3
0
0
1. 大棠紅色小巴(千色店對面近帝豪酒樓，禮修村下車) 2. K66巴士 (禮修村站下車)
繼續閱讀
營業時間
星期一
全日休息
星期二至日
17:00 - 01:00
以上資料只供參考, 請與餐廳確認詳情
想去燒嘢食!又想食好啲! !就試吓呢間啊!招呼服務好好!又有得玩掟飛鏢!🎯！仲有K唱🎤！今次點左一人餐！另外加左一份豬腩肉🐷！仲有河豚🐡干！食燒烤點可以冇🥂呢？
繼續閱讀
有日去摘士多啤梨經過見到呢間大棠燒，門面幾吸引就入去睇下食咩，一知道係炭爐燒馬上坐低，因為我係一個好鐘意用炭爐煮食既愛好者，炭火燒出黎既食物，必然唔會差，睇完餐單同老闆介紹，知道佢地主打日式食材，就選左豬腩片/雞扒/魷魚等等，一上個爐已經覺得好得意，細細個炭爐好適合一家幾口玩下煮飯仔，而且仲係用環保炭，少D煙同唔會食完成身炭味，讚！老闆好細心教我地燒法，我覺得好好玩，第一口試既係「英國有機豬腩片」，一試真係不得了！！非常脆非常好味！用埋佢地自已調既酸汁，真係令我食唔停口！！其他食物都非常有水準！推介一定要食佢地既日本菠蘿，好甜好開胃！！雖然我住得好遠，但宜家都成日去食，成日心思思好掛住呢度既食物，大家一定要去試下！！
繼續閱讀
前陣子,在大棠燒這個地方參加了一個朋友的聖誕派對, 當晚只品嚐了一客普通的晚餐後,已覺十分回味, 決定再來,這晚我們一行三人,除了預留一些海鮮外,便由店經理幫我們安排。日式燒烤很多朋友都試過, 但大棠燒的日式燒烤卻叫人回味。 很多人會問回味在甚麼地方,回味是它的食物新鮮,物有所值, 回味是需要醃製的食物,除了好味也不添加味精, 吃了幾小時的燒烤,喝不過兩罐的飲料。 回味是那兒寛趟舒適的戶外空間, 一般室內日式燒烤不能𡞵美的空間感。 回味那兒的設備,一邊是可以掟標的地方, 另一邊是可以讓顧客即興唱歌的地方, 在一些特別的日子, 還有live brand 表演。功欲善其事,必先利其器, 燒烤爐是用還保炭的, 所以身上不會留有燒烤味, 而調味架上的調美料都是外國牌子, 十分講究。先上場是肥美的大花甲, 沒有沙, 也不會韌，十分鮮甜。接著是大大隻的鮮飽魚, 上桌時還是活力十足, 在燒烤架上更一躍而起撞在我的臉上。在這兒吃了二次聖子,但每次都未感滿足,因為店主為了確保海鮮的質量要新鮮,所有海鮮是需要預訂的, 正所謂瘦田無人耕,耕開有人爭,何況是爽甜而不韌的聖子王, 大家嘗過第一隻後, 都要番單, 每次都訂得不夠。說到沙巴有膏大虎蝦,真的是好吃過龍蝦, 驟眠一看,還以為自己在吃雞腿呢！BBQ怎可以沒有墨魚(八爪魚),八爪魚鬚, 烤到脆脆的,很好吃。原條秋刀魚, 灑上適量的海鹽, 不但帶出了鮮味, 亦沒有魚腥味, 十分可口。吃完海鮮, 當然要來點肉, 五成熟的牛排, 七成熟的羊架, 十成熟的雞扒, 把肚子填得七七八八, 意猶未盡, 加了一客不可不吃的大棠燒雞翼和讓人一試難忘的五花腩。 至於蔬菜方面, 配了鮮菠蘿, 栗米和大啡茹。吃到八八九九的肚子, 感覺還未滿足, 好像還差了點甚麼.....此時此刻, 店經理端來了一個大棠燒招牌煲仔烏冬, 滋潤了BBQ的乾燥, 也剛剛好填補了吃烤肉的不足, 十分貼心。埋單計數,每人約六百元左右, 已是沒設預算的盡情地吃, 以食物的質數和環境作評分標準, 一點也不算貴。 在大棠燒吃日式BBQ, 很有渡假的感覺, 可以暫且放下煩忙的工作, 跟三五知己吃喝談天是一個不錯的選擇,而食物方面也是豐儉由人, 大家可以參考已上載了的餐單,一般來說, $280元已有交易。
繼續閱讀
2018年1月20日第一次到來試，環境舒適，約有6-8個停車位，食物質數唔錯，工作人員態度親切， 6個人點了3份基本套餐及加了雞扒及雞翼再加6枝飲品，食飽飽共$801-埋單，可以再食，正!
繼續閱讀
平安夜嘅晚上，經友人介紹，我哋一行16人去咗元朗大棠呢間新開冇耐嘅大棠燒舉行今年嘅平安夜派對。由元朗站搭的士嚟呢度都幾方便，落車一入到去畀我有一種溫暖感覺，尤其是最外面嘅圓枱可以自成一角，裏面有個台可以唱歌，啱晒一班唱家班。講番食物，呢度嘅老闆特別為我哋寫咗個套餐，第一味係日式串燒拼盤，有雞腎、雞軟骨串、雞肉串，雞腎用咗五香粉醃，入口好香，而雞軟骨同雞肉串同平時食開嘅味道差唔多。跟著嚟咗雞翼同香腸，雞翼醃得好好味，唔會好似其他燒烤場嗰啲咁重口味，燒完仲有肉汁，加上火力均勻，唔會咁易燒燶。而香腸道用天然腸衣包住啲肉，非一般食開嘅香腸，唔會死鹹，相當出色。平時燒烤都好多肉，驚喜地嚟咗碟素雞串，燒到有啲金黃色就食得，素雞好有豆味，幾特別。接住落嚟有秋刀魚同鰻魚，秋刀魚係我最近食過最好嘅一次，一啲都唔腥，而鰻魚加上照燒汁，同埋冇乜碎骨，肉帶點爽，證明幾新鮮。燒到咁上吓換個燒烤網之後，重頭戲嚟喇！個套餐可以豬扒、西冷牛扒、羊扒之中選擇其一，我哋一啲揀咗牛扒，一啲揀咗羊架，西冷牛扒肉質唔錯，如果火力再猛一點，更可鎖住肉汁，外脆肉嫩，而羊架有羊味得嚟又唔會羶，加埋香草調味恰到好處。友人想食啲海鮮，於是另外叫咗蟶子，大小剛剛好，肉質好爽，好有鮮味，來貨非常新鮮。食咗咁多肉，係時候食吓菜，包括金菇、粟米、椰菜、翠玉瓜，其中粟米好甜，椰菜冇平時出面食喺嗰啲奇怪味道，加啲海鹽調味啱啱好。最後嚟咗個鍋燒稻庭烏冬，烏冬好彈牙，對男士嚟講，有啲澱粉質落肚，相當滿足。燒完咁多嘢都唔會成身炭味，皆因呢度用咗環保炭，而佢哋調味用嘅鹽、香草、胡椒都係用意大利嘅來貨，落足本。店內都唱K設備，大家一展歌喉，渡過咗一個愉快嘅平安夜晚上。總括嚟講，雖然大棠燒價錢稍高一點，但以食物質素、環境、服務而言，真係物有所值，一個好適合搞聚會嘅地方，值得再去。
繼續閱讀