193
4
2
營業時間
今日營業
12:00 - 15:00
17:00 - 00:00
星期一至日
12:00 - 15:00
17:00 - 00:00
食家推介
同丫妹做完GYM, 消耗咗大量energy, 肚餓感爆登, 即刻諗到要食放題!鄰近旺角港鐵站出口, 就有唔少人派宣傳單張, 其中一間係大瀛喜, 由地鐵站出口步行十步內就到餐廳果座, 地點超方便。先經過自助區再進入座位區域, 超密集座位全部爆滿, 估唔到咁有人氣! 氣氛什好!自助區分別有冷盤海鮮、沙律、少許炸物熟食、甜品, 飲品款式多, 有自家冷泡茶、 罐裝飲品、啤酒、清酒, 至於熱飲就有幾款紙包飲品。其他食物均以scan QR code落單, 款式多, 刺身、壽司、炸物、串燒、熟食等等…應有盡有! 而且食物上檯速度快, 所點嘅食物都到齊。先講刺身, 根據返所order嘅數量比足! 絕不姑寒! 每款刺身都幾新鮮, 三文魚有魚油香, 魚類刺身都切得有返d厚度; 單單只係蝦嘅刺身都有三款: 肥美鮮甜嘅赤蝦, 鮮味甜蝦同埋泰式生蝦; 另外仲有赤貝、螺肉、北極貝。食多幾盤刺身, 回本率已經好高!壽司方面同樣款式多, 配上細細舊飯, 食多幾款都唔會咁易飽。任食當中竟然有醉鮑魚!! 質素都唔錯, 鮮味彈牙, 滲出淡淡酒香!螺肉大大粒, 冇沙, 爽而不硬。炸物嘅就點咗天婦羅蝦, 即炸熱辣辣, 不過炸皮係沾粉炸果隻, 唔係傳統用天婦羅炸漿做, 炸皮鬆脆夠薄, 有少少油, 但可接受程度。榴槤炸彈外層鬆脆不油, 一咬開即散發清香榴槤, 餡料仲係流心ga!當中再有驚喜就係有酸菜魚食!! 湯底酸尾尾, 每片魚都冇骨, 超嫩滑!! 啖啖肉, 愈食愈開胃! 推介必點!呢度嘅放題更適合中意食蝦嘅朋友, 除了天婦羅蝦, 仲有串燒蝦、充滿鹹蛋黃香嘅黃金蝦、惹味黃金醬開邊蝦。串燒就食咗牛舌, keep到juicy肉汁, 雖然唔係厚切, 但都有返d厚度, 有d爽口感。甜品方面就有各款雪條任食, 同埋雲呢拿軟雪糕, 自己仲可以on top加d配料。總結: 食物快到齊, 雖然二人檯比較細, 擺放過多食物有d難, 不過店員收碟快, 快快清, 而且服務有禮, 兩個鐘食得滿足。
繼續閱讀
去到旺角日本放題有好多，5:00食仲有優惠，所以今日就早啲開餐，地址就係朗豪坊旁邊地點非常方便一出地鐵站就到，我用QR code落單嘅食物出邊仲有自助區有好多甜品熟食真係好多選擇早到折扣更多更加抵食😋好大盆嘅魚生拼盤擺設非常精緻刺身嘅種類繁多有赤海蝦酒煮榮螺片不寄貝希靈魚鱆紅魚挪威三文魚甜蝦深海八爪魚虎蝦油甘魚，講得出嘅刺身都齊晒刺身全部都好新鮮師傅用咗好多冰鋪喺底，所以啲刺身都夠晒冰凍🥶一啲都唔腥最令我難忘嘅係蜜汁鮑片做到非常林身甜甜地又甜又凍又鮮味真係食到停唔到口好好味而壽司方便佢都有幾款，唔同嘅三文魚，有普通同磯燒，兩款都好好食😋而且仲有好濃郁嘅三文魚油香味全部都細細件所以可以食到唔同種類嘅壽司叫咗幾件迷你海膽手卷的的式式非常可愛海膽好creamy 又吾惺，飯同紫菜嘅份量都啱啱好唔會太多細細舊飯海膽嘅份量都多食多幾件都唔怕唔單止好味，賣相都唔輸而且仲有其他嘅熟食有牛舌超級香口食過返尋味牛舌上面加有少少黑椒食落更加惹味仲叫咗其他小麥同埋炸麥比目魚魚油味香甜甜地嘅醬汁好好味芝麻雞翼燒到個皮非常香脆肉質依然嫩滑明顯係encore之選最重要推介嘅係有機新鮮菠蘿入口甜甜的又酸酸的做到非常開胃嘅效果下單嘅速度非常快落完單轉頭就已經放低而出邊仲有任食任攞嘅飲品應有盡有食咗咁多嘢都唔使$260一個人，真心抵食😀大家都快啲去試吓我食完七點準備離開嘅時候，已經見到坐滿晒人，門口都企滿晒人等位，所以記得預約
繼續閱讀
☀︎ 𝗦𝘂𝗺𝗺𝗮𝗿𝘆：晚市堂食再次重開，收咗工又可以周圍去飲飲食食啦！同朋友飯聚，放題係我嘅首選，無限Encore之餘，樣樣都可以試吓，最緊要係清酒啤酒任飲先係重點😂.今次揀左旺角嘅「大瀛喜」，位於中心點，方便住喺唔同區嘅朋友。晚市5:00-7:00時段，個人認為係晚市中最划算既Period，每人$228(另加一）就食到過百款中日式料理，即使紅日，星期六日都係同樣價錢，CP值相當高👍.◈ 冷熱盤。炸物。湯飲。沙律。切餅位於自助區，落單前可以先行去拎，填左肚先🥳 .❤️Top 3 Encore Items.Top 1: 炸薯角，葡撻，凍蝦，鹵水雞翼特別係凍蝦同鹵水雞翼，前者鮮嫩彈牙，後者煮得好淋好入味.Top 2: 小丸子麵粉感吾會過厚，食到睇到嘅魷魚粒.Top 3: 碗仔翅好足料，吾會太稀或太杰.其他：青口，花蜆，水煮牛肉，話梅豬手，數十款沙律，生果，迷你芝士杯等.◈ 壽司。刺身。中日式料理。天婦羅。串燒全場放題重點係哂搭 Code裡，只要掃一掃落單即可，店員上菜速度好快，且沒有漏單情況出現，每隔一陣，有店員推車仔回收盤碟，呢點值得一讚😎.❤️Top 3 Encore Items.Top 1: 三文魚，醬燒皇帝蟹棒壽司，鹽燒三文魚腩壽司三文魚好新鮮，軟綿甘甜；蟹棒壽司，口感柔軟，淡淡嘅焦香味加上融化左嘅沙律醬同芝士，味道好Rich~.Top 2: 榴槤炸彈，羊架，帶子，大赤蝦，吞拿魚愛食榴槤嘅你絕不能錯過榴槤炸物，外脆內流心，榴槤味好濃呀😆.Top 3: 酸菜魚，天婦羅蝦酸菜魚份量岩岩好，酸香開胃，魚肉鮮嫩，仲有大量芽菜.其他：XO蒜蓉大蝦壽司，黃金醬開邊蝦，汁燒蒜蓉牛肉壽司.◈ 甜品。飲品。酒分佈係自助區同QR code。每人一杯嘅movenpick要係手機上落單；海鹽軟雪糕，Kaffe脆皮雪糕意外地比到驚喜我。飲品推薦大瀛喜自家製花茶，仲有無酒精啤酒都幾特別😂
繼續閱讀
【Background】「大瀛喜日本料理」一直都係放題界數一數二嘅高質，基本上一到晚市時間已經爆哂場🥳 .放題價錢由$228至$278不等，可任食120分鐘。其中，17:00-19:00時段，由星期一至日，公眾假期及前夕，$228就食到過百款美食，壽司，料理，冷熱盤，雪糕，飲品，炸物，天婦羅都一應俱全，CP值不錯呢，大胃王記得Bookmark啦🥳.而環境方面亦改變左不少，裝修更新穎，更有高枱可以坐。────────────────【自助區】自助區有雪糕，飲品，沙律，熟食，炸物，餐湯同冷盤雪糕：主打韓式雪條，仲有自助雪糕機添！推薦：海鹽雪糕，鹹甜適宜，感覺好Fresh，最後仲會送一人一杯Haagen Dazs/Movenpcik 雪糕架😈飲品：數十款飲品，囊括左啤酒，汽水，清酒，梅酒，仲有自家製花茶添👍推薦：瑰荔堂煌，玫瑰味好突出，茶香味濃，解渴解膩沙律：十款中有生果，沙律菜，蕃茄仔等等，埋尾時食返一盤生菜，罪惡感減輕不少🤣熟食：有話梅豬手，水煮牛肉，鹵水雞翼炸物，餐湯：有炸薯角，日式小丸子，葡撻，蟲草花膠烏雞湯，碗仔翅等推薦：小丸子足料，仲有粒粒魷魚粒；葡撻都值得Encore，千層酥化感，好鬆脆冷盤：有凍蝦，青口，蜆推薦：凍蝦勁愛歡迎，好搶手，同時Refill都跟得切😆【QR code落單】回本款都係哂以QR code落單嘅電子Menu上，包括刺身，壽司，料理，炸物，燒物等推薦：醬燒皇帝蟹棒壽司，榴槤炸彈，牛油果沙律塔，鹽燒三文魚腩壽司，燒菠蘿【Remark】✔️ 加一服務費✔️ QR code 落單✔️ 甚少漏單✔️ 上菜速度快靚正✔️ 店員幾Nice✔️ 午市長者優惠88折✔️ 生日優惠
繼續閱讀
午市放題而家$198/每位，另收加一，就可以食足3個鐘，之前食過覺得幾抵食，所以同朋友黎再ENCORE😜卡位位置就坐得舒服D😉除左QR CODE手機落單，出面自助區都幾多野食可以拎冷盤、生果區熟食區甜品區飲品區等ORDER嘅野食到之前，先食住自助區嘅味付螺肉、中華沙律、蕃茄仔😃刺身款式多，有三文魚、油甘魚、吞拿魚、鯛魚、帶子、北寄貝、希靈魚、榮螺片、八爪魚、鮑片、虎蝦、甜蝦、大赤蝦，食落鮮甜冇咩雪藏味，特別係帶子同大赤蝦，ENCORE左好幾次🥰壽司就叫左鹽燒三文魚腩壽司、鹽燒左口魚裙邊壽司、蒜蓉大蝦壽司、芒果沙律加洲卷、龍蝦沙律大蝦卷，D壽司飯唔會太大件，而且唔會一夾就散，食落水準唔錯👍🏻芝士龍蝦沙律多士必食，個醬幾香口而多士底幾脆口🤤吉品鮑汁扣花膠：每次食親大瀛喜都一定會叫，味道仲要整到同酒樓水準差唔多，呢個價錢任食大大塊花膠真係超抵😎炸物類有吉列蠔、榴槤波波、芝麻雞翼，外層香脆，雞翼內裡肉嫩，記得要嗌黎食😋燒菠蘿、蝦串、牛舌：菠蘿JUICY、牛舌同蝦串肉質爽口唔會霉👍🏻仲有一系列熟食，黃金蝦、煮蜆、牛油粟米等等，唔夠飽仲有鍋物飯類可以叫最後都係留肚食甜品，食左配上夢幻藍色嘅海鹽口味雪糕、雪條、雪糕批、芒果/朱古力/抹茶大福、同埋西瓜哈蜜瓜，食埋滿足又飽飽🤤始終晚市未恢復堂食，所以都逼晒LUNCH TIME食放題，再埋加價錢夠晒抵，成個場幾FULL下，食嘅話記得BOOK枱😉
繼續閱讀