大發餐廳開心菜館

營業中

休息中

頭兩次黎大發都係食早餐，今次試lunch，5位，有位師傅推介食炒菜，果然好夠鍋氣，好味，九肚魚好新鮮，入口即化，爽肉涼瓜非常爽口，涼瓜一d都唔苦，炒飯夠乾身，金銀蛋浸青菜都好新鮮，估唔到水準好過酒樓，食到好飽。個奶油豬未影到相就已經掃曬。推介推介

因為要去新界探朋友，於是順道來此喝聞名的奶茶王。凍奶茶($15) x2：要求少甜少冰。茶味OK，但可以再濃一點。奶味剛剛好，不會蓋過茶味。但味道不是想像中那麼突出，有點失望。黑椒豬扒包($18)：落單的職員推介的，於是叫了一份兩個人分吃。包身外脆內軟，烘得很好。但豬扒薄薄的，鮮味一般。兩個人埋單$48，不便宜。食物和飲品味道一般，價錢略貴。不過地方整潔，還有大電視，以茶餐廳來說，環境算是不錯。

之前睇報紙話呢度奶茶正踩單車去到附近就入去試下一入到去好大冷氣 = =有電視機可以邊食邊睇叫左個蒸肉餅飯黎食個肉餅底有豆卜覺得幾得意食食下有人上餐個陣同我地吹左兩句原來肉餅下既豆卜吸左肉汁所以好好食食落又真系 woo無齋豆味咁寡而佢講個句 「鹹蛋黃 - 肉餅 - 豆卜既組合食落系有層次」就未領悟到如果呢個飯有 d 配菜就好我食完個飯好有食肉獸既感覺哈之後到主角奶 ! 茶 !( 原諒我影得樣衰 )聞落好香好重茶味飲落第一啖覺得無咩野但當茶滑到喉嚨個下茶既回甘味好重我諗就系呢度奶茶吾簡單既地方不過我鍾意奶味濃 d下次試下多奶先而且叫熱奶茶最好叫佢餐後上因為個度太大冷氣食完再飲已經變暖左茶味有影響所以都系食完再叫佢送上黎慢慢嘆好 就系咁.

大發 裝潢後開業了， 今天去試了 下午茶。因為搭檯 所以等不到5分鐘就有位坐，上餐速度也還ok ！ Tea Time嚐到金茶王冠軍的大發餐廳「奶茶王」點了 熱、凍奶茶各一。人家說要試道地奶茶就得喝杯熱的 而且要嚐到未加糖的才是原味，大發的熱奶茶喝來第一口 有奶香也有茶的甘醇香，但誰也沒搶誰的風采，對我來說 剛剛好夠味，在香港能喝到原味不會因有太濃郁的茶香蓋過奶香的奶茶應屬不易。 值得一提是凍奶茶好好喝耶！ 凍奶茶的奶香多點 對於我這台灣「50嵐」愛好者，才剛好不過了！

大發變身了,同我之前食既一次好唔同,變得華麗多,啡啡傢具 睇落都幾有氣派. 但一樣咁多人,3點幾到爆到7彩,等左10分鐘左右終於有位, 全電視機位附近, 但冇聲私電視 2個人唔食得多野 只係叫左雞脾沙拉, 薯條同豬扒包, 當然叫了愛飲的紅豆冰. 可能真係太多人. 上齊食物上台時已經係20分鐘後既事,但好彩雞脾都係新鮮熱辣,沙律既清同佢形成對比 唔錯,豬扒包當然一流,包脆 豬扒又唔dry. 食物依舊出色, 但可能太忙,見到錯單比率都幾高...有待改善!

香港人對一些事物,有時候會神化到去一個誇張的地步,近年有兩間在新界的"隱世"奶茶店,被人稱之為奶茶王,一間在深井的鄭記,還沒有機會試,另一間,在元朗洪水橋的"大發".我喜歡喝奶茶,當然想一試這個什麼奶茶王,這個晚上在藍地主持飯局,臨近黃昏之時段,順路便來此試試,說起來上一次搭足洪水橋,大抵是廿五,六年前的小學時代.舊舖正在裝修,大大隻招牌提大家請移玉步到隔離.一去到大發餐廳,原來是一間菜館.在這等地方,單點一杯奶茶,會否很怪?好歹也點多客三文治,豬扒包吧,接下來晚飯是一場硬仗,還是單點一杯奶茶,$13一杯.用厚瓦杯盛上,色水對辦,茶香撲鼻,一喝,果然夠茶香,奶同茶味均衡,但再喝下去呢,感覺到奶茶的質感比較薄.未夠濃厚,不過,論到茶味的回甘,則極之強烈.將奶茶喝光,看著杯內壁的掛杯痕,赫見肥姐拿著蛋撻的畫像,喝奶茶,難免令人緬懷過去?大大隻60's,與掛杯痕一樣,未免太過著跡吧.

Came past this place all by accident after working in the area, in the middle of finding another new cafe ! This is my 2nd time trying out the famous Milk Tea Champion's cup of tea, but my 2nd encounter was slightly disappointing as the tea was overly strong and bitter, and the mouth-feel was quite rough in the end! The French-Toast however was made exceptionally well, which is a rarity. Just realised my photos of here are sitting on the other laptop, but they're already been loaded onto my

今天是清明節...本身都無打算去呢到食野.但係家人話系青松拜完山.好想去飲野.咁未坐taxi去囉去到個到超多人呀...都要等15分鐘到先有d位坐下.咁好啦選好左野食,但叫伙記寫野.無用應.因為四處都係客.忙死左d人.而且唔知點解好多灰fly來咁叫到人來寫野就有d唔多開心.因為個時已經差唔多開晚市.叫的野咩都無囉.但係間野都真係對d客唔錯..無的野都改少少材料照做俾我們..好啦我們叫左8個下午茶套餐蒜蓉排包(雖然唔夠蒜蓉味,不過都可以)星州少米(比出面所有一般的茶餐廳都好食)咖哩牛腩面(d牛腩唔錯,最重要係好少餐廳係做到脆脆的面底)雜果沙津(超用心做的沙津.新鮮做的,不是就咁俾個d雜果推埋就算.內有鮮木瓜,椰果,波蘿等,而且還有一隻7成熟的糖心蛋,係出面唔會做到咁俾你食)瑞士汁牛肉河(不過因為無晒河轉左烏冬俾我們)干燒e面(雖然我覺得咸左少少.但比酒樓的好食)豬扒包(超好食,好過澳門個d多多聲...因為個包脆軟剛好,內的豬扒係有汁出的.唔係好似澳門個d咁干)還有一個唔知咩烏冬之後餐茶當然係唔少得奶茶啦.我們叫左每人一杯我d親人個個都有下不同分量的糖的(我亦試過有糖的一口奶茶)但是個人認為

星期日午餐時段去食,冇卡位要搭檯,可想而知此店有幾多人知是日同男朋友一人叫左一份午餐,方先生叫左份咖哩牛腩飯,我就要左份豆腐雙腩飯,同樣要左凍奶茶奶茶出名呢樣係大眾所知,雖然我地都係叫左凍奶茶,都知唔夠熱奶茶出名,但同樣茶香奶滑食物同樣出色,個豆腐雙腩飯,豆腐外皮好咬口內裡軟又滑,火腩入味唔油膩,肥瘦配搭洽到好處,魚腩塊唔會俾d汁浸到淋晒,好味^^可惜唔係日日有得食,只係是日午餐而已

一月十六日 (星期日)吃過農場鮮奶,出回市區,在鐵路站轉乘輕鐵便到了久聞大名的大發餐廳開心菜館餐廳位於一屋苑內,很傳統的一間茶餐廳來到時已滿座,有位書法家正坐在門口,為食客寫揮春,熱熱鬧鬧的拿起餐牌,這裡的食品都是大眾化的最出名的,當然要數蒜蓉排包和熱奶茶老公仔看到隔鄰的牛扒頗吸引,又跟着點了黑椒牛扒飯拼腸仔傳統的絲襪奶茶,香滑而茶味濃郁果然是這裡的名物蒜蓉包吃得多,但用排包製成的卻是第一次吃有別於一般硬身的蒜蓉包,排包鬆軟而富蒜香老實說,各有特色,但不愛吃硬身的,這款一定適合你我們倆share了一個飯黑椒汁很稠,不過煮得過咸牛扒真的如老公看到的,很煙韌,富牛香味,做得真的不錯看到餐廳的牆上掛滿做善事的海報和報導深知這裡不僅是賣吃的,還有賣心的你所帶來的快樂,不只吃到,還是感受到的!

搬左入黎新界西, 一試洪水橋大發奶茶王~叫左兩個快餐, 好典型既茶餐廳運作模式, 好快有得食...先黎兩碗西洋菜中湯, 無乜特別既例湯...跟住黎個咖喱牛仔骨飯, 飯同餸分開上, 咖喱味道好濃, 牛仔骨都ok~反而最鍾意個叉燒肉絲炒麵, 份量夠多又多汁, d麵係我最愛既卜卜脆果種, 上桌時仲出晒煙, 好有酒樓風味...最後係鎮店之寶熱奶茶, 茶味夠濃的確好香, 飲完口有餘韻, 男士應該會好鍾意, 不過我喜歡落多些少奶, 女仔黎講可以略嫌佢濃得滯, 多少少花奶會更滑~環境方面無需多講, 出晒名長期有捧場客, 坐得迫同要搭枱係預左, 平時食飯時間會比較多地盤同裝修工人, 因為佢d野夠大碟一定夠飽~價錢就一般啦, $35午餐在元朗區係正路價錢...剛在舊年年尾舉行奶茶義賣, 做點善事回饋社會...奶茶唔係我最 favour, 路過我會再幫襯, 但唔會特登黎食囉...

小弟以前從來冇想過會寫食評，因為得知有此詳盡美食站，又想四圍搵好野食！ 食完發覺某電視傳某誇大了，當然對食品口味各人不同，另一樣不可不知如冇比較，那得是最佳品評！加上每人有對某食品及環境有一份情意結吧！自己對港式奶茶有一份情意結！可以為飲一杯靚茶，走盡全港九呀！ 從網上得知此餐廳曾得茶皇稱號，雖然遠征，當然不可不拜會一吓！當日下午3時前坐輕鐵在洪水橋站落，穿過隧道對面就是！都好大間茶餐廳，人少即坐下，但冇人理你！見檯上玻璃下有下午茶套餐 - 奶茶+牛肉炒河粉 $30 ！正！即call亞姐落單！由於地點處於貨櫃場區，進出大都是勞力街坊人多，大概等5-6分鍾就送到，一見已有點失望，碟牛肉河賣相不太好，杯奶茶用厚厚杯，唔....正是我想要，但不太夠熱？ 即加糖試試先！飲一淡真是凍了一點，香、滑真唔錯，可惜after taste 麻麻，有點兒苦膩口....唯一可能杯茶放了好幾分鍾，過濾不足吧！茶皇之名覺得是浪得虛名感！再試食碟牛河，好大碟！牛肉都鬆軟味不錯，河粉有小半未完全拆散而沾合，賣相不好！幸好自己好肚餓，一口氣吃下！好飽足！- 不外如是吧！以上祗是小弟所感覺，心中奶茶皇不是此家，九龍區暫

最近看到一系列的廣告，除了歌王外，還有「奶茶王」。上網查了查「奶茶王」的所在地，嘩！洪水橋咁遠，要試好重皮啫！誰知有個週末，因事要到屯門一趟，那就因利乘便，驅車前往。更估不到的是，車子開到藍地，竟有粒鏍絲插進了輪胎，好驚佢漏氣，附近又找不到補胎的，唯有提心吊膽的把車慢駛到洪水橋。到埗了，幸運地找到個錶位，又入唔夠錢。兩件加起來，這尋吃之旅多了一層掛心。找到了，偌大的店面，接近十一時仍差不多坐滿了人，店外也放了好幾張桌子。牆上除了貼了各款價目外，當然也貼滿了「奶茶王」的廣告，慌死你唔知咁。看看餐牌，早餐配搭很多，劃一收廿四蚊（改嘢另計）；但有項較罕見的收費，就是紅假加兩蚊！咁即係擺明向趁得閒專程捧場的客人埋手啫！我嬲 …食物等了十多分鐘，而且杯奶茶催了兩三次才有，跟單要改善吓。坦白說，食物的件頭較小，味道倒是沒甚麼大問題。購入的豬柳，還有煎蛋和烘多士，其味道在大家心中已有個譜，變不了多少。我要了肉丁米線，倒是有兩點需要彈吓：肉丁太少、米線太腍（煮得太久、「發」得太粗了，甚至不咀嚼便吞下，也不一定會哽親）。又不是旺區龍頭舖，租不會貴到哪裡；生意又好，仲收我廿七蚊（多士加一蚊），唔可以大件啲

辛勞左一星期, 瞓左成個對, 又到星期日搵食時間, 山長水遠本來一心諗住去屏山食華嫂, 去到點知星期日休息, 於是兜左去洪水橋睇下, 行過見到呢間大發話係元朗奶茶皇, 又俾雜誌介紹過, 下午3點幾人又多, 就鐘左入去食茶餐. 起身都未食過野, 好肚餓決定叫飯食. honey叫左個焗豬扒飯($50), 我就要瑞士汁雞翼飯($30), 碟雞翼飯賣相好可憐, 有5隻又乾又瘦既雞, 個飯得中間幾滴汁, 後來叫侍應加汁, 但最後都係加唔落因為有半碗都係油黎, 平時可以一次食十隻雞翼既我咬左兩啖就食唔落, 齊食鼓油撈飯.至於個焗豬扒飯諗住買成$50會好d, 點知都係超失望, 舊豬扒硬, d芝士多得滯, 一粒蕃茄都冇, 人地話肚餓食野會特別好食, 如果係真的話, 今餐簡直是浪費了一個quota. 個奶茶都ok, 不過稱不上奶茶皇. 後記︰隔離答枱個位倒寫杯凍奶茶, 佢地就轉左枱, 但係我腳隔離灘奶茶, 到我地食完都未有人來清理, 又扣分了.

剛在海外回港，好想食茶餐廳，朋友介紹下，就去了大發。果然奶茶好香好滑！其它的小食也不差！尤其是果碟蒜容餅~~好味！我山來水遠入到去，當初幾緊張如果唔好食就連油錢都浪費，但確是好有特色！好味，加上入面應該是老板的靚仔哥哥，和藹可親，見我地有大人細老，無端端仲請我地食左一碟雞翅呀！食茶餐廳有雞翅送，咁大個都是第一次，大聲講聲多謝！很難忘呀~~