大戶屋

營業中

休息中

位於銅鑼灣的大戶屋推出的特選增量燒五花腩定食是肉食愛好者的不錯選擇。五花腩以鹽麴及醬油麴醃製，燒至外層微焦，肉質軟嫩而不膩，入口帶有淡淡麴香與醬香，味道濃郁但不過重。配上白飯、茶碗蒸及麵豉湯，整體份量充足，既滿足又有層次感，是一款穩陣又有誠意的日式定食。環境：店面整潔舒適，座位寬敞，適合悠閒用餐。價格：定食約$140，屬中價位，與質素相符。食物質素：五花腩火候掌握得宜，配菜表現穩定。食物種類：選擇多元，定食、便當、蓋飯及小食一應俱全。如果你喜歡日式燒肉風味，這款五花腩定食值得一試。

呢個「吉列豬扒玉子鍋定食」整體嚟講都算幾好食，首先，份量好足夠，啱晒一個人食，仲有茶碗蒸、飯同麵豉湯，豐富又飽肚。茶碗蒸入面仲有舊雞肉，滑溜細緻，幾有驚喜。至於豬扒本身味道唔錯，不過浸咗喺玉子鍋嘅醬汁度，令原本吉列豬扒應有嘅脆口感完全消失，變得腍腍地，失去咗吉列豬扒應有嘅酥脆特色。蛋嘅生熟度調校得幾好，似糖心蛋咁啱啱好，唔會太生或者過熟，令成個鍋嘅口感更加豐富。餐廳有另外加收一嘅服務費，個餐偏貴。雖然味道唔錯，但豬扒口感因為浸咗醬汁而失色，有啲可惜。如果可以改良豬扒嘅脆感，呢餐會更加完美。總結嚟講，呢餐份量十足，味道幾好，除咗豬扒被浸腍影響口感之外，整體都係值得一試。

如果去開銅鑼灣，我九成都會去大戶屋食。雖然唔算好平，但都幾高CP值。成個套餐有齊主菜，湯，蛋，漬物，白飯（可添飯），食完好滿足！ 希望佢長做長有，保持水準🙏🏻鐵板豬五花&牛 my all time favourite 仲可以升級丼飯（要加錢） 薯仔沙律都好好食

大戶屋晚餐都係第一次食，原來呢度有超多套餐選擇，有生食有熟食會令人花多眼亂，如果鍾意食魚，真係推介你嚟試，不過無得訂位，6點半到已經要等位。🥢味噌醬煮吉列熟成豬扒鍋定食 $129⭐️⭐️⭐️⭐️厚切吉列豬扒係我至愛，見好多人都讚呢個味噌醬好味，試完真係會愛上，醬汁甜甜地又濃郁，同豬扒好夾，主角豬扒外脆內軟，咬落軟腍似豬柳，要特別讚係個鍋，食咁耐都可以keep住個熱力，好正。🥢鹽燒連子鯛定食 $141⭐️⭐️⭐️⭐️有4款燒魚可以揀，識揀一定揀長崎鯛魚，因為唔係周圍食到，鯛魚肉質清爽有魚味，唔算多骨，鹽燒已經能夠帶出魚嘅清鮮，送飯一流。二人共消費：$297

這次來到大戶屋，被「期間限定」的字眼吸引住：數量限定的沖目鯛御膳。這款御膳的前菜有味噌湯和菜碗蒸 ，而另外兩款餐牌上長期供應的御膳則有牛肉烏冬和迷你豆腐小魚沙律。主角的沖目鯛大大一片，燒得很香，魚皮焦脆。沖目鯛的肉質較銀鱈魚結實，油香也較少，優點是較不膩口；不過燒魚最適合享受火灸下帶出的魚油香，下次想吃燒魚時，還是會點較肥美的銀鱈魚西京燒。燒魚面有蔥花味噌醬，鹹鹹甜甜的，配著魚或單獨吃也好吃。定食的燒熟成五花腩也燒得很香口。很喜歡御膳配的魚生飯：三文魚雖然薄切，但新鮮肥美，魚油香在口中漫開來，三文魚籽和飯面的蛋絲又加添了一份鹹鮮和甜香，非常美味。菜碗蒸做到蒸水蛋般滑溜，高湯的調味恰好，配料有一小塊雞肉和冬菇。豚肉味噌湯則偏鹹。出乎意料地，甜品竟然是御膳的亮點之一！之前春季的時候，甜品是有鹽漬櫻花的蕨餅，質地偏向黏軟，不是喜歡的煙韌口感；現在則換成了抹茶奶凍。別看這抹茶奶凍小小一方塊，抹茶味非常之濃，而且質地做到入口即化（加的魚膠粉份量控制得非常出色），簡直是抹茶版本的panna cotta 。還真會心思思的想為了甜品而再點御膳呢。

當諗唔到食咩時，｛大戶屋｝就係我哋嘅最後目的地😆坐得舒舒服服，味道同份量有保證，真係一個唔錯嘅選擇✅✴️滑蛋雞肉飯✴️Comfort food之一，半熟仲有少少流質狀態嘅滑蛋，包住米飯一齊食好幸福☺️雞肉有煎香過，嫩滑得嚟又香口，不錯👍🏻👍🏻不過覺得今次嘅調味較濃，所以食到一半會較膩口～✴️鹽麴熟成五花腩拼牛肉定食✴️皇牌之選，食肉獸最愛❣️牛肉中間呈淺粉紅色，無overcook👍🏻五花腩油份充足，附上沙律菜，一齊食就無咁肥膩🤩

已有一段時間沒有去大戶屋用膳，今次再去銅鑼灣的分店，品嚐他的吉列熟成豬扒玉子鍋定食時，它的品質能夠繼續維持不變，真是難得，肉質口感都是不會太硬，而且都十分鬆軟，再加埋洋蔥及特製的調味料，味道都好鮮味，但又不會太鹹。另一方面，鯛魚鹽燒定食本身可能比較乾身，但在烹調時加上適量的鹽，當你品嚐時卻能感受到鮮魚味，而且在品嚐後，都感受到不油膩而且都很健康的一餐。不論是鬆軟的豬扒還是鮮味的鯛魚，在質感還是味道方面，都是其中值得推薦。

出開銅鑼灣shopping,行到又攰又餓,朋友話想食日本野,即刻上嚟睇吓附近有咩好食…朋友睇完話想食大户屋咁就上去食啦☺️我地叫咗特選增量五花腩定食定食跟前菜,白飯,麵豉湯,茶碗蒸五花腩燒得很香,醃得好入味👍🏻麵豉湯味道一般,偏淡茶碗蒸蛋好滑好好味滑蛋豬扒飯定食定食跟前菜,麵豉湯,茶碗蒸豬扒好厚夠淋👍🏻滑蛋好嫩不過份量偏少#hkfoodie#openrice#ootoya#causewaybay

銅鑼灣的大戶屋已成了常來的「飯堂」，這間分店服務佳，環境也較太古或中環分店舒適。每當想悠閒地用餐，就會想起大戶屋。大戶屋海鮮御膳 $228御膳是品項豐富的套餐，適合「花心」而什麼都想嚐嚐的人：有豆腐沙律、蓮藕拌芝麻醬的小菜、牛肉烏冬、天婦羅蝦子和蠔、西京燒銀雪魚和三文魚、迷你壽司飯、鹽漬櫻花甜點。其中西京燒銀雪魚是大戶屋做得很出色的菜之一，銀雪魚燒過後其香無比，滿溢的油脂盈滿口腔，魚肉軟得近乎不用咀嚼，加上西京燒的調味，甜甜鹹鹹的非常滋味。迷你壽司飯有兩款，一碗有三文魚、油甘魚、吞拿魚各一片，另一碗是三文魚和三文魚子。魚生雖然薄切，但除了吞拿魚較瘦，其他魚生都新鮮肥美，三文魚子晶瑩飽滿，一粒粒在口中爆開，鮮味又邪惡；舖在飯面的蛋絲也有畫龍點睛的作用。另外有蓮藕、紅腰豆混和粗磨芝麻醬的小菜，芝麻香氣十足。天婦羅有蝦、蠔和蔬菜，也炸得香脆可口。御膳中較為失色的是牛肉烏冬。曾幾次點這份套餐，烏冬偏軟，湯底較鹹，牛肉質素也一般；另外是甜點的櫻花厥餅，質地黏軟而不是煙韌，不是很合口味。有興趣還可以點一份三式小菜（$48），除了在御膳中出現的蓮藕小菜之外，另外一款是韮菜加角切三文魚。日本的韮菜味道

一個人最好去大戶屋食個lunch 悠閒又可以坐得舒適我食過其他餐 唯獨牛肉壽喜燒定食未食過，所以今次order來看看質素如何，我覺得味道還可以 不會太重味但唯獨是配菜比較少如果可以多D配菜 豐盛一點 會比較好…

2020年有次因朋友想食日餐所以幫襯過燈籠街呢間大戶屋，當時印象麻麻地，以為唔會再幫襯。但後尾無意間又食多左幾次，唔知係咪換左大廚呢？質素愈黎愈正👍🏻 吉列豬扒炸得剛剛好，外脆內軟，又唔會鞋十十，好難得御膳燒魚餐真心唔錯，有天婦羅炸蠔、蝦、菜、配搭銀雪魚三文魚，仲有沙律菜同刺身。二百幾蚊食到甘多野好滿足仲有個燒五花腩定食都好好味，本食唔鐘意食肥肉既我都覺得好唔錯。希望一直保持甘既水準，試埋其他唔同既餐喇

響銅鑼灣區同朋友一齊做嘢之後天天氣又唔係太好，所以大家決定叫外賣午餐唔使出去，其中有啲朋友想食得清少少，所以就諗不如食日本便當，就有人提議試吓大戶屋。我哋分別叫咗兩份大戶屋禦膳便當（竹），份量真係幾足夠，又有炸豬扒又有豬肉有雞，同埋本身有跟埋白飯同麵豉湯。炸豬扒嚟到都仲係好鬆脆，豬肉亦都唔算鹹，雞竇好味，麵豉湯飲落去都真係有返麵豉湯嘅味道，唔似有啲舖頭好似一杯鹹水咁。跟住個黑醋雞肉野菜，黑醋雞肉真係唔錯，酸得來又唔會覺得太濃，食落去係幾好嘅，但係本身冇跟白飯要另外叫， 白飯都加咗一粒酸梅，啲雞愛嚟送飯啱啱好。另外個朋友叫咗個黑醋鱈魚野菜，都係要另外加白飯，佢話個黑醋鱈魚識落到好夠味道，又唔算太乾，覺得都可以。仲有一個係銀鱈魚西京燒，另外加白飯，銀鱈魚都好滑，雖然有骨但係唔算太難搞。另外，我哋嗌咗兩份自家製免治牛肉薯餅，同個炸豬扒一樣嚟到都仲好趣，外脆內淋，亦都唔會太鹹，都有牛肉味。唯一意見就係所有跟飯送來嘅酸菜佢係偏冇咁酸嘅，比較偏淡，個人會比較喜歡酸味重啲。總括來講之後都仲可以再嗌外賣。

好耐冇食大戶屋，今次試個泡菜廣島蠔，覺得配菜非常多，好夾，本來之前食左野，食吾倒個頭水蛋，但一食停吾倒，－點不馬虎，而且服務態度非常好，不過冷氣凍左少少，個個窩要快啲食先吾凍。

好耐冇去過銅鑼灣登龍街，這裡有好多日式餐廳，係Soundwill Plaza II樓下見到有間叫大戶屋，於是上去試下，一出電梯見好多人等位，心想要等好耐?好彩都係十幾分鐘就可以入座，估唔到這裡價錢又唔係好貴燒醬油麴熟成五花腩拼牛扒定食 | $127定食有麵豉湯、日式蒸蛋、漬物和白飯，而白飯我選擇大飯😁先食個薯仔沙律，入邊有洋蔥絲、蘿白和青瓜撈埋一齊，好開胃麵豉湯有腐皮、蔥和豬肉碎，不過有點鹹五花腩肥瘦均勻，爽口，但我略嫌味噌味太咸，蓋過咗五花腩嘅肉味；至於牛扒，唔係好淋，但有牛味另外日式蒸蛋嫩滑，雖然無咩料，只有一粒菇和一舊雞肉，但味道唔錯吉列熟成豬扒定食 | $110剛炸起的豬扒熱辣辣，咬落啖啖肉，但沒有什麼味道，可能要點芥辣醬和吉列汁才好D， 這個有些失色

📍 大戶屋 (銅鑼灣)銅鑼灣登龍街1-29號金朝陽中心2期Midtown 5樓-大戶屋的這個味噌醬煮吉列熟成豬扒鍋是我每隔一段時間就一定要吃一次的食物。味噌的醬汁非常濃郁搭配炸的很酥脆的豬扒 非常的下飯 再搭配裡面的半熟蛋和高麗菜 非常的讚-🐷 味噌醬煮吉列熟成豬扒鍋 $121環境 ⭐️ 4.7/5食物 ⭐️ 5/5推薦指數⭐️ 4.8/5