影片
食家推介
話說有朋友生日＆朋友想食羊腩煲就喺OR哩度揾到“大街小巷“,有散叫有任食亦有房（當晚先知），下次就醒目。環境算靜唔會似酒樓咁嘈,方便吹水。一嚟到伙記就好快手好好服務咁放低所有食物,除咗羊腩煲,其他可以任叫,汽水任飲,啤酒另計,最後我哋無加過任何食物,枱上食唔晒之餘,以17支啤酒完結。其次去之前發覺無乜食評但佢既腐乳醬,羊腩煲的確係好味,唔會“so",打邊爐既牛亦好味,當晚都坐滿,老闆仲話房間要早啲訂,友人們話會encore,下次一定要訂房
繼續閱讀
經過西環，秋涼想食暖胃的煲朋友說不如去食羊這裡偏向家庭式經營建議預早訂座 一嘗招牌羊肉羊肚煲咬下去啖啖羊肉，肉質較結實還有我最愛的枝竹！湯底不算太濃味，怕羊膻味的 其實可以接受到然後來一下客肥牛 一上枱就看到紅卜卜，一定很好吃！很重牛肉味，肥膏位置不算太多較健康。還有超巨斑馬賴尿蝦！另外仲有小菜，雞煲等想吃中菜，飲啤酒同朋友小聚的好地方。
繼續閱讀
👩🏻❤️👨🏻：⭐️⭐️⭐️⭐️⭐️秋風起，除咗食蛇，最好當然係食羊肉煲。今晚👰🏻♀️🤵🏻♂️就嚟到西環水街呢間小店，慕名嚟食新鮮羊肉羊肚煲。店名叫做大街小巷美食館，真係冇改錯名，喺而家高級餐廳林立嘅西環，有一間地道小店真係好緊要。點解叫做「好雙乳」？賣個關子，最後講！👩🏻❤️👨🏻 任食新鮮羊肉羊肚煲 $298/位冇錯！你冇睇錯！一位$298任食喺今時今日嘅香港真係唔係好多地方有。當然，最貴嘅新鮮羊肉同埋羊肚唔係任食，不過都非常足料，睇圖就知道！其他所有配料包括🤵🏻♂️最愛嘅肥牛都係任食！👩🏻❤️👨🏻 新鮮羊肉羊肚識食嘅人都知道，新鮮肉同冰鮮雪藏真係冇得比。呢度嘅羊肉羊肚肉味極香，並不是一般酒樓用雪藏羊腩煲可以媲美。羊肚食落唔肥膩，羊皮爽口，完全冇臊味。羊肉羊肚非常足料，上枱好似座山咁，夾極都仲有，其實食完已經有飽意，不過其他邊爐配料都好吸引，所以都係忍唔住繼續食。老闆亮哥話羊肉羊肚係每日新鮮運到香港，保證高質，所以每日供應有限，一定要預約先有得食。順帶一提，亮哥有超過30年大廚經驗，做過大集團主廚，為咗繼續研發美食，自立門戶。👩🏻❤️👨🏻獨門湯底亮哥其中一樣努力研發嘅就係個湯底。當然佢冇講晒所有材料，但食落一定知道係用豬骨或者羊骨做底，加上不同香料配料長時間熬製，濃郁惹味，就算淨係淥生菜都好味到爆！食完羊肉羊肚之後，可以叫其他配料打邊爐，抵食之上更抵食！👩🏻❤️👨🏻 三角肥牛有圖有真相，號稱肥牛焚化爐嘅🤵🏻♂️對呢個「三角肥牛」真係讚不絕口。肥瘦分布均勻，肉質爽嫩，牛肉味濃，好似牛肩脊，亦有多少似封門柳，不過亮哥唔肯講係乜嘢，可能係商業機密。👰🏻♀️唔小心擺咗兩塊落去唔記得咗，平時啲肥牛可能已經變咗牛肉乾，但係呢個夾上嚟仍然嫩滑，真係不得不試。（🤵🏻♂️好似一個人食咗三碟）👩🏻❤️👨🏻 海鮮拼盤唔好問我佢點樣做生意， $300有找竟然有咁大盆海鮮仲要任食真係不得了！最特別係有平時不常見嘅北寄貝，有時仲會有廣島蠔送！👩🏻❤️👨🏻 菇菇本來打邊爐有菇係冇乜特別嘅，不過呢度零舍多款式，睇落仲要好飽滿，令到極愛食菇嘅👰🏻♀️雙眼發光，口水直流！👩🏻❤️👨🏻 秘製「好雙乳」重點嚟喇，特登賣關子擺到最後！食羊肉有腐乳醬是基本吧。但係亮哥另一獨門秘方，就係呢個「好雙乳」秘製醬汁。濃郁惹味，配上羊肉同羊肚簡直係天作之合！究竟點解叫做好雙乳呢，亮哥今次絕對唔吝嗇，開宗明義係腐乳加南乳，再加上其他秘製配料，仲好大口氣咁話，我講俾你聽你都學我唔到！👰🏻♀️🤵🏻♂️都極度鍾意呢個醬汁，羊肉食完之後點肥牛，肥牛食完之後點金菇！寫呢篇食評嘅時候，👰🏻♀️🤵🏻♂️仲好回味食材、湯底、到醬汁各項味道，差啲唔記得講仲有汽水任飲。而家馬上要約朋友再去多次！
繼續閱讀