79
37
6
港鐵迪士尼站 A 出口, 步行約10分鐘 繼續閱讀
電話號碼
35503388
特色
家庭親子
營業時間
今日營業
09:00-21:00
星期一至日
09:00-21:00
*星期一至日: 09:00-21:00 (或視乎樂園開放時間)
付款方式
Visa Master AE 現金 銀聯 JCB
其他資料
加一服務費
食評 (138)
等級4 2017-05-01
1576 瀏覽
由於今日係本人嘅農曆生日,所以我們一家去咗迪士尼樂園玩,喺下午嗰陣我們玩到有啲啲累,所以去咗「大街餐廳」食下午茶休息一下!我們叫咗個Duffy & Friends春日下午茶,用嚟盛載著食物嘅美食架係幾層高,賣相相當精緻吸引,首先我們食咗芒果龍蝦肉沙律筒拼迪士尼小熊芝士蛋糕嘅沙律筒係用個迷你雪糕筒載著香甜清新嘅芒果龍蝦肉沙律,而芝士蛋糕嘅質感相當軟滑,味道非常濃郁,而且有一對趣緻可愛嘅Duffy同Shelliemay嘅白朱古力牌!牛柳串燒配香蒜蜜糖汁嘅肉質非常鬆軟嫩滑,再配埋惹味嘅醬汁一齊食,真係好正呀!即烘米奇鬆餅焗得外層相當金黃香脆,入面就好鬆軟,牛油味非常香濃,而且鬆餅係一個隱形米奇嘅造型,真係好得意呀!馬卡龍嘅表面印咗可愛嘅Duffy公仔圖案,令人有種唔係好捨得食嘅感覺!菠菜芝士三文魚撻同蕃茄芝士撻嘅撻皮焗得相當鬆脆,菠菜芝士三文魚食落味道都幾芳香,但感覺有啲啲膩,而蕃茄芝士就比較清新!飲品春日小態特飲「石榴汁」嘅味道好清甜!大街小熊春日紀念杯配士多啤梨蛋糕嘅士多啤梨相當香甜新鮮,蛋糕就好香滑鬆軟,最好嘅就係用嚟盛載著嘅紀念杯係可以攞走㗎! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-16
2171 瀏覽
今日係一年一度情人節嘅大日子,所以我們去咗香港迪士尼樂園玩!玩到夜晚覺得又累又餓嗰陣,我們去咗「大街餐廳」食晚飯!一入到去我們睇緊想食咩餐嗰陣其中一位女店員就話,你們要落單就快喇,因我們要截單喇,我們喺好急嘅情況之下落咗單,以為落完單之後可以享受一下,點知嗰個女店員即刻攞張單埋嚟叫我們埋單,嗰刻我們嚇呆晒咁話:「唔係啩?請問你們收幾點?」佢完全無回答我們,而且仲對我們黑面!其實我們都好體諒同明白,做員工嘅必定想早收工,但都唔係用咁嘅態度,而且我們由坐低落單到食完整餐飯,總共用咗30分鐘,唉⋯⋯真係我們有紀錄以嚟最快食完嘅一餐扒餐!不過態度差祇係呢位女店員,其他個個都好親切有禮!香烤肉眼扒配香草燒汁煎嘅時間火候控制得啱啱好,肉質好鬆軟嫩滑,唔會過咗火!兩個可口可樂特選套餐,頭盤:煙鴨胸配芬達特製黑醋忌廉汁伴番茄及香橙沙律嘅鴨胸絲肉質好鮮嫩,而且有好香濃嘅煙燻味,配埋香橙沙律一齊食,感覺好清新!主菜:香烤牛仔柳及慢煮牛小排配可口可樂小點子伴香芹頭薯蓉及紅酒汁嘅牛仔柳同牛小排表面睇落好似煎得都幾靚,但一食落就覺得肉質唔係好新鮮,而且仲有啲霉!香煎鱸魚配雪碧特製香茅汁伴意式芝士雲吞及迷你田園蔬菜嘅鱸魚肉質都幾鮮味彈牙,但意式芝士雲吞就好似係食緊一「嚿」麵團嘅感覺!甜品:朱古力慕絲伴可口可樂焦糖燉蛋及雜錦草莓伴芒果醬就係全餐最好味嘅嘢,因味道極之香甜濃郁,質感超級香滑軟綿,真係超正呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-13
1524 瀏覽
星期日天清氣朗,帶三隻馬騮去迪士尼樂園玩,到2點大家都肚餓,之前去樂園都係食中菜,今日家姐想試美國大街呢間,去到門口好靚,加咗好多桃花裝飾,門口公關比定餐牌我味睇,5分鐘就可以入座,仲可以坐到玻璃溫室位,綠色鐵框加玻璃,可樂燈罩,好美式感覺,食物都以西式為主,小朋友叫兩個兒童餐分享,我哋再叫大人主菜!食物好快到!店員有比意見,坐低小朋友會用卡通人物紙杯比水!大街精選拼盤($179)炸雞翼:雞翼嫩滑,醃得入味!好味炸薯絲蝦:蝦肉爽口彈牙,薯絲脆口,略油!炸洋蔥圈拌泰式辣汁及酸忌廉:炸得香脆,洋蔥唔老,兩款醬都夾味,自己偏好沙律醬香烤肉眼扒跟薯條($295)肉眼唔厚,肉質淋身,半肥瘦唔嚡,牛肉味夠,燒汁另上,味道鹹香,配牛肉好味,幼薯條脆,配菜蔬菜款式多,所有蔬菜都炒過,夠味好味!蛋包飯兒童餐($108)賣相靚,有分格嘅卡通餐盤,乾淨企理!蛋包飯配南瓜蓉,顏色好靚,蛋皮唔老,入面茄汁飯鬆軟,不錯雞柳拌薯條兒童餐($108)茄汁雞柳唔老,配茄汁正常,薯條墊式淋咗,如果分格放會好啲跟餐低脂芝士餅:小朋友食跟餐米奇西瓜:米奇造型可愛,新鮮爽甜跟餐芒果布甸:米奇造型可愛,芒果味幾假,一般!跟餐蔬菜:灼西蘭花同蘑菇都無味,小朋友一般!跟餐蘋果汁:小朋友飲,卡通膠杯,果汁夠凍!店員有禮斯文,回應好快!樂園來講價錢同質素都唔錯!又有店員招呼!舒服食一餐再去樂園玩過 繼續閱讀
(以上食評乃用戶個人意見 , 並不代表OpenRice之觀點。)
等級4 2016-11-05
1966 瀏覽
平時入迪士尼多數會吃的是火箭餐廳,漢堡包的價錢相對便宜也飽肚不過這餐是午+晚的關係~還是打算找一家吃西餐的比較好但沒想到在人流那麼多的日子,竟然有餐廳是不開門的~讓選擇變得更少最後繞了一圈~回到美國大街那邊,在門前的餐牌中看到有萬聖節相關的套餐 ψ(`∇´)ψ最後2份點的都是 萬聖節特選套餐 ($268/位)這個沒有餐飲,不過可以加錢點 南瓜奶昔 (+$38) 平時飲南瓜湯就多,奶昔這種的還是第一次啊~沒想到味道也頗討好的啊香濃的南瓜味,但又不會過甜!! 還有可愛的Duffy南瓜 (笑)(  'A`) 是說這裡的出餐有點混亂,頭盤明明應該先上~但竟然是放在主菜之後。煙鴨胸配芬達特製黑醋忌廉汁伴番茄及香橙沙律微酸的香橙汁再加上黑醋~還有橙肉!絕對是開胃的沙律來喔而且煙鴨胸也切成了條狀,吃起來滿方便主菜可選擇的剛好有兩款,所以點了後Share就好香煎爐魚配雪碧特製香茅泡沬汁伴意式芝士雲吞及迷你田園蔬菜是泡沬的關係? 其實沒怎吃到有香茅味。不過爐魚煎得夠香,魚肉也很嫩滑(`・ω・´)  芝士雲吞的口感偏輕,可能選擇了較為柔軟的芝士?!另外配合萬聖節主題,還有用紅蘿蔔造出來的蝙蝠相對之下~牛的這個主菜更吸引!ヾ(*´∀`*)香烤牛仔柳及慢煮牛仔骨配可口可樂小點子伴薯蓉及香芹頭紅酒汁不論是牛仔柳還是牛仔骨的肉質也是很軟稔,雖然還有點血水~但烹調的時間其實剛剛好肉本身也多汁再加上紅酒汁更能帶出牛肉香;底下的薯蓉則很柔滑且奶香味十足最後還有甜品喔 ヾ( ̄∇ ̄)朱古力慕絲伴可口可樂焦糖嫩蛋及雜錦草莓伴紅桑子醬朱古力味超濃郁,還有3層的口感。但表面那層朱古力太甜了~如果是微苦的話會比較好幸好可以吃旁邊酸酸的雜莓平衡一下 繼續閱讀
(以上食評乃用戶個人意見 , 並不代表OpenRice之觀點。)
等級2 2017-10-18
0 瀏覽
窮人都係唔好人去食唔係唔好食,正常西餐質素,只係覺得唔底(我係c9性格),叫左三個主菜同一個小朋友餐,個份量少,女仔都多夠八分夠,男仔就......下次都係離開樂園出去揾食 繼續閱讀
(以上食評乃用戶個人意見 , 並不代表OpenRice之觀點。)