大發行 (已搬遷) 新店位置

放假沒事做的我在家附近四處逛，打算買菜煮熟給男友吃。廚藝不太好而男友家裡廚具通通都沒有，連飯煲也沒有，我就打算煮冷烏冬吃~ 走進去就看見cashier前放著很多剪報，八卦的我看著，收銀櫃的應該是老闆娘就向我介紹了這是鹽麴。聽上去很神奇，可醃肉又可涼拌，主要是代替鹽用。但是發酵過的，帶酒味，但沒有酒精成份，而且對身體很好似的 (剪報說 )就買一包試試，果然簡單煮出味道好的肉來。一大塊雞腿肉用了加了兩湯匙鹽麴，其實太多，但醃出來肉真的更軟，不會太鹹又有米香。但要小心米煎起來很易燒焦。可用水洗去再煎也可。500g 一包 $35應該比街外買較便宜吧~ 但可能是批發到食店用，包裝不是太方便，用之前記得要預備容器保存用剩的～

以下內容雖然並未試食過, 但如果搞party 搵佢落order要三思昨天考完試, 好開心約朋友, 到我家HOME PARTY, 於是早上到11:00 到第三街大發行去訂定三文魚, 帆立貝等等,臨走問一位姨姨要唔要落訂, 佢話唔洗, 仲問我三文魚厚切定薄切, 我問佢有冇 中切, 佢仲話有添, 咁我話好, 一次過來拎約好朋友 打算下午4 點30 分左右去拎.誰不知佢4點10分打個電話來同我講三文魚來貨小了, 你的訂單要取消.於是我去店問因由, 一位黑眼鏡女士, 不可一世,態度惡劣的一副咀臉說: 我無辦法架, 其他客都要取消, 又唔係得你一個, 我又冇收你訂,你鐘意可以去隔離買天呀, 我俾佢一鑊橋起我, 最令人氣結是她的態度, 一句沒貨完全可以推卸責任, 氣得我立即叫朋友去銅鑼灣買, 真係辛苦晒大發行, 大家街坊街里, 我好希望你睇到呢篇文, 檢討下你地條SUPPLY CHAIN, 收得咁多ORDER, 應該訂足咁多貨, 一句來小左, 唔等於你無責任, 浪費時間去打呢個食評都係想你改善, 同檢討下那位女職員態度.P.S 希望OPEN RICE EDITOR 會publish 呢篇食評

大發行其實好出名,專賣日本食材,我亦幫襯過好多次,首選雪榚雪條,其中王將春卷亦係我心頭好,一包6條,十二元(當時特價)仲有忌廉蟹球,約二十八元見有食評話店員態度不好,(果個係老板娘)我亦相信係真,因為生客入去難免被輕視,我初初去,被一後生女店員嫌我阻住佢抄貨品資料,該店員樣子不俗架,但對客人就黑口黑面,我去過好多次都係咁皆因大發行主要做批發多,佢地有倉又有車隊根本都唔憂做...我諗佢地門市當係陳列咋!!

話說早排有個朋友想黎西環食晚飯,前排睇雜誌有講大發行依家做埋外賣自家壽司,而我朋友既朋友就係大發行做壽司師傅,我同女朋友都義不容辭話去啦...去到第三街,芳鄰數十里都只有一間壽司店,門口比較細,原因係做外賣,但亦可堂食,不過大家唔好預期會坐得好舒服....正因為座位問題,所以我地決定去第二度食....因為實在太擠逼啦....不過晚飯過後,我都忍唔住壽司既魔力,最後,我同女朋友決定買返屋企食....海膽壽司,份量多,但本人並唔太鐘意食,鰻魚壽司,的確正,大條得黎又多汁...三文魚壽司,比起出面食既大塊而且厚身,帶子壽司,同峰壽司既份量可以比一日之長短!!!加洲卷,可能師傅問題,整得比較鬆散...總括而言,我個人覺得唔錯,而且最大原因,因為我朋友識人,所以好多件壽司再加多個壽司飯都只係四十蚊...有機會會再黎!!!!

好耐都冇去呢度買野喇..原因唔係遠...(如果d野食係平ge..幾遠都會去買!!)係~d價錢有d係平過吉之島、sogo..但好似剌身帶子咁..就貴過city super o個d啦...但係因為我好耐之前試過o係呢度買一隻特價的紙盒裝紅茶..就有大發現~~~~原來係過期貨黎架!!!!!只不過係佢地將個食用期抹左之後再印返個新日期落去...但可能個舊日期印得太深..所以俾我發現到過左期!!!真係有冇攪錯!!咁樣做生意都得?!另外...佢鋪頭有個老的肥女人d態度都唔好...試過我一路買野..佢就同另一顧客o係度講人是非..o個張咀臉簡直係~~~極品!!!^o^總之大家去呢間野買野就小心d...睇清楚個包裝先好買...如發現個包裝舊舊地..但個食用期係好耐先過期的..請自行判斷!!

大發行有很多日本的食品, 最特別既係冷凍食品及雪糕, 我地最鍾意係芝蔴雪糕同埋牧場牛乳味, $13 一杯係明治或固力果出品, 好底食, 佢既牛奶很香, 水準好過Haagen-dazs. 叮叮冷凍食品有义燒炒飯, $30有3包, 好好味. 雖然遠的, 都要去買.