影片
港鐵荃灣站 B1 出口, 步行約7分鐘
繼續閱讀
電話號碼
34683298
開飯介紹
主打川菜火鍋，提供各式各樣的火鍋配料，包括新鮮肉類、海鮮和蔬菜，而多款湯底之中，麻辣湯底香氣濃郁；另外多款川式小菜，是喜歡麻辣口味的食客必食之選。
繼續閱讀
營業時間
今日營業
06:30 - 00:00
星期一至日
06:30 - 00:00
以上資料只供參考, 請與餐廳確認詳情
有關獎賞計劃
香港的茶餐廳實在太地道，現在又另一稱號為冰室，有更多選擇，這次下午茶時間過去，常餐，午餐，下午茶也可點。常餐：鮮牛肉米線米線的牛肉量頗多，搭配米線的滑順口感，也有吸引力。牛肉的鮮味與湯底的香氣相得益彰，是常見的健康餐之一。還有小食及多士配搭的啊。精美扒餐牛扒＋沙律＋炒蛋＋焗豆＋厚多士 有好幾款主食配搭，這次點了牛扒，大大的一片，加上醬汁味道不錯。炒蛋鬆軟，茄汁焗豆及厚多士也可以。而雜果沙律是另外一小碗的，好懷舊，而且好好味，好豐富滿足。下午茶：大滿足柚子西多士第一次見用柚子醬作內饀的西多士啊，口感獨特，加上糖槳後，酸甜適中，每一口都能感受到柚子的清新呢。下午茶：鹹牛肉炒蛋三文治鹹牛肉炒蛋是絕配，兩者結合後的風味令人回味。厚厚的一層作為下午茶非常適合。飲品選擇每份餐食均附上指定熱飲奶茶：濃郁香滑。菜蜜：清甜可口。檸茶：酸甜適中。若晚上過來，這裏會轉成火鍋店啊，有機會過來再吃。
繼續閱讀
今時今日任飲任食邊爐竟然可以$200有找，睇到個價錢我哋都完全唔相信。最重要係佢呢個價錢仲有超多嘅選擇，淨係湯底已經有18款，而所謂嘅湯底仲係包括烤魚雞煲酸菜魚呢一類足料鍋底。我哋今晚叫咗嘅係雞煲，佢個雞煲真係超好食，個汁暫時係我食過最好食嘅雞煲汁，而且佢啲雞仲好滑，但係又夠晒入味，嗌咗小辣啱啱好。佢個份量兩個人嘅話應該都係上咗半隻雞。然之後更加經驗嘅嘢就嚟啦，因為佢呢度叫其他火鍋料係唔會落單㗎，因為全部都擺晒喺出邊俾你自己揀。最基本嘅菇類丸類瓜瓜菜菜就必定㗎啦。但係估唔到海鮮同埋肉類都係擺晒喺度任你拎。種類仲要唔少添，淨係海鮮都至少有六款，肉類都至少有四五款。而且佢啲海鮮仲好新鮮，啲虎蝦都好大隻，最重要係夠晒新鮮爽口彈牙。最特別嘅係佢仲要泥鯭㖭啊。泥鯭打邊爐真係好鮮甜㗎。然之後呢個手切肥牛都係任拎㗎。然後佢哋只有自己醃嘅花雕雞件都係超級無敵勁嫩滑，我想講佢啲雞真係好出色。至於牛板鍵就每台會送一碟，肉質係真係比較嫩腍啲，但係以呢個價錢其他擺喺出邊任拎嘅肉都其實好高性價比。另一個驚喜位係佢個飲品櫃，除咗普通出邊買到嘅罐裝紙包飲品之外，仲有佢哋自家製嘅冷泡茶同埋檸檬茶。最最最最最最最重要嘅係呢度係有成五款唔同嘅啤酒任飲。坊間其他好多任食或者放題，就算有啤酒俾你任飲都可能只係得一兩款，但係呢度真係比足晒咁多款你慢慢嘆。就好似我哋咁樣儲齊咗五色戰隊，試勻晒邊一隻最好飲添。食完之後佢仲有生果俾你做埋飯後果，真係好貼心㗎。啲橙同埋西瓜都好甜，其實佢仲有雪糕同埋其他甜品，但係真係已經飽到食唔落啦。呢個價錢滿足咁多個願望真係不得了。
繼續閱讀
🔸二人自助火鍋任食 $396 （成人兩位每位 $198）有19款火鍋鍋底可供選擇，真係你鍾意食乜嘢口味都有，呢度個自助火鍋係唔使麻煩你自己點餐嘅，直接走出去自己攞食材就得喇。 所以擺放出嚟嘅食材都好多種類，全部都係自助區任飲任食，我個人就喜歡食肉，所以就會攞多啲鮮肉，特別係牛肉。首先，講到涮牛肉，真係一絕！你見到一片片薄薄嘅牛肉，色澤鮮豔，肉質滑嫩，簡直令人垂涎欲滴！當牛肉落入滾燙嘅鍋中，咕嚕咕嚕聲響起，嗅到香味立刻撲鼻而來，心情都跟住好轉！等牛肉涮個幾秒，佢啲肉色由鮮紅變成嫩白，食落去口感彈牙，牛肉嘅鮮味同湯底融合，真係一口咬下去，鮮甜滋味直撲心頭，令人忍不住再加一片！😋 火鍋仲可以配上各種各樣嘅食材。蝦、魚片、蔬菜，仲有自家製嘅醬料，無論係花生醬定係沙茶醬，隨你搭配，味道都會更加出色。每一口都充滿驚喜，真係食到停唔落口！總之，火鍋唔單止係一餐，更加係一種享受，一種分享，大家圍埋一齊，喺熱氣騰騰嘅火鍋面前，聊聊天，食食食，真係生活中最美好嘅時光！大滿足😘
繼續閱讀
📍 大滿足火鍋冰室 (荃灣)荃灣大陂坊9-31號泰華大廈地下6-7號舖大滿足火鍋冰室晚市主打任食火鍋放題，有19款火鍋湯底可以選，選擇多到你唔知由邊個開始！湯底包括雞煲、烤魚、水煮魚等可揀，食完之後仲可以打邊爐，性價比真好高😍😍今次我哋揀咗麻辣雞煲做底，雞肉嫩滑多汁，味道辣得來又唔會過火，加上三色椒同洋蔥，食起上嚟好健康，轉去打邊爐嘅時候，湯底都好鮮甜，真係足料！💕火鍋配料火鍋配料選擇真係多到驚！海鮮方面有魷魚、蝦、花螺、蠔，雜項方面仲有台灣鴨血、牛柏葉、鵝腸等，蔬菜方面有金菇、娃娃菜、萵筍、冬瓜、蕃茄、粟米、枝竹等，應有盡有。肉類就有美國肥牛、手切牛、黑毛豬肉等。特別推介手切牛肉片，薄嫩又易咬，牛味濃郁。💕飲品同甜品飲品區選擇多樣，有啤酒、水果茶同台式仙草等，清新又解渴。甜品方面有唔同味道雪榚，完美作為收尾！回頭:yessss，大滿足火鍋冰室，無論係食材質素定埋性價比，都可以話係非常出色！下次一定要再來！🥰🥰💕✨
繼續閱讀
lunch 去搵老公食飯，喺荃灣千色附近有好多小店，今次同老公揀左呢間，大滿足火鍋冰室。座位數量好多，應該是要應付lunch time 同晚餐時間。去食lunch都有好多人食。午餐（$54）配例湯午餐勁抵食，50幾蚊有飯有飲品有例湯😋🍝黑椒牛扒煙肉意粉黑椒牛扒好香好林，易咬開。意粉份量勁多，啱晒1d男人肯定夠飽，唔洗再加飯😂😂🍝金湯酸菜肥牛飯（$68）湯底酸酸辣辣好開胃，最啱配白飯食，薄切肥牛吸1左d湯底，更加好味。🍝韭菜鮮肉煎餃（$38） 內餡韭菜翠綠多汁，同鮮肉比例恰到好處。煎得好香脆，一碟6粒，食晒都幾飽肚，因為d 餃真係好大粒。
繼續閱讀