大興餐廳 (第尾牛扒)

營業中

休息中

記得以前90年代香港經濟開始起飛既時代如果屋企有人生日、有人考試滿分、有咩好事都會去鋸扒慶祝滿心期待鐵板發出渣渣聲響個種黑椒汁香氣蔓延曬成個空間是獨特的享受一到假日第尾總系排曬人龍兩人晚餐埋單二百幾蚊什扒餐有牛扒有雞扒有豬扒煙肉腸仔薯條仲有餐包同餐湯羅宋湯帶小小辣調味好正

想食肉，自然就會諗到据扒一坐低，侍應就問紅湯定白湯。仲快過真正既茶記><侍應大嗌：2個紅湯！唔洗幾秒湯就到左。紅湯有啲油浮面，飲落微辣冇咩酸味；啲菜煲到好淋，加埋湯飲，有啲似食淋既泡菜；湯入面既牛腩都煮到好淋，一咬就開，都有肉味。整體而言，紅湯味道屬中下，試左幾啖就冇再飲～餐湯係黎得幾快，但係鐵板扒係應該即叫即整，所以都等左有成十分鐘。聽到吱吱聲越行越近，就知我個扒到啦！肉眼扒有兩塊仔，份量唔算大，但唔係我見過最大既。扒都有一定既厚度，但總體份量而言，冇我想像咁大，大食既我有些少失望肉眼扒既六七成熟，食落肉質軟淋，食先果啲冇咁熟會嫩啲，最尾食既肉因為鐵板既熱力，令肉眼肉質變老，但都唔會去到韌既地步；肉質方面做得唔錯。肉眼味道方面，個人覺得冇咩牛味，唔知係咪因為黑椒汁太重口味，蓋過左肉味。肉眼屬半肥瘦，當然，瘦肉比肥肉多。邊位會痴住少少肥膏，扒與扒之間都會有脂肪，但影響唔大。黑椒汁味道過鹹，冇黑椒味既辣味，食到最尾係好鹹好鹹！影響埋肉既味道，有待改善配菜有薯條、三色豆、蕃茄；薯條正常，唔算脆，掂到醬汁果啲係淋既；三色豆同蕃茄睇落都幾油，冇食到。整體而言，個扒味道不過不失。

第尾牛扒，個名好搞笑次次經過太子都想試下今次上左去試下啦終於！上去即有位，但卡位就要等一下两個人食梗係要卡位啦等左5分鐘左右就有啦鐵板黑椒汁肉眼扒，牛肉好大塊！好軟冇乜根，亦冇雪味以一塊一百蚊左右即牛扒餐來講都係好食又好超值！扒大蝦，有三隻都不細不過比起鐵板牛扒餐來講，不係好夠睇頭但都幾好食，好有蝦仲好新鮮肉係彈牙既！不過餐湯同個餐包都麻麻地，我相都冇影。。。總括來講，下次据平扒都會去第尾牛扒而不會再幫親花x牛扒，上次食既太差啦牛扒勁多根

今日老婆生日，本來諗住去一間連鎖有黑糖包食既扒房，但老婆話唔想咁破費就去左呢間扒房試一試，入到去，裝修係啲老式既扒房，好記得細細個既時候，老豆呀媽成日都會帶我地去沙田食香蕉船同据扒，呢間直頭係當年既裝修，格仔枱面好經典，食物方面，80幾蚊加一就有肉眼扒食，無得頂，我平時最驚係一塊扒因太多筋，要不停咬，可能最後只食到一半，但呢間真係完全無呢個問題，7成就真係比7成你，唔會話變左十成，整體都好掂，好好食

又係同男人諗黎諗去食咩嘅時候，最後就決定上黎第尾牛扒食！第尾嘅格局都係一貫舊式扒房嘅裝修，今日我叫咗肉眼扒，男人叫咗西冷扒，兩個人都係叫七成熟。坐咗一陣，餐包同湯率先嚟到，個餐包唔同其他舊式扒房嘅咁，佢嘅質地比其他扒房嘅稍為硬左少少，呢個湯就好濃郁喇！！！啱啱飲完個湯食完個包，個扒就黎到喇！呢個係肉眼！呢個係西冷！兩塊都好大大塊！而下面嘅配菜係脆脆嘅粗薯條、鮮蕃茄同雜豆。👆🏻我欣賞佢唔會好似花x咁...下面條棠菜係多水嘅，整到啲汁淡晒...扒嘅熟嘅程度都拿捏得幾好！西冷肉味略勝一籌！

今天帶朋友嚟太子行下順便食我最愛嘅牛扒。咁多年佢嘅出品都可以Keep 到，但今日就大失所望😩羅宋湯間餐廳嘅羅宋湯同出面嘅真係好唔同，酸度啱啱好，佢哋仲加左少少指天椒仔落下湯到，開胃得嚟又唔會太辣，就算唔食辣嘅我都接受到😋😋😋肉眼牛扒五成熟就啱啱好，但嫌今次黑椒汁太咸，食左一啖之後已覺得口渴，冇左繼續食嘅欲望😥

今日約咗啲舊同學gathering揀咗係旺角呢個算係中心點嘅位置一開始都唔知食邊間好其中有個同學就話想鋸下扒咁就搵咗間價錢都相宜 味道算ok嘅第尾餐廳我形容呢間餐廳為 花園嘅價錢 但好食過花園比佢地知七點三左右上到去唔駛等位 直接有得入去坐坐底就揀個晚餐餐牌啦基本我地唔係揀西冷就係肉眼啦鐵板肉眼牛扒 $96同學仔揀咗個鐵板肉眼扒（碟上）仲加咗碟意粉+$10同學話塊扒面積幾大 好味過花園喎薯條好食 份量大份鐵板西冷牛扒 三成熟 $96我就點咗個西冷牛扒其實我點五成 但佢上枱個陣話三成 仲有環境太熟 我係聽唔到侍應講咩不過都冇所謂 鐵板上 壓一壓落塊板到佢就可以熟啲啦塊西冷唔錯嫩口 一咬就咬得開 但肉汁久奉口感唔錯 有啲肉味嘅 塊扒雖然略為生咗啲但鐵板上可以叫好返啲同學覺得呢間唔錯而我都覺得水準可以坐位都坐得舒適只係服務唔太掂佢地好似好唔耐煩咁每位一百一十蚊

細細個就已經見到呢間餐廳， 我諗佢有二三十年歷史。 今日心血來潮，專誠走上去試下！一上去， 竟然差唔多全場full哂！ 好彩都仲有一個卡位畀我哋坐 晚餐大概80至100蚊左右，合理價錢 叫咗一個西冷牛扒鐵板餐， 另外一個焗豬扒飯！ 落單之後大概八秒左右， 已經有兩個湯同埋餐包擺咗喺我哋張枱上面， 你冇聽錯係八秒呀！！！ 光速一般既侍應， 超高的效率！ 牛扒同埋個飯，都係大概十至15分鐘左右就已經出現， 真係快到你唔信 食物分量超大， 味道都幾好， 唔怪得之我見大部分嘅食客都係男人啦！

本打算去食太子個間花園餐廳，點知佢裝修至6月中先重開咁，唸住鋸扒，就唔打算轉，就試下呢間第一次食，唸住同花園差唔多但係⋯⋯先講個餐牌，鐡板只有肉眼我問有無西冷什扒女侍應答我有但就話要百幾蚊份（不過佢並沒有比我睇過個餐牌）唔緊要咁要肉眼啦！話要8成熟轉眼間，佢就送湯黎個湯一般啦同埋佢同花園唔同，係唔比餐包的在等扒黎既時候我上openrice睇下呢間既comment我見晚市的西冷或什扒都只是80-90蚊左右莫非午市質素更優？好！等左10分鐘左右扒上佢地係唔會問你要咩汁上檯前已經倒左黑椒汁？！（花園點都會有2款仲會問下你）塊扒呢⋯⋯⋯非常腍用鬆肉粉徹底招呼成塊肉眼😣好難食雜豆又好難食係薯條正常同埋杯凍檸茶都正常睇openrice話侍應服務唔好除左無咩好面包外，基本上你叫佢都做到比你收野仲好勤力添不過食物質素真心唔掂65蚊午餐可以有好多選擇無下次

今晚放了工約了同學做group projects ，去到太子始創附近晚飯其實都好多選擇，有地道車仔麵，茶餐廳同燒美鋪外，今晚就去了大興餐廳的第尾牛扒食鐵板，上到一樓一看好多食客用餐中，地方大又坐位得幾舒服喎⋯⋯看過今晚好味道晚餐點了個黑椒鐵板肉眼牛扒（3成）同蒜茸鐵板西冷牛扒（5成）。餐前的忌廉湯好濃味，分別送上鐵板扒餐，同學的肉眼牛扒配黑椒汁大大件話～肉眼扒配上醬汁三成熟剛剛好又不太生又有多肉汁喎。另外～我的五成西冷牛扒都一樣出色大大件五成又不過火好好味，最欣賞係淡淡肉無咩肥膏或筋正。會再來的

其實自從扒王之王執得七七八八之後，基本上我近十年都冇再食過港式西餐嘅牛扒。平時就會覺得，一係唔食，一係我就食真係西式嘅牛扒，好少再聽「雜扒餐」、「雞扒鐵板餐」、「跟蒜蓉定係洋蔥定係黑椒汁」呢啲嘢。今日同朋友等極都等唔到食樓上嗰間上海菜，膽粗粗走咗落嚟，美其名叫做「搵返啲童年回憶」， 實質就只係太肚餓唔想等位。餐牌上面嘅食物種類同我以前細細個食港式扒房嘅印象差唔多。叫咗一份肉眼扒，嚟到嘅時候啲油已經係鐵板上周圍彈，大家即刻用紙巾遮住塊面同件衫，好有童年嘅感覺食落又唔錯，牛扒稔身，亦都冇太多多餘嘅筋，係就係薄薄地，但調味都幾濃，好符合港式扒房嘅要求如果食客係都要同西式餐廳嘅牛扒相比，咁就不如唔好嚟呢度食啦

是日拍拖窮食其實對於呀叔嚟講依餐叫豪食㗎啦不過伯母話佢個女瘦左好多點敢唔俾佢食多啲啊晚餐去左太子第尾牛扒jar jar聲叫咗份肉眼扒同羊扒包 湯 扒 餐飲 兩份加埋$240其實呀叔就唔太識分塊扒好唔好食塊塊扒都係煎完再淋汁一樣樣嘅不過就答到你一定唔係難食嘅扒(有啲食一啖已經不了)份量多 牛尾湯同羊扒幾正 呀叔唔抗拒再去食過Ps:紅豆冰好甜 不了個樣唔多靚嘅牛尾湯已經飲左一半先記得影相味道係好飲  足料嘅大約7點半去到 睇落好似好多人排隊  但玩下手機上下網 好快就有位坐

話說年三十晚，專乘想來到鋸扒，因為聽到人地介紹話好過食隔離嗰間...點知竟然摸門釘，喺冇得選擇底下，最終都係食花x餐廳，所以嗰日好多客都局住揀隔離開餐。由於嗰日食唔到，去到年初四，應該唔會未開吖嘛~見到樓下餐牌，是日午餐都係50蚊，包餐湯野飲，不加一服務費，真係食得過。鐵板餐都係65蚊咋上到去坐低，本來想揀午餐食扒，但差一點點就下午茶時間，所以都係等多陣先叫餐。不過下午茶餐就要加一服務費，其實計番好似同午餐差不多價🤔第一個來嘅係，黑椒雞扒飯（忘記了影相），黑椒汁幾辣，雞扒大塊，飯份量足以兩碗。第二個係咖哩牛腩飯，咖哩偏奶味重，不過咖哩味唔算假。牛腩都比幾多，又有薯仔洋蔥做配料。飯的份量係多到食唔晒，抵等等等......等到友人都食完，雞腿餐終於都到。因為即炸關係，時間比較耐吧！雞腿非常大隻，咬落脆卜卜，好好食。不過，最估唔到嘅係......天使麵係要等咁耐囉，真係少啲耐性都燥底個麵新鮮熱辣送上，差一點淥到嘴雖然啲吞拿魚和蘑菇唔算好多，但個麵都好大碟下，肚餓先食得晒。眼見啲客食鐵板的話，真係好快就有得食，出餐出得超快。全場都充滿牛扒味，香到不得了，價錢又不太貴，所以決定下次夜晚來食番次扒

上一次因爲要排隊無食到，今次1830去到門口有2個人等緊，原來等卡位，我地就即刻安排坐四人枱，不過食食下都爆場，睇得出呢間餐廳都幾受歡迎而家大件夾抵食既牛扒仲係邊到搵到？話說今日同男朋友紀念日，黎左呢到食左餐好滿足既晚餐，慶祝唔一定要貴既，最緊要好食同滿足！點左鐵板肉眼牛扒（$93）餐包有微溫，但不足以溶牛油，不過我覺得做到唔會硬同凍已經好好！紅湯比白湯出色，又多料又夠濃郁，絕對唔係溝水溝到好淡果d。肉眼扒真係好正，好大件又厚身，鐵板好夠熱，我覺得5成岩岩好，肉質好淋好嫩，一d都唔un，黑椒汁夠辣好正！薯條炸得唔錯，係鐵板上煎到脆卜卜，我全部都食曬，呢餐超級滿足！

男朋友很喜歡据扒，帶我來這間餐廳幾次了。對這間餐廳的印象是叫5成熟會給7成，叫7成熟幾乎全熟，叫3成熟又咬不爛。難得這次卻很正常。男朋友叫了神戶牛柳配薯菜，我就叫了雜扒配薯菜。兩人賣單只要$250左右，算是十分抵食。落單後馬上便上了餐包和餐湯，牛尾湯十非夠味，真的很好飲，每次來都必喝，但這次覺得非常咸，飲完極口乾。男朋友叫的神戶牛柳還送了一小碟沙拉，味道一般。我叫的雜扒配薯菜非常足料，有香腸，煙肉，火腿扒，牛扒，豬扒，雞扒。我覺得當中最好吃的是雞扒。牛扒有點熟過頭，或許是擺耐了，大約8，9成熟。男朋友則覺得那個牛扒有點似漢堡扒。吃了3份1後真的忍不住叫了飲料。太口乾口渴，黑椒汁也偏咸。神戶牛柳5成熟剛剛好，很軟腍。飲品叫了紅豆冰，有點溫又有點冰，怪怪的。飲管是幼身不能吸食紅豆但有匙羹。不太推薦沒有很好喝。