大拇指食坊 (已搬遷) 新店位置

今朝又叫個早餐蕃茄牛肉米缐 湯底十分濃郁甜甜酸酸十分開胃 牛肉普通米缐淋身但是好滑 加四元有牛油厚多士 火腿炒蛋炒蛋十分滑，擺上去多士上面 一齊食好滋味呢 咖啡應該是用咖啡粉冲，好濃 環境感覺好似飯堂 勝在好味同好平我好喜歡濃郁既湯特別係蕃茄成日返頭

耐唔耐都會黎呢度食下午茶,因為平平地$18就有埋熱飲～下午茶同早餐一樣既～都係最basic既沙嗲牛,炸菜肉絲等,較特別就係蕃茄牛或蕃茄豬潤入面既牛肉同豬潤都無咩特別,不過不失,但個湯底就唔同,好足料,次次都起碼有一整個蕃茄喺碗,湯亦好多,近乎瀉咁,個湯好甜.味道剛剛好,唔會好咸,亦無咩味精(食完唔覺口渴)淨係蕃茄牛米跟熱飲都係$20,以依家物價高企下黎講,真係抵～另外加$4有埋火腿滑蛋多士,滑蛋整得唔錯,多士亦好香牛油,正～

今日黎食tea，叫左個酸辣紅蘿粉，覺得幾得意又未試過咪試下lor，個粉好有咬感好正！個湯我覺得麻麻地，但我媽話好好飲，想成湯當湯飲哂佢另外叫了個下午set，好抵只係$21，不過我覺得個牛肉米粉麻麻地，個牛肉有d un~~米粉有D粗，湯底都只係一般，但我食左個多士都真係幾正，可惜得半塊，如果可以叫成塊就好！炒蛋麻麻地啦，冇乜蛋味，火腿就一般！不過咁平我覺得唔需要講究太多既，呢個餐仲抵食過大家樂呢

睇完E生....係時候E肚仔..一坐底就ORDER左...蓄茄豬潤米線...加$4有牛油厚多士,滑EGG同火腿....仲有杯HOT LEMON TEA....全部都係$23......蓄茄豬潤米線......蓄茄湯好普通.....豬潤夠新鮮.....米線夠淋.....今次驚喜係個牛油厚多士....好明顯...佢地係將溶左既牛油搽落件厚多士度,先拎去整...所以咬入口....都好平均咁食到有牛油既厚多士.....下次會TRY佢地既"奶油豬"

四月上旬‧晴其實不太知道這裡吃的是什麼，來到才知道是如剔紙仔般吃酸辣及麻辣粉。要了碗麻辣薯粉，小小辣，加豬頸肉，再加杯凍咖啡。薯粉本身爽滑，而配料也豐富，尤其韭菜及芽菜下得特別多。雖然要了小小辣，但湯底也真的幾麻及幾辣，實在配服可以吃大辣的朋友。總共31元，不太貴。