大榮華酒樓

營業中

休息中

巳有多年沒有探訪元朗大榮華酒樓了，今晚專訪來個晚膳，坐下開了茶梁文韜先生走來特別介紹四月時菜~蕎菜炒龍躉肝。決定嚐嚐罷，先來道蕎菜炒龍躉肝~蕎菜炒得嫩滑爽口，龍躉肝剛熟很柔滑，味道中和；然後繼續來了幾道菜：拔絲咕嚕肉~咕嚕肉脆口，惹味；酥炸台山蠔（一桶）~炸得非常香口，外脆內軟；順德拆魚肉羹~熱氣騰騰魚肉挺新鮮；家鄉腰果小炒王~放了不同的材料：蝦乾、腰果、魷魚、三色椒、豆、葱等等，有嚼感；意猶未盡加追蕎菜菜甫火腩條~半肥瘦的火腩很爽口，有嚼勁，很滿足的一顿家常小菜呀！

同家姐第一次係元朗飲茶，唸住星期六都要排一陣啦，呀！又即刻有位啦，不過要搭枱，好耐冇試過啦😂係童年回憶呀😆我地又冇乜所謂既～坐底要左壺普洱，不過可惜無咩茶味，都幾淡下，就算沉耐左都係一樣😅由於星期六日，早茶都係會比平日貴少少架啦，平日大中小點早茶都係$27，會抵食d。薑汁雞包仔有薑味，涵料亦都夠足，包外皮鬆軟度適中😁榮華白蓮蓉包係有蛋黃既蓮蓉包呀～可能有d人唔鍾意有蛋黃，但我同家姐覺得有蛋黃既蓮蓉包先香😋同上一樣，都係涵夠皮好，實屬推介👍香煎南瓜餅呢個就有d伏啦😨無論點睇都似煎年糕多過南瓜餅，問左員工都係話南瓜餅，好啦，咁可能會食落有南瓜味掛🤪食完一d南瓜味都冇，係真係似食緊年糕咁😐👎香煎蝦米腸呢個正常返啦😂係正常既煎腸，腸粉都煎得香，冇過燶，蝦米分佈亦算勻稱煎釀青椒青椒每件夠份量，唔會話好扁身，涵料唔係粉多，有食到足夠魚味，青椒亦都冇煎到好老😌白灼生菜生菜冇灼過龍，上菜時還是熱的，蠔油和鼓油係分開上，方便客人自己調節口味👍總括而言，都尚算OK, 但係個南瓜餅真係好伏😢，茶都尚欠茶味，有待改善。

細細個已聽過這間位於元朗的大榮華酒樓，但還是第一次來食點心飲下午茶。平日的下午來到不難搵位，本身還以為舊式的茶樓裝潢和衛生程度會比一般茶樓舊和不太好，但意外地跟一般酒樓的裝修差不多，沒如想像般那麼有歷史的味道。平日的下午茶時段大、中、小點劃一價錢$25，十分抵食，急不及待要開動了！首先上菜的並不是劃一價錢的點心類，而是水餃手打麵($33)。這不是一般茶樓的水餃麵，麵是她們自家製作，另有零售裝可以買回家。麵的質地有少少爽口，有蛋味，份量都不少，碗裡還有四、五大粒飽滿的水餃和生菜，吃得幾滿足。然後就是琳瑯滿目的點心了。這裡的點心跟一般吃不同的是有真正的懷舊點心，老師傅製作，舊時的味道。我們仨共點了9款點心，例如有鴨腳扎、鮮竹卷、菜苗餃等等，但想重點說說幾樣印象比較深刻的菜式。豉椒蒸排骨的肉味幾濃，肉質保留了點口感又不難咬，是以新鮮排骨製作，件數不少，有誠意；豬潤燒賣不是很多茶樓有供應了，雖然個人不是太好但質地是爽口的，比起一般的大塊、好吃；蒜蓉蒸魷魚的味道簡直令我難忘，有極多又濃郁的蒜泥，依附在一件件爽脆的魷魚上面，放進口裡就是澎拜魷魚的件數還頗多，吃得很滿足，十分推薦喜歡蒜蓉又愛魷魚的朋

之前吃過晚飯，最記得係食豬油撈飯。今次係第一次飲茶，仲要飲早茶，可以早起身去飲茶真係好難得。兩老因為先到，叫咗個大包仲食埋，所以冇影到相。佢哋仲叫咗叉燒包、茶果同雞紮，但我哋坐低就即刻食咗，都冇影到相。豬膶燒賣係最後先嚟，因為即叫即整，豬膶夠大塊，舊燒賣有蝦肉。叉燒腸粉雖然$35，有點貴，但餡料十足，叉燒好食。蝦餃又係食咗一啖先記得影相，入面舊餡全部都飲蝦肉，完全冇豬肉。總體來說，食物味道唔錯。茶位雖然$10一位，我哋叫普洱茶，茶味夠濃，即使深色都唔會太郁好難飲，所以食完晒食物都飲返幾杯茶先走。

現在的舊式茶樓真的是買少見少，而大榮華就是其中之一。大榮華的點心頗有特式，味道亦不會如其他酒樓那般一式一樣，所以假日都會吸引不少食客。如果不想排隊等位，就要早點前往。雖然裝修不是很新淨，但還算乾淨企理。很多舊式點心，如豬膶燒賣、圍村咸茶果、南乳燒腩卷等。水餃手打麵（$33）水餃非常足料，有豬肉、蝦、木耳絲等，亦不會太多肥肉。而手打麵亦很滑溜，不會太重梘水味。黑椒牛仔骨（$33）牛仔骨有四至五大塊，不會過肥，黑椒味濃。叉燒餐飽（中點）這個點心會不定時由點心車推出，表面焗得金黃，塗滿蜜糖醬，內裏的叉燒料亦足。

被自助豬油撈飯吸引左黎原來係米芝蓮推薦（燒味點心）夜晚就淨係做小菜，小菜選擇好多，好多款都係傳統必食好有圍村特色✅甜酸酥炸大腸✅韭菜花煎魚腸✅五味雞✅芝士焗龍蝦伊麵✅茄子牛仔骨煲

寫字樓一大班同事新正頭約食飯，唔想飲茶食點心咁悶，就試下大榮華的九大簋套餐。以前入嚟元朗，要飲茶的話一定會嚟大榮華，幾十年歷史喇。九大簋真的有九碟餸菜。我們今次點了加料九大簋，千五蚊有一圍。其中有雞有鴨，我們另外加了店內馳名的豬油撈飯及奶黃馬拉糕，味道不錯，很有家的味道呢！香茜燒米鴨，個樣幾靚，不過本人不好食鴨，所以都唔知好唔好食。圍頭五味雞，味道很好，甜甜地，雞肉也很滑很嫩。蘿蔔門鱔乾，最好味係蘿蔔，吸收左魚乾的味道，正！不過門鱔乾就無想像中咁好食，好似食柴魚咁。盆菜炆豬肉，五花腩整得幾好味。最正係d 芋頭。陳皮豆豉蝦，雖然唔係好覺有陳皮味，不過呢個蝦整得幾好味。時菜鯪魚球，比較其他餸菜，鯪魚球被比下去了。婆參炆北菇，一般的過節餸，無咩特別。枝竹炆蠔豉，勁鍾意呢味餸的枝竹，好入味，蠔豉也好好味！雜錦炒菜絲，呢味粉絲無咩味，感覺嘛嘛地。糖水是類似麥米粥的東西，有麥米，眉豆，淡淡的薑味，幾得意。奶黃水晶包，兒時回憶，也好耐無見過茶樓有呢款甜點。豬油撈飯只影到個飯筒。。。奶黃千層馬拉糕，好似無從前的好味，既不鬆軟，也沒有香甜的味道。

✨生劏龍躉尾 兩味老闆韜哥大力推介 兩碟都份量十足西蘭花炒龍躉球 西蘭花 仍然翠綠 好爽脆龍躉球 皮帶少少膠質 肉質結實 幾鮮味 豉汁蒸龍躉尾刺加錢加左茄子底 茄子索晒啲豉汁 好惹味龍躉尾刺 結實帶爽滑 滿滿膠質✨圍頭五味雞五味雞 有半隻 入味 肉質幾嫩滑✨順德欖角骨都好大碟 腩排肉質軟腍 帶少少油脂甘香欖角味道鹹香 味道鹹鹹甜甜 好啱送飯✨奶黃馬拉糕馬拉糕鬆軟 有淡淡奶黃香 味道唔太甜 每次必食✨麥米粥奉送嘅糖水 足料 仲加左芋頭 味道唔太甜✨紅豆沙略稠身 紅豆味淡 唔太甜 普通總結：食物唔錯 份量好足環境正常 服務今次唔錯價錢合理 都幾抵食

年三十，外賣自取一隻圍頭五味雞，同埋其他燒味點心。隻雞師傅斬埋，返到屋企砌唔返全隻雞，冇咗一邊雞翼、兩邊肩頂位。本身團年飯食雞係寓意飛黃騰達展翅高飛，而家殘缺不全，飛唔起，畀家中長輩話咗幾句，多謝晒呀味部師傅😮‍💨

啲人成日講話去元朗大榮華食豬油撈飯，老老竇竇，其實聽到都有啲驚，但啲friend話點都要試吓，咁就會一會佢啦😂！我哋晚上大約8點零去到，現場客人不多，無論係視覺定嗅覺都感受到酒樓充滿著歷史嘅味道，坐低後，侍應提醒，叫我哋快啲叫嘢食，師傅好快收工😱，咁我地就拿拿聲叫，我哋同行6人，快都斬亂麻咁叫咗以下幾個餸。玉蔥醬爆白鱔球味道：鱔球食落有咬口，新鮮價錢:$150CP值：⭐️⭐️⭐️頭抽蒜片煎生蝦味道：一般，蝦沒有彈性價錢:$100CP值：⭐️⭐️冰鎮拔絲咕嚕肉味道：說好的拔絲呢😂，我覺得除咗有啲冰係度座陣係最特別啲之外，其餘都不特別，包括味道🤣，呢個價錢呢個質素……價錢:$140CP值：⭐️順德欖角骨味道：正常，排骨鬆軟價錢:$100CP值：⭐️⭐️⭐️鮮淮山浸菜苗味道：正常價錢:$100CP值：⭐️⭐️好似係麵鼓蒸烏頭😂味道：正常價錢:$100CP值：⭐️⭐️臘腸卷（半份）味道：我以為佢啲臘腸卷會用返榮華臘腸，所以先叫，我喺榮華臘腸迷，但係食臘腸卷時，味覺話我知，唔似平時我買嘅臘腸🫢，同埋個包都無咩彈性，所以我唔like。價錢:$50CP值：⭐️砵仔飯味道：就係佢，豬油撈飯，其實係叫個飯，有樽豬油、鼓油比你，自行

大榮華得返元朗一間 有啲可惜同埋好遠呀但係為咗回憶中嘅豬油撈飯 搭一個鐘頭車去都要嘅張Menu基本上唔洗睇因為早去嘅話韜哥會有好介紹只要相信佢 俾佢幫你揀就得記住要食呢啲特別嘢 只係得weekend早嘅時候🧠韜哥介紹咗個清遠黑鬃鵝同埋龍躉肝好似每樣得三到六份好快就已經話賣晒個鵝好滑 食緊嘅時候韜哥都會行過嚟交流同我哋分享吓呢啲餸嘅特色感覺佢係真係熱愛呢個行業值得尊重同支持萬惡嘅豬油撈飯 喺韜哥面前不算什麼🤣🤣到埋單嘅時候 部長問我哋食咗糖水未好快就為我哋送上糖水同埋一個多謝惠顧嘅牌🤣幾得意得閒會再嚟！💪

⭐️南乳燒雞雞皮薄脆唔油膩 肉質軟嫩 調味適中 點埋南乳醬汁 味道更豐富⭐️金針雲耳蒸龍躉下巴滔滔大力推薦 仲建議金針雲耳蒸再加茄子底 話咁樣最好食龍躉下巴 鮮味 肉質嫩滑 滿滿膠質都有成七八件 份量十足 金針雲耳爽脆 醬汁甜甜地 幾惹味⭐️砵仔飯會跟上一枝豬油同豉油豬油撈飯 味道多一份甘香 邪惡到極但豬油味道明顯冇以前咁香⭐️奶黃馬拉糕馬拉糕鬆軟濕潤 帶有淡淡奶黃香味道唔太甜 幾好味⭐️紅豆沙奉送糖水 紅豆沙偏稠略甜 亦唔夠香⭐️麥米粥奉送糖水 麥米粥一樣係偏稠同過甜份量足 味道中上 環境可以 服務普通 除咗老闆之外 店員態度都一般 價錢合理 都算幾抵食大部份菜式都係一百蚊有交易以呢個價錢有呢個質素收貨滔滔仲會親力親為招呼客人 同客人傾偈 眼見佢成晚冇停過 真心佩服佢咁有魄力同敬業不過太熱情介紹 會令人有點😅

話說灣仔大榮華結業了，就特別大老遠入元朗支持下大榮華喇蝦餃燒賣鯪魚肉馬拉糕叉燒飯乾炒牛河樣樣嘢都熱辣辣… 唔錯！星期六要等位，但都算快，30分鐘就有得入座！蝦餃d蝦夠大夠彈牙….燒賣d肉夠鮮又有咬口…鯪魚肉熱辣辣唔醒味…馬拉糕有奶皇夾層，夠香…叉燒飯不過不失，但熱辣辣食落都算中上，自動送上姜蓉加分…乾炒牛河wok氣夠，雖然油膩，但係預料之中既事，牛肉份量偏少…老派茶樓買少見少了，值得大家支持下等佢維持落去得閒會再去幫襯

☘️灣仔大榮華酒樓終於響上個月尾光榮結業，當日我同兩個朋友就避開人潮唔去灣仔，反而嚟咗元朗呢間大榮華繼續支持佢。呢度真係令我諗番好多兒時回憶。對於一直住響市區，想當年交通不方便，元朗係鄉下地方，能夠令我經常嚟嘅原因就係因為我母親大人娘家在此😜。 嗰時外公舅父經常帶我呢班豆釘嚟飲茶，每次都好興奮😜。不過大咗之後就再也沒有嚟過。☘️今日舊地重遊，酒樓沒有點變，舊式酒樓冇得訂枱，我哋十點去到，等咗大概十零分鐘就有枱了。 點心水準仲keep 得住，而且價錢實惠，大件抵食。環境就當然不能跟而家嘅酒樓比較，但係嚟得呢度就係貪佢夠懷舊啫，而且仲可以食倒好多而家已經冇乜酒樓做嘅點心😋☘️當日原以為食神韜韜會響灣仔坐陣，估唔到佢會響元朗出現，仲親自巡場逐枱去推介燒鵝，好落力，希望呢間總店可以繼續堅持落去，因為我仲想再嚟食佢嘅圍村菜😋

屋企人特登來元朗大榮華懷舊一下，特登早啲排下午茶時段，不過佢哋嘅下午茶時段都比其他元朗酒樓貴啲，冇所謂啦～老人家喜歡就去啦！我哋點咗紫薯沙水晶飽、雞絲炸春卷、沙律蝦多士、香煎腐皮卷、豬膶燒賣、馬拉糕⋯⋯⋯等等有些懷舊點心！味道方面未到好驚喜，一般點心味道比起以前爭少少，服務員姐姐服務好好又細心，值得一讚👍🏻