大紅袍火鍋料理

營業中

休息中

天氣凍約了三五知己打邊爐，一看到那個放筷子的鴨非常精美，先吃主打刺身，海膽和帶子，帶子還配上蟹膏非常夾，再來牛刺身，師傅刀工一流切得超薄，而且沒想到刺身的新鮮程度拍得上高級酒店、再來是小菜，椒鹽豆腐，皮脆內軟，不過要提醒大家一下上菜時先放一下再放入口，因為熱到辣嘴火鍋湯底非常特別，物來金屋藏嬌，金屋是指冬瓜，非常甜美，嬌是指雞，原隻上，還有專人幫忙剪件，肉質非常鮮嫩 。至於火鍋配料選了幾款牛，賣場已經好吸引，吃下去真的令人回味無窮！而其他配料方面有田雞，四寶丸等都非常新鮮，主打菜響玲簡直是秒殺，一出來就給全清了，所以另外再叫多一次紫菜響玲。總括而言，食物水準非常之高，值得一試！

今次黎到荃灣，朋友介紹呢間新開不久的火鍋店，見已有幾家分店，決定一試，所以朋友預早book位。當日去到，店員預早為我們安排了窗邊卡位，環境舒適，坐落亦覺位置闊落。湯底選了「金屋藏嬌」招牌之選，金黃色的湯配上嫰雞、花膠、竹笙、冬瓜，配料很足。頂級安格斯牛頸脊四個人叫了一份大的，份量都足，牛頸脊油花紋細緻，嫰滑有咬口，牛味濃郁。桂花蚌爽脆彈牙，味道鮮甜。墨魚丸入口富有彈性，好彈牙，吃到墨魚的味道。海中蝦滑新鮮且有黏性，食到粒粒彈牙蝦肉，混合蟹籽有多重口感。炸魚片頭原先點這個是想放進火鍋內的，豈料店員上菜時話可以即食當小吃，新鮮炸好，炸得金黃，還感受到熱呼呼，配以泰式辣醬，夠晒香口，是我吃過最好吃的魚片頭。紫菜炸響鈴比普通響鈴卷更有新意，加上紫菜一齊炸，不算油膩，不但香脆，而且味道層次更豐富。萵荀片如果不想咁悶成日食生菜等，可以一試萵筍片，焯一會就可以吃了，既清甜又爽口。焯的時間過長會使萵筍綿軟，失去清脆口感。總括來說，這家火鍋店食物質素高，環境舒適，不過可能因為新開張店員不足，等候上菜時間有點耐，但我們都會再次光顧，非常讚！

得知大紅袍在荃灣區內新開張，就選這裏慶祝朋友舊公司的last day。雖未去過北角店，但都聽說大紅袍這店不錯，所以期望也當然高。荃灣店裝修新穎、空間大座位闊落，給我們的印象很好，特別是區內的火鍋店的環境都一般，所以比較起來大紅袍更勝一籌。胡椒豬肚雞鍋 $128寒冷天氣下點個胡椒豬肚鍋最好不過，在開始吃之前可先飲兩碗湯。這個鍋胡椒味夠，豬肚和雞件也不少。另外以這環境來說，食物價錢相當親民。湯底選擇逾二十款，能滿足不同口味的食客。大紅袍牛王拼盤 $338牛王拼盤包括了和牛肉、神仙牛肉、鮮牛肉粒、牛脷粒、牛胸尖各樣，份量不少，我們五人來說剛剛好。各款牛肉油脂分佈佳，入口柔軟、肉味濃，質素來說也十分滿意。蒙古羊肉片$78、日本黑豚五花腩 $75 、醉雞件 $75羊肉片及五花腩份量也很多，前者羊膻味完全不重，連不吃羊的朋友也能接受；五花腩片也是油脂豐富，沒有豬膻味。醉雞件也是滿滿一碗浸在花雕汁內，相當入味。炸響鈴$45、蟹籽墨魚滑 $72、手打四寶丸 $68炸響鈴是意外的大件，是平常的兩倍，炸得脆但油味過重；蟹籽墨魚滑和丸類份量就不多，但能保持鮮味和彈牙口感，證明手打工夫足。整體來說，大紅袍的食

去左荃灣食火鍋，棟樓係新改建，地方好新淨又寬敞。 店內裝修好靚，好有中國風味，好多特式擺設。坐底叫左個鴛鴦鍋，麻辣同胡椒豬肚湯底。叫左超多野食！不能盡錄～一開始黎左個黃金尤魚鬚，好香咸蛋黃味，熱辣辣，正！湯底到啦！！超香！ 叫左個牛肉拼盤，入面有澳洲，本地，日本和牛，仲有好特別既牛脷粒。澳洲牛最淋滑，而本地牛就最有牛味！兩個湯底都超惹味。佢地個黑松露餃，釀油炸鬼都好值得一試！ 牛肉拼盤鬼馬炸兩　（釀油炸鬼） 　　黑松露餃　黑毛豬腩肉　冰豆腐，打邊爐必點！好入味！最後不得不提既係佢d醬料，樣樣都正，尤其是個炸蒜油同麻辣椒油。好滿足，一定要再黎！ＭＥＮＵ都幾多選擇架

老老實實其實我一直都覺得打邊爐間間都係咁上下， 係食之前其實都冇咩太大 期望但係食完之後我又覺得佢材料非常新鮮，湯底都好足料，真係值得再去過!由於太肚餓，一開始我地就叫左一碟黃金魷魚同埋三文魚刺身食住先，三文魚真係好鮮甜，黃金魷魚好鬆脆！ 同我一齊去既朋友仔都鍾意食辣， 所以當然一定要叫一個麻辣湯底，真係辣得好過癮， 又要辣又要好食真係好正，好彩叫左一揸竹蔗茅根畀我地解辣。另外仲叫左胡椒湯底，本身擺出嚟已經係奶白色，再加埋入面有一隻雞，烚下烚下之後， 飲落口真係好豐富好好味! 雖然佢比左好多配料 我地自製醬油，但淨係個湯 已經好夠味，基本上我都冇咩點佢d醬料　（麻辣湯拼胡椒雞湯底）　（醬料架）因為menu有太多選擇，我地花多眼亂，店員都好好人， 特登為我地推介各種新鮮食材打邊爐當然要叫牛架啦，叫左個拼盤，有澳洲和牛、安格斯牛 、 本地肥牛、 牛柳粒同埋牛舌粒。佢既牛好有肉味同好滑，當中最出色竟然係本地肥牛，有小小接近入口即溶既感覺，真係好幸福！ 另外我地仲有叫左黑松露餃、，豬腩肉，即炸魚皮， 呢兩樣都係佢地自家製，都值得一試　（新鮮炸魚皮）（豬腩肉片）順帶一提仲有佢個冰豆腐， 索曬湯底

近排天氣時冷時暖，早晚就特別寒，收工凍凍地就梗係想約埋班frd打番個邊爐暖下肚啦。朋友提議大紅袍，話坐得夠舒服，吹水都開心啲，見到係荃灣開咗新分店，幾近西鐵站咁，啱晒住大西北嘅我地，一於book位試試佢。講番野食，一黎梗係點湯底先，我地點咗金屋藏嬌，成大舊冬瓜，配埋大約半隻雞，非常足料。店員仲溫馨提示我地可以先飲下個湯試下先，又真係幾鮮甜，仲有我最鍾意嘅竹笙，吸晒啲湯好好食啊！見個湯底咁高質，我地都即刻叫咗冰豆腐同響鈴，盡情吸啲湯汁，正啊！！呢度啲火鍋配料選擇都幾多，我地就揀咗招牌餃（黑松露蟹肉餃）、韮菜餃、脆鯇片、黑豚五花腩片、鬼馬蝦膠同埋娃娃菜等等。不得不提個招牌餃真係好驚喜，唔單只大大粒，一咬啲黑松露香味即刻爆晒出黎！而另一款韮菜餃都同樣好食，一碟有成8粒，大大粒夠晒足料。脆鯇片夠晒新鮮，啱晒鍾意食魚嘅我～呢度每款野食都真係好大份，我地一行四人，叫咗9樣配料，加兩楂野飲，飽到差啲行唔到，埋單都唔洗$1000。非任食邊爐黎講，呢種質素同份量，真係超晒值。咁啱今次有同行朋友唔食牛，見到隔離枱啲安格斯牛好似幾正咁，下次一於再黎試試佢！

幾日前我地一大班朋友一齊去咗荃灣大紅袍打邊爐 呢度啲裝修走中國風 好有霸氣又夠闊落好啱一大班人聚餐傾計 我哋揀咗花膠燉雞湯 隻雞係原隻上😱😱花膠湯好補身 依家真係連打邊爐都要玩養生🤣🤣 絕對建議打邊爐之前飲返碗湯 真係好潤好滋味😋呢度既食物走中日風 除咗普通刺身重有海膽 同埋好少見嘅牛肉刺身 刺身好新鮮 特別推介蟹膏帶子刺身 超級鮮甜 配上蟹膏 唔識得點形容 只能再夾一片三文魚肉質細嫩、顏色鮮艷👍🏻👍🏻牛肉刺身嘅雪花分布好靚 油脂分布啱啱好 配上特製嘅醬汁 酸酸甜甜好易入口 感受着佢喺口中慢慢溶化 的確係一個新體驗講下火鍋料 第一次見到紫菜響鈴 鬆脆乾身唔油膩 配合埋紫菜更香口 鬼馬蝦膠 新鮮油炸鬼配上蝦膠 啱啱上台嗰陣以為係熟食 準備放入口🤣🤣 好彩友人制止咗 不過估唔到煮左幾分鐘仲係香脆👍🏻👍🏻蝦膠好彈牙 推介安格斯牛頸脊 肉味唔算重 不過油脂分布幾好 肉質都算夠軟 不過不失頂級澳洲和牛肉 比較推介呢隻 入口即溶 雪花好靚小食我哋揀咗椒鹽炸鱔 椒鹽炸豆腐 兩個都好香 豆腐好滑 外脆內軟😋😋仲有好多特別嘅火鍋料同小食 大家不妨一試😋

除夕夜🎉🎉約左家人一齊打邊爐。見大紅袍係荃灣開咗新店，就帶家人一齊試吓😊室內裝修跟其他分店一樣，有古色古香的味道。可能係新店，假日時段都未見爆滿。湯底名為「金屋藏嬌」，雞湯肉有半隻雞，花膠，竹笙，日日魚，蟲草花及冬瓜。個湯好好飲，材料豐富。不過大家不要對個花膠抱有寄望🙄用來做湯底嘅花膠，質素係得過且過啦😬我地揀左一條細杉班切片，只係4百幾，唔算貴。雖然係細魚，但份量不少。魚味非常鮮甜。我估可能跟楊屋道街市攞魚，所以格外新鮮😂仲有白鱔同花甲都好肥味。海鮮類來説，十個讚👍🏻不過肉類就平平，我地叫左安格斯牛頸脊和羊片，太冰鮮，失左肉味。鵝腸雖然有肥，但是入口並沒有什麼油香同入口即溶嘅感覺。四寶丸亦唔算彈牙，只算係一半，不過佢係打邊爐嘅鐵腳，點都要叫佢🙄

大紅袍一直係我同女朋友覺得最好食嘅火鍋店，湯底食物環境服務質素都一概係最頂尖嘅級別。上星期同女朋友就去咗佢荃灣新開嘅分店度。因為冬天嘅關係全晚都full到飛起，我哋大概八點鐘先到。都要等到成九點先入座。證明質素一定有保證。好可惜係好多野都賣晒，但係因為咁竟然比我地是但一個新好好味嘅湯底。呢個最雞煲比坊間一般嘅最底部好味好多。原因有二，湯底唔係剩係得酒味加左好多藥材，雞嘅私密影到成個湯底升華咗。絕對建議咁多位打完呢個湯底後一定一定一定要叫個公仔麵或者烏冬飲晒嗰啲湯。叫咗好多配料，反而除必要嘅肥牛，好推介大家食佢其他嘅嘢食因為一樣咁補習。肉類佢嘅蒙古羊肉片非常之香，羊蘇但唔會臭。另外叫咗佢好多海鮮，當中嘅桂花膀亦都係我必食嘅一樣野。筒蠔都有質素嘅保證除此之外好建議大家叫佢奇奇怪怪嘅火配料，因為不論係唔同嘅內臟部位，佢都絕對唔會整得難食，可以試吓一啲大家平時唔會食嘅之餘又唔怕中伏。除咗想見嘅雞子牛內臟，我自己好鍾意食呢花雕豬腦。 酒香之餘亦都有豬肉嘅香同埋少少生蠔樣嘅質感。如果近荃灣嘅朋友記得去食啦

大紅袍係近排相當有人氣既火鍋店，不過我唔係話特別鍾意出街打邊爐——成日覺得自己買料都得啦，啲花臣野成日都係味精野既。所以上去之前我都冇特別期待。但食完大紅袍既火鍋，我諗我要推翻之前既諗法喇。食完我就已經心思思幾時有下次添。我地去既係大紅袍喺荃灣既分店，一行入去就覺得好闊落，好大，有卡位有窗口位，如果想睇下夜景可以預約時request啦。感覺餐廳有花幾多心思響室內設計上，裝潢既色調同材料配合返大紅袍呢個名，中國風之中帶點霸氣，好容易就令人留下深刻印象！連筷子托同木枱都有揀過襯過，唔係出面啲千篇一律既格局。未見湯底我地先攬醬料。呢度除咗有常見既芫茜蒜泥辣椒外，我必要推薦既就係個麻辣醬啊，好香，條脷真係會痺痺地，好過癮。我地揀咗金屋藏嬌湯底，雞湯配上一圈冬瓜，魚肚等食材，個湯本身已經好豪華，建議大家飲兩啖試咗個原汁原味先！講真，如果同細食既朋友去，淨係呢個湯底啲料都可以食到半飽。之後仲可以用響鈴／冰豆腐吸啲汁黎食，有另一番滋味。大紅袍既火鍋料好多選擇，菜肉海鮮丸餃子你諗得出都有，就算一枱人有唔同喜好都可以照顧到。我自己覺得不得不叫既係黑松露蟹肉餃子，一咬落去啲黑松露味爆出黎，真係想學食神既谷

終於有機會去大紅袍打邊爐之前聽過好幾個朋友推介過我們揀左荃灣新開店好靚 好豪華的裝修！我有幾樣覺得特別好吃特別回味: 1) 金屋藏嬌湯底必點！好清甜！配什麼都match非常足料2) 響鈴上菜的時候仲好熱，真係即叫即炸，望落去都覺得係用新鮮油炸，一個字: 正！3) 安格斯牛頸脊雪花分佈平均，厚度剛好，肉味濃郁質素不錯!4) 鬼馬蝦膠其實是油炸鬼加上蝦膠而成，在湯中稍煮2分鐘就可食用，當晚最快清光！！！　　

前幾日鬼死咁凍唔知食咩好聽人講呢間啲嘢好似幾唔錯所以就約咗班朋友去試吓！我哋叫咗兩個湯底第一個係花膠雞第二個係麻辣首先講吓個花膠雞 佢真係原隻雞上上到嚟佢再幫我剪開入面再加埋啲菌類 睇落已經覺得好滋陰養顏 成煲湯未食之前已經飲咗兩碗 好鮮甜至於麻辣嗰個湯 辣味啱啱好唔會話太過重味食到口乾乾所以攞黎烚肉食 唔使點豉油都夠味 幾惹味下火鍋配料唔多講啦 啲牛肉真係勁正個人認為真係比出邊新鮮 食落口感鮮嫩今次除咗食火鍋之外仲叫咗個海膽刺身 唔使多講一到就已經被秒殺 而且個海膽刺身原隻即開 真係超級好食 入口即溶！

天氣凍一大班人最岩就係打邊壚喇，食開任食既質素參差，想搵高質少少既火鍋店 有朋友推介黎大紅袍！我地點左湯底係花膠雞腳燉原隻雞湯。 湯底真係好足料店員建議我地飲啖湯先 ， 好鮮甜、一d 都唔油、仲好濃郁添。極上牛肉刺身第一次試牛肉刺身，估唔到係咁鮮味，口感好滑。蟹膏帶子刺身好新鮮既帶子！上面既蟹膏點綴左整個鮮味。頂級安格斯牛頸脊咁有仙氣既擺法 已經好呃like 啦，即刻忍唔住擺上網同朋友分享。 牛味好香濃 頂級澳洲和牛肉色澤好靚，咬落較諗身。大紅袍牛王拼盤有三種唔同部位既牛肉，雪花分佈平均。味道一流紫菜炸響鈴好特別既配搭，食得出係即時炸起既響鈴，因為好鬆脆，但等候時間較耐。必點！芝士蝦丸彈牙既蝦膠配濃濃既芝士，簡直無敵，咬落芝士湧哂出黎，滿滿芝士真係好幸福 黑松露蟹肉餃呢度用料一d 都唔慳，餡入面全部都係蟹肉，加埋黑松露又真係幾特別。

今日放左工同一大班朋友黎左荃灣打邊爐，收左工真係好肚餓，所以我地叫左一堆野食😋醫一醫肚1.湯底花膠雞腳燉原隻雞湯-$268估唔到打邊爐都可以禁豪華😏仲要係用成隻雞🐔，花膠仲有雞腳煲成既湯，老闆話未打邊爐前可以飲下，冬天飲完好暖身，個湯金金黃黃，但唔會好多油，飲得出雞湯既清甜👍🏻2.刺身系列🌊加拿大海膽(1隻)-$55海膽好新鮮好鮮甜，顏色係漂亮既金色，好快俾大家清哂，一共叫左兩次😋🦀蟹膏帶子刺身-$88聽老闆講，佢地既帶子係來自加拿大，大大粒，好鮮甜，配埋蟹膏食一流🦀3.小食類🐟椒鹽九肚魚-$78估唔到連大排檔先有既小食都好出色，九肚魚好新鮮，炸得金黃香脆🐠🥢椒鹽豆腐-$68豆腐又係炸得好香脆可口，好滑溜，配上椒鹽食好好味😍4..牛肉類極上牛肉刺身-$138第一次食牛既刺身，估唔都係一d都唔會腥，仲好有🐮味，刺身配埋酸酸甜甜醬汁，好日式既感覺♥️極級本地手切肥牛-$298打邊爐一定要勁食牛肉，佢地牛肉好新鮮，帶有雪花❄️，牛肉味濃，真係食到唔停得口😋頂級安格斯牛頸脊-$298同手切肥牛望落好相似，顏色比較深，但仍然都有雪花，牛頸脊比較有咬口，貪哂唔鍾意食太肥膩嘅人😆而且最有牛味🐮頂級澳洲和

常常聽見朋友介紹，最近發現荃灣開了分店，就去試下啦！一入到舖，環境設計中式得得來較型格，因為唔多人，反而感覺很好，靜靜地打邊爐。我兩個人叫左醉甲鍋酒味唔濃，我地都係想睇下點樣火艷，湯底嘅牛柳粒同花甲味道都很好，值得一提，我地都試左個牛拼盤，每款牛都有都有6至7件，全部都幾好味，三百幾蚊盤都抵食，另外仲有叫烏冬，聖子，魚鰾，響鈴，炸魚皮，菜，都還可以，菜就細盤左啲。總括嚟講，值得再去，雖然有啲侍應較新，但服務很好👍