11
11
2
| 餐廳: | 大快活 (家維邨) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
招牌菜
因為啱啱出席完中學老師嘅安息禮拜，幾個好耐無見嘅舊同學搵個地方坐坐，講吓近況，好隨心行咗過嚟家維邨嘅大快活食個下午茶（順便拍拍卡慳兩蚊嘛）。呢間位處地牢層嘅大快活，地方唔算大，都喺快餐店格局，有部份位排得比較逼。餐牌棟晒晌近入門口位，有咩選擇一目了然。沙嗲牛肉煎蛋包 + 熱咖啡 $30近來見大快活同本地老字號品牌「綿香」嘅沙嗲醬聯乘，當然要撐吓啦，咁小弟本身都鍾意食沙嗲牛肉包嘅，加埋煎蛋，就更合心意。包身烘過嚟，口感更軟熟，而睇相都見，夾滿大量沙嗲牛，仲有洋蔥，醬汁澎湃，真喺食到一手都喺，而啲沙嗲好香濃惹味，正呀，啲牛肉醃得入味，質感軟腍，煎蛋熟咗啲，如果有埋蛋漿流出嚟就無得頂喇。我同老婆不時晌星期六都有幫襯大快活食早餐，佢啲熱咖啡唔錯架，夠香醇！下午茶食個包，嘆杯咖啡都可以喺一件樂事。今餐食喺其次，志在搵個地方幾個舊同學傾吓偈，講講近況。
繼續閱讀
呢間大快活嘅職員態度真係十分差 個個都係 好似欠咗佢哋咁 喺水巴叫比多張紙巾我已經講咗‘唔該俾多張紙巾’ 佢一開聲把口已經唔友善 收銀嗰個又係咁 問佢少少嘢好似覺得我唔啱 所以嬲得滯喺度留言 如果我唔係因為想食雞胸飯都費事嚟呢間分店 沙田嗰間職員服務態度好好多
繼續閱讀
為左個不知所謂嘅職員，我要寫一篇文章出嚟。2023-6-1,早上8：17，我買咗一份早餐，有通粉。一個唔知（男/女）職員，戴眼鏡，肥身材，高大，及頸嘅金卷髮，負責出餐嘅，佢將啲湯倒到好滿，我攞嘅時候就瀉左啲湯出來，整濕左唯一一張紙巾，咁我就去攞多幾張紙巾，點知個職員揸實兩張紙巾，我輕輕係佢手上去取嘅時候就攞唔到，佢竟然大大聲咁講：攞啦！攞好啦！呢一刻我知道，原來我俾個職員玩緊。大快活紅磡家維邨分店，請你好好調教一下你的職員。
繼續閱讀
其實每一日我都會嚟大快活食早餐，每日都食同一個套餐s5，飲同一樣嘅嘢。我覺得佢哋嘅品質真係做到十年如一日，水準冇變，價錢冇變。曾經喺度見證住佢哋嘅職員俾人打俾人鬧， 唔好以為佢哋嘅職員就會咁算數， 你哋會還拖㗎仲識報警好犀利。見證住佢哋嘅職員係上下團結一心。 早餐其實都幾好食特別係個香辣上海麵，個份量唔係太多亦都唔係太少啱啱好。喺農曆新年前佢哋嘅香辣然後會加香蔥但係農曆新年後返嚟再食已經冇香蔥 。令到成個辣肉麵都唔香。希望可以加返啲蔥。 佢哋嘅齋啡係幾好飲但我自己就加咗個肉桂粉落去，變得更香。
繼續閱讀
我每個星期六日幫襯一至兩次。然後每隔一至兩次就會汁漏野。開頭牛油/餐具都算。近期兩次, 買兩個餐,兩次都汁漏左件多士依家依個時勢，返左屋企先見到汁漏野，再落返街？ 麻煩依間分行既人改善下！ 已經唔係第一次
繼續閱讀