大西洋海鮮火鍋 (已改名) 查看

無限榴槤，椰子等生果放題！實現榴槤自由～呢間新開嘅任食任撈海鮮火鍋性價比真係好高！🦞雖然座位唔及一些人氣任食火鍋坐得咁闊！但勝在性價比好，基本海鮮：鮑魚大蝦蜆類應有盡有！熟食區有小龍蝦、燒蠔、炒蟹、炸物等等最令我驚喜嘅係生果區！原隻榴槤椰子任開任食～仲有其他生果：荔枝、哈密瓜，西瓜等等🍉其他火鍋放題唔少得嘅菜類丸類都有～甜品有經典嘅牛奶公司雀巢雪糕等等人均$300仲想點🫶🏻推介比你鐘意思任食火鍋既朋友～

經過見到甘大個招牌係樓下企左陣望下佢個餐牌有咩d咩D餐$298仲有88折埋單每個人吾洗$300主要分左幾區海鮮區、熟食區、生食區、疏菜區、生果區同飲品區另外有部分食物需要QR CODE落單海鮮區自己撈有大頭蝦、蟹、鮑魚、沙白、沙賊熟食區自己夾大頭蝦、小龍蝦、燒蠔、燒榴槤、蟹、炸魚、雞翼、腸丸等生食區自己拎魷魚、花枝、嚮鈴、各種丸等等疏菜區油麥菜、生菜、旺菜、芫茜、花生苗、金菇等生果區香蕉、山竹、龍眼、提子、西瓜、榴槤、椰皇等飲品區各種汽水、青島啤酒、喜力啤酒、各種紙包茶等仲有雪糕櫃數款雪條QR CODE落單有澳洲安格斯牛板腱、西班牙五花腩片、澳洲高鈣小肥羊、澳洲安格斯牛腱胛、生蠔、烏魚片、蝦滑、鮑魚肉、剥皮鱼、雞子、鯧魚、豬五花霖片、鵝腸、黃鱔等海鮮區全部自己撈睇岩邊隻生猛撈邊隻，榴槤同椰皇都係即場開，免費鴛鴦湯。

揀咗$298/ 120分鐘最貴套餐環境衛生極差：一出𨋢已經好臭垃圾味。每次出去拎嘢食都要閉氣。環境超級污糟（不論係用餐區定係自助區）環境佈滿酸醙味。木筷子係見到有霉菌。枱面全部都係油同污跡，要自己全部清潔一次。海鮮自助區，海鮮個兜全部都有蒜蓉喺度，好難得先搵到個乾淨少少，都唔知有冇洗過。放榴槤同椰皇下面嘅發泡膠，全部已經係啡黑色，我仲要見到有荔枝核🫣。抽風系統極差，食完臭到由心而發。食物質素：麻辣湯底竟然係冇味同唔辣嘅。所有牛肉類係冇肉味兼且難食。牛胸油已經變壞左。丸類口感全部都係擦子膠。燒榴槤用已爛黑心榴槤去燒。海鮮類啲蝦都新鮮，蟹腳無味，蝦滑出晒水。其他都唔敢再試。蔬菜類正正常常。總結：未夠120分鐘，已經舉手埋單走人。冇得揀都唔好去！

放題]呢排興食撈海鮮，知道葵芳開左新嘢，放工即黎試下~🔹活海鮮🔹 有大大隻鮑魚、鮮蝦、扇貝、花蟹，大蜆~全部都好生猛~ 煮完樣樣都彈牙鮮甜~🔹熟食🔹 有海鮮、炸物~有蠔、龍蝦仔、薯餅、大腸仔、糍粑…樣樣都好吸引~唔知食得邊樣~🔹湯底🔹 揀左菇菌湯同金湯花膠雞~鴛鴦鍋唔使加錢~菌湯味道清新且不油膩~就香濃鮮味~🔹牛肉🔹 有安格斯牛肉~肉質嫩滑，有牛味~又唔會好多脂肪，好啱我~🔹生果/甜品🔹 另一重點黎啦！就係新鮮即開榴槤同埋椰皇~呢個價錢任食呢兩樣野其實都好回本~仲有山竹添~雪糕雪條款式唔多，但都係我鍾意食，已經好滿足~

父親節一家人一齊去大西洋海鮮火鍋食放題真係又抵又好食！午巿$268一位仲做緊88折優惠，仲要有新鮮即開榴槤同椰青任食任飲😍我地都好仲意食榴槤同飲椰汁，出面其他自助餐無咩見過又平又有得任食榴槤椰青係依度真係食得好滿足！榴槤好靚呢！湯底就揀左金湯花膠雞、貴州酸湯鍋底，兩個鍋底都好足料好濃郁😋依個套餐仲有得現撈海鮮，有鮑魚、帶子、蟹、蝦等🦞鮑魚好大隻好新鮮又彈牙！自助區有好多食物選擇呢！有熟食、小龍蝦等！我下次一定再黎！😋Food list🍽️套餐D至尊套餐120分鏡海鮮放題火鍋 $268/位(午巿)

葵芳汇二楼新开咗一間重庆打邊爐夜晚個D餐298做8.8折优惠呢個价格都幾OK有大頭蝦、鲍鱼、蟹好生猛蟹差啲走咗，我哋嗌咗鴛鴦鍋麻辣同花膠雞湯底都唔使加錢味道都OK嘅，有QR code可以落單，仲有啲新鮮嘅榴槤椰子自己出嚟囉，菜品都算新鮮嘅宜家嘅系深圳三舊水嘅放題都冇嘅呢啲嘢，佢哋菜超多A餐同B餐食好啱中午98嘅价钱食个半个钟又有小吃菜同饮料中午好多学生來一齐食整個体验都幾OK 可以來試，下次朋友聚餐又嚟！店内菜超多A同B餐硬食好啱中午98嘅价钱食个半个钟又有小吃菜同饮料中午好多学生公仔一齐食

今日去試咗呢間葵芳嘅火鍋放題 趁佢哋做緊六八折優惠嗰陣膽粗粗去試咗下😍 我覺得成間店最特別嘅地方係有得俾我哋自己任撈海鮮 嗰度分別有大頭蝦海蟹鮑魚蜆都係任撈平時要嘥成千蚊先食到呢個質素同埋咁多款式今鋪真係食個返尋味😭😭 然後當然就係第二個重頭戲打完邊爐仲試咗呢度嘅椰皇同埋榴槤椰皇好鮮甜 榴槤都勁香 成熟程度啱啱好😋啱晒我呢啲鍾意食榴槤嘅人總括嚟講 呢度都真係幾抵食 野食款式都頗多 鵝腸豬大肚 黃鱔 腰片都有仲有得任撈海鮮🦞任食榴槤 椰皇🥰嗰日真係食得好開心 希望下次幫襯可以有埋啤酒咁就更加好！

呢間係最近食過性價比最高嘅店 叫咗至尊套餐$298（晚市） 可以任食海鮮 店內面積冇其他連鎖店大 但冇諗過仲有玻璃缸養住啲海鮮 扎扎跳 仲可以自己即刻撈 想食幾多撈幾多 好少餐廳咁保障到客人食品嘅新鮮程度 喺免費自助區嘅菜品竟然會有小魷魚同八爪魚腳 就算叫$98（最平套餐）都可以食到！雖然佢係自助區 但係口感一樣一流 QQ彈彈 而肉類每碟嘅片數較少 剩係得五片 所以落單就較為麻煩 見到店員都好忙 但勝在可以任食 肉質都嫩滑無筋 唔柴我覺得呢間店係值得試一試 甚至可以食到榴槤 係店員即刻開嘅 仲有椰汁 超級清甜

終國管理模式新開張88折，原價加一，人頭費88折加30蚊，有榴槤同椰青放提，侍應專開d勁熟ge榴連比人，最好自己揀。椰青開頭飲果兩個係ok，清甜，後面一個係鹹。侍應執完枱唔換手套繼續開榴連。大部分野食都係用鬆肉粉，鹼水處理。雪櫃有樣野長期有酸臭味。豬腰無做好去血處理，有尿騷味蟹勁細隻。最貴個餐都係得兩個cheap cheap牛肉，（無牛味）同一樣牛肉每次黎都唔一樣，廣告話有手切牛肉，完全無，問侍應話唔知，岩岩做，咩都唔知，最後問老細話唔係每日有。廁所紙巾都係終國買，寫簡體。星期日加埋老細自己果枱都係得7枱，坐唔滿。

晚市 情況太horrible, 蟹蝦等海鮮都不動， 其他食物選擇亦得好少，app 中可以選的選擇都極少，我都點了牛. 冰櫃中既食物質素令人強步，基本上我都冇拎過冷櫃既野食環境真是一般。清潔都是一般。 一次嘗試就夠。請都唔會再去😅.

這間餐廳的整體體驗極為惡劣，環境衛生嚴重不達標。無論是桌面還是地板，均可見明顯污漬，清潔狀況令人擔憂。餐廳內的空氣中瀰漫著不明氣味，給人一種極不舒適的感覺，整體衛生環境令人感到恐懼。食物方面亦極為失望。不論是食材的新鮮程度、味道調配，還是各式醬汁的品質，均屬低劣。蝦滑勉強可食，但其他肉類如豬肉及牛肉，肉質鬆散且毫無味道，難以下嚥。湯底亦味道普通，與預期相差甚遠。服務質素同樣令人不滿。大部分員工僅能以普通話溝通，對廣東話顧客造成不便。點餐時多次出錯，湯底送錯的情況亦有發生。此外，外場供應的餐具數量不足，經常需等待更換，影響用餐體驗。綜上所述，無論在環境、食物還是服務方面，此餐廳皆未能達到基本標準，實屬一次極不愉快的用餐經歷，絕不推薦。

牛肉質素ok嘅，不過我想講呢2個侍應姐姐服務有待改善，話說我哋點C餐，我哋係掃二維碼落單嗌咗碟大頭蝦，碟蝦就上咗枱，跟住一位姐姐走埋嚟問我哋我哋點係C餐定係D餐，佢話C餐無蝦(可能佢以爲我哋喺出面撈)，跟住我就話我哋喺二維碼落單喎，跟住呢位姐姐就問佢個同事，然後就粒聲唔出攞走我哋張二維碼，我哋等咗好耐都唔見呢兩位姐姐想還返張二維碼畀我哋，最後我要出聲同老細講先還返張二維碼畀我哋，如果我哋唔出聲我哋咪坐喺度？

見到新開打邊爐，又可開到咁夜，價錢吸引就走上去試試。舖頭裝修一般，有海鮮魚缸，最開心可以自己撈蝦（可以自己揀新鮮活潑的蝦）。唔敢食蟹和鮑魚，睇落麻麻哋，目測蟹冇咩精神，鮑魚篤都冇乜反應😰。叫咗個鴛鴦鍋，有辣有唔辣，味道似返大陸食嘅湯底。平時都打邊爐，主打食牛肉同海鮮，不過今次就冇食到牛，店員話冇晒「吊籠」😒，得普通肥牛（似x寶買嗰啲），食落口又冇牛味，所以都冇食到。佢哋嘅榴槤係金枕頭，都算新鮮，有冰凍或有專人即叫即開。店員話佢哋小龍蝦係每日新鮮炒，都係食咗一隻，味道怪怪地就唔敢再食。薯條及疑似炸麵團的小食列入黑名單（純個人意見），口感極差。小食台冇乜款選擇。唔知係咪啲餐具放咗喺海鮮缸旁邊，當晚同台幾個朋友食完都有肚痛或腹瀉（本人很少打邊爐後有腹瀉）。真係無比較就無傷害，呢個價錢其實都仲有好多其他嘢揀，唔敢再返轉頭。

家住葵青，見到葵芳有新打邊爐海鮮放題做到凌晨3點，借朋友生日來試，而且作為foodie當然第一時間試新菜為大家現場直擊。上到去，可能新開的關係加上有點夜，暫時未需要排隊，可以立即安排入座。我哋4位今日揀左最貴套餐D至尊套餐，即包含海鮮任食的那一個。坐低後大部分店員有禮，環境尚可，有點似北上打邊爐店的感覺，冷氣係夠的。湯底我哋揀咗花膠雞湯及麻辣湯，兩個湯底味道好濃，係唔錯嘅有海底撈嘅feel好期待好興奮走出去自助區，第一個驚喜來了！係極度失落，同宣傳品和想像相差太遠，自己可以睇返相。自助區食物寥寥可數，同埋都不太衛生。第二個驚喜亦都係最重點嘅食物牛肉。我哋食呢個餐呢係包含咗澳洲安格斯牛板腱、鮮切吊龍、西班牙五花腩片。首先，原來牛都是在自助區自取的，質素真的令我掉眼鏡，都係那句，睇返相片。咁牛肉質素存疑下，咁我就叫最令我期待嘅鮮切吊龍，戲肉嚟啦！佢話今日吊龍賣晒！你冇聽錯冇睇錯係賣晒！我哋好努力去跟店員指出入店開單時冇人講過賣晒，而且如果一早賣晒我哋應該唔會入嚟食。我哋就住呢個情況去問店員，店員就話因為係新鮮貨，所以賣晒就冇。然後就話送榴槤和椰青給我們補償，但係其實我哋係唔食榴槤，所以我哋

今日收工約起食火鍋，唔想跑到油麻地食海底撈，係葵廣出來見到新開火鍋放題，淨係需要168，即刻入賴試。1入面可以食吊龍，牛板腱，澳洲肥牛，其他素食丸類全部野飲任食，真系好抵，葵芳都可以食麻辣火鍋我地order鴛鴦鍋，一半蕃茄一般麻辣，味道ok，似重慶味道肉的質數都好好，好有奶香味。見到有人撈海鮮，問隔離檯客人話係298海鮮放題，即刻升級食呢個套餐，可以自己撈海鮮，有大頭蝦 鮑魚，蟹🦀，都係鮮活海產。（發覺香港越來越多新鮮海鮮火鍋），不過就無我想食脆腕魚。除海鮮之外，可以任食榴槤同椰青，需要extra➕30，榴蓮同椰青全部係即叫即切，好fresh。下次會再來