大爺燒鵝 (鴨脷洲大街)

營業中

休息中

本人今天經過此店（鴨脷洲大街分店）見到門面掛住好多燒味，油雞賣相唔錯，便打算買隻油雞回家加餸，付錢後，打算打量一下掛著嘅油雞邊隻好，點知，斬料師傅已經馬上彎下腰，從側邊櫃桶取出一隻細小而又沒光彩嘅油雞，舉刀便斬下去，叫他都唔彩兼當聽唔到，真的令人感到非常失望和氣忿，今時今日仲話港人唔留港消費，但咁樣嘅生意手法，真的唔會再有下次幫襯的可能了，回家後，先至發覺盒雞好少，兼且無味，真的令人失望至極，這間店舖門口掛著的燒味，可能大部份都係道具雞而已，各位要小心，不要被騙呀！

叉燒油雞雙拼飯，十分唔滿意。豉油雞只有雞翼尖，雞骨以及雞屎忽，幾乎無肉。叉燒好柴，唔好食。越做越差。一唔留意就比拉圾部位，無法進食。以前有幫襯開，唔會再幫襯，哈哈

肥到食唔到，斬嗰位人員晤識分每碟都一啲好一啲晤好咩？求其斬俾你就算，冇一嚿可以食到，$60一碟飯只係食咗飯，員工態度OK，係有一個大陸女人無穿制服，喺度大大聲講嘢

黎開鴨脷洲探長輩，知佢鍾意食燒鴨同燒鵝，諗住買半隻燒鴨同半隻燒鵝去探佢。上網見佢附近有間個名咁霸氣嘅就幫襯啦，點知瀨晒野。當日閒日下午4點去，當時一啲都唔繁忙，寫單阿姐好悠閒食住野同斬料師傅傾緊偈。我先話買半隻燒鴨，尾音都未完就一野閘落黎話賣晒。我跟住就話我要半隻燒鵝，又係尾音未講完就即刻出埋單。我仲要買多半條紅腸又要麻煩到呢位阿姐再落單，我好似爭佢錢咁。我心諗，寫單阿姐都咁有性格，果然真係大爺，今時今日市道，我唔係食特價下午茶又唔係買例牌，買半條紅腸都$39啦，我對佢啲燒鵝滿心期待。長輩同樣都好雀躍，知我帶咗燒鵝上佢度。晚飯時一打開，長輩發現無鵝頭同鵝頸！佢好慳，好耐都唔捨得買鵝食；我亦未試過買成隻半隻鵝。我以前買半隻點都會跟半隻頭半隻頸，勢估唔到無，可能我唔識野啦，佢好心知我唔食所以唔俾我。但原來長輩講起佢好鍾意食，而且鵝頭鵝頸好好食喎(我就真係唔識欣賞)唔計呢樣尷尬野，我買半隻鵝我無預到佢會扣起，而且脾位好似唔見咗啲肉。礙於作客，我無即時打返去問，唔想破壞食飯氣氛。講返食物，紅腸$39/半條，味道正常，抵唔抵就見仁見智。而鵝肉就完全無油香，皮韌，好柴。我其實都唔識分到底係鴨定鵝。

今日去左鴨脷洲圖書館還書，還完書順手買個外賣返屋企填下肚行前少少見到有間燒味勁多人買外賣，應該系做街坊客生意望下個餐牌，$35雙拼燒味，呢個年頭去邊度搵加飲品或例湯都只不過系加$5，真系好抵食燒味雙拼飯$35叫左兩盒雙拼飯，分別系叉燒油雞飯同燒肉切雞飯叉燒可能因為叫左瘦叉，所以肉質偏柴同乾身油雞幾滑又多肉，系好食ge 雖然只系三十幾蚊一個飯，但系叉燒同油雞都分別有成五、六塊，絕對夠食另外叫的切雞燒腩飯，屋企人都話好食

燒肉每斤大約$150，我哋去買半斤，你斬出嚟幾多我哋都唔介意，都知你會多啲，大約$90入邊啲阿嬸大大聲，講出邊有個女人買半斤燒肉，唔知有冇搞錯，買咁少，其實你哋又冇最低消費，最終都買到$90，我想知道有咩問題，幫襯佢哋仲要聽佢啲說話，你估我仲會唔會再幫襯佢哋，真係要檢討吓啲員工嘅品德。不過同佢哋講，都係教精佢。唔怪之啲人北上消費,最低限度唔使受佢哋氣。

以往在大街會光顧牛記的燒味，那裡的伙記雖然說話比較粗聲粗氣，但態度還是可以的，始終是做街坊生意，無謂得罪街坊。牛記結業後，首次嘗試光顧大爺燒鵝店外買半斤义燒，可是付費時忘記提醒走汁，見負責斬燒味嘅年輕師傅還未斬，於是趕忙去提醒旁邊負責入盒嘅中年四眼伙記不用加汁，他竟然面無表情回覆‘’俾錢時無講就會照加‘’，吓😳😳。。即使佢都未斬好，我係唔要汁喎，最後佢真係加咗兩大湯匙汁落去。買過這次，以後都唔會再光顧，服務態度真係極差👎

去完廁所出嚟咳，仲一面講嘢一面切义燒，全程冇戴口罩🥶D燒味好差，叫個义燒油雞飯，見到咁嘅情況，义燒一定吾敢食，油雞只比小小肉，比埋D頭頭尾尾，肥淋淋的皮就大把，上碟好似好靚，實際上是搵笨，以後吾會再幫襯！！

朝早趕時間，整唔切早餐，唯有係地鐵站附近搵間食完拿拿淋搭地鐵返工😂見最近大街開左間大爺燒鵝就試試佢👍🏽一睇menu見到早餐都有單/雙拼粉麵~我好耐冇食過懶粉啦！所以就點左叉燒賴，再配杯熱奶茶真係冇得輸😆 佢地嘅服務都算唔話得，啲姨姨每個禮貌都唔錯㗎！叉燒賴粉熱奶茶 $24原來食早餐仲有20幾蚊，仲要有菜有肉有野飲，真係好難得佢啲叉燒個人覺得好好，瘦得黎又唔會乾，都算juicy🐷而賴粉又幾爽口，好食😋😋如果大家朝早想食個粉麵，又趕時間，我覺得大爺燒鵝算係間唔錯嘅選擇！

第一次幫襯 下晝6點買燒鴨飯冇燒鴨第二次幫襯4點下午茶 買燒鵝瀨冇瀨粉 話得番米線等左20分鐘出到黎個米線唔熟既 一次又一次失望 建議可以改善一下入貨可以入多小小 全部野都咁早賣哂的話

最近大爺燒味在鴨脷洲大街開咗分店, 試過買兩次飯盒, 兩次都有點失望！兩次飯盒的燒鵝及燒肉都是頭頭尾尾堆砌出來,味道一般！而且用的米煮出來的飯有一點點爛及黏,一舊舊的！之前幫襯過牛頭角那間大爺燒鵝, 那邊的質素高許多,份量多及不是頭尾拼出來的！可能因為在牛頭角是堂食, 鴨脷洲這邊是外賣,鴨脷洲這邊差許多！短期內不會再幫襯！

瞓到啱，唔想煮嘢叫個外賣下午茶提前打電話叫定落到去即刻有得拎其實本身想朝叉燒燒鴨瀨粉但可能聽漏咗變左燒鴨瀨粉今次燒鴨切到多肉部分啖啖肉 好正下午茶仲配有熱飲下午茶嚟講，算係好抵 $34

今天下午，偶然經過鴨脷洲大街，看見這裏開了一間大爺燒鵝餐廳， 還是新開張的。 在門外觀看了一會，有不少人光顧，內裏也有不少食客，禁不住買了一份燒鵝下莊外賣，回家試試吃。回到家，打開盒子，賣相還可以，但沒有鵝香味。拍了照後，快的夾了一塊來吃。回家路程雖花了十數分鐘時間，也不算久，吃上口竟已完全不熱了。 照道理天氣這麼熱， 應該也不會涼得這麼快。很明顯燒鵝是燒了很久，也擺放了一段時間，也沒有適當地好好處理，才會入口偏「涼」。鵝皮不夠香脆，鵝肉也不夠豐厚，鵝味也不夠濃。老實說，水準只是一般般。燒鵝下庄，以價錢HK$135來說，不算很貴，如果2人分來吃，價錢尚可；要求低一些的話，也算是及格了；不過進步空間確實不少。