影片
招牌菜
ordered tea setchicken wing-->over fired, too dry and so small, taste is ok, salty enough and have some honey on the surfacemini shark fin--> a lot of content, pork, egg, mushroom.....but a bit too sticky and i needa add some vinega to make it bettercorns--> hot enough and sweet enough, i have added some butter as well!!coffee--> not hot enough and a bit too much milk so that coffee taste is not strong..fast and nice with smile service
繼續閱讀
今天晨早到樓下的大快活吃了個醒晨早餐點了一份魚柳煎蛋配多士, 一碗雪菜米粉, 一杯熱好立克大快活的魚柳一直都是我的推介, 比起大家樂和其他茶餐廳的炸魚柳, 大快活的魚柳真的比較JUICY及嫰滑, 而且魚柳所配搭的沙律醬亦不是一般的杰杰的, 而是比較浠身的, 味道亦比一般的沙律醬甜, 般不是我們平時在超市即買即用的那一種, 跟那嫰滑的魚柳配起來真的特別可口多士熱熱的脆脆的, 把它塗滿牛油可真美味, 但可能由於成本問題, 我發現這個月開始多士的SIZE比以往小了....煎蛋略嫌太多油, 而且溫度亦不太佳, 只是微暖的, 有待改善
繼續閱讀
今日放工已經好肚餓喇,點解我大食左咁多架呢?放工反到沙田諗住同你買送,結果我餓到要即刻食野,哈哈!諗左好耐食咩,初頭行左一間快餐店,但個間好多野食都無哂,結果又要行多幾步路餓多幾分鐘,最後行到沙田廣場大快活下午茶!呢度既選擇都算幾多,不過正當我諗好食咩既時候個樣野食都無埋,睇黎我今日系黑仔日!選擇恐懼症又出現了,爭札左好耐最後揀左粒粒紅豆冰茶餐既迷你熱狗餐,似反下午茶唔好食到太飽丫嘛!迷你熱狗真系幾迷你,得掌心咁大,連條腸都迷你,好得意!包仲熱熱地,個皮仲脆脆地,外脆內軟幾好味!條腸脆卜卜咬落去卜一聲,加埋他他醬既味真系好夾,仲有一塊生菜,好似食緊沙律咁,好健康!至於紅豆冰,紅豆份量都幾多,佔三份一杯,睇住個姐姐不完紅豆再不奶,最後再加水,初頭個諗住會好淡啦,點知又okay喎,味道岩岩好,奶味唔會太重,紅豆本身浸過糖水有甜味,所以姐姐都無再落糖喇!$19呢個下午茶唔算太貴亦唔算抵,味道唔錯有機會再黎食其他野先!
繼續閱讀
今日放工見肚餓 , 索性返到入沙田就去坐低食個下午茶 , 首選o既大字頭快餐店 , 售罄比可選o既還要多 , 於是轉戰大快活好老實講 , 平時真係好少好少食大快活 , 原來下午茶大咁多款o家喎雖然 d 餐配搭好晒無得自由選擇 , 但勝在有好幾個系列如紅豆冰 , 湯粉面 .....餐種夠多 , 配搭方式都唔少 , 有平有貴 , 有輕量有大份 , 總有一款合你心意因為打算食完返屋企會再煲湯夜晚飲 , 我揀左份西多士併春卷 加左錢轉飲凍奶茶 , 要 $ 25 , 計落都幾貴 , 件西多士大件但唔夠厚佢寫左有得揀練奶或糖漿 , 但係佢地無問我就加左練奶比我 , 我當然要換啦 , 配糖漿先至係西多士家嘛 , 再加埋牛油 , 因為本身牛油都溶溶地, 即使西多士唔係幾夠熱都可以查得勻糖漿好細包 , 要拎多包先夠味 , 西多士有蛋香 , 煎得唔錯 , 不覺油膩春卷三小條 , 微暖同埋 keep 到少少脆 , 個餡無乜特別 , 味道正常凍奶茶偏重奶味 , 不過都未至於遮左個茶味 , 都幾香滑 , 甜度亦適中## 想當年有一份工公司留下就只有大快活 , o個時好鍾意食鮮原茄系列如今大快活仲有冇呢樣野食o既呢 ?? 最近大快活有咩新推介呢 ??我覺得今日呢餐下午茶有能力改變我對另一家大字頭快餐o既偏心 ,其實大快活一樣有扒据 , 有邊爐打 , 咁其實唔試又點知唔夠好呢 >e<
繼續閱讀
其實入冬後，每星期總有三天晚上是打邊爐，但有時兩個人去打又食唔到咩野﹗於是今晚在大快活解決﹗細個好怕在快餐店打邊爐，睇落好似幾玩，不過食物味道真係麻麻，時而勢易，依然能吃到的質素而進步不少﹗大快活話自己咩即切一磅牛肉餐，見佢都有十片八片，份量也不少﹗打邊爐最重要是牛肉，其他食物只是配襯，可喜的是牛肉質地雖比較o鞋，但肉味尚算濃郁﹗食埋尐烏冬及配菜等，人是大半飽了，$60有得打邊爐，不過強求太多了﹗
繼續閱讀