63
9
6
餐廳: 大都淮揚中菜
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵灣仔站 A1 出口, 步行約9分鐘 繼續閱讀
電話號碼
26280218
開飯介紹
一間氣派十足的中菜館,環境寬敞,燈光十足,提供上海菜、大閘蟹和點心,菜式精緻,例如,一枝獨秀,慈禧豌豆黃等菜式。 繼續閱讀
營業時間
今日營業
11:00 - 15:00
18:00 - 22:00
星期一至日
11:00 - 15:00
18:00 - 22:00
公眾假期
11:00 - 15:00
18:00 - 22:00
公眾假期前夕
11:00 - 15:00
18:00 - 22:00
付款方式
Visa Master AlipayHK 支付寶 現金 銀聯
座位數目
180
其他資料
網上訂座
Wi-Fi
酒精飲品
自帶酒水
切餅費
泊車 詳細介紹
電話訂座 詳細介紹
賞訂座積分
加一服務費
當面支付
食評 (88)
等級4 2020-11-06
1426 瀏覽
又到左一年一度食大閘蟹嘅季節!今日經朋友介紹之下,我同女友嚟到大都淮揚中菜廳,餐廳現正推出$498大閘蟹餐( 服務費及茶芥另計),事不宜遲即刻評論以下套餐嘅七道菜式🔥落完單之後職員就送上水果,不過未食主菜之前食水果有啲奇怪🤣- 燈影魚片、冰宮肴肉前菜有以上兩款,冰宮肴肉口感好得意,層次豐富。至於魚片香脆,甜甜地兼有少少痴牙。- 雪燕菊花豆腐羮估唔到豆腐都可以切得咁細緻,變成一朵盛開既菊花。作為藝術品味道已經係其次,精湛既刀功令人讚嘆😯- 蟹粉小籠包湯包外皮晶瑩剔透,薄身但唔易穿。肉餡包含充滿蟹肉蟹黃蟹膏,所以蟹味非常香濃。- 大閘蟹終於到咗今晚嘅主角,就係「2皇1后」,總共3隻大閘蟹!大閘蟹公約重5両,大閘蟹乸約重3両半。無論蟹公定蟹乸,蟹膏都係非常多。蟹乸既蟹膏偏橙色,口感比較結實。至於蟹公既蟹膏相對黏口😍食完一公一乸之後,餐廳會提供薑茶,暖胃之餘更有散寒嘅作用。- 雪裏紅手剝鮮蝦鮮蝦本身鮮甜無比,雪菜為菜式加添鹹香味,味道更豐富。- 原隻鮑魚蔥油撈麵鮑魚配撈麵非常浮誇,飽魚彈牙,而且幾入味。醬汁份量適中,所以麵條唔會太乾。- 薏米湯圓最後仲有甜品!芝麻湯圓軟糯煙韌,薏米同樣煙煙韌韌。成個套餐非常高質,每款菜式無論味道同賣相令人讚不絕口。餐廳服務亦非常貼心,為免大閘蟹放得太耐而變涼,餐廳將第三隻大閘蟹分開上👍🏻P.S 用云閃付銀聯二維碼付款,消費淨額$500或以上,送$50現金券(下次惠顧使用) 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-02
876 瀏覽
最近ig被大閘蟹洗版了,所以忍唔住要開動,開始食蟹了!在會展放工的朋友話不如去大都淮揚食,因為做緊promotion $498大閘蟹餐(咁當然要再另加一服務費及茶芥),但都係好抵好方便。於是就去了book位,今年大閘蟹第一擊!🦀🦀🦀一入餐廳就覺得好舒服,因為餐廳格調高雅,而且位置好寬敞,仲有好多間房仔,唔怕好嘈。我們入到去一間房仔內,已經有幾臺人好開心咁慢慢嘆緊大閘蟹了。話明大閘蟹餐,就當然講了主角-大閘蟹先!食過之後,真係覺得這餐性價比好高!💯✨套餐包2皇1后、共3隻大閘蟹,餐廳為保持蟹嘅熱度,會先上了一公一乸供品嘗,之後先再上隻公。✨大閘蟹公約重5両,大閘蟹乸約重3両半,公乸全部嚴選「黃毛金爪」高質靚蟹,隻隻都好新鮮爆曬膏😋🦀大閘蟹公:5兩的大閘蟹真的很有份量,一開出來更加係爆曬膏,蟹膏好甜,而且2隻蟹都有好好食嘅白色膏😋,蟹肉就好厚實鮮甜,連蟹腳啲肉都好實🦀大閘蟹乸:3両半,同樣都係爆曬膏,d膏好似蛋黃咁金黃色流心,而且好鮮甜。✨陳年彫皇:呢到食大閘蟹仲可以邊食邊飲香醇嘅陳年彫皇,更能突出蟹嘅鮮甜味,而且可以叫佢倒多點的~其他配菜~呢個set抵食在於,食蟹之餘仲可以食到其他高質淮揚美食,例如係「燈影魚片」、「冰宮肴肉」,真係好滿足!🈵️🌟燈影魚片(左):魚片上加了麻辣味,咬落去好脆,而且好香🌟原隻鮑魚蔥油拌麵:非常出色,麵質好好嘅同時加入好香嘅蔥油,好易入口而且不會太油膩,仲有原隻鮑魚食!🦐雪裡紅手邊剝鮮蝦:又蝦又蟹,真的很豐富,而且蝦好新鮮,肉質實,還加了好香的調味。🌟蟹粉小籠包:仲有我最鍾意嘅小籠包,入面嘅湯好甜🌟洋薏米湯丸:煲得好香濃,甜度適中,仲有芝麻湯丸食😋店員仲話用云閃付銀聯二維碼付款,消費淨額$500或以上,送$50現金券(下次惠顧使用)!咁嘅價錢有咁多高質素野食,真係物超所值😋 繼續閱讀
(以上食評乃用戶個人意見 , 並不代表OpenRice之觀點。)
食大閘蟹既季節又到啦,今次去到灣仔會展既大都淮揚中菜,因為餐廳最近推出$498大閘蟹餐(2位)包加一服務費同茶位,除左可以品嚐到2皇1后,共3隻大閘蟹之外,仲可以食到其他淮揚菜同任飲陳年彫皇,性價比非常高環境好寬敞,檯與檯之間都有好多空間,高雅中餐廳,服務同樣是高質素------前菜:水果、燈影魚片、冰宮肴肉非常精緻前菜,肴肉比較少可以在其他餐廳食到,好似水晶一樣晶凝通透,軟蹄口感有彈性同時又有冰涼感覺,多種層次燈影魚片非常考刀光,燈光照下去魚是透薄,食落好香脆,加左芝麻同醬汁調味,額外滋味湯水:雪燕菊花豆腐羹純滑豆腐切成花,好似藝術品一樣,口感如絲一般,非常嫩滑,飲落清甜主菜:清蒸大閘蟹店員告知大閘蟹公約5両重,而蟹乸約重3両半,一掀起蟹蓋,見到金黃既蟹膏,真係垂涎三尺,蟹公比較大隻,蟹膏軟身黏口,蟹乸相對硬身甘香,配上杯薑茶驅寒暖胃雪裡紅手剝鮮蝦一份有兩隻,已經除去了蝦殼,蝦肉爽甜原隻鮑魚蔥油撈麵鮑魚口感彈牙,味道鮮甜,麵好滑而且吸哂鮑魚汁,非常入味,不過食到一半覺得有點乾蟹粉小籠湯包燈線下見到小籠包底既湯汁,可見皮非常薄而不穿,配搭少許醋一齊食,咬開湯汁一湧出來,非常豐盈,蟹黃鮮味迫出,非常好味甜品:洋薏米湯丸最後來一碗暖胃湯丸糖水,湯丸芝麻餡,外皮軟糯,輕輕咬開已經見到餡料湧出,洋薏米煙煙韌韌,帶有口感,味道唔會好濃 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-27
520 瀏覽
大閘蟹當造的季節就是幸福來臨的時候~今日係灣仔食$498大閘蟹餐,除左有兩皇一后食之外,仲有其他淮陽菜式,以及陳年雕酒,不但有芬芳酒香而且餘味悠長,花雕同大閘蟹果然是經典配搭,整體食物質素超高!講左主角大閘蟹先~公既有5兩重而乸既有3兩半,食大閘蟹最關心當然係多唔多膏,今晚食既係好多膏好多膏好多膏!(重要的事要講3次🤣)真係新鮮爆膏好有驚喜😍一坐低就會有面前的小生果盤,菠蘿、火龍果、蜜瓜及哈密瓜~甜甜地好好食,前菜是燈影魚片及冰宮肴肉,肴肉在其他餐廳不太常見,在這裡竟然食到呢,切成小塊的肉凍入口爽口 冰冰涼涼的😋燈影魚片是我最愛的淮陽美食之一,呢到整得好好食❤️小籠包保持到溫度而且皮薄多汁,大大隻食起來好有口感紅手鮮蝦彈牙入味,雪燕菊花豆腐羹則順滑可口原隻鮑魚蔥油拌麵係我最喜愛的!調味可口,鮑魚肉質爽口不死實~正最後以湯丸作結^ - ^ 餐廳環境具古典美,裝潢優雅闊落,好靚~最後埋單用銀聯云閃付二維碼比錢就最抵因為夠500蚊就送$50現金券下次用😉 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-12
249 瀏覽
每年大閘蟹季節都要大拆一餐,今年揀咗呢間位於灣仔嘅大都淮揚,餐廳裝潢高雅有格調,環境寬敞,枱與枱之間間距寬闊,能夠保持社交距離之餘亦為食客留有一點私隱度。今日揀咗大閘蟹饗餐$498(另加服務費、茶芥)。套餐包括2皇1后,一共有3隻大閘蟹,侍應介紹蟹種選用鮮活 黃毛金爪,貨源有保證,今日呢隻蟹皇有成5両重,蟹后乸都有3両半,隻隻都爆曬膏,鮮黃色蟹膏味道濃厚香醇,細味齒頰留香,屬高質靚蟹。以呢個價錢食到咁高質嘅大閘蟹性價比相當高。雖然今日嘅主角係大閘蟹,但各款淮揚美食一啲都冇被比下去。其中呢味燈影魚片、冰宮肴肉,擺盤細緻,魚片絲薄透光,香脆美味,肴肉晶瑩光滑,肥而不膩。豆腐羹非常香滑,蟹粉小籠包皮薄餡靚,咬開湯湧出,鮮味四溢。原隻鮑魚蔥油拌麵,鮑魚非常入味,肉質充滿彈性。雪裏紅手剝蝦,蝦肉爽口彈牙,鮮度十足。薏米湯圓,薏米夠腍,湯圓柔軟香甜。仲有任飲陳年彫皇!呢餐夠曬豐富。今日埋單用左云閃付銀聯二維碼俾,消費淨額夠$500就送50蚊現金券,下次再嚟就可以了用啦。 繼續閱讀
(以上食評乃用戶個人意見 , 並不代表OpenRice之觀點。)