在碟子上比較濕潤，唔推薦呢份小食。📍天下茶屋 Tengachaya沙田銀城街1-2號置富第一城地下G59A, G60A, G60B號舖Shop G59A, G60A, G60B, G/F, Fortune City One, 1-2 Ngan Shing Street, Sha Tin

本來預約左時間自取，點知一㩒order就出餐，咁預設時間來做什麼？已經不是第一次，前次都提交過意見；對上一次order，專登打電話提他們不要馬上出餐，勉得食物凍曬！今次又係咁🤦🏻‍♀️因為係姐姐送飯到學校比小朋友；上幾次分幾次order，諗住可以分一袋袋裝，點知佢見同一個人order 都係裝埋一袋過🤦🏻‍♀️ 今次打電話請他分每個飯盒袋，話分開裝每袋要加收$3😱

由於公司係石門，一直唔係石門食，就食第一城既 #牛奶冰室， 今日又黎到第一城， 最後決定去試新野🥰到達時12:30 已經有一條長龍排隊，中午一眼望入去大部分都係中小學生，見到佢既Menu價錢由$58-88不等，有咖哩飯、咖哩烏冬、魚生丼，外賣仲有便當叫😃.🔸咖喱豬扒飯 $62 熱飲免費🔸咖喱可以選擇甘口或者辛口，今次我揀咗辛口，我覺得有啲辣咗少少，但係整體嚟講都好好味，炸豬扒好夠份量，好大塊又夠熱辣辣，佢跟餐嘢飲有蜂蜜綠茶、茉莉花綠茶、以及其他茶飲，可以選擇少甜，我選擇咗茉莉花茶少甜，飲落唔似出邊外賣嘅綠茶，都係偏冇咁甜～唔錯！🔸溫泉蛋牛肉當 $65 包熱飲🔸一黎到男朋友已起緊筷，我完全影唔到相😂😂不過我都有食過，佢嘅份量都好多，牛肉都係日式牛肉丼飯咁，比吉家既甜啲，唔太膩口，不過我男朋友都食唔晒，所以個份量一定好足夠，佢呢個價錢、質素再包嘢飲，所以都好受學生歡迎😃👍🏻天下茶屋 (沙田)沙田銀城街1-2號置富第一城地下G59A, G60A, G60B號鋪整體黎講：推薦度4/5抵食度 4/5份量 4/5.

【沙田區】【天下茶屋】有好多讀者都唔知我住邊，其實我係住沙田嘅，不過我真係好少喺沙田食嘢，大家見我啲 post 都知，係咪好諷刺呢。而好多近年認識嘅朋友都覺得沙田好易迷路，其實可能我喺度長大，我又真係唔覺得，睇吓係邊個位啦。就好似之前有位女僕店負責人同我講，話沙田第一城交通好麻煩，我即刻打斷咗佢，哈哈。東邊可以行西沙路去西貢，西邊可以上城門隧道入荃灣，北邊係吐露港公路，南邊甚至「叫四飛」，視乎去邊，根本就係四通八達。就算係三十歲之後仲需要依賴公共交通工具嘅人例如我，都可以喺呢四個方向有巴士、地鐵直達，好少要轉多過兩次車。交通雖好，但食物就確實慘淡，可以話係冇啖好食。適逢新開咗呢間日式餐廳，我就嚟食吓佢睇吓點啦。第一次去叫咗個下午茶「特盛拼盤」，有「火炙芝士厚打漢堡」、「田園沙律」、「金菇燒牛肉卷」同埋「芝士玉子燒」，飲熱嘅「牛乳抹茶」夾埋 $65。味道上真心唔差，每件嘢都各有風格、特色，輕食算唔錯。第二次去我就食午餐「牛油烤雞野菜咖喱飯」，可以揀辣或者唔辣，我就揀咗唔辣嘅 本身 $56 再加 $19 轉嘅「黑松露蛋包飯」先係我想食嘅嘢，不過只係似一個黑松露炒蛋，冇乜好感，反而個咖喱唔錯

外賣炸雞咖哩飯，返到屋企，打開盒飯，發現唔同左，飯好似多左，咁滿嘅，心諗發達喇！咁Q肚餓又多左飯……正啦！望多兩眼，喂！雞呢？擺明煮同執嗰個都玩我啦，個外賣蓋透明嘅，點會睇唔到冇雞呀！又唔係初一、十五，唔好要我食齋啦！

勁後悔，一定唔會有下次！😢本來想去上層嗰間日本餐廳食，不過今晚想試吓新嘢於是入咗嚟，點知喺伏。😢首先坐得唔舒服，張二人枱細到死，枱面放埋餐具盒已經冇乜位剩。最大問題係啲嘢嘅食質素勁差，真心講，從未食過咁難食嘅日本嘢！😓我哋叫咗牛肉湯烏冬，份量少、賣相唔得仲要啲湯甜到似糖水。連鎖快餐店的湯麵都好食過佢哋。餃子喺我必定會叫嘅嘢食，望落去好似okay，咬落去餃子皮有啲又濕又淋嘅感覺，食落去更加係冇味嘅。😢個日武炒雜菜仲恐怖，似灼菜多啲，應該改名叫「日式烚菜」。好聽啲就係冇油健康烹調，正式講就係乜嘢叫炒到唔識。（睇吓張相就明晒）三文魚瀆雜菜沙律係今餐唯一最正常嘅嘢食，除咗啲黑糖醋甜咗少少。呢個係成餐叫做okay嘅嘢。最係牛油雜菌帆立貝，無論睇落去同食落去都係麻麻哋。同個炒雜菜一樣，冇乜油水，味道又淡。餐牌上面英文菜名有（stir fried) 表示係炒，但中文菜名冇表示係炒，同我食開嗰啲牛油焗帶子，差好遠，仲有呢度啲帆立貝好細粒。😢講到尾，雖然好似様樣嘢都唔係好貴，不過最後人均都要$105。重點係：好難食，連我partner好少話啲嘢難食，都覺得接受唔到。😢😢我覺得太難食，冇乜點食到，返到屋企

芝士炸雞飯（$65）連飲品平日中午呢到有唔少學生嚟食 都要排一陣隊先入到呢個飯都有五件炸雞，外脆裏面都算juicy有肉汁 最吸引嘅係飯上面有一層拉絲芝士 撈埋溫泉蛋食非常開胃 咖哩就不過不失~