大阪章三哥

營業中

休息中

章三哥的沙律蛋章魚燒真係超好食，店員剛整好食果陣章魚燒就熱辣辣，沙律蛋就凍冰冰，係冰火交融既感覺，超正店家將傳統的章魚燒與清爽沙律巧妙結合。外皮金黃酥脆，內裡的章魚鮮嫩多汁，搭配上特製的沙律醬，令整道菜更加豐富。每一口都能感受到章魚的鮮味與沙律蛋的清新，特別適合炎熱的夏天。

是日跟朋友在藍田匯景廣場搵食，她推介這間大阪章三哥的章魚燒🐙除了章魚燒外，店舖還有售關東煮及烏冬，而我今次姑且先試章魚燒！單是章魚燒就有十多款口味，大部份都可以雙拼口味。芸芸口味中，選了蟹膏章魚燒及不能雙拼的蒜香牛油粟米章魚燒。章魚燒即點即製，保證熱焫焫出爐！蟹膏章魚燒，粒粒大粒飽滿，面層舖滿了蟹膏，並灑上少許蟹籽以增添口感。蟹膏味道尚算香濃，配搭沙律醬來吃，更添滋味。章魚燒的粉漿比例恰好，不會太過粉糊，內裡的章魚粒大粒又爽口！蒜香牛油粟米章魚燒，朋友要求走沙律醬，牛油帶蒜蓉香，濃淡適宜，粟米粒都多，只是被醬料所掩蓋。這款章魚燒惹味得來又不會覺得好膩滯。今次試的兩款章魚燒味道濃郁而不鹹，口感亦不錯。店舖值得支持，可再試試其他口味的章魚燒。

有一次路過買左反公司做下午茶點知啲同事話要試 一試就岀事喇之後我就要定期買本人上班位置在中環藍田買去中環 冷左都好好食最過分係一粒小丸子 有3粒大章魚肉！！我哋食3粒 都要抖抖先可以再食 係會無限再食的小店

送完小朋友返學，想買啲嘢食，估唔到噤好食，仲要噤足料，真係勁好味，其實地鐵站A岀口行過去幾分鐘，真心推介，不過擔心開系藍田捱唔住，希望佢會有多少少客，反而章xx雙，岀面排到顛，但又愈嚟愈唔好食。

🐙經典原味章魚燒（$32/六粒）普通章魚燒汁和沙律醬 海苔味較濃🐙蜜糖芥末章魚燒（$34/六粒）普通章魚燒汁和蜜糖芥末醬 雙重甜🍯🐙黑松露章魚燒（$38/六粒）普通章魚燒汁和兩種黑松露醬🌑成個章魚燒的精髓就係頂端的黑松露醬 黑松露味超濃郁 同章魚燒搭埋一齊食都幾夾完全滿足黑松露迷😋因為外賣會用個盒焗住 整到章魚燒個皮腍咗不過佢啲章魚燒都算大粒 好難一啖就食哂每粒章魚燒入面平均都會有1-2粒大大粒嘅章魚粒而且佢會將木魚碎放埋一邊 食個陣要自己夾返啲木魚碎去另外三粒度🫥不過另一方面都可以食到無木魚碎嘅章魚燒 更加可以感受到醬汁嘅香味小店可能比較注重環保如果要外賣而非即食嘅話 要膠袋要收費$1

個味其實同章XX雙好似，但佢無咁咸同埋呢間係脆皮！！好香好好食，又唔洗排隊。食咗蜜糖芥末mix蟹籽$46（加膠袋）蜜糖芥末正常水準，蟹籽就爆曬料😍😍覺得個加分位必定係脆皮，希望可以keep住。店員好nice，好禮貌，幫我放埋燒賣入袋。支持小店，一定會再買🫰🏻

之前天氣凍凍地，經過藍田地鐵站轉車見到呢間舖有賣關東煮，諗住凍凍地食返啲暖嘢暖下身都唔錯！order左竹輪油揚蘿蔔魚糕，每樣食材都好入味，連個湯我都飲晒😋😋😋！而且價錢仲出奇地好貼地，真係好好味👍🏻👍🏻！凍凍地嘅天氣加返碗熱辣辣嘅關東煮真係一流！同埋呢啲食材都叫幾飽肚又健康，減肥嘅都真係唔錯嘅選擇🤩🤩，我已經諗好下次要食啲乜嘢啦，蘿蔔係必點入味到爆炸，下次要試埋其他野食！☺️☺️

藍田美食林立，喺地鐵站上面有好多選擇你諗起想食港式，日式等等乜都有不過章魚燒就唔係度度都有得食依間章魚燒仲有個特別之處就係會配有唔同嘅醬汁佢的原味已經好有驚喜，佢的面好脆，又唔會有油膩感，食完一粒又一粒除咗原味，今次試咗明太子Wonderful! 有屬於明太子嘅鹹香味，又唔會死鹹食章魚燒，唔少得佢嘅配料同醬汁佢嘅紫菜碎木魚碎，完全唔慳皮好豐富，食得好滋味可惜唔係住附近，下次再經過藍田，要試下黑松露同芝士先

接囡囡放學，經過住宅必經之路 - 匯景廣場今日凍，本身諗住食個熱野個人舒服吓忽然聞到香噴噴，阿囡咁啱又話肚餓，咪走過去睇舖頭新開嘅，間局似去咗大阪地下街小店咁幾多選擇，無記錯有14款揀嗌咗經典原味同蜜糖芥末，每樣8粒，正常價錢章魚大大粒，有驚喜， 原味有水準  蜜糖芥末放耐咗，如果唔係仲惹味見隔離個學生哥買蟹籽章魚燒 ，啲料多到滿下次一定要試題外話，估唔到匯景都出返啲高質食物，唔再係魚蛋燒賣咁有心做一定支持