大雞大超級雞排 (已結業)

朋友搵我食early dinner, 求其揀左呢間，由於我lunch食得晏，所以唔太餓。我嗌左個雞粒同珍珠奶茶，朋友嗌左個炸雞排配麵，加奶蓋。啲雞太厚粉同埋落得太多胡椒同鹽。有待改善。個麵幾彈牙煙韌，唔錯。野飲少甜左岩岩好。Too much seasoning and batter for the chicken. Noodles taste good, it was slightly chewy in a good way. Pearl milk tea with less sugar was pretty good.

$35 就食到個晚餐，有個飯、有杯野飲、仲有粒朱古力甜品，真係超抵食！仲要味道ok，個bb雞幾好食，叫咗小辣，即時炸出黎，熱辣辣，份量都多，夠飽，CP值超高！老闆仲要態度好好，推介！不過鋪頭較細同埋即叫即整，所以要預多少少時間等野食～

當年起葵芳新都會有鋪果陣係fans都唔知儲滿過幾多張印花卡分台摺左之後一直都好想再食翻但又懶入北區。。。。直到琴日撞牆知道原來KCC復活左今日即刻仆落鋪朝聖仲要見到當年跓新都會果個伯伯坐陣,信心充到爆棚!!因為之前既印象諗都無諗就點左兩份腿扒, 兩份BB雞, 一份雞胸排對佢既信任, 哩次仆到直左!!!返到屋企打開膠袋雞扒問都唔問就碎上, 唔緊要,雞胸扒鞋到以為去左鉅記買肉乾。。。雞胸硬膠碎上鞋我認命但雞腿扒可以炸到鞋哩下先好功夫,乜野玩法先?同埋雞排咬咬下會有酸味出唔知係佢醃肉d豉油既關係定係點。。。以為再見可以再相逢。。。點知回憶總是美好的現實的殘酷。。。完完全全感受到點解d評價會無負評架?唔通係我黑仔食著屎?

呢間性價比真係超高！！！最平外賣堂食都係35蚊，有雞有丸有飯/米線/烏冬（加3蚊，好似），仲有杯茶（綠/紅），再加多粒真merci朱古力，真心超抵，所以每次放lunch遲去一定有排先買到！不過真心等都抵！真係即炸之餘仲要好好味，唔會太鹹或者已經擺得耐而硬左！如果同佢講多飯真係食完到夜晚8點都未肚餓！超級抵食選擇！！！試過粟米汁同咖哩汁，兩隻都好食！但唯獨個泡飯，蕃茄濃湯真係一般般，我覺得燴飯正d！😋

在葵興KCC買外賣食lunch, 今日就簡左呢間<大雞大超級雞扒>，來試下佢地既台式炸雞外賣便當。今日order左既外賣便當有炸雞扒，炸魚柳，台式司華力腸，配粟米汁同白飯。套餐$43已經連埋台式奶茶，都算幾抵食。飯盒份量不少，炸雞炸得幾香脆，雞肉入口都幾嫰滑，而且炸得夠乾身，亦吾覺得好油膩。魚肉同司華力腸份量都好多，味道不錯。不過粟米汁個味就差d，粟米汁好少，味道亦偏淡。台式奶茶味道亦偏淡，冇乜茶味同奶味，有點失望。另外買外賣時都等左成30mins....仲要係企住等足三十分鐘....希望餐廳可以改善吧~

今時今日真係好少可以食到三十幾蚊一個既唔係頹餐既晚餐（包餐飲仲要送小蛋糕🍰）。呢度應該台式雞扒/鹽酥雞係最出色既，見到好多人都同我一樣點呢個餐。我果個好似叫BB雞，有得揀唔辣同唔同level既辣，都幾唔錯。收銀叔叔仲要招呼好周到，「送個蛋糕俾你，祝你新年步步高陞」。所以我好推介呢間俾大家試下～

唔知幾多年前已經幫襯緊佢，個時仲係葵芳開緊，見證住佢倒閉，過左唔知幾耐，係葵興KCC呢度搵翻佢既足跡，每隔一排都會突登黎食佢既BB雞，因為出面好難搵到呢個味道。呢個係大既BB雞，叫左微辣，會見到份量夠哂多，又夠大舊，外面卜卜脆，裏面肉質嫩滑，真係望到都想食。除左單叫，佢都有套餐提供等你可以試下唔同組合，仲有野飲送埋比你，不妨一試。員工都好好，仲會記得你係熟客仔。

逢星期一放工都會約埋班同事一齊做運動keep fit, 多數都會在公司附近或上堂地點附近食左野先打左果底先，今日我就去左kcc life 1樓大雞大食下午茶☕️，佢果下午茶☕️真係我所知可能係全港最平，用19蚊就可以食到果下午茶☕️真係好難🤯找到，而果下午茶☕️重要有杯珍珠奶茶☕️，一個炸雞🍗及一個細飯，果飯分量大約同大x樂個下午茶叉燒飯咁大size,真係平絕全港.#叮叮噹雲遊記 #叮叮噹食貨人生#美食博客

我每次放工都會嚟呢度食，食開嘅都係C餐除左C餐我都試過其他嘅，樣樣都咁好食😂😂C餐嘅慢煮雞柳會拆埋骨、男朋友話係雞脾肉食落好嫩滑，大大嚿肉又方便食雞肉可以揀大中小辣，個人推薦小辣同埋佢有得揀蘑菇汁、咖喱汁、番茄汁同埋白汁。基本上我係未食個蘑菇汁，我覺得最好食嘅係咖喱汁，其次係白汁。不過其實個個都好食嘅😂另外叫餐會送朱古力同嘢飲， 40幾蚊咁多嘢食其實好抵，加上佢係好食嘅！所以我都算係長期客仔同埋個叔叔好好人，服務態度係極好啊！所以未試過又想試吓嘅，就快啲試吓啦！

雞扒質素，味道，囗感都係全行之冠~~當年晌新都會都經常幫襯，後來好幾年後先發現去左葵興KCC 1/F而家葵興大雞大仲有多元化食物，有午餐晚餐，有飯有麵，有小食。支持啊

葵興的九龍貿易中心KCC雖然有為數不少的餐廳，但絕大部份都不會開晚市，晚上七點大多數已經關門，要找到吃晚飯的餐廳就要回到葵興站。這天就試了這間快餐外賣選擇了五寶套餐撈米線，要番茄汁番茄汁是有少量的番茄湯加入蕃茄湯粉造成的，其實食不出蕃茄味，而五寶就是平常所食的肉丸，再加了少許的椰菜和粟米粒，可以說是極為普普通通的速食。飲品即揀選了珍珠奶茶，另外送了一粒三角朱古力。珍珠奶茶當然不及專門店那種質素，但可以接受的。可能這個套餐是餐牌中最平凡普通的，所以不能吃出餐廳的水準，而朋友說他揀選的清新慢煮嫩雞套餐是OK的。總括而言，套餐雖然普通但不算是太貴，也因為周圍的餐廳都已經關門，作為果腹的晚餐也可以接受

少有收工仲趕到去kcc1樓食晚餐，，定食下熱氣野，見到有炸雞就走左去食下，點左小滋味三元湯飯，炸bb雞(有點炸過頭,未至於乾巴巴，可以更好)，花枝丸加麻吉燒，熱氣的炸物伴健康的蕃茄濃湯泡飯，等自己無咁有罪惡感值得一讚的係老闆態度親切有禮，亦係令我決定一試的原因，老闆加油

大約4，5年前，葵芳新都會廣場地下向巴士站附近位置，有幾檔小食。大雞大係其中一間，當時成日幫襯。佢哋嘅花枝丸同埋雞扒都好好食，後來裝修拆咗。最近去開葵興工廠區，發現KCC@LIFE有大雞大！超開心，一定要去試下。KCC呢度幾間小食店細細地，但都有兩張小台可以坐幾舒服。我當日去係平日下午，人流不多可以慢慢喺度坐下。本身諗住單叫雞扒加花枝丸，發現呢間大雞大竟然有下午茶！仲要好平啊我叫咗E餐，BB雞+花枝丸+薯條，仲送一杯臺式飲品♥睇相好似分量唔多，啱食曬其實都幾飽。薯條又係新鮮即炸而且分量多，仲加咗特製嘅調味粉好好食。花枝丸呀！好耐冇食呢個味道，現實嘅唐式花枝丸有啲係成粒係粉，大雞大嘅花枝丸真係有花枝粒♥BB雞炸得啱啱好唔會太乾，外脆內嫩♥離開呢邊不妨試下佢哋嘅下午茶，我見佢哋晚餐都有飯堂湯麵選擇，下次可以試下。

For some reason, I do not understand, boyfriend loves Big Big Chick. Whenever we are at Tsuen Kwan O, he has to grab a bag of deep fried chicken nuggets. But then the mall underwent a renovation and closed all the take away stalls there. And Big Big Chick was gone. The closest one was Tuen Muen ... so far away!While we were in Kwai Chung to check out the outlet near  by, we stopped in this building to get something to eat. That is when boyfriend discovered .. Big Big Chick is back! And the old m

早排放工後去左葵興個頭傾野，傾完到成9點⋯ 周圍D餐廳都關了，見有間大雞大仲做緊生意，於是就快快KO埋個Dinner就算。個日無曬湯飯同米線，只有炸野飯食⋯ 我叫左一份四喜蓋飯，可以揀BB雞或雞扒，我就揀左雞排配魚柳、台灣腸及粟米粒。揀左咖哩汁，食落個汁唔夠，整體平平。女朋友就食少D款的三元蓋飯，同樣可揀BB雞或雞排。佢揀左炸雞粒的BB雞，點知超乾，加埋D炸的丸，整體一樣平平。不過好在佢揀的蘑菇汁的汁量比我個份多，食落無我個份咁Dry。個餐仲送埋飲品，係凍的茶。唔知係新開張定點，仲送多粒朱古力。雖然味道麻麻，不過$76就有兩個飯及飲品，應該都會好受學生歡迎的⋯