大糖盛世甜品專門店 (已結業)

當侍應拎呢碗比我既時候我已經呆左真係一送黎就係咁我完全無搞過碗野d西米少得可憐完全係花奶同糖撈埋而成既糖水老老豆豆真係咁耐以黎食過最難食既糖水唔只整得難食咁簡單兜野hea到呢個地步好離譜

原本想去舊B仔食，但朋友肚空空話想食下熱野先食甜品，所以就沿住大坑渠一路行，見到呢間又有甜品又有熱野既舖頭，唔好諗博一舖去試下！首先叫左撈芝士一丁，我同朋友仔share D餸，所以變左餐蛋芝士撈丁！ ^_^芝士撈丁：餐肉唔係薄切，有咬口，正！蛋就係太陽蛋，可以用蛋黃撈麵！最重要係個芝士一D都唔漏，份量剛剛好，唔係個老闆娘（我估應該係 ）推介，我都唔敢試！ (≧∇≦)因為我不太鍾意撈麵，再加埋芝士…… 好彩無信錯人！芒果益力多：不太甜，有芒果香味！食麵加10蚊有咁大杯野飲，仲想點？！心太軟：超正！啲朱古力好似熔岩咁流晒出黎，唔太甜，朱古力好香，好有驚喜！豆腐花：其實已經勁飽，但聽到話剛剛造起，本著唔執輸心態同朋友share，超滑，無後悔！榴槤班戟（外賣）：皮有蛋香，其他人用cream整，佢就係用吉士，絕無欺場！good！

之前晚餐甜品不太夠，走入元朗吃糖水，weekend半夜是大部份都是等位的人，友人說這間人不多，可以聊天，所以便去了(可以便出事！）麻煩Waitress 推介，全部只有一個字, 甜。什麼星級朱古力蛋糕伴雪榚，嘩，救命呀，個蛋糕有點濕，朱古力醬一個甜，所謂的朱古力味像廉價朱古力粉做出來。心太軟：開始瘋了，在超市買microwave 現成的比它還好。又是甜字一個。五星級原味疏乎厘：終於有點香味出來，但也只是不過不失、去太平館吃好過。

行到元朗想食甜品,B仔完都唔夠喉,搵地方食下場~見個名好正,又有位,就食佢啦芒果綿綿冰,我好鍾意,食唔停口好香芒果味,唔似有D店係果糖味,加上士多啤梨同乳酸爆爆珠,一D都唔膩口 朋友就話再酸D好食D,口味唔同啦~心太軟,流心朱古力超多!!朋友同我都話正,而且濃得黎唔會太甜朋友like呢個多D,但我就覺得外皮唔夠脆,軟左D總體黎講滿意,又唔貴,值得Encore~~

見現時元朗越來越多糖水舖，身為元朗人既我都應該要試一番吧~今次就揀左大糖盛世黎試chocolate bownie呢個唔算出色，做唔到果種煙韌既感覺心太軟呢個ok，但未致於會令我一試難忘，如果流心多啲會好啲，但朱古力味亦算濃可能今次所點既食物都非該店出名既食物，故有點失色，如果下次有機會都會試一試其他特色食品

今日同男朋友去左元朗，諗住食糖水。靈機一觸，諗到之前啲人話依間啲甜品好好食，我就一於同男朋友去試下由於我地係下午茶時間去，個陣五點幾，所以都係無咩人。一入到去侍應就招呼我地坐下，拎個menu比我地睇。我地揀左一陣,最後我同男朋友一人叫左一件cake!當甜品遞上之後,淨係食相已經好吸引特別係啲字同圖案,畫得好靚前面個個係「星級朱古力蛋糕」依個賣相一般!朱古力蛋糕食落口唔太甜,但係有濃濃朱古力味,GOOD!後面個個係「 NEWYORK芝士餅」芝士餅同出面食既差唔多, 不過依個賣相好靚,我比較鐘意!佢有寫住Forever Love, 不過比件cake姐住左睇唔到而且仲要用士多啤梨醬畫左幾個心心不過甜品份量好似太少...最後我地食左差唔多兩個鐘,因為個段時間少人,所以我地可以坐耐啲埋單$90, 對於有水準級既甜品黎講, 物超所值

琴日71同班FD去元朗食雞煲聚一聚;咁岩見到格離有間糖水鋪叫做大糖盛世,聽個名好似幾有霸氣,就決定同班FD去試一試咩來頭咁架勢!可能因為7月1紅日加上星期日,鋪頭入面差唔多坐爆哂人,要企係出面等位,等左差唔多十分鐘左右就入左去!睇左一輪餐牌同討論過後 我地叫左一個大糖盛世,心太軟同埋藍莓芝士餅。有星級朱古力蛋糕,拿破崙(芒果)同埋皇牌山渣布丁,首先講下個朱古力蛋糕先喇;第一啖食落去,有幾種層次感, 面果層好重朱古力味,食多幾淡落仲有小小咸同埋脆口既感覺,一咸一甜既配搭好特別。到拿破崙,外脆內軟! 果塊皮咬落脆口,入面啲cream好香雲尼拿味 食落滑已不腻,加埋芒果既香甜 呢三樣野組合埋一齊簡直天衣無縫。最後到布丁,我拎起搖兩搖仲係震滕滕,仲以為未雪凍,第一啖食落口,好滑,酸酸甜甜帶有一些奶味!正! 藍莓芝士餅; 食落芝士味唔算太濃,加埋藍莓醬,食落個口感真係唔可以用一筆一字黎描寫,加埋隻碟,比師傅一隻手指公呀真係!心太軟; 超級濃朱古力味,第一啖食落口有啲甜,撈埋雪糕一齊食個味道就very good!

心知女友很想食心太軟好耐, 但元朗區有咁多大大小小既舖頭,很少好食心太軟既舖頭, 最後問過好多朋友之後, 得知 大糖盛世甜品專門店 既存在(可能次次都行到去B仔就坐低既關係), 估唔到帶來驚喜。首先, 當然係心太軟。依到既心太軟, 吉開佢之後, 入面既朱古力醬真係慢慢流出黎, 甜度適中, 價錢尚算合理。小插曲: 食食下有隻野飛左落去個心太軟到, 但店員好好即刻換過一個比我地, 照樣新鮮又辣。另外,叫了一碟芒果斑戟。依到既芒果斑戟,與別不同, 多數芒果斑戟都會用cream加生果做餡料, 依到就用吉士醬做餡, 不過依隻醬係真係幾好食, 但係食得多會太膩。

上一次黎食過，朱古力心太軟！見到真係有流心！價錢一般！但有流心，都抵既！(個排岩岩新開張一段時間，提到如果冇流心，包換！)隔左一大段時間冇黎！只可惜，第N次重臨！真係估都估唔到樣子都幾好!呢個味道都不錯！我和朋友的兩個心太軟一個有少少醬，都談不上是流心另一個也是一樣如果一個出問題，都OK!但係兩個都一樣！甘要考慮下，是否黎緊應該，暫時不會再去

平時鍾意睇open rice ，見到這間大糖盛世評語咁差，只好怪自己唔信邪。叫了好似叫 <火焰雪山>......$52 ，見到登左廣告，心裡應該可以一試 !!! 但食了一啖，好難食......全部係cream，好甜又唔滑......我和朋友食左一啖，就走人。咁難食，都可以登廣告.....真是奇聞 !!!

很久沒寫食評了, 試過這間名字霸氣的"大糖盛世"後, 決定要跟大家分享一下,因為我被它感動了...元朗大大小小的甜品糖水店都試過了, 並沒有太大驚喜, 經朋友極力推薦, 知道新開了這間主打西式的甜品店, 原來位置比舊B仔還要入一條巷..難怪之前根本沒有發現它!這裡好像變了食街一樣, 開了很多新食店, 噢~我真是太out了...短短時間已經光顧了好幾次, 每次都有新驚喜, 而且味道的確不錯, 這可能就是我食過番尋味的原因吧~~朱古力心太軟配雪糕$38: 熱騰騰的朱古力醬一湧而至, 外皮很脆, 又不太甜, 最開心是有個雪人公仔和聖誕樹拌碟, 適逢是聖誕前夕, 真是很有心思呢!!而第二次去當然再encore心太軟啦, 估不到今次又有新驚喜, 我相信這個是禮物盒吧, 因為當天是boxong day, 希望我沒猜錯啦情迷拿破侖配雪糕$42: 酥皮很脆, 吉士醬很滑, 用了黑色點點的雲呢拿籽, 難怪這麼好味, 真材實料,元朗區首見,本人大愛椰皇薑汁燉鮮奶$38: 椰香撲鼻, 奶香又滑, 我連整個椰肉都掃清光, 尢其這個寒冷天氣真是一絕!腐竹白果糖水$18: 這個傳統中式糖水水準一般, 白果偏硬,

家姐上兩個月送俾我既團購coupon，始終有一日都係要消滅左佢，so many restricted rules lor．咁岩今日黎開元朗又去碰碰運氣，張coupon寫住3:00開，點不知係關左門，打電話問下先知開4:00，落住雨又唔知行去邊．原來兩張$40 coupon係要叫4款甜品先得，計來計去都係要加錢先可以食得抵ｄ，加左$9．味道：1. 木糠布甸～聞落似係整左一至兩日既，有ｄ雪味，質感還可以喇，甜度亦都適中．2. 豆腐花～好滑，但無豆味．3. 腐竹蛋糖水～係唔係ｄ糖跌價呢？點解可以整到咁甜，甜到膩，好似直接放糖落個口到咁． 4. 木瓜雪耳～淡而無味，咁簡單既糖水都可以整到咁，無眼睇．環境： 地方細細，又迫． 服務： 還可接受喇！ 衛生： 抽氣系統唔係好得，油煙味襲於一身． 抵食： 咁既價錢食無素質既野，有點兒拿過．

用團購$20買$40，就試下1. 山楂布丁$31味道很特別，幾好味，只是份量太少2. 芒果班CAKE芒果很酸，可能不當做，當中CREAM 又沒有其他食評中幼滑，不過不失如果無團購，應該唔會再下次

去元朗飽食壽司再來個小小散步後意猶未盡,主餐食得豐足之餘亦不可以少了甜品點綴.元朗區甜品選擇極多!龍頭大哥佳記以B仔涼粉穩坐區內第一把交椅,但區內不斷加入外來勢力,亦包括這一間以西日式甜品作招徠的大糖盛世!甫一入區,己選定於B仔附近站腳.來勢盛野心更盛!主理的甜品師身負十六載製作甜品經驗.及以其擅長西式甜品的優勢,針對該區西式甜品水平不高的缺口.長驅直進!!!店鋪主打推介甜品,日式雲呢拿鮮果班戟(自選鮮果),噴火雪山(火焰雪山),山楂布甸,梳乎厘,拿破崙等西式甜品!作為主力部隊確是選擇甚多,相對地中式甜品的款式較為保守.如一般的燉奶,楊枝甘露等.其中以酥皮豆腐花算是較為少見.那當然以西式甜品作賣點,相信亦是西式的比較有信心吧!同行友人點了一個法式鮮雲呢拿焦糖燉蛋($32)而我則選擇情迷拿破崙配自選水果餡及日本雪糕($42)餡料選擇為芒果,店員沒有給我選擇那一種口味的日本雪糕.不知是忘了還是只餘下一種口味(結果來了朱古力)由於新張期內選購兩款特定甜品可以以$1優惠價購買心太軟!忍不住貪心點了一個哈!稍作等候先到的是焦糖燉蛋.頗具誠意地以兩片士多啤梨作裝飾豐富了賣相,但焦糖面層略嫌焦度不足

留意佐呢間糖水鋪好耐,心思思的我昨晚終於有機會去試下 鋪頭開在離舊B不遠處,黑色的招牌很當眼. 是晚外買.買了眾多人推介的芒果班戟,及楊枝甘露. 返家後迫不及待試了楊枝甘露$28:內裡用的是西柚而非B仔用的普通柚子,有新意但不新鮮.芒果酸到食左一啖唔想再食,份量不是很大碗,不到B仔的三分二,價錢比B仔貴$2,外賣同樣加$1.好失望!!! 芒果班戟$30/3件:據說用的是什麼什麼芝士,卻一點也沒有芝士味,芒果唔酸,但入口無驚喜,還是寧愿食B仔的.價錢比B仔的平. $1的心太軟已沒有做.其實我也不吃心太軟,純粹多口問句. 是夜也沒有試糖水,因價錢太貴,唔抵食,也慶幸沒有食,否則又再傷心一次