天一閣 (已結業)

聽說這裡既大廚曾經喺某某名人食店工作過，同一個師父既廚藝平時去食都閒閒地2，3千。而家佢自己開業，所以今次有口福啦，平民點既價錢已可食到2，3千既質素😊。我地一行十多人去試左佢地既套餐，平均人頭5百多元，真係好抵食呀😍😍而且裝修環境都好靚。套餐有好多款食物，當中我至欣賞既係花雕蟹，蟹肉鮮甜，個汁又唔會太濃撈碗白飯真係一流😋。鹽焗雞又嫩又滑又入味。花胶烏雞湯令我好回味，個湯好足料，火喉十足，而且花胶都幾大件。第一次食西關义燒，味道比市面一般蜜汁义燒好唔同，味道好特別，加上是我最愛的半肥瘦，實在大愛，忍不住食左好多件😆。其實樣樣都覺得好好食😄已期待下一次再光臨👍…查看更多

背景：好朋友J隊長構思成立美食會（絕對邪惡），先搞一次特別聚餐，呢間餐廳係新開Ｏ既，由飲食達人R大哥安排下，響佢試業期間率先品嘗。地點響鬧市之中，但正常情況下一定搵錯，要先由街舖上一間樓上打邊邊餐廳，再上多陣先到達~大約十張枱左右，當晚連我地在內只有三張有人坐。當晚自攜酒水，我就帶O左支Pol Roger Reserve Brut NV ，支香檳本身特色係汽泡夠勁同果酸味突出，配餐前菜一流，食啖臘肉再飲一口，嘩~酸味昇華做甜味，成枱朋友個個叫出黎!陳村粉本身都係上上之選，口感軟滑唔黐牙，米香味濃，索埋花雕酒汁，入口唔捨得吞。其他仲有水晶蝦球呀～紅棗糕（一定要熱食）同埋花雕甜酒等等～真係難忘Ｏ既一餐。只能用精彩黎形容，希望正式開業後可以維持到水平，必會重臨呀～…查看更多

一班廿幾年老友,定期有生日飯局,周圍去食野,價錢有平有貴啦,今次有人提議試下天一閣,咁就出發,個人認為現場環境都算優雅,一個幽靜環境對於呢類私房菜飯局好緊要,所以加左分先,到正式上菜,真係道道菜都有特色,經理每上一道菜都講個大約烹調過程,食材用料等等比我地聽,真係每個菜都有個故事,而十多道菜之中,我最欣賞首推花雕蟹,陳年花雕甘香夾個蟹的鮮味係一絕,跟住個自制煙薰腊肉又係無得頂,肥瘦適中口感一流,個西關叉燒又係,重有個叫葵花斬肉,係用雞湯伴住肉丸,入口溶化,唔親自試過真係好難講得出個感覺,其他如海鹽焗雞,日本清酒浸蜆,蝦子蝦油拌麵等都好好食,不得不提就係佢地有個飯後中式甜酒,叫黑糖紅棗花雕飲,好鬼頂癮,有機會大家去試下啦,整體黎講我非常滿意,食得出廚師份心機同誠意,確實係難得的私房粵菜!…查看更多

今時今日, 能夠吃到傳統粵菜的地方已經越來越少. 天一閣這家店子, 就供應了不少傳統粵菜, 而清而不淡, 濃而不俗, 平常真味為主打. 這天晚上的盛宴, 令人難忘.酥炸魚苗櫻花蝦伴醃菜前菜是酥炸魚苗櫻花蝦伴醃菜, 香脆的魚苗, 配上香口的櫻花蝦, 再加上醃菜, 很有誠意的餐前小食.金錢蝦餅三款頭盤皆是不常叫的項目. 金錢蝦餅結合了蝦肉, 冬菇, 檸檬葉, 以及冰肉, 跟金錢雞有點相像. 香脆的蝦餅, 肥美的冰肉, 但入口不覺油膩, 因為是檸檬葉的幫助.西關叉燒我很喜歡吃叉燒, 但一向吃開的是蜜汁叉燒. 西關叉燒又如何呢? 原來是帶很重的三豉味, 特別是豆豉的味道, 味道不會是蜜汁那麼的甜, 更能吃得出叉燒的原味.葵花斬肉賣相平平無奇的是葵花斬肉, 即是獅子頭, 但這客肉丸是相當鮮嫩的, 帶雞湯的清香, 肉汁豐盈, 高水準.霸王別姬霸王別姬, 好像有點苦澀的名字, 其實即是花旗蔘燉水魚烏雞, 對, 味道也帶點甘味, 有很重的花旗蔘味道, 水魚跟烏雞只是配角.濟公羊腩愛吃羊腩的朋友, 這客濟公羊腩是必吃的, 肉質相當鬆化, 入口反而沒有羊羶味, 而是吃到羊肉的味道, 加上腐竹, 鮮淮山, 馬蹄, 以及冬菇, 足料, 入味, 跟上生菜同吃, 無得輸!蟹肉長遠下一道菜是蟹肉長遠, 也就是炒粉絲, 炒得很有鑊氣, 蟹肉味道鮮甜, 粉絲亦幾乾身.狀元鴿狀元紅配上乳鴿, 就變成這客狀元鴿了, 那陣花雕酒香是相當香濃, 入味, 而且鴿肉肉嫩, 跟燒乳鴿相比, 是各有特色的.胡椒蟹至於胡椒蟹, 平日吃開的版本是偏辣的, 但是晚吃到的, 胡椒味道香濃而不太辣, 不會掩蓋了蟹肉的鮮味, 記得不要錯過蟹鉗, 是最有胡椒香的部份呢.鴨汁燴柚皮巨菇鴨汁燴柚皮巨菇, 柚皮處理得很好, 鴨汁入味, 配上大大隻但軟腍的巨菇, 令人滿意.雪嶺紅梅這次雪嶺紅梅是米粉, 蛋白, 配蟹粉. 蛋白很滑溜, 但蟹粉不是太新鮮.蝦籽蔥油拌麵單尾的是蝦籽蔥油拌麵, 彈牙的麵條, 走鹼水味, 把蝦籽以及蔥油撈勻, 自是很美味.蓮子花膠糖水甜品方面, 蓮子花膠糖水味道滋潤, 份量小巧的, 就算很飽也吃得下.紅棗椰汁糕也來一客糕點, 就是紅棗椰汁糕, 帶椰汁的甜, 以及紅棗的香, 煙煙韌韌.是夜能夠在天一閣吃到不少精彩的傳統粵菜, 真難得, 是值得支持的, 特別是葵花斬肉, 濟公羊腩, 西關叉燒, 以及金錢蝦餅皆是難得吃到的高水準菜式!…查看更多

妹妹請我食生日飯，我提議上網隨意找一家近妹妹家地區新食肆，睇openrice食評已覺菜式是用心制造，試完後我倆都感覺驚喜，因為祇有2人份量菜式，要符合到妹妹嘅高要求是很難的，好驚食完後給妹妹怨對，兼且現在香港租金貴，人工貴，食材貴情況下，食肆很難做收支平衡又要令顧客滿意欣賞的。現時出街吃一餐飯也不能有太高要求，因為食肆老板長蝕也不能生存下去的。我倆開心菜式除左味道清香及注意客人健康：燉湯堅持不加味精，不加雞粉，連塩都似無落。最欣賞師傅用心制作每款菜式及想將傳統菜式重新增加創意，這是老板與員工齊心堅持合作表現。“葵花斬肉”就是一個好例子，堅持手刴豬肉搓圓後先炸，再用雞湯蒸燉7小時，揭蓋即時香味十足。食落口完成食唔出有炸過感覺，豬肉溶化嫩滑。用25年花雕蒸花蟹配上陳村粉，初食一口已盡索酒香蟹香嘅陳村粉，即時將食花蟹次序推後，要再夾多幾塊陳村粉。希望下次嚟25年花雕仲有，未俾食客享盡。據部長說老板由大陸訂左6大埕到港，現在已用去一大酒埕，春節過後可能已經無貨嘞。因為得2個人，不能試到太多菜式，下次一要試食茶薰BB鴿，雞，羊腩...值得一試。…查看更多