大快活 (已結業)

睇廣告見到大快活出左乾咖喱雞餐,聽人講話乾咖喱唔係咁易食到,又話有時係印度餐廳賣得好貴,既然係咁,以三十幾蚊既代價,一試無妨呀!原來一份餐都好豐富,先有兩件大雞,夾埋應該係半隻份量,食落的確有咖喱味,但係唔算好辣果隻,不太好辣人士都應該頂得順,由於係乾咖喱,唔似平日食咖喱咁會有好多汁,所以唔使旨意可以咖喱汁撈飯…話時話,佢俾既係普通白飯,我心諗,如果係炒底,會令個餐生色不少!另外,建議大家食雞時用手食,一來咁樣食起黎方便些,二黎好似有點風味咁,哈哈!反正佢都俾埋手套你,咁先食得過癮嘛!我覺得雞既質素唔錯,肉嫩亦都少肥,唔油。不過,有一樣野都好正,就係配埋落個餐度既蒜茸包,好香蒜茸味,又熱喎,好味呀!記住即食呀!不如俾多幾件包我,我唔要飯呀!(講笑咋!哈哈!)

上星期同阿媽去了試大快活ge牛鍋王火鍋。要了一個肥牛雜錦同一個肥牛黑豚肉，再加了兩杯蜂蜜綠茶。醬料有豉油、蒜蓉同辣椒仔，將佢地撈埋一齊個味好得好惹味，尤其是係d生蒜蓉，能帶出食物嘅味道。肥牛一碟有成差唔多十塊，肥瘦均勻，有肉味。黑豚肉有五、六片，偏肥，切得薄薄的，好快熟。雜錦其實都係得d雜菜、牛丸、少得可憐ge雞柳、粉絲、和河粉、豆卜、豆腐、金菇、豬皮、白蘿蔔...etcd雜菜正如之前食評所言，好似無咩點洗過，仲好似擺jor好耐，個邊已變黑。真係驚食食吓會有菜虫浮出黎！！！牛丸係現貨交黎，好多油，又實。豆腐有怪味，聞就無酸，但第一啖食落又覺得有少少酸，好在食完無肚痛！粉絲、和河粉都好得，吸盡d湯嘅精華！不過人手真係嚴重地短缺，全場得三個阿姐，打咗好耐都只係加過一次水。搞到我無晒湯，我都係第一次打邊爐打到最後得一cm唔夠ge 湯，真係滴汗。由於呢間野唔算多人，環境比美心靜好多。但唔鍾意佢d爐，要點勁耐先點得著；點o個陣仲不停有煙同"毒氣"釋放出黎，一邊打仲聞到"毒氣"味，吸得多都唔知會唔會致癌?！

每年至少都要出街食一次火鍋，上酒樓任食火鍋閒閒地都要成百蚊落樓，去快餐店明碼實價好d。三個女仔叫左一個牛鍋王+豚肉火鍋(各$47)，再加$6飲杯梅子沙冰，夠食有餘。牛肉同豚肉其實唔算多，牛肉都係得十塊八塊到，一陣就食哂。d肉類味道就ok，不過d菜就好似冇乜洗咁(見附圖)，冇洗之餘仲切得鬼死咁大條，有排浸先熟。個梅子沙冰都幾特別，其實好似酸梅湯變左做思樂冰!仲有佢既醬料有豉油、蒜蓉(好味)同辣椒仔，好食過某d酒樓既火鍋醬料!我地落order既時候，唔知點解個收銀會聽左我地要例湯(打邊爐仲飲例湯??)，等我去到攞既時候先知唔對路，好彩經理都好好人，肯幫我換番!

糯米雞配皮蛋生菜粥(大) $19粥一食落口是暖的, 咁梗係出去換啦, 即買即食都唔熱, 食唔熱的粥倒不如唔好食吧.點知出到去佢話賣清, 咁唯有換火腿通粉. 好一般啫, 好彩隻糯米雞襟飽.

有一排成日去食早餐... $17都ok. 通常食多士, 魚柳, 炒旦, 奶茶, 加幾蚊有通粉。雖然是快餐, 但是絕對不會有"食垃圾" 的感覺。d 野夠熱, 不會覺得很油。

上星期二放工後陪男友到商場買psp碟,之後就去食飯.他又太肚餓而我又想試試太快活新出的蜆肉意粉.味道都可以,但份量小了點,相信大食的朋友會不夠飽.

下晝做完GYM,返去陪媽咪,決定去大快活買個茶餐俾細妹!煉奶西多士+楊枝金露=$17.5,同款茶餐上星期o係雅蘭樓上間大家樂買過俾細妹,價錢一樣!不過大家樂係花生醬多士+珍珠奶茶,硬係覺得楊枝金露抵D!論味道細妹話兩間差唔多,但論service我覺得大快活較好!上趟大家樂要我自己捧去側邊個女仔先幫我接手打包,仲要慢吞吞,唔多願,糖漿都唔記得放落袋!今趟大快活個阿姐好好人,幫我包得妥妥當當,我問佢拎多包糖漿佢都肯俾我(原本已有煉奶)!不過遺憾o既係,儘管已盡趕,份西多士送到細妹手上已凍o左!

今日食肉醬意粉，有香草同紅腰豆ga，好正。意粉彈牙，好過好多同價的cafe/fast food shop.最重要係用橄欖油，唔肥ar!但"3芝意粉"就一般...無芝士味gei..........

上星期三(31/8)晚去旺角，比較好食又好坐嘅快餐，我會揀去呢間大快活(花園街鴻威大廈近登打士街)…今次食咖哩雞飯+羅宋湯+涷綠茶餐。咖哩雞飯啲雞唔同一般嘅做法,，似乎先炸過。個羅宋湯雖然一般，但勝在夠熱，所以都OK啦。成個餐都只喺$31.50.

都不知幾多年無在大快活正正經經咁食過一餐，星期六晚朋友無厘啦更話想去大快活食意粉，見佢有個咁盞鬼既建議，咪又食下囉。幾年無食，就試下好食到要尖叫既原茄系列中的鮮茄豬扒意粉，另加羅宋湯及飲品。豬扒用碟另上，原隻蕃茄盛住幾多的蕃茄汁，而意粉就比錯左飯，不過飯都ok，所以無換，羅宋湯面層甚油，搞兩搞只見幾舊薯仔，望極都唔多似羅宋湯，最後原來係店員比錯左咖哩汁，好採無飲到。現在既大快活有好幾樣產品都著重於即製，此飯亦不例外，豬扒蕃茄汁都新鮮即制，並無以前食時既求其感覺，整個餐雖不算特別好食，但卻係可以一洗快餐店一向求其既污名。整餐連飲品湯合$3x，望望朋友食咩，發覺係食咖哩雞飯，又話食意粉，玩野！

前晚同BF黎食dinner因為行暈成條街都搵唔到O岩心水ｏ既又落住雨wor~~~見到d poster都幾吸引就ｏ係決定ｏ個度落腳了~我叫左歐陸set dinner,有羅宋湯,焗野菌魚柳,同茄汁蓉意粉+低糖冰綠茶個羅宋湯好飲ar~~!唔太油, 如果多番d配菜重好焗野菌魚柳係用鍚紙包住, 同d意粉分開(好彩)一打開張鍚紙, wah~~~d油唔洗多成咁ar ma, 多到完全淹沒左d魚同菇, 我bf見到我"泌"油o個陣都嚇死不過油實在多到點"泌"都無用, 所以食左好少至於個茄汁蓉意粉就very gd 了~好好味, overall來說,成個set個份量都好夠, 一定夠飽bf就叫左韓式石頭飯set配百事, 佢話個飯麻麻地, 個人參雞湯唔好飲，我都覺個賣相麻麻沿途見到好多人食咖哩，個賣相好靚，應該幾唔錯題外話，食完之後,有位職員小姐搵我地做問卷,好nice ar~~我地都發表左好多意見tim....睇得出大快活都幾有心想做好d, 因為我覺得同以前相比, 佢而家的確好左好多,無論係裝修定係食物做完之後,佢送左2張free早餐coupon比我地really out of expection serv

媽咪好鍾意食大快活o既咖哩飯, 今日lunch 我同爸爸就陪佢一齊大快活止下佢o既咖哩癮.呢度o既咖哩汁係唔錯o既, 可惜今日o既飯夾生, 大扣分數.

今天和爸爸在旺角吃飯, 怱然很想吃這裡的咖哩,便來這裡試試. 我們叫了咖哩豬排飯+即磨咖啡(+8)和咖哩雞飯+熱檸檬水(+5). 爸爸說那咖啡很好喝, 很香咖啡味. 咖哩一開始吃并不太辣, 但慢慢在口中化出來~ 超棒~~~~豬排很脆,很香口,雞肉很滑,不錯. =) 每份咖哩送甜心薯仔, 可能是我理解錯誤, 可是薯仔并不甜....=( 我一定會再吃!!!!! =)

今日收工,一支公..於是又黎這裡食飯看到她們有好幾種咖喱的選擇於是叫了咖喱雞飯味道不錯~~很香..但就細碟了小小.因寫此食評的同時..我肚正在打鼓呢~~服務員十分好禮貌..見到客出入都會打招呼.可能看到其他食家的評語..而有所改善...下次得閒再黎先~~

去過好幾間分店..品質有出入...價錢可以啦,環境一般啦,新裝修的坐得較好...但始於食物味道及衛生不較好,仍有改善空間