大樹下[天后古廟]. 款客堂 (非門市)

營業中

休息中

元朗大樹下天后古廟之前只係得門口一間腸粉小食檔，最近聽聞新開左一間齋菜食堂。估唔到菜單上有唔少選擇，各式飯類、各式炒飯、炒粉麵類、湯粉麵、椒鹽／香芒菜式、各式飲品（凍）、菜包（杯上－每杯）翅湯羹、廚師推介、精美小菜同埋精美小菜（天然食材）。 一坐低就叫揀杯茶包先，揀左白桃烏龍茶＆菊花普洱，識揀一定係揀菊花普洱，果然無介紹錯！不過其實白桃烏龍茶都唔錯，烏龍茶真係好有白桃味，甜甜地又苦苦地！齋菜之中最鐘意既係芋頭魚，仲嗌左羅漢齋炒麵，值得一提羅漢齋炒麵，麵底好似係肉絲炒麵咁炸到好脆，加上羅漢齋有啲汁撈埋麵一齊食，非常之出色！

本身無醒起可以寫下食評，食完覺得每一樣都幾好，覺得大家可以試吓，支持下我同媽媽推薦大家試下以下菜式：#115/#116 海皇豆腐羹 $48（碗）/$88（窩）有蛋白，滑嘟嘟，好食😋#014 齋沙薑雞（金牌鹽焗雞飯） $55#037/#038 羅漢齋湯生麵 $55（碗）/$98（窩）#009 魚香茄子🍆飯 $55 好食香口有啲辣好惹味

齋菜食堂位於大樹下天后古廟,外面有免費泊車位,方便駕駛人士。食堂環境企理乾淨~~店內提供多款小炒齋菜,另外亦有不少款式的碟頭炒飯炒麵供應~~餸菜鑊氣十足😋材料新鮮👍,味道不錯!

今日一行12人book左大樹下天后廟食盆菜，我們係朗屏西鐵站轉73小巴入去，唔知天氣凍凍地，其實新年時間，食左幾餐盆菜，對今次聚會期望唔高，擔心緊自己會唔會唔想食添，入到去初三唔多人，佢價錢幾抵1100，另加30就有飯有粥有糖水，任食的。盆菜外表普通，但出奇到好味，講d虾先，唔好睇佢黑黑地，用油泡仲有d椒鹽味，成隻雞，半隻燒鴨，五花腩入味食落口唔覺得肥，有冬菇，尤魚，魚蛋，蘿蔔，芋頭，豆腐卜，豬皮，鱔乾(魚乾禁)我們仲以為係咸魚添…另外送碟生菜，我們唔夠汁，問佢加水，我以為佢加水，點知佢加汁，服務真係好好，佢話現在太多地方有盆菜食，佢地少左人入去食，我們真心推介呢間，因為我們半小時清晒食物，有個女仔仲食3碗飯添!我都食左好多，唔知食左咩啦，添左飯好好味囉!

我地9 個人食，預訂左一圍，再加一個菜。1. 錦繡粟米羮~好稀，味好淡。2. 脆皮長春卷~好脆口，入面係蔬菜幾爽口。3. 竹笙翡翠藏珍~都幾多竹笙，味淡。4. 鼎湖上素齋~樣樣有d，類似羅漢齋。5. 酥炸大生蠔~最好食係蠔，算係中size，外脆內軟。6. 八珍紅燒豆腐~豆腐應該係自家炸，味淡。7. 金錢發財好市~金錢原來係冬菇，蠔豉幾大隻，蠔油味太少。8. 腰果伴什錦~腰果好脆。9. 七彩神仙魚~次次食齋我都好鍾意食炸魚，但厘條魚唔夠脆，可能係個汁太多。10. 西檸煎軟鴨~雖然係腐皮，加左西檸汁，味道算幾清新。吃正宗的齋菜，味道偏淡是自然事，值得推介的是酥炸生蠔。席間大家談論用蠔作齋菜，到底蠔是不是齋？還記家母曾說「觀音大士教化漁民別殺生，但漁民表示靠海吃海，不吃魚只能吃海草。觀音大士聞言甚是，便把木棍插入海中，並對漁民說，日後附在這木棍上生長的，你們都可視為齋。後來附在木棍上生長的就是蠔了，所以蠔便給認定是齋。」是不是佛教徒不重要，吃一頓齋菜也是結緣積福吧！