大快活 (已結業)

中午諗唔到食咩好，突然醒起最近大快活推出50週年復刻餐，有葱油超巨大雞脾，打算試下係未真係咁大隻，而家用大快活APP有幾張8折優惠卷，係APP落單有好處就係可以自己揀唔要咩配料都得，我就將白飯轉做左意粉。冇配飲品8折完只需要$34.4 扺到冇朋友。返到屋企未打開已經係透明盒見到隻雞脾超重份量，完全對得起尼個價錢。食落每一啖都係肉，連埋葱油一齊真係好好食，但意粉食落味道就差D，冇咩味到，都係配埋隻雞脾先好D，下次再叫都係配返白飯感覺好D。…查看更多

今日放假休息諗住去建生呢間大快活食下午茶😠下午4點入去買咗個熱狗配春卷連紅豆冰,行到去水吧位畀飛職員,着住黑色制服個服務員唔知佢係咩職級😏大大聲講唔係你,我夠知吖都唔駛咁惡囉!影響我食嘢心情,好似唔憂做咁!呢區呢種快餐店服務係咁上下👎👎…查看更多

今日臨返工之前，提早啲去咗屯門建生嗰邊嘅大快活買早餐食，我叫咗雞扒早餐外賣，加多個細火腿通粉，集團式嘅餐廳出餐速度快就基本，唔使5分鐘就攞得，當然可能嗰陣時太早仲未有太多人。返到公司打開個外賣盒諗住食個靚早餐，點知佢個脆炸薯餅竟然轉咗三粒燒賣畀我，而佢竟然冇通知我，當然攞嘅時候冇睇清楚都有唔啱嘅，但係全個餐最好食嘅薯餅咁就冇咗真係有啲唔抵。個餐嘅味道冇咩問題，雞扒皮煎得香脆，燒賣正常味道，火腿通啲通粉冇話煮得太淋，正常早餐一個。…查看更多

今晚係公司附近的大快活用膳，睇餐牌款色都唔錯！最後揀咗火鍋，有兩個湯底選擇，肥牛肉質不俗也不太多脂肪，蔬菜也頗新鮮，其他就係一般打邊爐的用料，但足夠一個人食用的份量，而且價格一啲都唔貴！:)…查看更多

常餐係我常食的之選，今日同阿仔照常買常餐返屋企點，因為阿仔常餐先可以食得飽佢點知佢一開盒意粉 ，佢嘅外賣碗換得一半仲要常餐嘅價錢唔係下午茶 ，大活畀我嘅感覺係抵食夾大件 點解而家會變成咁…查看更多