大師傅粥品 (新都城中心三期)

營業中

休息中

新開咗唔係好耐，第一次試。要咗個生滾鮮牛肉粥、叉燒腸、皮蛋鯇魚片粥🐮 生滾鮮牛粥 $36牛肉都有六七片，幾滑！粥底已經好夠咪，唔使再調味，我自己鐘意加少少胡椒粉。🥚🐟皮蛋鯇魚片粥$32皮蛋大概三份一隻左右，鯇魚片唔係好大塊一般唔滑唔嚡，有細骨自己小心。🐷叉燒腸$20皮唔算薄，但係餡料好多，腸粉都滑，腸粉豉油唔鹹！同埋本身嗰個腸粉豉油一開始落得太少，叫樓面姐姐比多碟豉油我無托手踭。同埋佢哋個腸粉豉油本身有啲油分，怕食太油嘅要注意。Ps. 粥底好綿，食咗大半碗都唔會出水👍🏻

最近身體不適，在家煮了幾晚清淡粉麵來吃，這晚決定去大師傅食粥。平時多揀黃沙豬膶粥的我，今晚只有看的份兒。清清地吃鮮鯇魚腩粥，魚腩的熟度恰好，啖啖肉又夠嫩滑，帶少少鯇魚本有的泥味，但整體不會腥。粥底煲得夠綿而不稀。黃沙豬膶粥，豬膶大塊，份量充足。嚐了一片豬膶，煮得剛剛熟透，口感爽脆嫩滑。黃油滿佈粥面，好香！可惜我這次只能淺嚐。牛肉腸粉，腸粉皮夠薄夠滑，可惜牛肉沒香味，只靠澆在腸粉的醬油味。唯一不值得點的顯然就是牛肉腸粉啊！

黎食粥都不下數十次次次都食同一款生菜粟米瘦肉咸蛋粥次次落單我都話走蔥D呀姐次次都同我講話冇蔥既但次次碗粥黎到都有蔥既走蔥係咪真係咁難呀？忍左好多次我有比錢架 都係消費者丫定係d姐唔識咩係蔥呀？需唔需要對員工進行食材培訓？

新裝修之後第一次幫襯叫咗個豬膶粥加粉腸豬潤唔嚡口 好食粉腸加咗$8有三條其中有一條係苦感覺唔係好抵蝦米腸蝦米鹹左啲腸粉夠滑 幾好食炒米粉冇乜材 味道都好淡艇仔粥另加碎牛碎牛份量好多 溝埋落啲粥度好好食粥底綿滑

生病了想食粥，呢排總吃添好運，洪記又結業了，所以想試下大師傅。🌟叉燒腸 19甜醬油滿分！粉皮很潤，可🌟黃沙豬潤粥（生滾）+粉腸 36+6蔥和薑絲都給的很多，生病的人很需要！粥做的也很乾淨，還可以自己撒芝麻。豬潤比較大塊，咬下去脆脆又粉，不錯的。粉腸有點一般，不推薦即時粥比生滾要便宜，下次試試。門口也有油條/麵包等，看到也有食客打包走，下次也想試試。筷子有點髒，拉開抽屜看到頭髮絲⋯⋯bgm是普通話的網絡歌曲哈哈哈，蠻搞笑的，別有一種氛圍openrice上寫只可以現金，其實也可以八達通啦

屋企有人唔舒服就要食下粥清清腸胃啦😷今次就試下喺寶琳嘅大師傅粥品，外賣自取～由落單去到落嘢食都係around 5分鐘度，算係出得幾快。裝嘢食嘅盒夠硬淨、保暖同埋容易開。#窩蛋碎牛粥💰$30攞到返屋企依然熱辣辣，碎牛為白粥加添咗一啲鹹味，而窩蛋係半生熟嘅蛋，撈埋蛋漿一齊食口感十分不錯😋上面加埋蔥仲有啲辛辣感☺️#叉燒腸粉💰$20呢個叉燒腸粉真係好好食，腸粉嘅皮厚薄適中，就算攞到返屋企都依然好濕潤。叉燒無肥肉，每一啖都係好紮實嘅叉燒粒！#炸兩 (細)💰$16一樣腸粉嘅皮厚薄適中，加埋入面嘅油炸鬼，一樣軟硬適中有口感～睇埋個價錢，真係好抵食！

足料豬膶粥同炸兩，真係不得不提呢間老字號粥店！佢哋嘅豬膶粥真係好正，粥底綿滑，每一啖都充滿豬骨嘅鮮味，再配上爽口彈牙嘅豬膶，真係好滿足🤤！除咗豬膶粥，佢哋嘅炸兩都值得一試！炸兩炸得金黃酥脆，外皮薄薄脆脆，入面嘅油條香脆可口，再配上香濃嘅甜醬，真係好惹味🤤！價錢又合理，真係抵食夾大件👍！大家有機會一定要去試下，保證你唔會失望嘅！

香港人做咩都要夠快！我響步行去店鋪途中，用手機於外賣平台落單，點選外賣自取，原來跟直接到店舖落單係一樣價錢！而且店鋪唔需要收取外賣盒錢！雖然係唔環保，但係冇辦法！唔夠時間，不能堂食 。雖然係一間連鎖店，食物要能夠保持質素，好緊要！出餐好快，落單後去到 大約7-8分鐘，即刻有得攞！🙂 完全唔會浪費時間！😆下次有機會一定要試吓堂食！食物：好夠熱，攞到去屋企食定熱氣騰騰！職員：有禮貌，手腳好快，值得一讚！