138
0
0
港鐵將軍澳站 B1 出口, 步行約5分鐘 繼續閱讀
電話號碼
67771628
67773289
營業時間
今日營業
11:00 - 15:00
18:00 - 22:00
星期一至日
11:00 - 15:00
18:00 - 22:00
付款方式
現金
其他資料
網上訂座
酒精飲品
自帶酒水
賞訂座積分
室外座位
電視播放
以上資料只供參考, 請與餐廳確認詳情
有關獎賞計劃
食評 (142)
等級4 2022-07-01
411 瀏覽
大灰熊廚房🔺 https://s.openrice.com/QrbS0Pp0B00~uO7p6Aw🔺將軍澳唐賢街23號帝景灣商場1樓34-35號舖🔺Tel: 6777 1628今日嚟到將軍澳搵朋友,我想食啲中式嘢不過海邊大部份都係西餐或者亞洲嘢,幾經辛苦終於喺帝景灣商場一樓搵到間中餐小菜(可以睇返我張相 )。 餐廳提供大眾化嘅中菜,而且有好多選擇,我同朋友就揀咗兩位用嘅「優惠家庭餐」💰$188。兩款小菜,一款湯,白飯兩碗,飲品兩杯,呢個價錢喺將軍澳海邊都算係好優惠。 飯餸未到,先加個合桃酥開下胃,大大粒又脆口。 🐮西湖牛肉羹好足料,啲牛肉好嫩滑,符合佢大灰熊滋補湯嘅稱號。除咗滋補湯,亦可以每位加$15轉燉湯。 🐷拔絲咕嚕肉賣相精美,分量十足,咕嚕肉唔會硬梆梆,酸甜味剛剛好,不愧係推介菜式。 🐮咖喱牛腩喺呢度終於食到有少少辣味嘅黃咖喱啦!淨係啲汁都可以食碗白飯,正。啲牛腩一樣夠晒大,唔會話平就細細碟。環境闊落,店員殷勤有禮,遲啲有機會試吓佢嘅大灰熊私房菜先,6位起就可以成行。 繼續閱讀
(以上食評乃用戶個人意見 , 並不代表OpenRice之觀點。)
因為為食貓住係將軍澳附近,所以成日會係呢頭搵食平時叫外賣,為食貓已經想試吓大灰熊廚房,但一直都未有機會🥲前幾日陪朋友換身分證,終於坐低試咗估唔到將軍澳都有d咁有鑊氣既私房菜wor地點為食貓想特別講下可以點去到大灰熊廚房,如果唔係住開將軍澳南,都未必識得點樣去😂大家可以係將軍澳港鐵站B1出口一直行幾個路口,跟著左轉會見到智能身份證換領中心嘅牌,行入去上電梯2樓到尾就會見到♥️食物西湖牛肉羹 (4/5)個西湖牛肉羹好有芫荽味,好正而且啲免治肉碎同豆腐都好多,好足料,好好飲咕嚕斑腩 (5/5)必叫咕嚕斑腩或者咕嚕肉基本上喺所有小菜館都會叫到,但唔係間間都整得咁好食🤣為食貓好欣賞呢個咕嚕斑腩,佢個汁酸酸甜甜,汁既厚度啱啱好,d斑腩完全朔到晒啲汁👍🏾再加上佢炸到外脆內軟呢個斑腩可以講係為食貓食過最好食既椒鹽豬扒 (4/5)有時d餐廳會炸到d豬扒好乾好硬但呢個椒鹽豬扒好軟身😋加埋d椒鹽味,真係非常之惹味椒鹽粟米 (5/5)必叫呢次係為食貓第一次食椒鹽粟米😂估唔到粟米都可以咁樣食🤤平時我唔鍾意食粟米,因為會食到黐晒牙不過呢個粟米一d都唔黐牙,而且好爽口,好得意,好好食♥️平時d人黎將軍澳,可能多數會去商場或者海旁食野;而住開將軍澳既,都可能以為只有連鎖餐廳既選擇下次大家不妨試吓呢間咁有鑊氣既餐館,保證一定唔會失望 繼續閱讀
(以上食評乃用戶個人意見 , 並不代表OpenRice之觀點。)
等級4 2022-03-29
989 瀏覽
住將軍澳的朋友知道我今天會去將軍澳,特別推薦我要去試下帝景灣商場1樓的大灰熊廚房,仲驚我搵唔到,whatsapp我路線圖。他說他們全家最愛去大灰熊廚房買外賣做晚餐,包我不會失望。好吧,就去試下。商場入口的確有點隱蔽,但上到一樓就好開揚,望到草地和大海。大灰熊廚房裝修踏實,有卡位,也有大圓枱。餐牌主要是廣東小菜、燉湯,炒粉麵飯等,連雞煲和雞絲翅也有。我們叫了一個兩位用的「優惠家庭餐」($188),有兩款小菜,湯、白飯和熱飲。另外叫了兩個小食。小食首先來到。椒鹽粟米($38)和黃金豆腐粒($38)兩款都是油炸食物,但毫不油膩,好食到唔停口,食完碟底是無油的!椒鹽粟米炸過後仍然粒粒飽滿有汁,椒鹽咸香不鹹,食完不口渴,我可以食多一碟。黃金豆腐粒的脆皮做得非常好,又薄又脆又乾身,外脆內軟,這時已覺得師傅手勢好好。小菜我們選了:拔絲咕嚕肉和三色蒸蛋。兩款家常小菜,都有高水準。拔絲咕嚕肉的兩大靈魂:豬肉和糖醋汁都處理得很好,豬肉爽滑,炸漿又薄,糖醋汁甜酸度和濃稠度都適中,掛上鬆脆可口肉塊,帶有少許拔絲效果。菠蘿咕嚕肉食得多,原來拔絲咕嚕肉更能表現師傅的巧手廚藝。三色蒸蛋看似平常,入口嫩滑無比,而且一次滿足三個願望!非常好送飲。我們加錢轉了燉湯:蟲草花燉湯($+15)燉湯中有蟲草花、雞腳和瘦肉,很足料,湯清香不膩,好飲。這餐飯食得得飽足,大灰熊廚房沒有華麗佈置,沒有昂貴餐單,卻是真材實料用心製作,屬大師傅級數,值得推薦。  繼續閱讀
(以上食評乃用戶個人意見 , 並不代表OpenRice之觀點。)
⭐️【將軍澳】外賣鑊氣家常小菜⭐️今日到將軍澳附近工作, 打算買外賣回家吃, 問了住係附近的朋友仔有什麼好吃好介紹,朋友知我喜歡吃小炒中菜,就介紹了一間都很隱蔽的私房菜餐廳給我,餐廳位於將軍澳帝景灣商場1樓,餐廳主打家庭式大眾化中菜, 餐牌中有多款小炒選擇,即叫即炒,而且很有鑊氣驚喜😋。🐖【拔絲咕嚕肉】是餐廳推介菜,入口啖啖肉,肉質非常鬆軟很有驚喜,咕嚕肉肥瘦適中而且沒有骨,外皮炸得薄身,有少許拔絲效果,酸甜度恰到好處,感覺順喉開胃。🥩【涼瓜炒牛肉】媽媽常說涼瓜很有益及健康,我雖然不是常常食,但清熱解毒其實很好,涼瓜入口不算太過苦澀,有回甘的味道,配上切成薄片牛肉片,很有鑊氣。🌽【椒鹽粟米】椒鹽粟米比較特別,椒鹽香味亦不會鹹,而且粟米亦很清甜,加上惹味的椒鹽入口味道很不錯。🥣【西湖牛肉羹】每一口都有免治牛肉,豆腐,蛋花,芫荽味道比較出,調味剛剛好不會過鹹,感覺順喉清潤。📍〔大灰熊廚房〕🇭🇰香港新界將軍澳唐賢街23號帝景灣商場1樓34-35號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2022-02-18
59 瀏覽
疫情下禁堂食, 無飯煮婦既我已經比食勻樓下商場既外賣食到厭。 有晚探索附近有咩新外賣食黎到帝景灣既商場, 好多鋪頭都關門時有一處燈光, 原來係有間餐廳仲開緊!6點後既禁食時段黎到, 餐廳好大好闊落, 容納到好多人數, 如果中午時段黎個午飯都係一個唔錯選擇。我諗住將軍澳附近既人都會為唔知邊度有小炒食而頭痛。當我見到張menu 有小炒, 心諗以後我想食獲氣小菜就有著落啦!價錢又唔太貴喎, 兩人餐包哂小菜客飯都係每人$90 我叫左一個$188 二人餐, 千島蝦球, 欖菜肉鬆四季豆, 湯揀左西湖牛肉羹, 另散叫左個土匪雞翼。 飯就因為屋企有煮飯就叫佢走飯 。等左冇十分鐘已經拎得外賣 , 加上人唔多, 好似搵左間隱世外賣店咁。 包裝用app 袋裝住, 先知除左外賣自取, 都可以經app 點。 番去一個個盒裝好, 賣相同份量又唔錯喎最抵係同一個價錢仲可以叫埋海鮮。欖菜肉鬆四季豆, 一開出黎就有欖菜咸香味, 四季豆都好唔老, 加埋肉碎撈飯一流。千島蝦球有菜同伴碟 包保唔會太油, 食落去炸漿脆而薄, 包住大大粒蝦球, 夠哂真材實料。蝦球好彈牙, 加埋酸酸甜甜千島汁, 寧舍開胃。細細個已經好中意食羹, 但除左酒樓之外好少地方仲有, 今次竟然比我搵到舊時既蛋花羹。 味道同以前酒樓一樣, 少少芫茜味夾住牛肉碎, 好味又懷念 D 料好似古法咁有火腿, 豆腐等等, 夠哂足料, 味道夠清新土匪雞翼, 純粹想過一過孜然癮。 炸到好脆口夠juicy。呢幾碟餸撈埋飯食夠食足兩餐, 亦都估唔到帝景灣附近有間隱世小店, 希望疫情後可以去食餐晚飯小炒。 繼續閱讀
(以上食評乃用戶個人意見 , 並不代表OpenRice之觀點。)