大熊貓燒烤食店 (已結業)

因為見有團購, 就同貧友黎哩度試下食店有幾個時段揀因為要就貧友放工過黎所以book左20:30哩度係一個價錢, 任食任飲的點菜紙都有好多選擇除左火鍋, 竟然仲有串燒因為人多, 我地有2個煲其中一個揀左奇味雞煲, 幾惹味, 雞唔鞋另一個係四川活魚煲又話係中辣, 完全冇辣味的食完就可以加湯, 就係火鍋了每樣火鍋料都點左d食材以任食計, 都算唔錯串燒有幾款揀都係即叫即燒所以要等下因為食火鍋都食到飽所以串燒唔係叫左好多叫左雞翼, 香腸, 雞軟骨味道都唔錯

預早訂左12位, 當晚8:00PM去到, 冇乜人, 我地一行12人入去, 佢offer一張長枱俾我地. 坐得都ok舒服. 呢度係限食2個鐘(可能我地多人, 電話訂座時佢同我講限食係2.5小時, 俾多左半小時我地). 每位係$128(另加一服務費), +$10有飲品任飲, 有多款汽水, 同埋大罐裝青島, 絕冇吝嗇.至於食物, 先黎個雞煲, 因為雞煲係任食, 再order左一大堆串燒, 寫幾多黎幾多, 冇漏單.首先講串燒, 種類唔多, 但以咁既價錢, 質素算係唔錯, 我一人都食左5隻雞翼~~至於雞煲, 隻雞新鮮度麻麻, 但個汁就唔錯, 都幾入味, good~!!食完雞煲, 加水打邊爐, 火鍋食品種類都唔少, 都係一d大路食品. 以呢個價錢去, 就唔會要求太高啦~~! 不過食完串燒同雞煲, 已飽左大半. 其他火鍋食品都食唔落.話食兩個半小時, 但因切蛋糕搞到過晒鐘都冇趕你走, 值得一讚!

之前朋友介紹，所以試試，一食上癮~今晚是我介紹朋友來食，晚上八點幾到達甫坐低二話不說order一個雞煲，個煲一到即刻食d雞先雞件夠入味，仲有好多洋蔥同蒜，一個字~掂 ~提一提，響鈴是個人喜好必食雞煲料之一打邊爐之前先將響鈴入鍋煮幾秒，響鈴索晒d湯汁精華撈起勝在濃郁惹味，好味就是這麼簡單食完d雞再落湯打邊爐，建議每次加湯逐漸加少少，否則湯底會太淡火鍋配料中，牛極力推介，品質不俗，肉味較濃大愛也，但不能淥太耐，怕會韌，三碟都有D唔夠喉!其他火鍋料則一般貨色，最重要夠新鮮炸腐皮去到必叫，淥到外表軟淋哂，真是好好味牛丸也是個人推薦，幾彈牙，唔駛點豉油都好好味芝士腸必點好爽口，白蘿蔔有咬口鮮甜蘿蔔味除此之外公仔麵又係必叫架，火鍋點少得， 原包湯粉同麻油上仲包幾款串燒任叫，我試過大部分嘅串燒都係好味加十元啤酒汔水任飲，見到現場個個係咁叫野飲整體黎講，這裏的雞煲味道較穏定呢類小店子裝修環境當然不會是豪華反而地方簡潔感覺平凡之中带點街坊情懷朋友話唔錯，開聲話下星期飯局再幫襯

慶祝朋友生日,呢間雞煲係生日位朋友推介,生日話哂事好合理吧咁走去試試,訂左位，大約七點準時到達一坐低店員就叫我地落雞煲先，得3個人就點了有半隻雞既細煲個雞煲真係好正,用鐵鍋盛載, 有足夠的熱力鎖住雞汁, 端上桌開蓋一刻, 真係香氣撲鼻賣相值得一讚配料都幾多, 莞茜、芹菜、大蒜、洋蔥同青椒、麻辣香集於一身首先要趁滲左少少汁入雞肉就食,如果吾係怕佢太辣,d雞滑溜溜又香又入味食晒啲雞後，就馬上開始落清湯打邊爐打邊爐的配料選擇都是大路東西，我地叫左雞件、公仔麵、生根、響鈴、菜籃、美國肥牛、午餐肉炸魚皮、金菇、生菜、自製芝心丸樣樣野叫D大部份的味道都可以，都是新鮮的還叫左d串燒，串燒淨係一放低我已經嗅到好香燒烤味依間串燒唔係馬虎貨，烹調手法很有技巧加埋d香料粉配合得幾好出奇地好食串燒雞亦，火喉控制剛好，鎖住肉汁再試下芝士腸仔，爽口彈牙，勁好味！wo~一食停不了口五花腩食落一啲都唔膩，唯一就係略嫌燒乾身燒雞髀菇好正， 口感一流，濃厚鮮菌味蔬菜仲有翠玉瓜，冬菇，茄子鹽燒效果好香囗基本上燒物不錯，樣樣都燒得好入味，可以邊食邊送酒邊吹下水見隔離枱都同我地一樣有叫雞煲在香港已經非常流行了, 坊間有很多不同

朋友生日又來這裡，我地都嚟好多次先來好好味的雞煲要咗個微辣麻辣程度剛剛好配料甚多 芫茜、花椒、洋蔥雞件也不少,色香味全阿姐建議加少少湯響鈴浸了雞汁後食非常入味,豉油都慳返十分鐘後全煲食完，我們4人決定加湯打邊爐任食配料大路野美國肥牛,芝士腸,金菇,唐生菜,滑雞,魚皮等等每次都叫碟牛肩肉仼食半價$24灼七成好淋好有牛肉味反而呢度有川弍串燒豬腩肉香口到連食三串仲有川式雞亦香而少辣夠惹味基本上串燒同雞煲最吸引我地最喜歡拺平日來可以4人坐六人卡位地方算清潔，坐得舒服

某日夜晚唔知食乜好，周圍行下，就見到呢間舖頭門口大大隻字寫住「$11X雞煲火煱任食﹗」好似幾吸引下哦﹗個老闆娘(其實唔知係唔係)又好熱情咁叫我地入去哦，好啦，入去試下啦~叫左個雞煲~好香﹗未食晒個雞煲就已經叫定火鍋料喇﹗可惜火鍋料得好少種類揀…不過正正常常肥牛牙、墨魚丸牙、生菜牙都有既，但真係十隻手指數得晒唔緊要丫~雞煲任食仲有包串燒﹗不過又係得小小…我係門口見到燒菠蘿好正牙，但原來唔包…但唔緊要啦~食得飽就OK啦，反正個雞煲好味差唔多食完前，我地仲叫多左個白菜仔，不叫由至可，一叫真係食唔落﹗碟菜乾身架，爛左O個D葉又唔丟左佢，仲要污糟到好似未洗咁﹗對住呢碟菜真係無胃口…好彩係最尾先叫，明明之前O個碟生菜勁靚仔架嘛﹗

香港人最近很流行吃雞煲 流行到…幾乎朋友們在Facebook的打卡相片都是雞煲所以現在的雞煲火鍋店開到成行成市但差不多全部都是單點的 也算蠻貴的!!最近爸爸就推薦了我一間蠻有名雞煲店而且是任點任食的 重點是還可以任點串燒喔對我這個又愛燒烤又火鍋的人來說就對了!這次聚會 決定介紹朋友們來一起試試整條巷已經有幾間雞煲 還有其他料理餐廳也算是蠻容易找到的 巷口就有巴士站店內的裝潢有別於一般的火鍋店反而像是茶餐廳的那種長餐台和卡座但最好的是人不多 座位也蠻寬敞的還有電視機 邊看邊吃火鍋 好似在家一樣我們點了少辣的《四川奇味雞煲》因為裡面下了不少的三色椒 所以味道很香還有洋蔥蒜頭等香料 香噴噴的 好正喔~雞件肉質嫩嫩滑滑的 又很入味 只有一點點辣味道調得剛剛好 味道有點像”啫啫雞煲”吃完雞肉後 店員會自動幫我們加湯進去再滾了以後就可以開始吃火鍋囉~~吃火鍋必點的就是《肥牛》啦!!!這裡的肥牛 肥瘦算是適中 都是一半半的牛肉味道蠻濃 肉質蠻嫩的 但之後再點的肥牛不是這樣粉紅粉紅的 是暗暗無光的…通常是因為不新鮮才會變這樣 但我還是吃了因為都點了 不可能浪費 我又懶得叫他換還好沒有拉肚子 哈哈!!

上網見到團購, 任食3個鐘有邊爐有串燒仲送半隻龍蝦好似幾抵, 再加上openrice對大熊貓既食評都似幾正面 所以就買左.去到立即落個小辣魚煲, 等左好耐先黎, 睇兩睇發現唔對路, 個魚煲有鳯爪既, 問店員時第一句就同我講 '你頭先叫雞煲架喎', 我堅持左2次之後佢先話 '又好似係喎', 其實如果佢肯一開始就去check單, 根本就唔駛浪費時間同口水....魚煲個魚幾好食, 魚係先煎香, 又好大舊多肉, 美中不足係個湯其實冇味, 可能係佢見我叫少辣卦.串燒就非常麻麻, 普遍都好燶, 味道亦唔算好龍蝦真係好失望 之前都知團購都唔會太靚, 不過真係太差, 冇味之餘, 啲肉散, 明顯好唔新鮮其他配料都係一般貨仔, 而響玲係我食過既最差既!我相信餐廳出團購應該都係想打響個朵, 等餐廳多啲人識, 不過以呢個質素, 應該都幾難有回頭客.

見團購做緊$108/位, 有得食雞煲+打邊爐+串燒+飲品 (任飲+$10). 按原價收取加一服務費 ($23), 星期五至日、公眾假期及其前夕另加 $11. 計過條數一位$142, 一試無妨. 到埋單時發生了誤會. 此乃後話.BOOK咗星期五食8:30果輪. 好快有位. 一入去經理已熱心檯檯都推介任飲青蘋果冷飲. 我地唔想要色素飲品, 就寫紙仔叫了一杯凍菊花蜜. 點咗奇味辣雞煲, 小辣. 味道可以, 雞都唔算好少. 邊爐料如之前的食評講咁, 麻麻地. 墨魚滑有異味, 食一啖唔敢食. 黑椒牛丸好假好大陣五香味, 食咗一啖無食. 貢丸正常. 響鈴算OK, 雖然一滾即林曬, 但味道唔係太差. 魚皮餃正常. 八爪魚鬚唔新鮮. 送的龍蝦肉明顯是霉的. 雞肉豬肉麻麻. 串燒相對來講比較好, 但當然唔係十分好食. 叫做比較好食係燒矮瓜. 黑椒腸有陣肥肉味怪怪, 好油, 但由於無咩好叫, 都有叫多次. 雞軟骨好乾. 芝士腸好乾. 冬菇OK. 豬腩肉無味. 我地細食. 食完一ROUND, 叫第二ROUND. 發現第二ROUND的燒野遲遲未來. 有少少懷疑係專登. 第二ROUND邊爐野我地入紙時順手追第二

之前飯伴買了這店子的團購, 3小時任吃雞煲 (打邊鑪) + 串燒。這店子的地點有點不就腳, 如果唔係有團購都真係唔會特登過去。一去度店員就會送上雞煲。雞煲中的莞茜和蔥不夠多, 雞隻的味道和當中的醬汁都和那些專做雞煲的店子有一段距離。不過當做打港式邊爐也可以的。團購中送的龍蝦(應該是吧...) - 份量為一隻龍蝦開半, 比想像中的好吃, 算是吃得啖啖肉, 而且也吃到龍蝦的味道, 後來吃完肉後我們把半邊的"龍蝦殼"拿來滾湯呢!火鍋配料 - 食物的選擇不算太多, 先說好味的: 1. 墨魚滑味道不錯; 2. 冬菇很大隻很好吃; 3. 牛肉還算可以的; 4. 響玲和炸魚皮都比較有油"憶"味, 感覺不太新鮮; 5. 粟米不甜; 6. 蟹柳則不過不失; 7. 蔬菜都算新鮮。串燒 - 任食的選擇不算太多, 但是大部份的味道都不錯, 由於是即點即燒的關係, 等候的時候比較長, 要有耐性啊~特別好吃的有燒翠肉瓜, 燒得夠"林"同夠Juicy; 還有我好喜歡的雞翼, 其實燒得有少少over, 不過我自己又比較喜歡少少燶燶地既味道! 還有雞脾菇和雞肉丸, 味道都OK的。(P.S. 上碟的串燒加了好多川式的味粉

約左我由細識到大既好朋友出黃埔睇戲,我地1開始講好要分工合作,我搵電影而佢~負責搵晚飯落腳處.食完呢間覺得好味又抵食就簡單推薦1下.聽佢地服務員介紹知道有2款野食,1.打邊爐;2.燒烤串燒!係指定野食紙上畫個d都可以任食!有d就要收錢,任食d選擇都幾多加.4選1之下我地揀左辣味魚煲,食出有先炸過再倒d湯落去,因為入口d魚仲feel到好脆口,魚肉又滑仲好香添,最緊要係無骨嘛!!我同Bella都唔太識得’lun’骨.湯底係魚湯既味道,唔知關唔關條鯇魚事呢~個豬腩片薄薄一塊,可能肥肉均勻,都幾爽口下加!!我地食d串燒都有落孜然粉,香香羶羶但就係唔夠辣,我仲加左d指天椒粉落去添,好辣係我第1個感覺,但辣得黎好正!!!

平時做到三更半夜，要約個朋友食個飯都難。 今晚終於抽到一晚時間出來同班姐妹食飯！ 比佢地帶咗去呢間「大熊貓」， 睇見處處都係大熊貓，唔係眼花，同佢地你眼望我眼～笑左 ！望住黎食野其實幾可愛的。我地人數既然係兩個人以上六個人以下，所以只簡得一個煲。很好，材料可以任食可以餵飽我地的！ 開頭我仲以為係我個姐妹老點我添，comfirm左之後我即刻拎住支筆係咁tick tick tick ！送黎既就係我地簡既奇味雞煲，味道好香濃，我仲聞到爆過既蔥味同好香既雞肉味， 而且份量好大煲，難怪坐無虛夕，因為咁計既話真係抵食阿！！ 仲有串燒都可以任食添呢～

連返左12日工之後,今日總算可以抖返日la 好yeah!!!係可以休息ge情況下真唔想旭,不過呢間我真係覺得食完會番尋味 !!噚晚我同Eva齊齊約好係紅磡搭車過黎,落車行5分鍾包到 幸好剛好我地2位可以揀1個煲,下次要哎多幾個friend黎就可以1次食埋佢個魚煲,好似都好正咁!!雞煲好快到, 任由d雞翻滾左陣之後,1開蓋聞到裡面d料同雞都伶射香,入口唔會覺得好辣,所以我加左少少放係旁邊ge指天椒粉落去,哈哈 不過Eva罵我食咁辣做乜 雞肉夠嫩同多肉,所以都好好味!!

依間已食過好幾次! 今次可以寫一寫食評服務 :禮貌真唔錯, 侍應好NICE, 叫人收單一叫即有人來, 加湯收碟即叫即來...食物 :++煲底++**蕃茄烤活鯇魚煲** 鯇魚先煎香外皮, 大約4~5成熟再加入蕃茄湯一齊滾, 好香肉好滑~~ ++串燒++ (一次過叫晒10款比大家睇)冬菇 - 燒得幾香, 但硬左DD ~~茄子 - 係油多左DD~~翠肉瓜 - 燒到脆脆地又多汁! 正~~雞脾菇 - 腥腥地! 一般~~肉類加左孜然粉燒好香好好味雞中翼 - 正常水準, 幾滑~~芝士腸 - 外皮硬左DD~~雞軟骨 - 冇乜特別, 正常水準~~豬腩肉 - 係肥左D, 但唔肥唔好食...好矛盾! 黑椒腸 - 黑椒香, 又甜甜地, 正! ~~ ++火鍋料++美國肥牛 - 一般級數, 比較肥! 芝士腸 - 同燒個D一樣~~魚皮餃 - 一般! 可以接受~~日本蟹橭 - 好易散! 滾一陣好攞起~~魚皮 - 香! 脆! ~~黑木耳 - 爽! 健康食品,食多D ~~響鈴 - 油多D! 算OK ~~豬頸肉 - 好滑! 唔肥! ~~鮮滑牛肉 - 唔滑!仲比較"鞋"及硬! ~~青口 - 唔錯! 係條邊硬~~魚腐 - 幾鐘

最近為左朋友個婚禮,我keep住每日都係食小小咁,男友尋晚睇唔過眼call我出黎食飯,點知我真係太太太耐無食過有味道既野食,搞到尋晚我keep住狂食狂食我要喊啦!!不過呢度好好味阿!2人所以選1個煲.鍋裡面d雞唔少,肉質非常嫩滑，辣既味道完全同雞溶為1體,夠晒入味!!不過有個美中不足既地方係,加左湯之後,味道會變淡囉呢舊牛肉同樣幾新鮮肉質，比薄薄個d牛片更有口感，更嫩