大飯糖甜品小食 (錦田)

營業中

休息中

第一次叫呢間分店，試左心太軟配榴槤雪糕🍦榴槤味好重，味道特別叫左杏仁茶燉蛋白，都唔錯，叫左個小食川辣單骨雞翼，好惹味，仲有花膠碗仔翅，唔會好稀，幾足料整體都唔會失望既甜品店

錦田天空之城真係好適合下午茶既地方，最近很喜歡哩間寧靜既田園風cafe, 而且有免費泊車係門前，岩哂揸車人士，超方便。食物選擇都幾多，炸雞翼 同肉醬薯條， 椰青果凍都係必食之選，基本上每次黎都會點，最正係佢地既咖啡 都會配一個咖啡味嘅軟雪糕 超濃郁 好好味😋推介

午餐由前菜、主菜、甜品都可作不同配搭，食物選擇多，甜品美味，咖啡亦非常出色！係一間很用心的店！店員又非常nice! 當年疫情，很怕這間咁「隱世」小店捱不住。幸好最後都捱過了！午餐選了「輕食午餐」，但份量絕對足夠。頭盤選了羅宋湯，主食是日式咖哩配單骨雞翼，雞翼十分香口。另配小丸子芝麻糊，完全滿足了食正餐又可食甜品的慾望加錢配了鮮奶咖啡，隨啡送上了雪糕。整個午餐十分出色。甜品menu選擇十分多，下次會主要食甜品😌

5.0軟雪糕，襯咩都好好味！楊枝甘露有啲酸，可能係咁啱個西柚問題多年質素保持好好！以前已經喺洪水橋開始食而家搬咗過嚟錦上路有時可以揸車過嚟食甜品可以門口免費泊車勁方便支持！

之前店員提過心太軟係自家製，好好味，所以星期六趁喺附近食完lunch就嚟試下。心太軟可散叫或以優惠價配雪芭/日式軟雪糕/雪糕，而雪芭亦寫明係自家製。芒果雪芭：加$18；芒果味重，冰涼，偏甜，都幾好食朱古力心太軟：單點$50；伴有焦糖脆脆；心太軟有流心效果，但未至於似熔岩；朱古力味足，但較傾向牛奶朱古力味而非黑朱古力，少咗份甘苦（我較喜歡黑朱古力）。流心的朱古力醬帶焦糖的甜味，個人口味而言覺得甜咗少少餐廳的室外擺位重新改動過，亦多咗照明，而家已經入秋，所以坐室外亦可接受。夏天時，喺室外位置坐係瘋狂地俾蠓同蚊襲擊，容易食到冇曬心機。上甜品的途中出咗小問題，店員將甜品送錯俾另一檯，仲要食埋，最後餐廳整過另一份，但因為咁，我哋等咗半個鐘先有得食。在處理的過程中，如果店員主動同我哋交待番個狀況會理想啲。如果鐘意食偏甜的甜品，呢個心太軟係可以一試，佢唔算係超級好食，但亦絕對唔會令人失望。

錦田天空之城的"大飯糖"是我經常光顧的“我的食堂“，每次來都不會失望。今次我點左3個午餐，包括"芝士粟米石斑意粉"、"芝士肉醬意粉"和"慢煮雞胸芒果柑柚沙律"。其中一個餐我還加了$12的蝦多士，非常超值。雖然"大飯糖"以甜品聞名，但他們的主食同樣出色。意粉料足味香，芝士的香濃與粟米的甜美完美融合，石斑魚肉鮮嫩可口。肉醬意粉則濃郁惹味，令人回味無窮。慢煮雞胸配上芒果和柑柚的沙律，清新爽口，是夏日的絕佳之選。甜品就名副其實，非常精美好食。店內環境舒適，室外座位寬敞，是享受美食的好地方。無論是主食還是甜品，"大飯糖"都維持著高水準，難怪每次來都座無虛席。這裡絕對是錦田區不容錯過的美食熱點。

好食高質甜品 🥰 可以就咁叫心太軟 $48之後可以加佢牛乳雪糕 / latte 雪糕 男友叫左個焦糖布甸 我覺得仲好食😂加$18 Latte 雪糕 - 如果鍾意飲咖啡既朋友應該會好鍾意❤️因為好似成杯lattle 放落口 男友唔鍾意飲咖啡 就覺得好苦 唔鍾意飲既朋感覺可以簡牛乳雪糕 鐘意食榴連可以加榴連蓉自由配搭都係加$18 元朗 錦上路都有分店 渣車既朋友會岩晒 因為地方比較偏 食開既人至識黎搵食😎 價錢： 約$50-70地址：大飯糖甜品#元朗美食 #錦上路甜品 #元朗甜品 #渣車美食 #游車河美食

一行五人嚟到錦田天空之城食糖水，疫情期間都幾多人流，反觀依家平日夜晚去都冇晒人🥲希望小店支持住！！朱古力心太軟 $48.00加5.0軟雪糕 $18.00每次黎必食！食得出係靚黑朱古力🍫酒釀牛奶冰酥酪 $25.00因為想食之前推出嘅酒釀小丸子，不過已經換咗另一款今次試呢個，但係個人嚟講唔係太鍾意食😂簡單啲講，佢係酒釀布甸芒果芭菲杯 $58.005.0嘅軟雪糕加芒果汁小丸子花膠碗仔翅 $38.00估唔到都幾足料～楊枝金露配 $55.00雪糕球轉D24榴槤球 $9.00個人奇怪配搭😆同埋好少地方有榴槤雪糕，佢個雪糕係直至食晒成碗都唔溶，好堅硬😂小家園 $48.00芋頭雪糕配水晶涼粉、小丸子、紅豆，性價比高💗

頭2次嚟係平日，set lunch價錢實惠，$8X。今次同狗狗🐕、狗狗爸爸周六下晝過嚟，睇下有咩好嘢食。周末有all day set，價錢貴啲。至於個all day要幾多錢💰就視乎點乜嘢小食、主菜同甜品（唔包飲品，但可-$15）。餐牌有啲複雜，要先揀主菜，決定基本價錢💵，之後再揀小食、甜品，每個項目會有1-2個基礎選擇（唔使加錢），其他選擇就酌量加錢。飲品方面，最平好似係檸茶/檸水🥤，加$11。食物送到嚟，色彩亮麗，賣相靚，適合打卡，仲令人好有食慾添~芒果金柚沙律🥗：沙律配黑醋汁幾好食午餐肉雞蛋芝士飛碟🥪：+$5，絕對值，我哋隔咗十幾分鐘先食，但佢依然好脆，微暖。飛碟對半切開，方便食又好睇，芝士味🧀再濃啲就好喇肉醬意粉🍝：味道幾好，唔會過鹹，意粉軟硬適中，好食朱古力布甸🍮：各種甜品選項中唯獨呢款唔使加錢，幾軟滑，有朱古力味，甜度適中椰子奶5.0🥥：+$20；凍飲但冇冰，唔會越飲越淡。椰奶味突出，有椰絲/椰子碎沉底，面頭有幾塊椰子片，真材實料個餐埋單$150，2個人share。如果係1個人食，份量都好足，每款都係細細份，加埋咁食，食材種類會比較豐富，營養均衡啲，$150就感覺貴咗少少💸上

.有朋友🧑‍🤝‍🧑開車🚗｜想搵個地方傾吓偈｜light meal🍽️元朗錦田附近｜天空之城 🌃 絕對係好選擇#大飯糖甜品小食屋｜#sweetcafé原木吧枱靠窗｜原木小圓凳｜小植物盆栽氣氛都好自然 小清新feel ｜而且每枱都有小紙巾盒🧻.直覺話俾我聽 新派fusion 中西糖水｜😉唔會太差下午茶時段｜店員🤵🏼‍♂️🤵🏼推介【小寧波 1951 芝麻湯圓系列】.📝 我哋嘅點餐 💁🏽‍♂️💁🏽1️⃣ #三色芋圓芝麻湯圓芭菲杯 2️⃣ #玫瑰桂花羅望子酒釀芝麻湯丸.🍦 三色芋圓 🟧🟪⬜️ 芝麻湯圓芭菲杯雖然外觀好一般｜食材選用日本🇯🇵 5.0軟雪糕🍦就好smooth加上有少少🤏🏼 椰奶忌廉 ｜親手倒芝麻糊上雪糕雖然有少少甜🤏🏼｜但驚艷係下面三色芋圓 同小湯圓芋圓好咬口 QQ｜邊食軟雪糕 邊食芋圓 口感好特別.🍡 玫瑰桂花羅望子酒釀芝麻湯丸 入口就好like👍🏻 ｜唔太甜 有少少酸 酒釀有咬感玫瑰桂花碎係點綴｜湯底微回甘 微酸🥰酒釀落重手｜芝麻湯圓唔太大粒｜流心芝麻餡｜咬半口就慢慢流出嚟 👏🏼 抵讚🥺 如果有花生🥜芝麻湯圓 兩溝 就好.🕺🕺 總結報告 💃🏻💃🏻🉐📃性價比：8.5/ 10 🙂｜西式｜甜品｜糖水｜

呢間餐廳由幾年前covid開始一直有幫襯 一來偏離市中心 無人群聚集 二來有好多車位免費泊車 三來食物種類超多 可以話佢係間西餐廳 亦可以係cafe 由飯、意粉、漢堡包 至咖啡、中西甜品都有 岩晒我呢啲心大心細乜都想食既女人🤣放假晏起身就鍾意黎呢到嘆返個bunch😋呢到就有啲套餐有晒主食同特色甜品 價錢由$70-138不等 Bunch我就最鍾意呢度既午餐肉芝士日本流心蛋飛碟 配英式脆炸石斑魚薯條 $138 （單點$85）石斑魚足足有一支茄醬咁大條😚外層酥脆 入邊肉質嫩滑 再唧啲檸檬汁已經美味可口 仲有佢哋嘅薯條一啲都唔孤寒 份量超多🍟夜晚就鍾意食呢度嘅朱古力心太軟$48 配5.0雪糕+$20🍦每一次食都做到好澎湃嘅流心效果🤩食得出佢哋嘅牛油同朱古力材料幾靚 試過香港好多間朱古力心太軟 牛油會有油益味🥺（新品）玫瑰桂花羅望子酒釀芝麻湯丸 熱 $42平時鍾意食楊枝甘露俾既我見到有呢個新產品同埋天氣有啲凍就一於試吓🫣食落有淡淡嘅桂花香味 湯圓煙靭 湯圓皮有啲厚 不過都可以接受 芝麻味濃 係估唔到一碗有七粒湯圓咁多🫶🏻大飯糖甜品小食 (錦田) (元朗)元朗錦田高埔村97號天空之城地舖大飯糖甜品

👦🏻👧🏻平日夜晚我地想食甜品或者宵夜嘅話，一定會去錦田天空之城嘅「大飯糖」到食，店外可以泊車好方便🚙。呢度有多款中式甜品🍡、西式甜品🍮、小食🍟等等，平日仲有下午餐茶同晚市套餐可以選擇🍽️。我哋最鍾意嚟依度食「朱古力心太軟配5.0牛奶軟雪糕」🍫，食完會有幸福感🤭～ 不過今次見到有新甜品登場🤩，原來係小寧波湯圓聯乘大飯糖推出咗三款甜品，分別有「玫瑰桂花羅望子酒釀芝麻湯圓」、「爆炸糖椰絲榛子芝麻湯圓糖不甩」同「三色芋圓芝麻湯圓芭菲杯 」。我地嗌咗其中兩款甜品同兩款小食加一杯飲品，做我地嘅晚餐😋～三色芋圓芝麻湯圓芭菲杯 $585.0牛奶軟雪糕淋上芝麻醬後，變咗芝麻味軟雪糕😋，芝麻味香濃同時食到軟雪糕嘅奶香味，配搭得好好👏🏻。下面有芝麻湯圓、三色芋圓同小丸子，三款都夠煙韌Q彈，同雪糕好夾💕。爆炸糖椰絲榛子芝麻湯圓糖不甩 $42呢個熱食甜品，芝麻湯圓上面灑上爆炸糖同大量椰絲榛子，入口就感受到爆炸糖係口到彈跳嘅感覺，好得意😆，有別於一般嘅糖不甩，口感同層次更豐富🆙。英式脆炸石斑魚薯條 $85脆炸石斑魚炸得油溫剛好👍🏻，脆漿薄身香脆，魚肉滑嫩彈牙🐟，沾他他醬食，一啖接一啖停唔到口。薯條份量多🍟，炸到金黃

之前食過大飯糖嘅朱古力雪糕驚為天人趁呢幾日回暖又唔算熱步行去天空之城當係做下運動（實際又係去食🤣）好易行🚶‍♀️由yoho mall出發向博愛方向一條大直路唔洗半個鐘就到㗎喇睇社交平台見佢哋最近出咗幾款同小寧波crossover嘅甜品心思思想試，尤其是係呢個👉#爆炸糖椰絲榛子芝麻湯圓糖不甩上枱時啲爆炸糖會啪啪聲響💥幾有驚喜，同埋唔係太甜，幾好幾好啲棒子碎多到要用匙羹刮埋黎食！小寧波湯圓勝在皮夠軟糯涵料就一向唔算多唔夠流心但我鍾意佢唔太甜同隻味唔假想甜啲可以叫呢款#三色芋圓芝麻湯圓芭菲杯特別之處係有個芝麻糊另上份外有儀式感🥰芋圓同湯圓都煙煙韌韌有芝麻糊助陣，補償番缺少嘅黑芝麻味中西合璧完美配合，又靚又好食個人推介呢度嘅咖啡用Arabica咖啡豆，同出面啲cafe有得揮每杯啡另附上一份咖啡軟雪糕好味到飛起（呢度啲雪糕全部好好味）Dirty & Americano唔單止係打咭靚，真心有姿勢有實際除咗甜品咖啡，亦有其他輕食沙律等等有室內室外坐位極受車友🚴‍♂️🚙同狗家長歡迎🐾

冬至團圓 一定唔少得小寧波湯圓寒流襲港 約左朋友相聚食返個甜品點知撞啱大飯糖X小寧波湯圓🤩芝麻糖圓控可以錯過3款口味🤩🔆玫瑰桂花羅望子酒釀芝麻湯圓🔆爆炸糖椰絲榛子芝麻湯㘣糖不甩🔆三色芋圓芝麻湯圓芭菲我地就試左其中兩款：🍀玫瑰桂花羅望子酒釀芝麻湯圓桂花清香加上酒香撲鼻配搭上皮薄芝麻湯圓即時暖一暖胃 寒氣一掃而空🍀三色芋圓芝麻湯圓芭菲杯香滑軟雪糕🍦淋上芝麻醬配搭埋煙韌三色芋圓及芝麻湯圓口感豐富除左甜品🍮都加左兩份鹹點：🍀西班牙黑毛豬火腿芝士流心蛋飛碟香口黑毛豬火腿配上芝士🍀香脆芝麻蝦多士爽滑彈牙嘅蝦滑多士 無得頂

這間的甜品非常特別，好吃兼份量足夠！其他熱食都好味！店內裝潢也不錯，座得舒服，還有書籍可以隨意閱讀！外賣的包裝也做得非常不錯，很有heart！很開心錦田有間那麼好的甜品店！💚💚🥰