影片
招牌菜
171 瀏覽
同完班老死晌大角咀嘅靚煲皇打鞭爐，食完都成11:00pm，本來都打算散場，行到過旺角港鐵站，又話不如食埋糖水先走，就喺依個錯誤嘅決定，就攞苦嚟辛。雖然鋪位細細，枱凳又逼又窄，但食完快閃，真喺無所謂。唔講齊咁多個人食啲乜，只講吓坐晌身邊幾位老友食咗乜！什果水晶撈 $35阿志嘅選擇，小弟覺得喺咁多個甜品中最明智嘅選擇，賣相似模似樣，什果有西瓜、蜜瓜、哈蜜瓜、士多啤梨、奇異果、芒果，除奇異果外，啲生果算幾鮮甜，而且落咗幾多芒果汁做底，西米又算OK，有咬口無煲爛！生磨合桃糊 $19廖Sir嘅選擇，睇樣OK喎，點知滔一羹，好杰，同啲BB食嘅餬仔差唔多，雖然合桃味幾濃，但質感絕對喺大問題。合桃糊有機豆腐花 $19啲合桃糊既然唔喺咁掂，依個跟豆花嘅雙拼亦好不了多少。唔記得邊個食依碗嘢，祝君好運！芝麻糊加湯圓 $25肥麥次次都喺芝麻糊加湯圓，今次亦都無例外。例外喺佢話食唔落啲湯圓，麻蓉湯圓外貌有啲嚇人，凹凸不平兼溶溶爛咁款，變咗異形湯圓，入口仲大劑，有啲變味，應該變壞咗。雖然事後同店員講啲湯圓有問題，佢都有話出聲包換，不過我哋就費事為兩粒湯圓搞咁耐，因為之前等都等咗好耐。而芝麻糊跟啲合桃糊差唔多，味道OK不過就太杰身，唔知喺咪少人叫，越滾越乾水，所以變得咁杰。涼粉楊枝金露 $24打完鞭爐，梗喺食番啲涼快嘢，涼粉楊枝金露，滿足兩個願望。不過，真喺好可惜，啲金柚酸嘅，芒果汁底又好少，真喺唔合格囉！何解可以整到咁難食？都喺自己懶之過，事先上網睇睇食評，就知中伏嘅或然率有幾高！
繼續閱讀
去完九記打冷, 行過嚟呢間老字號既糖水舖食糖水.好耐無嚟呢間糖水舖食, 以前最出名係食生磨合桃糊, 屋企人話呢間d 糖水會穩陣d.點知合桃糊落粉煮到杰撻撻, 又甜.另外一碗合桃芝麻糊都係一樣.真係唔掂, 食碗糖水仲貴過食碗雲吞麵, 仲要唔好食.轉型後冇晒功夫.到今日寫食評至知, 家陣差成咁, 唉, 早知上網check下先啦!
繼續閱讀
星期六晚上滿街都是人頭湧湧,在旺角這個食店林立的地方想要吃個糖水甜品作夜宵倒不是容易的,到處都是長龍,顧客言談甚歡不願離去都是可體諒的.與姊妹們走過了不少路,總於找到一間不用等位又不用坐出門,可以好好談話的糖水舖.Menu上的選擇有不少,定價不高,除了甜點還有一些熟食如燒賣和茶葉蛋等發售.選擇良久,三人都要了$32元有三款自選配料的雪花冰.先來的是益力多雪花冰配士多啤梨,涼粉和椰果. 大大的一座山捧上來,份量有一般的1.5-2倍.益力多味酸酸甜甜的很開胃,上面澆了草莓果醬,味道甚相襯.士多啤梨是一大粒的上來,紅彤彤的,可是味淡,不是很靚. 椰果是長條形色彩繽紛的,煙煙韌韌的口感蠻好.涼粉又是一大堆的,很足料,最後也吃剩了.等了一會藍莓雪花冰配士多啤梨,芒果和椰果就上來了.紫色的冰山外表討好,可是比起同樣以酸甜味為主的益力多冰,就比較失色,味道偏假.但就比益力多冰硬身,沒那麼容易融.上面澆的是朱古力醬,味道也不錯,但個人認為還是果醬比較討好.芒果粒比預期中的甜,味濃好吃.其他配料已談過了,就不多說.之間等了很久豆腐雪花冰配士多啤梨,水晶珠和椰果才上來.店員解釋因為雪花冰是老闆娘親自即製的,所以需要較長的時間. 豆腐雪花冰豆味香,清清的,吃著像在吃豆腐花,與上面的草莓果醬出乎意料的合拍.冰的質感跟藍莓冰一樣較硬,可能是跟材料有關.透明的水晶珠爽,又不像爆爆珠般帶有藥水味果汁在內,是很不錯的配料.其他配料跟上述的一樣.三十二元一大座山吃得人十分滿足,雖然等了好些時間,但總算不用每次都到糖伯虎石磨坊等跟別人迫在門外等位.相信還會再來的.
繼續閱讀
今天放工後到旺角去修手機, 路經大良八記, 曾經何時, 一班柴娃娃出來例必到大良八記吃糖水, 而且吃開會上癮排隊都等, 今時今日間舖己不見長龍, 唸住買外賣回家氹家人點知一個人都沒興趣, 唯有自己order了一個番薯芋頭糖水拿走算了, 客又少店員又一邊傾計一邊裝外賣, 心一直想, 這一邊說話一邊工作口水會不會都噴掉到锅里去了... 芋頭沒有, 只有番薯糖水, 算了, 不是己走進來不好意思走出去就走了, 反正本來也只是想吃番薯. 只是這番薯一入口己搖頭, 無番薯香味, 又無清甜味, 而且有一些黃色帶灰的, 估計是有好有差混在一锅里了, 失望, 好在糖水味道還算不錯, 只是薑汁味淡了點, 尚算可以入口. 吃完不禁嘆一口氣, 今非昔比啊.
繼續閱讀
嘩呢間野差到我要多齋寫食評!!11點到去到...都幾多人食緊, 但係得一個伙記負責落單傳菜...竟然由嗌佢到佢過黎落單等左三分鐘都有, 間鋪得二百呎到咋喎大佬?ok落單啦, 一睇D糖水貴左勁多!!! 以前去佐敦o個間喳咋九蚊, 今次竟然索價十九大元, 足足貴一倍有多!!!唉, 礙於朋友o係度, 如果唔係一早走了...(唔好意思呢篇成篇都係講服務的, 因為真係好...特別)等緊糖水o個陣, 朋友見隔離卡位D人走左, 就提議過去坐啦搬左過去之後, 個伙計黎到就大聲問 : "你地搬左枱呀??" 之後就"zit"我地, 怒氣沖沖咁走左去我地以為咩事啦, 原來佢要換過張單個枱號 大佬使唔使呀??跟住佢叫極都唔收我地枱D碗=口=之後喳咋同楊枝甘露都係普通料...總之就一肚氣 打死都唔會再黎! 講真同樣價錢我都食許留山/滿記啦!!
繼續閱讀