影片
港鐵葵興站 D 出口, 步行約14分鐘
繼續閱讀
營業時間
星期一至日
07:00 - 21:00
以上資料只供參考, 請與餐廳確認詳情
冬天凍冰冰就係食煲仔飯嘅好時候, 今次去一間連鎖快餐店試下佢哋嘅煲仔飯, 叫咗個豉椒排骨煲仔飯, 平時豉椒排骨盅頭飯就食得多, 煲仔飯就比較少食。 呢個煲仔飯分量相當豐富,有排骨、荷蘭豆同主角排骨,本身d飯有煲仔焦香,排骨吸收曬餐廳提供的醬汁,十分惹味。
繼續閱讀
雖然日頭踩完單車，但今次由大埔至烏溪沙線都喺鬆於輕輕路線，所以，踩完都唔覺點攰。而夜晚有小組聚會要開，故此，接住落，食埋晚飯時間就啱啱好。為方便起見，食飯嘅地方就搵最就腳聚會地方附近嘅「大快活」。 呢間大快活屈晌個小型商場裡面，位置可以講幾「偏僻」，好少區外客，幫襯絕大多數都喺街坊、附近活動嘅團體。所以，一般而言，大部份時間都喺客人唔多。有咩食都唔講咁多，本地幾間連鎖快餐店，經常賣廣告，菜式大致有咩大家都好熟吓。一人火鍋、煲仔飯、燒味飯、焗豬、咖喱……都喺嗰啲啦。 香蔥豬扒飯 $43.5揀呢款豬扒飯都喺貪佢平平哋，夠穩打穩紮，又包埋嘢飲。果然，夠平實，一碗白飯份量，兩大件煎豬扒，再淋上蔥油汁，不過，伴菜就次次都喺炒平價嘅椰菜。豬扒都煎得香口嘅，肉質亦鬆化，總之，你唔太多要求，佢哋嘅出品都叫OK。身邊唔少人話阿活啲奶茶滑，不過，飲咗咁多次，小弟就唔覺喇，但茶味就不俗，幾香濃。 順有一提，晚市有提供送餐服務，當然，以快餐店而言，已經喺好好，但更細心嘅喺，另外醒多杯熱水過水，唔喺用嚟飲，而喺浸餐具，呢份貼心客人會睇在眼裡。 雖然，對大快活嘅出品印象麻麻，但時不時都偶有佳作咁啦，今次嘅豬扒飯，OK喎。
繼續閱讀
茱苿茉……幾字易混淆， 「茉」字出現在餐牌是少見。當然可解釋為茉莉花 。但「肉茉汁」似無茉莉味道。查有「芥茉」，「薑茉」，未知「肉茉汁」何解。入口覺得有日本麵豉味道，帶酸，十分醒神開胃，開了味界。外賣是汁液另杯上，足有半杯，足夠一碟半日本米飯伴食。40多元，性價比高。吉列牛肉味淡，豬牛莫辨。汁液才是主角。是平生第一次嚐此汁，似梅醬麵豉醬蒸排骨，但酸度較低，咸度適合，令我驚喜。米飯糯軟而粒子分明。如長期有日本米飯供應便太好。
繼續閱讀