大師傅粥品 (埃華街)

咁啱今日有啲唔舒服，經過大角咀見到一間粥舖，於是決定入去試一試！碎牛粥真係無得彈啊！牛肉碎醃到啱啱好，粥底綿到好似絲綢咁滑，熱辣辣一啖落去，成個人即刻醒神晒！皮蛋瘦肉粥皮蛋香濃又夠Q，瘦肉煮到一絲絲咁，粥底仲要煲到啱啱好，唔會太稀又唔會太稠，飲完個胃暖笠笠！叉燒腸粉啲腸粉皮薄到透光，咬落去滑溜得嚟又帶少少煙韌，裡面啲叉燒又多汁又香，甜鹹適中，點少少豉油已經無敵，每次嚟都必叫！蔥花炸兩腸粉外軟內脆，腸粉包住條脆油條，再加埋啲蔥花同甜醬，一啖咬落去，又脆又滑又香！XO醬蘿蔔糕一上枱已經聞到陣陣香辣味！蘿蔔糕煎到外皮金黃香脆，裡面仲保持到軟嫩，加上自家製XO醬嘅鹹香同微辣，仲有啲蝦米同乾貝絲！大師傅粥品 (大角咀)大角咀埃華街69號地舖…查看更多

今日專程到訪大角咀的大師傅粥品，一試這間開業多年的連鎖粥店。店面雖不大，但光猛整潔，牆上掛著簡約菜單，一目了然。今次點選了五款招牌菜式 🙂黃沙豬潤粥加蠔豉粥底綿密如絲，明火熬製6小時的白粥底果然名不虛傳。豬潤切得薄而嫩滑，毫無腥味，蠔豉鮮味濃郁，與粥底融合後更添層次，每一啖都「綿到化嘴」，正！帶子魚片粥加手打肉丸魚片新鮮無骨，帶子雖小但鮮甜突出，驚喜在於手打肉丸——彈牙爽口，肉香十足，明顯是每日鮮製。粥底吸收海鮮精華後更顯清甜，若魚片能再厚切少許更完美。XO醬煎蘿蔔糕外皮煎至金黃酥脆，內裡軟糯且蘿蔔絲分明，XO醬微辣惹味，帶出蘿蔔的天然甜味，比一般茶餐廳的版本更勝一籌！炸兩腸粉腸粉皮薄如紙，包裹著新鮮炸起的油條，外軟內脆。秘製甜醬與芝麻醬雙重加持，鹹甜交織，口感豐富，難怪每桌必點！豆漿冰凍豆漿豆香濃郁，甜度適中，完美中和炸物的油膩感，樸實卻見功力。…查看更多

呢排天氣轉涼，淋完雨又病🥺咳咗成個月，啱啱好番想食得清淡啲，成日經過公司附近呢間粥店裝修勁靚，今日一於黎試吓😚鮮魚腩粥🐟用新鮮魚片熬製而成的粥，鮮美可口，湯汁清淡北菇仿鮑片滑雞生滾粥🐣特別製作的粥，仿鮑片的口感滑嫩，搭配生鮮材料👍🏻👍🏻👍🏻牛肉腸用牛肉製作的腸類食品，口感彈牙，香氣四溢香煎蘿白糕外酥內嫩的蘿白糕，煎至金黃，搭配醬油或辣椒醬食用更佳豉油王炒麵炒製的麵條，香脆可口，通常搭配各種蔬菜和肉類…查看更多

位於大角咀埃華街❣︎大師傅粥品❣︎係一間食港式粥品嘅餐廳，裝修舒服簡約，款式選擇亦非常多👍🏻炎炎夏日🥵真係無咩胃口，自己煮野食，煮完都一身汗，食啖粥清下腸胃係最好選擇。❣︎北菇滑雞粥❣︎$38另外加左生菜🥬絲$5同豬肚$6，雞件非常嫩滑😋👍🏻冬菇大大粒😍豬肚份量亦非常多，洗得好乾淨，非常爽口。❣︎鮮鯇魚腩粥❣︎$39粥底棉密，魚腩鮮味😋油香十足，加埋半隻鹹蛋$5，令碗粥更加鹹香👍🏻❣︎豬潤腸粉❣︎$19豬潤非常爽口😋👍🏻腸粉又薄又透，沾埋辣椒🌶️醬來食超正。❣︎炒米粉❣︎$13炒米粉Q彈爽口唔油膩😋👍🏻每次食粥我都必叫。…查看更多

大角咀舊區有間[大師傅粥品]，店內裝潢光亮整潔，座位闊落舒適，食物價錢又好實惠，所以同個friend 入去試下。蒸燒賣$13.-/6粒熱辣辣口感軟滑柔韌，帶魚肉鮮味。油條 $10.-油條大條，口感鬆軟又香口。豉油王炒麵 $13.-炒麵乾身條條分明，醬油均勻鋪滿每條麵，加埋蔥段及辣椒醬，零舍香口。韭黃鮮蝦腸粉 $15.-腸粉皮滑，蝦肉彈牙，加埋韭黃及豉油，又香又鮮。叉燒腸粉 $29.-腸粉皮米帶香味，叉燒香甜咸鮮，帶少量油脂。香煎蘿蔔糕 $25.-蘿蔔糕煎至金黃焦香，口感扎實綿密。黃沙豬潤粥 $33.- (另加半隻皮蛋$5.-)厚切黃沙潤住得啱啱好，口感細膩爽滑，白粥底十分綿滑，米香味突出，仲有微微薑味。…查看更多

今晚屋企無煮飯，胃口又麻麻，所以就搵間粥鋪食，去到見到好多人叫外賣，之後就入左去食，等左一陣所有菜式就齊曬。❇️狀元粥粥底綿滑，食落去吾會得粥水，材料有豬心、豬肚、豬潤、豬粉腸、豬肉片，非常足料，爽口得嚟又咬得入都幾好味，同埋份量都多👍。❇️鮮鯇魚腩粥粥底熱辣辣，好食，大大碗有好幾舊魚腩，味道係好鮮甜，本人好滿意👍。❇️豉油王炒麵偏咸，用來配番碗粥一齊食就好啲，另可加麻醬，甜醬，辣醬來調味👍。❇️油條不停新鮮炸！香脆鬆化，一定唔會淋晒！👍。❇️XO醬炒燒賣8粒味道都幾特別，好似零食咁。❇️豆漿總括，呢間粥品店平靚正又好食！😌…查看更多

✨性價比太高的粥店✨.個個都話香港食野物價好貴，呢日俾我搵到一間平靚正的粥店！香港多間分店，我來到大角咀分店，地方闊落光猛，卡位座得舒服😌.點了艇仔粥，大大碗只係$25😍加$5仲有得加餸，加左豬紅同生菜，份量真的多到滿瀉！入口綿滑又足料👍🏻再點碟炒麵超級超級多！仲要$13！平到我以為自己睇錯價錢！再點埋腸粉和炸兩，$20有找！三大件xo醬蘿蔔糕，十分惹味又送粥，都係$28！.最後太平點到成枱都係，無諗過咁好食又大碟，性價比太高了吧，絕對係平民恩物😍太有良心的餐廳了！…查看更多

餐廳性價比挺不錯的，主打粥的價錢都不算貴，而且質素都挺不錯，份量又足。難怪晚上挺多人吃和叫外賣了。狀元及第粥（４０元）（加魚腩１０元）粥底非常綿滑，加上了豬心、豬肝，豬粉腸和豬肉丸，粥變得特別鮮甜，而且完全沒有內藏的腥味。口感也很豐富，豬心爽滑，豬肝爽嫩，粉腸粉嫩，豬肉丸彈牙。另外加的魚腩亦很嫩滑鮮甜。叉燒腸／牛肉腸／豬潤腸（１９元）腸粉都很足料的，全部都是只有食材沒有配菜的。叉燒和豬潤大大片，牛肉是肉碎，味道挺香的，特別是豬潤挺爽的。腸粉也很滑嫩。豉油皇炒麵（１３元）味道挺香的，炒得挺乾身，口感彈牙，份量也挺足的。油條／牛利酥／煎堆（１０元）每款的尺寸都很大，炸得完全不油膩，外脆內軟的。油條鹹香，牛利酥香甜，煎堆軟糯。…查看更多

大師傅粥品選擇多樣，味道都好有水準。🥢狀元及第粥粥底煮得非常滑，次次嚟親都必點及第粥，足料，大大碗，配料新鮮又唔腥，豬心有嚼勁，豬粉腸軟腍，個粥亦都好綿滑😍🥢手打肉丸粥 +蠔豉肉丸彈牙有鮮味，蠔🦪豉唔會好硬，質感唔錯，配上熱騰騰的粥。🥢炒麵麵條炒得入味，搭配醬料，味道唔錯🤤加啲甜醬更正。🥢牛肉腸牛肉腸口感滑順，肉味濃郁。🥢豆槳豆味ok🥢炸兩腸食粥必點，兩腸外脆內軟，味道香脆，搭配醬汁更好食。…查看更多

如果話屋企附近有間返唔到轉頭嘅粥店🏠， 一定係埃華街呢間「大師傅」！ 坐得舒服，價錢又合理，重點係每款粥粉麵都好足料😋。豉油王炒麵 $13炒麵炒得乾身，每條面都佈滿醬油，加埋蔥段及辣椒醬一齊食就最正😋。蝦米炸兩腸粉 $20油炸鬼炸得非常香口鬆脆，如果話個腸粉皮加埋蝦米，外滑內脆又香口😋。XO醬煎蘿蔔糕 $28蘿蔔糕口感濕潤軟滑，帶陣陣蘿蔔香味，表面煎至微微香🔥，混埋XO醬一齊炒，勁香又惹味🤤。XO醬炒米 $28米粉炒得乾身入味，又充滿XO醬香味，特別好食😋。黃沙豬潤粥 $33(另加半隻皮蛋$5)厚切黃沙潤住得啱啱好😋，口感粉嫩，潤味香濃，白粥底口感綿滑，米香味突出，加埋薑絲及皮蛋，特別滋味。豆漿 $9/支…查看更多

💫 皮蛋瘦肉粥 $25啲料超級多🐷應該最少都有半隻皮蛋🫶🏻由頭食到尾都係熱辣辣嘅粥，加埋胡椒粉仲正❣️💫 粟米生菜粥 $25呢個粥食落去會比較清淡🌽粟米有少少甜🥬生菜就比較有口感，鍾意食清啲同埋食素嘅朋友就唔可以錯過啦💕💫 炸兩 $18鍾意食炸兩嘅原因係會落好多醬！😂😂腸粉同油炸鬼嘅融合已經係經典🤙🏻仲要加埋甜醬同麻醬正正子🥸（可以自己落醬先係重點）💫 蔥花腸粉 $14唔使落醬料，就咁落豉油都已經好好食😋俾好多蔥花🤩仲見到啲姐姐攞成塊皮出嚟卷成腸粉🥢💫 牛脷酥 $10傳統粥舖小食🥳甜甜地又外脆內軟咁❤️🤣仲要大大嚿咁！💫 XO醬蘿蔔糕 $28XO醬裹面有蝦米好香🦐唔算係煎得好脆🤣💫 豆漿 $9每次嚟都肯定要叫一支豆漿！正遠豆漿嘅糖分冇咁高😍飲落重豆味🥰📍 大師傅粥品 (埃華街) (大角咀)大角咀埃華街69號地舖…查看更多

呢排愛上食粥品，加上最近太多飯局，都係要食得清淡會好啲！💎狀元及第粥 - 非常足料，有齊豬潤、豬心、豬肚同豬粉腸，食完好滿足💎鮮鯇魚腩粥 - 魚腩肉厚身嫩滑💎牛利酥 - 外表脆，味道甜甜地，非常有質感💎蠔油生菜 - 生菜好嫩💎鹹肉粽- 餡料有五花肉、咸蛋黃，當然仲有綠豆，糯米口感綿密軟嫩💎豆漿 - 最鍾意店舖用枝裝，非常方便，當然味道係ok的！整體地方光猛，價錢親民，上菜速度又快，店員服務態度很好，原來這間店舖仲有好多分店，咁下次食粥品又可以有多啲選擇！…查看更多

週末同媽咪一齊食早午餐，佢一早就話想食粥，真係立即考起我，因為現時香港的粥品店真係買少見少，上網搵一搵，發現屋企附近有一間粥店，一於一齊去食吓~粥店環境整潔明亮，員工態度親切，與顧客似朋友般熟稔，感覺大加分!🌟狀元及第粥($40)粥品選擇好多, 除了一般家傳戶曉的粥品如菜乾豬骨粥、皮蛋瘦肉粥、艇仔粥、狀元及第粥等外，亦有其他新口味的粥，如素食的生菜粟米粥、粉腸粥、帶子粥等等,選擇種類好多。我就叫咗狀元及第粥，粥上枱時夠熱，粥有米香及濃稠，非常的綿滑，而且粥料非常的多, 滿滿的一碗, 食完超滿足🤩🌟黃沙豬潤粥，加肉丸($33+$6)媽咪就揀咗黃沙豬潤粥，另外再可以加錢加配料，完全tailor made 個人口味的粥。👍🏻粥底一貫的充滿米香及綿滑，媽咪話黃沙潤煮得剛好，不會太生，而肉丸亦很彈牙。🌟炒麵($13)食粥當然要配炒麵，炒得爽身,麵身爽口,帶豉油香, 配粥一流💯🌟蔥花炸兩腸($19)現時好少有炸兩食,呢間做得不錯,除咗一般的炸兩外,仲有蔥花及蝦米炸兩選擇。炸兩的份量相當充足,而加了蔥花的炸兩, 更加的香,加分!腸粉皮有米香,煙韌有口感,包著厚實的油條,當然一定要加埋麻醬,甜醬,辣醬,才是最好味的味道!🌟油條($10)油炸鬼配粥是指定動作，超大的一條，份量十足，炸得好香但一點也不油膩…查看更多

收工仲趕得切食碗熱粥～晚上9點路過，呢間街坊粥鋪依然燈火通明✨ 岩曬夜歸嘅打工仔絕對夠鐘來醫肚～ 😍🥣 生滾豬肚粥+生菜絲/皮蛋/瘦肉絲豬肚處理得超乾淨，咬落爽脆冇異味，份量多到好似食極都有😲 粥底綿滑到似絲綢，皮蛋半流心嘅濃郁同生菜絲嘅清新完美配合，加埋胡椒粉簡直系靈魂所在～🍳 雞蛋腸粉雞蛋鋪滿成條腸粉，每一啖都系蛋香🥚 甜豉油同芝麻嘅配搭簡單又經典，想要口味清清地可以揀佢～收工食到呢個質素真系感動～ …查看更多

好多街坊都鐘意呢間嘅粥麵店#大師傅粥品 ！staff親切之餘，地方光猛闊落，內有粥，小食和飲品，價格合理，好食之餘冇失手！我哋決定在此晚餐。✅牛脷酥食落重脆卜卜，甜甜地，味道唔錯!! ✅炒麵食粥清清地，梗要食埋「豉油皇炒麵」，一上枱就出晒煙，重豉油味，炒得好乾爽唔油膩，好有鑊氣👍🏻✅牛肉腸腸粉即叫即蒸，新鮮熱辣，腸皮唔算太厚，都幾滑，裏面包著滑牛份量十足。✅黃沙豬潤粥 - 粉腸豬潤粥底好綿密，豬潤大件份量又多，入口滑嫩爽口，色澤帶淺啡，鍾意食豬潤粥嘅朋友一定要試吓！✅鯨鯇魚腩粥粥底好鮮甜，試左舊魚腩，雖然有魚骨，都算大嘅好易搵，慢慢食唔洗驚，怕魚骨嘅人係岩食嘅!!✅豆槳 …查看更多