大本瀛日式放題

營業中

休息中

朋友約食飯，想食日本菜，即刻想起不久前食過大本瀛，係有水準放題，可以翻飛，食過好，無謂再周圍搵啦！放題食物豐富創新， 除了基本日式之外，還加插了中式、泰國和時尚韓風味道， 競爭大要與時並進， 精益求精，對食客有很大好處餐單都有11張，由A-K, 要你全部食，係好大挑戰 !坐低第一時間就叫刺身北寄貝、有頭甜蝦、希靈魚、泰式生蝦、珍寶帶子、日本角螺組成一個拼盤， 沒有令人失望，全部新鮮可口， 尤其是泰式生蝦肉質爽脆配合秘製醬汁， 簡直一流 ，有頭甜蝦肉質軟綿膠口前菜小食，全是中式口味， 川椒皮蛋、手拍青瓜、 白雲鳳爪、涼拌木耳，酸甜辣味道恰到好處， 放題有如此水準， 都覺意外 味噌湯夠濃，溫泉蛋滑溜 ，清酒煮蜆，酒味可以濃 D, 會更加好刺身實在太好食了， 再encore咗一個鹽燒珍寶大蝦大大隻，真係珍寶 size, 鹽燒肉質鮮嫩帶鹹味 鐵板燒紐西蘭羊架, 水準沒有下降，跟上次食一樣鮮嫩沒有一些羊羶味 泰式飛天通菜， 蒜香加豆醬齊炒， 非常惹味招牌九層塔炒蜆， 九層塔香氣獨特， 蜆肉大隻新鮮，好食肥牛壽喜燒鍋， 二人份量好大， 放題令到人好貪心，盡在個半小時內狂吃， 壽司、 金菇肥牛串、

拍拖半年，就帶食放題啦👍🏻又唔使諗食咩，又係我家小港女最愛嘅日本野🐷食放題第一時間就叫左刺身，估唔到佢都幾多款式，有三文魚，八爪魚，玉子，帶子，甜蝦等等🐙🍣每樣都叫咗少少試吓，甜蝦帶子八爪魚同埋三文魚係重點推介，大家一定要叫黎試吓🙋🏻😻佢啲炸物都真心推介阿😝炸甜薯雞軟骨多春魚叫左三次😉😉因爲佢係炸物控😂佢既炸物食落唔會太多油，係真係炸得剛剛好，唔會有冧同濕既感覺！上到台仲熱架haha因為佢款式都好多，咩都可以試小小😛燒物都係，燒羊架好正，唔會太蘇得黎肉質剛剛好，調味都好正💁🏻除咗日本野，佢仲有泰國嘢同埋火鍋㗎💓我哋就叫咗個飛天通菜黎試下，同日本野一樣咁正呀😝下次去會再試下炒蜆同蝦餅🐷今次放題好滿意，佢話黎緊情人節又帶返我黎食慶祝❤👫

好吃：蝦春卷、豬頸肉（惹味得來不會丸咸）、牛柳粒（推介）、吉列紫薯、炸香芋圓。（刺身）黑松露赤蝦壽司、泰式生蝦，焗蒜元貝/炒雜菌/元貝/紅章魚都ok一般：吉列元貝像魚柳包的魚柳、三文魚無咩味、蟹柳粥（不建議）、金菇肥牛很迷你、青酒煮蜆好淡無鮮味、炸蝦餅，泰式生菜的肉碎ok不好吃：生蠔不鮮，淡而無味。焗芝士雞粒(難吃）好多油，芝士和雞分開。壽喜燒好頹，比吉野家一人鍋難吃。草莓排骨是草莓醬的咕嚕肉，感覺好像茶了面包醬甜品：奶凍涼涼地 好濃奶味。木糠布丁室溫，味道都不錯。想解熱就吃雀巢雪糕

同幾個前同事出黎晚飯聚舊，諗左好耐都諗唔到食乜，不如就黎兆萬食下放題啦，今次揀左大本瀛，地方就唔大，但係野食都唔錯！野食種類都幾多下！仲有見隔離枱啲壽司好吸引，仲有壽喜燒火鍋，但我地幾個女人仔太細食唔敢叫，哈哈。頭盤先黎一大盤刺身，非常新鮮，仲有其赤貝，章紅魚，帶子，刺身款式幾齊！泰式生蝦都唔錯。再來有成板海膽連紫菜，唔腥，都幾鮮甜！呢度仲有泰式食物，炒通菜，冬蔭公，炒蜆味道幾好，幾正宗，為左迎合大家係唔夠辣。港式有士多啤梨⻣，冇咕嚕肉咁普通，真係有士多啤梨味！兼有炒椰菜同唔同嘅燒物。炸物有我最愛的D24榴槤炸彈！入面啲榴槤蓉勁流！好香！仲有甜品，但真係飽到食唔落。飲品櫃遍佈各角，我最喜愛飲無糖茶，呢度有碧螺春茶，very good!

呢間sushi上係完全正常, d刺身係大過舊飯, 飯都夠實, 夠凍,唔會話飯好大舊整飽人咁樣.刺身方面,整體刺身d鮮味都重, 姐係都新鮮, 出刺身速度都好快,玉子好食, 比較甜, 三文魚呢到都新鮮.金菇肥牛, 油有小小多, 食落去油味有d重, 肥牛整得好脆口, 小小帶硬,口感唔錯, 配埋金菇本身就係爽口, 所以整體口感好食.溫泉蛋反而整得唔錯, 本身有d蔥花係到比較香, 食落去感覺蛋味, 同熟度都岩岩好,可以點黎一試!牛柳粒反而係我覺得最好食,本身口感已經比較彈牙, 味道都濃烈,食落去 不彈味道好, 口感都好正, 唔會話太硬或中間唔熟既問題.牛仔骨都係好食既野之一, 味道佢已經調好, 夠味, 味道上好食食,口感上會比牛柳粒硬返小小, 但呢隻肉味更濃, 如果中意牛味重d 可以選呢隻.整體價錢合理, 味道唔錯, 唯地方比較窄難行黎行去.

老公陪我去食日本菜，一於去食放題拆餐勁！旺角兆萬中心為放題集中地，因為老公亦喜歡食熱盤，所以揀左"大本瀛"，貪佢有泰國菜式。9點後特價時段每位$198，抵食！門口有椅供客人等候入座時稍作休息，幸好不用等很久。地方不算寬敞，但尚算乾淨企理，感覺熱鬧；因為有生日推廣(送蛋榚)，所以生日歌聲此起彼落。頭盤點了中華沙律、胡麻豆腐、蟹籽沙律同溫泉蛋：各頭盤基本不錯，豆腐香滑，溫泉蛋配合醬油鮮味可口，真想食多一客，但食放題切忌貪心，眼闊肚窄，所以就此打住。刺身併盤為日式放題必食主角，刺身都放在碎冰塊上，不用擔心會變暖影響新鮮度；但因為泰式生蝦剌身一併奉上，泰式醬汁會沾到其他刺身，若覺得會影響風味，建議分批落單。刺身點了牡丹蝦、北寄貝、珍寶帶子、鱆紅魚、赤貝、象拔蚌、希靈魚及三文魚；所有刺身都十分鮮甜。一般會先吃淡味，再吃濃味，所以以貝類開始：象拔蚌夠爽口、赤貝鮮味濃郁、珍寶帶子其實不算珍寶，但勝在夠新鮮；至於鱆紅亦有驚喜，肉質爽滑之餘帶點鮮香。以放題來說，用料算十分優質。壽司只點了海膽花之戀，海膽的鮮味配蟹籽的咸香，尚算可口。熱盤雜菌炒野菜、清酒煮蜆及牛油雞翼；雞翼較惹味，其餘不過不失。熱盤推介牛

坐位有點窄與隔離客人太接近，日式刺身都幾好味而三文魚🍣就唔好食但羊架可接受；牛肉粒醬汁好咸、雜菌和通菜炒得夠火候；而奶凍就太甜可能我依家唔喜歡食太甜啦！下次未必會再嚟食。

今日同女朋友瞓到好晏先起身， 可以早餐、午餐同下午茶夾埋一齊食，所以決定去旺角嘅放題聖地--兆萬 搵食，見到大本瀛中午放題只需要188蚊 ，都算平，所以 冇乜祈望，哈哈，反而有驚喜。第一要讚嘅係餐廳有帶子，而唔係柱貝扮帶子。第二，刺身都算新鮮， 尤其是三文魚，有魚油香味。第三， 牛肉雞翼係亮點，比好好越南餐廳整得好味。第四，燒羊架夠厚身，keep到肉汁，唔會燒到乾晒，好正。第五，呢到除咗有日式食物之外，仲有火鍋、台式食品(e.g. 冬陰功湯)，一次過可以滿足幾個欲望。第六， 大家都知道，出面嘅麻辣皮蛋都唔平，而且未必好食，呢到嘅麻辣皮蛋好正，麻辣夠麻，不過唔夠辣，記得要試下。最後，當然就係甜品，一定要order 迷你心太軟，朱古力味夠濃郁，好完滿。

兆萬雖然有好多林林總總放題/火鍋，但稍一不慎都會中伏。所以事前最好做下資料搜集，問了在兆萬做侍應的朋友，推介了大本瀛這間放題，食完的確無介紹錯~好彩早收工，平日7點上到去大約等了10分鐘，場內座位已爆滿，坐都算闊落，點菜紙的選擇也十分之多!想吃的刺身、海膽、軟殼蟹等等都通通有~急不及待先點了多款刺身，點左三文魚、鱆紅魚、希靈魚、甜蝦、帶子、赤貝、馬刀貝。三文魚、鱆紅魚、希靈魚都屬非常新鮮同肥美，食落不會感覺是雪藏了很多天的刺身，魚脂分佈均勻，肉質好厚實。馬刀貝同帶子亦十分出色，帶子鮮甜，馬刀貝則爽脆。吃刺身的同時，壽司也來了，點了幾款創意壽司，分別有三文魚腩、火灸左口魚、和牛卷、海膽花之戀等等，除了花多眼亂滿足慾望外，吃落也十分高質，每件的飯也是細細口，刺身亦用料新鮮，特別推介海膽花之戀!由於壽司太好吃encore，再點了兩件軟殼蟹手卷，軟殼蟹手卷店員說要盡快吃，否則紫菜會淋。軟殼蟹本身已經好吃，再加上少少沙律醬、脆卜卜紫菜，最後encore了三次~~吃完刺身同壽司已經8、9成飽，所以最後叫了少少熱食同炸物。熱食選擇非常多，除左一般炸物，料理外，仲有好多鍋物揀~ 我地點左炸雞軟骨、一口

一開始入到餐廳，見到都幾多人下， 本身諗住搵個好啲嘅位囉lighting點知都已經full曬book曬lu。我哋一開始就嗌咗刺身:有馬赤貝，帆立貝，挪威三文魚。首先就講咗挪威三文魚先啦， 三文魚味非常之濃厚，而且每一片都砌得好厚， 所以咬佢嘅時候好有口感， 而且好滿足，每一塊都好大塊，兩個人我哋都係嗌咗10塊咋。 其他馬赤貝， 象拔蚌嗰啲都冇咩特別 ，但係個帆立貝真係要講下。 帆立貝粒粒都好新鮮，好大粒 。食落去嘅時候海水嘅鹹味同埋帆立貝嘅鮮甜夾埋一齊 ，食落去好fresh， 鮮甜嘅味道喺口腔徘徊不走，真係食過返尋味。除咗刺身之外，我哋都嗌咗其他嘢㗎。最值得讚嘅就係榴槤炸彈。 一開始嗌嘅時候其實都唔知咩係榴槤炸彈，不過攞到過嚟嘅時候先知道原來係炸榴槤糯米糍。 糯米糍皮薄餡靚， 仲要炸到好脆，一用筷子拮落去就即刻分開兩半，然後見到淡黃色嘅榴槤漿慢慢流出嚟，嗅覺同埋視覺亦都同時被震撼。食落去嘅時候口感非常之好，糯米皮外脆內軟，榴槤醬味道濃郁，我哋兩個人嗌咗四碟。去到放題嘅最後一部分，侍應會派一張甜品紙畀我哋，甜品只可以嗌一次， 我哋嗌咗朱古力心太軟同埋木糠布丁，木糠布丁有相自己睇啦。 而朱

本來一早就知道兆萬是劣食之塔但是因為見到有四百幾個like, 所以才試下點知真係完全中伏，極度懷疑打食評讚個堆是打手甜蝦刺身和燒蝦都是梅的牛奶布丁完全無牛奶味沙嗲雞串是花生醬味海膽有陣腥臭味燈光又暗，待應態度又不太好，我食食下野直接隊盤野係我面前，爭啲隊到我個嘴啲人講好似有築地感覺的，其實係咪未去過築地的？我好少比咁差的評價的，但呢間真係不知所謂希望可以警剔下大家，唔好做下一個受害者，寧願食爭鮮都真係無咁嬲

旺角放題多不勝數，選擇困難症既我地決定去兆萬中心邊家多人就去邊家試。見到10樓大本瀛人山人海就去拎位，星期一閑日系冇訂位既情況下都要排成個鐘，滿心期待。座位之間距離闊既，一張大抬坐到8個人，一大班人黎食無問題。日式竹簾屏風隔開兩抬客，講八卦吾洗比隔壁望到。食物選擇太多，挑選幾款個人覺得好食值得encore黎介紹三文魚厚度恰到好處，不但花紋漂亮，更有入口即化的口感；赤貝爽口，海水味較重；甜蝦粘粘既口感，肉質細綿，份人就比較懶，偏好剝埋頭既。壽司小巧玲瓏，一口一個，優雅地品嚐，而且可以試更多款式!除左傳統日式美食外，另外主打泰式菜餚！炸物簡值出類拔萃，榴槤愛好者必試貓山王榴連炸彈，外脆香口，內裹煙韌，新鮮榴連爆漿產生衝擊感，散發住濃郁榴連既芳香。走既時候先發現reception前面有雪糕櫃，職員話冇食到既話可以拎走，勁nice。

食開放題都知唔多有午市放題，有都多數係連鎖式既放題店，質素每況越下 😫以前做學生個陣成日幫襯食到無晒信心，都唔係幾敢再食午市.....  不過今日晏就同左個fd食呢間「大本瀛」，經過兆萬1點都未夠就有位姐姐係到派宣傳單張，見到188蚊任飲任食三個鐘，就上去一試！不得不提既係入到去全部都係卡位，氣氛都好好🤭都不禁讚嘆一下，對於鐘意坐卡位既人真係一大福音;好多放題店都好逼，啲野食黎到都無位放。一去到就開始order野食，落單紙由a至k，前盤去到甜品咩都有，連火鍋都有！不過驚食唔晒就無叫，認真包羅萬有。落左order唔洗5分鐘已經上緊前菜同刺身，效率真係夠晒高，叫同黎既數量都無多無少！ 刺身厚度啱啱好唔會食到好膩，味道都夠新鮮，帶子,珍寶赤蝦同三文魚真係非常推薦👍🏻👍🏻壽司大細非常合理，叫多幾舊都唔怕！雖然食到咁上下就發現漏左手卷無黎到，不過都有壽司補翻數。 黑松露系列壽司一定要試下，松露份量好夠，加埋刺身食真係好正！😵好快就黎埋其他野食。雖然速度快，但全部野食都係岀煙咁熱，唔會凍冰冰！非常推薦香蒜煙肉焗北海道帆立貝同和風芝士焗廣島蠔！牛油香，蒜蓉夠多，啱晒我口味！帶子同蠔都焗得啱啱好，唔會

星期五晚十一點幾，屋企人才決定好明早中午要搵好地方食日式放題。我即刻上網搵到評價不錯的這一間店。真係夜晚十一點幾打電話去預訂5位，成功!其實一入到間店，感覺唔係好好，因為好唔乾淨咁，仲有陣異味。好啦，我地先來刺身刺身味道普遍泥講，好淡唔算新鮮。亦無乜邊款食完會覺得好正，想再落單。籌司款式多，都算ok呢個燒菠蘿，無乜點燒香到，但幾好味，好甜多汁少少辣，好香口呢個炒通菜炒得好香好脆炸榴槤，唔好期望太高生蠔唔係任食，按人頭落單。一D都唔肥美，又淡而無美😒入口附近有兩個雪櫃，飲品任取。有個雪糕櫃，有維記雪糕糯米糍同雀巢既雪糕。整體來說，間野既熱食好味過冷盤刺身。午市放題每人$198，收費尚可。所以提供既野食質素都係尚可。只可以話一分錢一分貨。

食物一般，環境污穢，空間細，入去已感覺到油煙味，廚房門打開，廚房既人冇著衫，仲見到佢一路煮一路食野，難以想像有幾衛生，雖然服務員好好，態度唔錯，但完全價錢不值，唔會再去亦唔推薦其他人去