252
3
0
| 餐廳: | 大滾友火鍋 (美新大廈) |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
電話號碼
37058134
開飯介紹
裝修風格古色古香的火鍋店，香濃雞湯底選用三黃雞並加入花膠熬製。款款湯底都份量十足，並有多款海鮮、手打丸等配料提供。
繼續閱讀
營業時間
今日營業
15:00 - 01:00
星期一至日
15:00 - 01:00
以上資料只供參考, 請與餐廳確認詳情
有關獎賞計劃
優惠
| 餐廳: | 大滾友火鍋 |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
相關文章
已經又食多次呢間咁有特色既邊爐，夠曬方便又多食物選擇😎（10分為滿分：🌕）味道：🌕🌕🌕🌕🌕🌕🌕🌖🌑🌑龍躉片木瓜魚湯鍋🐋($308)一上枱就見到好澎湃，原個木瓜中間有少少乾冰出煙🌫️，然後睇住侍應姐姐倒D湯落去，慢慢出煙成個仙景咁。湯底本身有好多龍躉片，兩個人都起碼食左8-9塊，同埋D魚片好滑同唔算好腥，夾埋D魚湯食真係一流。煮到中段Ｄ木瓜都融入埋湯底，夠曬清甜😋大滾友牛肉拼盤🐂($428)打邊爐又點少得叫牛肉，見款款牛肉都好吸引但又選擇困難症唔知揀邊款好，所以就叫個牛肉拼盤就實無死。基本上都齊曬款，牛小排，牛舌，金錢展應有盡有，牛肉肥瘦分明，岩曬牛魔王啊🐃伊比利亞橡果豬🐷($228)見呢個豬肉個名幾過癮就叫黎試下，聽店員介紹係D豬仔食橡果長大既。食落我地當然唔覺得有橡果味喇，因為我地都無食過橡果😂但係個豬肉食落無雪味同無肉既騷味，可以一戰！🧐大滾友雜菜拼盤🥬🍅🌽($118)食左咁多肉當然要叫番D菜balance下喇，主要有油麥菜，萵苣，淮山，雲耳，蕃茄，蓮藕同粟米，呢個拼盤既份量其實夠３個人食都仲得🤫澳洲帶子片🌊($98)手打鵝肝墨汁墨魚丸($72)另外仲叫左呢兩個海鮮同手打丸，帶子新鮮厚肉，淥一淥就食得同夠曬鮮甜。手打墨丸就食到有墨魚粒係入面，夠曬咬口，同埋入邊有個鵝肝粒，夠曬特別自家製竹蔗茅根🥃($78)打邊爐咁熱氣就叫番枝竹蔗茅根下下火，飲落唔甜同夠曬清涼，喉嚨舒服又解渴！🤤火焰焦糖豆腐花食到最後叫埋個甜品豆腐花喇，店員本身會係豆腐花面倒D酒再加焦糖用火槍燒，但係我地最近唔飲得酒🥲所以就咁食左原汁原味既豆腐花，夠滑同有豆味，無令人失望既價錢：🌕🌕🌕🌕🌕🌕🌕🌗🌑🌑打邊爐人均消費大約600蚊左右，其實都算ok，因為我地叫左好多野食，同埋最後都差Ｄ食唔曬🤣🤣交通：🌕🌕🌕🌕🌕🌕🌗🌑🌑🌑店鋪位置同太和火車站大概5-10分鐘路程，附近有屋苑停車場(平日HKD18/hr)🅿️，交通都算ok環境：🌕🌕🌕🌕🌕🌕🌕🌕🌕🌑店舖鋪面算大，位置間夠曬闊落，同埋見到有Ｄ卡位有埋電視，如果咁岩撞正有波睇就更有氣氛喇⚽🏈性價比：🌕🌕🌕🌕🌕🌕🌕🌗🌑🌑而家出去打邊爐好少食放題任食個D，反而去多左散叫既鋪頭，始終食物質素都會係好D，如果大家經過大埔呢頭又想打邊爐，呢間邊爐絕對值得一試喇😜
繼續閱讀
想試吓做皇帝嘅感覺就要去呢間餐廳試試啦，一入門口就會見到龍座，非常華麗，宮廷風格局非常適合打卡。🌸雪白誘人～龍躉片木瓜魚湯🌟🌟🌟🌟🌟實材實料，材料滿滿，這湯底濃郁鮮甜，木瓜鮮甜、龍躉片肉質結實，還有超滑豆腐、爽口金菇及新鮮芽菜。🌸牛肉拼盤(細)🌟🌟🌟🌟🌟頂級安格斯牛小排、本地手切牛頸脊、牛𦟌、美國頂級雪花肥牛、爽脆牛黃喉、牛肉粒、牛舌花，每一款都嫩滑及新鮮，牛味濃郁。🌸手打鵝肝墨汁墨魚丸🌟🌟🌟🌟被譽為黑珍珠，濃郁墨魚汁，墨魚丸內放了鵝肝，帶點回甘又有濃郁墨魚汁嘅口感，墨魚丸非常彈牙。🌸伊比利亞橡果豬🌟🌟🌟🌟🌟滿滿一盤，橡果豬片口感嫩滑，豬味濃郁🌸大滾友雜菜拼盤🌟🌟🌟🌟🌟滿滿一大盤，拼盤有蕃茄、金菇、娃娃菜、生菜、油麥菜、粟米、紫淮山、蓮藕等等。每一款都非常新鮮，配搭木瓜魚湯也好好味。🌸極品棉花魚肚🌟🌟🌟🌟🌟滿滿骨膠原，極品棉花魚肚索晒木瓜魚湯嘅精華，相當入味而且魚肚就像棉花一樣軟綿綿。🌸竹蔗茅根一渣🌟🌟🌟🌟🌟真材實料，味道非常濃郁，好適合打邊爐時飲用，解解熱氣。🌸火焰焦糖豆腐花🌟🌟🌟🌟🌟火焰非常漂亮，焦糖脆卜卜，豆腐花非常嫩滑，而且豆味香，作為餐後甜品，非常適合。
繼續閱讀
📍大埔《大滾友火鍋 》店內以古色古香的宮廷風格為主題，環境舒服，好適合同朋友同家人一齊聚餐～ ⇰玲瓏浮凸花膠雞湯鍋（半隻） 🍲湯底濃郁，打邊爐之前可以飲返兩碗原汁原味花膠雞湯。雞肉鮮嫩，有原隻/半隻可供選擇，按返人數嗌啱啱好😋 花膠煲到最後先食，吸收晒湯嘅精華，口感軟腍滑順🤩 ⇰大滾友牛肉拼盤（細）🐮一客拼盤包括𝟽款唔同部位，頂級安格斯牛小排、本地手切牛頸脊、牛黃喉、澳洲和牛金錢展、牛肉粒、美國頂級雪花肥牛和牛舌花。唔同部位都可以食到，一次過品嘗唔同口感同風味，牛肉質量上乘，切得薄厚適中，搭配的醬汁亦很提味😋 ⇰黃金藏嬌和牛墨魚丸（𝟺粒）手打丸配搭新穎，混合墨魚切粒有咬口，鮮味彈牙，中心位釀入和牛肉粒，和牛味香濃，鮮味十足🤩 ⇰伊比利亞橡果豬肉質香濃，肥瘦相間，每片刀工切得幾厚身，啖啖肉非常滿足🐷 ⇰大滾友雜菜拼盤 超多新鮮蔬菜搭配，有娃娃菜、生菜、油麥菜、粟米、蕃茄、萵筍、紫淮山、木耳，清爽又健康，解膩效果佳🥬 ⇰大滾友響鈴拼盤原味同黃金響鈴各三件，黃金響鈴鹹蛋黃味濃郁，就算淥到冧哂，味道依然保留😆 ⇰自家製足料竹蔗茅根 古色古香嘅茶壺盛裝，清爽解渴🍹 ⇰火焰焦糖豆腐花豆腐花一嚟到店員先淋上糖漿糖粉，之後應該加左少少酒點火，視覺滿分。同時又做到焦糖效果，豆腐花都夠滑身，甜而不膩，焦糖的香味讓這道甜品升級了不少🔥 味道：𝟾/𝟷𝟶 性價比：𝟾/𝟷𝟶
繼續閱讀
好耐冇打邊爐！之前都聽聞過呢間火鍋店唔錯，環境靚之餘食物又新鮮！今次嚟完之後果然無失望👍🏻👍🏻👍🏻真係好有氣氛！加上店員服務態度好好，仲會成日過黎睇下我地洗唔洗加湯！值得推介呀🙌🏻今次同朋友兩個人食，飽到捧住個肚走🤣🤣 店內提供咗醬介比大家調味👍🏻每位$26～✨玲瓏浮凸・花膠雞湯鍋(半隻）$328一開始店員會倒啲花膠落去～再倒非常濃郁嘅雞湯，佢仲教我地滾咗之後要飲下啲花膠雞湯先，之後先落埋半隻雞去再滾🙌🏻花膠好有咬口，雞湯都好濃郁！雞都好滑！✨大滾友牛肉拼盤（細）$428雖然價錢唔係特別平，但呢個拼盤都有好多款唔同嘅牛部位，包括有牛舌、吊籠、牛腱、牛頸脊、牛黃喉、雪花骰子牛同埋雪花肥牛🤤全部都好新鮮！特別推介牛黃喉～淥大約4-5分鐘就可以👍🏻口感好特別！另外牛頸脊嘅肉質都好鬆軟！✨伊比利亞橡果豬 $228呢份豬肉都有大概八塊左右～本身以為豬肉打邊爐會比較靭，但神奇地呢款唔會！仲好多肉汁～可能就係特別嘅地方！✨大滾友雜菜拼盤 $118呢個蔬菜拼盤真係好有驚喜！基本上包咗好多唔同款嘅蔬菜！最特別係有紫薯條～淥嚟食可以減低下啲邪惡感🤣✨澳洲帶子片 $98呢份都有成八塊！好新鮮🤤✨黃金藏嬌和牛墨魚丸4粒 $78呢款丸真係比較特別！有手打嘅墨魚丸入面包住和牛粒🤤所以一咬落去個下好juicy🤤雖然價錢唔平～但值得一試！✨hoegaarden生啤（500ml）$88@1呢杯生啤唔係講笑🤫真係好大杯！打邊爐最啱就係配啤酒飲🤤✨火焰焦糖豆腐花好特別呀！佢係原桶上～店員仲會即場倒啲黃糖喺上面用火焰整個焦糖🤤佢嘅份量啱四個人食！今次食咗大概千六左右，但值得推介👍🏻👍🏻
繼續閱讀
「香港人對打邊爐既熱情，早已不分四季春夏秋冬」小編今次就帶大家黎到大埔，同大家介紹一間宮廷風主題，古色古香既火鍋店 一 大滾友火鍋 @bigboilsclub.yl.tw.tp🌟秘製涼拌爽口魚皮拼香辣無骨鳳爪 $98香中帶辣，辣中帶麻，麻得黎帶爽脆口感，作為前菜幾開胃🤤👍🏻🌟雪白誘人龍躉片木瓜魚湯鍋 $308打邊爐既靈魂湯頭，今次小編就嗌左清甜既龍躉片木瓜魚湯，湯頭呈奶白色，龍躉片食得出魚肉鮮甜，而木瓜就香甜清潤🤤👍🏻👍🏻🌟大滾友雜菜拼盤 $118既然嗌得魚湯，當然就首先食左蔬菜先而雜菜拼盤亦非常豐盛：粟米、蓮藕、、金茹、生菜、山藥、娃娃菜、油麥菜等等打邊爐又點少得肉呢，小編就分別嗌左：🌟伊比利亞橡果豬 $228橡果豬肥瘦適中，有肉香得黎肉質細膩🤤👍🏻🌟大滾友牛肉拼盤 (細) $428牛肉拼盤會有齊肉味濃既安格斯牛小排、油脂均勻既雪花肥牛、帶口感既手切牛頸脊、牛舌、黃喉，絕對岩哂牛魔王🤤👍🏻👍🏻🌟手打鵝肝墨汁墨魚丸 $72墨汁墨魚丸既墨汁味幾出，一咬開入面包住粒鵝肝🤤👍🏻🌟竹蔗茅根 $78打完邊爐，飲返杯竹蔗茅根，清甜得黎又下火🤤👍🏻*醬介 $13(位)+10%📍大滾友火鍋地址：大埔舊墟直街4-20號美新大廈地下B2號舖#大埔 #大滾友火鍋 #大滾友 #火鍋 #打邊爐 #留港消費 #支持小店 #覓食大埔 #食在大埔 #大埔美食 #為食關注組 #大埔食乜好 #香港美食地圖 #香辣無骨鳳爪 #大滾友牛肉拼盤 #伊比利亞橡果豬 #大滾友雜菜拼盤 #龍躉片木瓜魚湯鍋 #九十後行到邊食到邊 #手打鵝肝墨汁墨魚丸 #雪白誘人龍躉片木瓜魚湯鍋 #秘製涼拌爽口魚皮拼香辣無骨鳳爪#HKIG #HKIGER #HONGKONGFOODIE
繼續閱讀