影片
付款方式
座位數目
30
其他資料
Wi-Fi
酒精飲品
外賣服務
加一服務費
室外座位
電視播放
以上資料只供參考, 請與餐廳確認詳情
以前幾乎晚晚都幫襯鹿鳴居外賣，因為方便、快捷、好味道囉。最初諗住飲飽酒回家時先買外賣，但朋友們要請一齊食晚飯，好好好，無所謂。白灼東風螺，壯陽大補螺 ﹗早前幾次都細隻到死，十足花螺那麼細，最初還以為比錯添呀，失望。罕有難得收到巨形東風螺呀，依次仲唔吐氣揚眉﹗新灼起滾熱辣，時間拿捏得非常好，螺汁水潤澎湃，甘香甜美，螺頭脆脆、螺身彈彈、螺尾綿綿，三種味道夾三種質感，超級無敵鮮甜，再沾上甜醬辣椒醬，美味惹味到拍爛手掌，食到停不了﹗生炒骨，鑊氣非凡熱騰騰，果然夠骨感，骨多肉少。外層炸到脆卜卜，炸得太乾，包著硬肉，索汁夠強勁，酸酸甜甜都醒神醒胃的。我覺得配菜紅椒青椒更好味，爽甜清香多汁喎。滷水鵝半隻配豆腐底，都話要大豆芽底咯，唔要豆腐呀 ﹗到底老闆娘係您飲醉，還是廚房師師醉呢，激死我，唯有照食啦。炸過的硬豆腐，外皮香口，白肉實淨帶豆香，點辣油或滷水也不錯。部份位置做鵝片，切成黃金比例，肥美嫩滑瘦肉黏著少少彈滑膠黏的鵝皮，香料滷水清香脫俗，不濁不咸不單調，肉汁強勁，質地豐彈性，不乾不硬，高水準的食材。我夠喜歡連骨的鵝件，損骨輪骨最好味又過足癮，鵝甜味更突出，香料味更霸道，滾酸醋好、滾辣油都好，依舊讚不絕口。淨食好，配白飯食都好，忘我地消滅殆盡。滷水鵝片配大豆芽底，終於都記得要大豆芽，唔要豆腐喇。其實因為豆腐太滯太飽囉，而且大豆芽爽甜多汁更加好食麻。蒜蓉芥菜膽，翠的芥菜膽，燙燙地放入嘴仔，先爽後腍，爆開 ﹗菜汁射滿舌頭滋潤整個口腔，甘甜無比，不苦不澀，清香帶蒜辛味，好好食啊﹗蠔仔肉碎粥全走，洒點胡椒粉點綴一下，起動 ﹗粥底甜美可口，散發鮮蠔香氣，還泛著豬肉甜味。飽滿肥嘟嘟 BB 蠔仔雪白彈滑，爆開全是甜味蠔汁，極有快感。滾滾的連湯連飯帶肉帶蠔灌入口，百味交錯，好好好﹗久違的蠔仔粥全走，老闆真識講笑，全走？咪剩返白粥囉？咪玩啦，走蔥走芫茜乍，嘩哈哈。馬拉盞油麥菜，爽甜的油麥菜夾雜著香辣馬拉盞，索油而味濃，濃中又有著清甜，大注大注熱熱品嚐，多汁又可口。蒜蓉粉絲蒸扇貝，跟蝦一樣蒸太耐，乾硬有齊，幸好味道鮮甜啫，跟蒜蓉粉絲掃入口齊齊趙，不過不失。蒜蓉蒸開邊蝦，奇怪地不見豉油的踪影，不需豉油的嗎？查詢一下，老闆娘話已經夠味架喇，如果要豉油都可以。我就覺得洒上頭抽會更香、更鮮、更甜囉，不過都係算啦。蒸到過晒火，浪費新鮮游水蝦喇，鞋硬的肉質，味道蒜香甜美，仲有少量甘香蝦膏啜下，比您合格啦。西蘭花炒鮮魷，非常有鑊氣的小炒，就連西蘭花都爽脆甜美熱辣辣，不會腍劈劈。鮮魷鮮味強烈，咸香吸引，爽彈滑脆樣樣有，跟西蘭花掛埋芡汁食，更加美味。椒鹽九肚魚，炸得燶少少，程深啡色，煎炸油膩味濃厚。整件啪入口，連骨都食埋，外層香脆包著嫩滑魚肉，鬆軟滑潺潺。估不到如此樣衰，但好有內涵喎，食得過。茄子牛仔骨，鹿鳴茄子一向米芝連 3 星，世界知名。綿滑不散不腍劈劈，吸盡肉汁醬油，燙住嘴食最驚喜﹗牛仔骨肥美不油，椒味清香不辣，鬆鬆腍腍的肉質可以接受，搭上茄子即時加分不少。炸大腸，大腸皮之麻，染得橙色的外皮鬆化，但裡面無膏無汁無肉，醃味重手，實在太咸喇 ﹗碌上大量甜酸汁都掩蓋不了。白灼游水海中蝦例牌，足秤有 10 兩喎。新鮮度不能置疑，大大隻夠份量，爽彈多汁，淋上辣椒油簡直天下無敵。鮮蝦味超凡突出，蝦頭滴著蝦膏甘香可口，被我啜得一乾二淨。價錢真係偏高，不過合理。韮菜豬紅，最緊要夠熱，凍左會有點咸呢。滷水湯香濃，浸得豬紅入味不腥嗅，外彈內嫩，水潤滑滑，無投訴。夾埋爽脆韮菜塞入口，更加滿足。
繼續閱讀
一家大細入了大埔賀表妹入伙，參觀完新屋就搵食，因為無訂位，所以早啲去，去到唔使等位，普通中菜小廚格局，地方略殘舊，一般潮洲有嘅食品都有，落單後初期食物好快到，後段加單嘅，因為爆場遲遲都未來！最後要截單！白灼東風螺（$78）肥髀最愛，螺肉彈牙！點辣醬甜醬惹味好食鹵水鵝拼墨魚（$130）鵝肉鹹香唔嚡，墨魚彈牙！韮菜花炒鮮魷（$85）我唔食韮菜花，鮮魷爽脆白切雞（$80/半隻）雞賣相唔錯，不過雞肉較嚡！一般金銀蛋莧菜（$68）三色蛋落得多，皮蛋黃沙沙，蛋白彈牙，鹹蛋鹹香，莧菜爽口，索湯一流！菜脯拼大腸（$80）大腸鹵得入味，無壓味，彈牙好味，菜脯較鹹，又偏硬，喜歡嘅叫有咬口，送粥幾好！墊底大荳芽爽口！索晒汁好味白粥：潮洲粥唔係綿身，米粒多，不過唔夠熱！微暖（😞）蘋果汽酒：罐裝汽酒！食到尾，仲有兩款菜未來，最後問咗兩次都來唔到！所以放棄！沙嗲金菇肥牛煲（$90）三色蒸水蛋（$80）食物幾好味，可惜上菜慢，我哋本來唔趕時間，但加單嘅菜，等到乜都食晒都未來，叫店員入廚房跟，跟完都係無，佢哋態度又唔係差嘅，不過整間店嘅效率在爆場情況下負擔唔到！仲要開埋店外商場走廊嘅枱，店家係唔係要計下廚房有無能力應付呢？表妹男朋友請客！唔個實數幾錢
繼續閱讀
昨晚才第一次到朋友介紹的大鹿鳴居潮州飯店，一心以為沒有甚麼特別。誰不知道一試難忘。點了小羊腩煲，蠔餅，鹵水拼盆及例湯蓮藕龍骨湯。本來從不打算寫食評的我不單忘了拍食物照，更是一口氣和朋友把所有食物也淸了。老闆吳生吳太由大牌檔到入鋪經已十多年，明年便是他們四十周年結婚紀念，他們說出品及服務一定要堅持。先說羊腩煲，雖然叫小的但也滿滿的，羊腩嫩滑不羶。湯底十分惹味餸飯一流，蠔餅乃吳生手本，一大碟蠔多餅底薄又鬆化，加魚露簡直絕配。鹵水沒有失準，正宗潮州味道。倒是例湯蓮藕甜加大大舊有骨髓的豬骨。湯清味美。星期五晚九點後仍差不多滿座。這是有實力的表演。那怕樓股升跌，好味好吃的食物永遠有Fans.下次一定要為食物拍照。
繼續閱讀
天氣急劇轉涼，一起身需要食熱野暖暖身 ，便落街覓食，無頭緒就隨意行，咁岩經過開左幾個月既鹿嗚居睇下早餐有咩食時，就比入面好熱情既侍應姐姐介紹叫入去坐，橫惦無頭緒就試試吧，早餐都算多選擇，麵類已有好多款鮮奶麥皮餐，$27叫完後，唔使5分鐘已經有得食，有麥皮，單拼三文治，連熱飲，餐牌講既鮮奶麥皮變了花奶麥皮，麥皮煮得過'結'，似食緊糊仔，三文治揀了芝士，係茶餐廳飲咖啡已無咩期望，但呢杯真係過酸，飲唔落
繼續閱讀
很久沒有吃過潮州打冷。雖然我們不是潮洲人但鹿鳴居是家父生前很喜歡吃所以常常陪他去由海寶花園開始到現在的地方。我當日在附近整頭髮所以未夠五點就去買外賣回家。四點幾打冷檔仲未開好事頭婆問我想要咩睇吓搞師傅掂未我要了：潮州三寶~即炸花生、菜圃、酸菜。我老公同工人都話炸花生很香脆。菜甫較咸如果用來送潮州粥應該剛好。我的至愛是酸菜這店做得非常好吃。鹵水雞腳~雞腳和花生也炆得十分入味和軟不太咸。鹵水豬手~炆得剛好有咬口又不過硬。鹵水墨魚鵝腸~墨魚、鵝腸皆爽口墊底的大荳芽很爽脆。鹵水鵝加頭頸~一向不愛吃鵝片反而愛吃連骨的鵝件鵝頭頸尤其是我們的至愛鹵水入味鵝肉鬆軟。
繼續閱讀