大明頂頂餐廳小廚 (已結業)

九點鐘在新蒲崗工廠大廈做完魚＋，同埋家姐、朋友諗住聽日重陽節食餐好既同新野，行到依間舗出面，好多沖曬大大張既照片，感覺好似幾好味，入到去我地三個人佢比左張六人枱我地，心諗咁好死無人幫親吧。點左避風塘茄子、南乳粗齋煲、蒜蓉粉絲蒸鮮魷、西蘭花炒鮮牛肉。避風塘茄子就肯定野味！西蘭花炒新鮮牛肉果然鮮美，吾un！蒸鮮魷中規中矩，我唔食南乳個齋無食，我家姐話個腐竹稔d會更好。七張枱吾會太多人，最攪笑個老闆勁似黃秋生！其實有燉湯，但要預早一日訂，下次做完瑜伽都會考慮再食！…查看更多

新蒲崗區超強小菜🤩-喱間小菜館係司令超級珍藏，少有既超有鑊氣小炒，唔使出深水埗都可以食到大排檔風味，仲隨時好食過大排檔添😆。-大明大鱔煲 ($168)司令每次去到都必點既菜式！但可惜既係唔係每次都有鱔食架，所以遇到一定要好好珍惜😭。叫得大明大鱔煲就知係招牌菜，$168呢個價已經比到成煲都係鱔肉比你，加上配料燒肉、腐竹等，有少少似重口既枝出火腩煲，好惹味🤩。除此之外，每次既味道都可以做到同樣好食，鱔肉彈牙而新鮮，呢個價真係值回票價！-沙薑雞 ($128半隻)沙薑味好濃🐔，對於司令黎講味道岩岩好。雞件亦十分滑，部分仲係雞皮同肉之間有啫哩架🤩。-蜜椒骨 ($88)蜜糖同黑椒既完美配合🤤，蜜椒骨口味較重，但個汁極適合撈飯食呀喂🍚💞！排骨經微炸過，外脆內嫩，必食之選！…查看更多

見菜式好特別，姑且一試！不過明明book左位，佢都要我齊人先入得，有d奇怪... 同埋要專登問先會俾水，又係.... 椒鹽白玉藏龍 - 魚片包住墨魚滑再炸，真係好特別，墨魚滑彈牙，熱辣辣脆卜卜，略為咸。 糯米釀雞翼 (要預留) - 好大隻，宜家好少地方食到，糯米飯釀入雞翼，味道一般，但食完都飽左一半。 蜜椒骨 - 味道似咕嚕肉，甜甜地，再加黑椒，ok惹味！ 豉椒貴妃蚌 (炒面底) - 貴妃蚌好大隻好彈牙好鮮甜！ 蒜蓉炒豆苖 - 夠香，火喉都岩岩好！…查看更多

美國生活咗幾十年、每星期為家居用品、餸菜入貨一次已成為習慣！今日（週日）出門前已先為今晚晚飯係OpenRice做定功課！選擇咗一間才開張幾個月位於新蒲崗嘅「大明頂頂」！晚飯前先到呢區超市入貨！男友無意間在超市熟食部睇到有現成「羊腩煲」賣！竟然提議買返屋企作明晚晚餐！真係估佢唔到、因為男友一向對羊肉騷味好抗拒、只接受中式「羊腩煲」！但我睇見煲「羊腩煲」個買相已經唔開胃！好彩醒起聽晚有飯局而避咗一劫！😜入貨後嚟到「大明頂頂」！門口竟然大大隻字推出「羊腩煲」、天意！即管一試！👍🏻😜兩人前菜單：炸豬大腸羊腩煲 + 蓎蒿貴妃蚌 （新張期間送）呢煲「羊腩煲」男友食到耳仔郁！成餐飯都提起佢已過身多年既老豆！佢話終於食返以前老豆嘅味道！👍🏻😘餐廳環境如一般街坊小食店毫不起眼！服務卻不差、可能係老闆親力親為之故！老闆知道我地食得滿意、 推介我哋下次一定要試下佢哋嘅乳鴿！😜冇問題！一定有回頭！👍🏻😘…查看更多

早兩日去完一間餐廳小廚食飯～之前聽朋友講，可訂位及預訂想食既海鮮，口碑幾好！所以今次要踩場試下。今次訂左隻阿拉斯加長腳蟹，老細建議一蟹三食，一、清蒸蟹腳 二、蟹膏排骨煲仔飯 三、避風塘炒！煲仔飯真係食得多，但係講到阿拉斯加長腳蟹膏排骨煲仔飯真係未食過！聽到都已經流晒口水～呢個煲仔飯一黎到，老細响我地面前加左豉油再焗多陣，再打開真係好香，好好味。清蒸蟹腳～鮮甜啖啖肉；避風塘炒蟹冇得輸啦⋯⋯好野味～正！另外再叫左4個小菜！有水準～臨走時聞到好香，原來係隔離枱食藥膳醉雞煲打邊爐，應該好正！下次我都要試下～…查看更多

巧手小菜，食材新鮮，絕無添加味精，真材實料！尤其是糯米鑲雞翼，要早兩天預訂才有得食，雞翼外脆內軟，入面包住軟綿綿熱辣辣嘅糯米飯，無得頂！另外還有一個餸必食，就是白玉藏龍，好食到暈，白鱔包住墨魚滑炸至金黃色，我唔食鱔嘅人都食到舔舔脷…查看更多

次次路經日見貼满相片, 今天终於可試下有幾好味。特别午餐的必食葱油雞飯,不用多想就入去。兩人叫左雞飯同回鍋肉飯各一份, 充滿期待會有幾好味!例湯先到,夠哂水味, 都冇乜心機。見埋牒雞飯就更冇隱. 雞又乾又有雪味, 浪費食材。再黎埋碟回鍋肉飯以為叫錯左椰菜炒豬肉飯。好喇! 埋單走人! 浪得虛名!…查看更多

近呢年新蒲崗既食店變得好快好似唔駛一年約咁 一年內店鋪都係咁轉😅競爭大又加租 好明白生意難做之前經過見呢間小菜海鮮小炒新開今日有時間來試下晚飯套餐加湯同野飲 正常價不過晚飯menu 唔吸引我地所以我叫左其他黃金魷魚魷魚係新鮮的粉冇過多咸蛋份量適中味道不錯可惜炸完臨上碟 冇大火收油所以香脆得來比較油 同有d位淋左呢樣要注意下臨尾一腳既問題就白費前面既功夫了油鹽水花甲花甲靚 雖然未係爆肥味道不錯 合水準不過份量同價錢既比例就爭左d多返1/4 or 2/5 會比較合乎返呢種區位同呢種裝潢的食肆…查看更多

好食過好多酒樓炸到脆卜卜，剛剛好，唔過火材料新鮮！加$10就有埋湯同飯個例湯係冬瓜豬骨湯，例湯已經好好飲！好夠味，飲落都知好足料煲希望下次可以叫多d朋友一齊去食可以試多d餸:)下次想試白玉藏龍見到人地post既相，好似好好食咁。今次食左勝瓜炒牛肉、椒鹽鮮魷同避風塘雞翼個勝瓜炒牛肉好好食，可能因為我好中意食勝瓜la椒鹽鮮魷同廟街大排檔有得fight!避風塘雞翼好有驚喜，避風塘炒蟹就食得多原來避風塘雞翼都好好食食左先記得影相因為好好食…查看更多

好難得24蚊，就有咁大份早餐，見食評不錯，專誠走去試下新餐廳。最正嘅係，連凍飲都唔洗加錢。大熱天時，梗係要飲凍飲喇！但茶味比較淡，可能叫小冰會好d。蕃茄薯仔肉碎米線但沒有薯仔變了午餐肉，感覺上仲抵食。值得一讚是，米線比錯了米粉，以為跟另外的餐搞亂了。這時老闆娘聽到，態度好好咁問，是否有問題? 搞清楚情況後，知道廚房睇錯單。之後，問要再煮過比你嗎?不過為免浪費，所以都無轉到。但如果要改麵底，其實要加1蚊嫁！買單走的時候，還很有禮貌講多謝添！…查看更多

自從由慈雲山既公司轉到黎新蒲崗的公司，好興奮😂因該新蒲崗既野食多過慈雲山好多！又平又抵食。今日寫既呢間，係其中一間新蒲崗好抵食既茶記，應該咁講，so far 暫時黎講我覺得最抵食既一間。首先重點係：早餐只需要$24！😨不過其實我第一日食佢係做緊$24 第二日加到$25 可能無咩人食又減番去$24 😂食物就唔算太好食，但都唔係難食，但價錢好重要，對於人工低既我黎講：好！重！要！我一般就食開沙牛麵，雙太蛋同埋凍檸茶走甜少冰。沙牛麵，麵質普通，沙牛味偏咸，肉唔算UN蛋可以揀煎蛋或炒蛋，我建議食煎蛋，因為炒蛋唔滑🙄凍檸茶要讚，佢真係有少冰比我，同埋佢個茶底好濃，但唔中意既會有啲澀😂蕃茄薯仔米線，其實幾好食，但其實無薯仔😂得西芹，有好多肉碎，雖然無味，但係我無諗到竟然仲有兩塊餐肉😂感覺好似好抵食，起碼唔係紙一般的餐肉紙😂其他野我就未食過，但我見好多人叫雞翼，好似好好食咁，但由於雞翼佢話即炸，要等，所以我一般都唔會叫老闆娘（我諗係掛）都幾好傾同有禮貌，成日講聽日見😂👍🏿同埋佢肯聽意見，如果有意見可以同佢講，不過佢人手唔太夠，唔多人食既時候，算快，人一多就要等😂…查看更多

22.7.2017 （六）每逢家庭聚會，必定去搵新野試下，今次揀左～地道美食，今次就搵到呢間响新蒲崗新開既餐廳小廚，因我地比較多人，所以預早三天前已訂位，預訂海鮮，超級方便唔需要自己去買，一行十五人，有老有嫩，訂枱7點，伙記好快就安排好坐位，因為我地實在太多人既關係，有點兒擠迫，因為餐廳又不是很大，全場爆滿，呢個都明白體諒的，要食好野，擠迫一下都無所謂啦⋯⋯大家親密啲啦⋯⋯上菜速度正常，份量偏大，賣相吸引，味道可口，伙記有禮貌，價錢合理。原來糯米雞翼係要預訂架，下次訂枱時要記得訂埋…查看更多