大小姐冰室

營業中

休息中

放假一家人去食個 brunch，位於公主大廈嘅大小姐冰室位置方便，見入面坐滿晒人，門口都有幾個等緊外賣，加上餐牌早餐好多款式，食落果然係信心保證馬來沙嗲牛肉公仔麵 $45 深啡色濃濃沙茶醬，鹹香好有馬來風味，牛肉肉大大塊勁足料，配炒蛋同丹麥多士都係熱辣辣冇揸流攤蕃茄濃湯牛肉通粉 $45 粉麵餐勁犀利可以好似車仔麵咁係咁加餸😂 仲要全部都唔hea，見過蕃茄湯清清地加咗勁多餸一家人share雞扒 +$8 香煎金黃冇雪味好出色白豬仔餐肉 +$5 煎到脆卜卜放喺蕃茄湯面泰式滷水雞翼2隻 +$10 食落唔似泰式，就係普通滷水雞翼，係幾好食薯餅 +$5 早餐必食邪惡之選，金黃酥脆營養麥皮餐 配 芝士火腿三文治 $34麥皮冇咩落糖，唔知問佢攞兜煉奶使唔使加錢，不過我就鍾意麥皮原味，加上牛奶香滑已經好正，加$5有一兜果仁，浸落去一齊食，更有營養更飽肚。至於個三文治望落去有少少削，但食落又OK，麵包軟熟，芝士夾火腿都唔差特色豬扒包 $38 豬仔包比較厚身，但食落好脆唔難入口，包住多汁豬扒、蕃茄生菜同沙律醬勁開胃！茶記都有得飲即磨咖啡！跟餐同凍飲一樣+$3，即磨嘅係唔同啲勁香

今日接個friend放工，去咗依間冰室食飯，環境幾舒服，價錢親民又貼地。最重要係啲嘢食真係性價比之王！🧡黑椒茄子牛仔骨煲呢個煲仔一上枱，香氣撲鼻，店員仲好貼心叫我哋坐遠少少，因為仲係熱辣辣上枱啲汁驚炸到我哋。黑椒嘅辛辣同茄子嘅軟糯一齊爆發，牛仔骨炆得夠入味，肉質嫩滑又唔會太肥，咬落去仲有啲骨邊嘅膠質，口感好豐富。茄子吸晒黑椒汁，濃郁得黎唔會過鹹，配飯食一流！我同朋友都覺得呢個煲係全晚嘅亮點，熱辣辣端上枱，冬天食特別暖胃。🧡鮮果咕嚕肉呢道菜真係色香味俱全！咕嚕肉炸得金黃酥脆，外面薄薄嘅脆漿包住嫩滑嘅豬肉，咬落去仲有啲汁爆出嚟，酸酸甜甜好開胃。加咗新鮮菠蘿一齊炒，甜味好自然，食多幾件都唔會覺得膩，朋友話下次再嚟都要再點呢味！🧡是日燉湯 - 黨參赤肉雞肉湯一上枱就聞到淡淡嘅藥材香，飲落去清甜又滋潤，而且10分足料黨參同赤肉燉得好出味，湯底濃而不濁，雞肉炆得軟腍，啖啖都係精華。呢個湯好似屋企燉湯咁有心機，飲完覺得成個人都暖晒，特別適合忙碌一日後嚟補補身子。我同朋友都一致讚好，話呢個湯真係有養生feel，絕對值得大家一試！🧡金銀蛋浸時菜（白菜仔）我哋時菜揀咗白菜仔，呢道菜簡單但好有驚喜。白菜仔浸

今天跟老公送完囡囡上學不用趕著上班，就到旁邊的大小姐冰室吃個豐富早餐。我們共點了兩份早餐，都有送飲品，另外如有需要亦可額外優惠價加食物。我點的馬來沙嗲牛肉公仔麵餐麵底加$5轉了辛辣麵，非常正確的選擇，麵不會淋身，配點辣人都精神點。配的煎雙蛋內裡流心，加$5轉了薯餅茄汁也不用點，點些蛋汁已很美味。另外我還加了$5要了白豬仔餐肉，雖然只有半塊，但餐肉味濃郁，而且煎得香口。老公點的全日扒餐要了雞扒，配煙肉、炒蛋、雜菜、蕃茄、粟米粒和丹麥多士，超豐富呢﹗雞扒和炒蛋很滑身，煙肉不會死鹹。這個餐不止在早上提供，去到晚上九點半都可以點呢﹗兩個人坐在卡位再慢慢喝完熱檸蜜跟熱即磨咖啡，令今天有一個很好的開始。之前聽聞大小姐食物質素一般，但今天試過覺得比想像中好，可能是看到OPENRICE食評自我改進了，哈哈。 

【東區】【大小姐冰室】我上司春哥又升職，都唔知仲有幾多機會可以好單純咁一齊食吓嘢。講到好似好傷感咁，我個人係相信佢縱使之後升無數次職，都會樂意同我呢啲低級職員一齊食飯嘅。而今次佢都係喺有食飯嘅情況之下陪吓我食啲嘢咁，係非常抵得諗嘅，因為係我未食嘢。所以佢就好輕手咁叫咗個「下午茶餐」，揀咗 $35 嘅「傳統西多士」，亦都如佢所願唔算好大份，不過我試咗舊，覺得都唔錯，粗粒花生醬都落咗幾多，切到中間滿晒出嚟。飲品方面佢加 $3 飲「凍檸茶少冰」，屬於正常茶餐廳水準，冇驚喜但係唔算差嗰隻。我就食 $88 嘅「經典西冷牛扒」，餐牌寫到得下午茶時段先有，又唔差喎，唔係「茶餐廳爛鬼薄牛扒」，有水準。配菜薯條、沙律或薯蓉之中揀咗「薯蓉」，好味嘅，嘢飲「熱奶茶多奶」未算頂級但可以。埋單 $126，侍應夠幽默，用「康熙嘅刀」切扒，正。。。（地址：北角炮台山英皇道165-175號公主大廈01及10-13號地舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hke

大小姐茶記食過幾次，近次食好似越嚟越進步涼瓜炆黃立倉涼瓜唔係個個人都岩，反而佢係我最愛，今次呢條黃立倉好大條，佢煎炸到金黃色再淋匙汁上去，幾惹味！秘製咖喱牛腩煲個侍應一拎到埋嚟，個煲牛腩又大又多，淨係睇見到非常超值，咖喱做得非常惹味，牛腩炆得夠腍又入味。上湯雲腿扒娃娃菜高湯濃郁好味，娃娃菜煮得好腍。百花釀炸蟹鉗蟹鉗炸得外脆內軟，蟹肉又多，非常正。是日燉湯-海底椰燉雞湯燉湯一啲味精味都冇，足料炮製，彷彿好似住家湯一樣。華田暴龍脆脆 呢個非常之有驚喜，加$9就有一杯大大杯華田暴龍脆脆，味道濃郁，加上美祿粉，配合適宜爆珠雜果賓治雜果賓治加爆珠，係前所未有咁夾，每飲一啖都又有粒爆珠喺個口度爆開，感覺好爽，一定要再試。

今日去港島區出沒，梗係要食個靚早餐先啦☀️ 呢個全日早餐好豐富，可以揀牛扒雞扒魚柳我就揀咗魚柳，新鮮嘅魚柳好鬆軟🎣配合沙律醬 大大塊，而且熱辣辣炸出嚟 夠晒新鮮然後就有滑捋捋既炒蛋 & 香甜既粟米🌽大量既沙律菜 + 芝麻醬、蕃茄🥗煙肉🥓 薯餅🥔早餐嚟講，呢個茶記嘅高級早餐$68 性價比高 好俾佢咗西餐廳食過all day Breakfast一樣加多杯鴛鴦，有咖啡味亦有奶茶味，夠平衡😉😉😗😗另外都有其他茶餐廳經典嘅早餐

今日試左位於炮台山既大小姐冰室，食物款式真係包羅萬有，泰國菜都可以食到。- 西班牙特濃朱古力咖啡咖啡好大杯，味道唔算太甜，上面有一層好厚既忌廉，非常邪惡🥰。- 星洲炒米上菜時不斷冒煙，證明即叫即妙，鑊氣好足夠。米粉炒得好乾身，配料好豐富有蝦、青椒、火腿，咖喱味幾香濃，味道唔算太辣，最勁係仲充滿蛋香，真係超好食👍🏻- 椒鹽豆腐一碟有超過十五粒豆腐粒，外皮香脆粉薄，炸得好香口，加埋香辣既椒鹽，令人忍唔住一口接一口。是日燉湯好有驚喜，佢唔係平時茶餐廳是日例湯，佢係真正既燉湯，味道非常鮮甜，而且好多湯渣真係落足料。大小姐冰室正正係我女友屋企樓下，而且開左幾耐，女友一直話麻麻所以我都無試。不過今次食完令我喜出望外，食物款式超級多。

幾鍾意呢度坐得舒服，幾乎全卡位有返d privacy，入面仲有大圓枱，約一圍人食都冇問題😊另外就係鍾情呢度性價比好高，晚餐小菜，跟飯、湯、熱飲，好多鑊氣小炒、高質素好好味話時話，姐姐勁好，知我哋叫3個小菜，但唔食咁多飯，佢主動提議將原本$148嘅雲吞雞鍋餐，改做$128淨小菜，多咗$20就可以升級飲到燉湯，真係要多謝姐姐😬雲吞雞鍋半隻 $128砂鍋雲吞雞鍋，一上枱比佢嘅size嚇親，好大鍋🤣鍋大之餘，內裏都貨真價實，用料十足， 足半隻雞，令到湯頭充滿清雞香味，雞件亦十分之嫩滑，雲吞好正，大大粒，兼爽口彈牙。碧綠龍躉球 $118龍躉炒球火喉十足，用料新鮮。平時打邊爐都鍾情龍躉，依家炒西蘭花，啖啖肉得嚟魚味濃郁，魚皮煙韌；而西蘭花就吸收龍躉精華，清甜爽脆。椒鹽虎蝦 $118見openrice食評大讚呢度嘅小炒風味，所以特地揀呢個椒鹽虎蝦，果然很有大排檔風味👍🏻上枱見到個樣就知對板，滿滿的避風塘料子，令蝦身佔滿蒜蓉辣椒香，加上外層炸得酥脆，真係殼都唔使剝，直接一口咬下，增份外滋味😋燉湯 +$10估唔到冰室都有提供燉湯，好彩姐姐嘅細心安排，小菜套餐加十元就可飲到，推介大家一定要試下。今日這款淮

話說上星期搵食嘅時候發現咗呢間大小姐冰室，一入去就被個舒服嘅環境吸引住，裝修以簡約風為主，坐位夠闊落，完全冇俾人局促嘅感覺！👍🏻今次我哋點咗幾味餸，首先係蜜椒牛柳粒！牛柳嫩滑又夠彈牙，個蜜椒醬汁調味恰到好處，香甜中帶微辣，配飯一流！🥩✨第二道係金銀蛋時菜，簡單嘅炒青菜加埋金銀蛋，清甜爽口，啲鹹蛋同皮蛋令成個餸味道層次豐富咗好多！🥬🥚最後推介嘅係椒鹽虎蝦，外皮香脆，蝦肉新鮮彈牙，椒鹽香料調味好出色，令人食完想再叫多一碟！🦐最欣賞呢度價錢合理，份量十足，連兩杯特飲同炖湯都足料大份，真心推介大家搵日去試下！

聽聞北角大小姐茶餐廳之前評價一般，但最近聽說有改善，於是決定去試試。 佢哋嘅環境勝在夠寬敞舒適，地方夠大，即使多人聚餐都唔會覺得逼迫。 今次嚟嘅時候，就見到有其他客人一行12人一齊嚟聚餐，氣氛熱鬧。今次一行人叫咗幾款嘢share：越式蔥油雞（半隻）： 雞皮油潤，雞肉嫩滑，蔥油味香，加埋越式酸甜汁，幾開胃。 份量都幾多，幾個人share都夠食。是日燉湯： 呢日嘅係例湯，但加$10就可以轉燉湯，抵！ 燉湯夠火候，味道唔錯。冬菜蒸黃花魚： 黃花魚蒸得幾好，肉質鮮嫩，冬菜嘅鹹香味滲入魚肉，味道幾夾。上湯雲腿扒 生菜： 生菜新鮮爽脆，上湯味道清甜，雲腿增添鹹香，正常發揮。百花炸醇蟹鉗（兩隻）： 估唔到茶餐廳都有炸蟹鉗！ 外皮金黃酥脆，整體味道都OK，點埋酸甜醬，幾惹味。華田暴龍脆脆： 甜品控必試！ 華田味濃郁，加上脆脆嘅口感，夠晒豐富！另外，服務姐姐嘅態度都幾貼心，好健談，會介紹啲嘢食。 夜晚餐單包例湯、白飯同埋熱飲，加$10就可以轉燉湯，都幾划算。

呢家大小姐冰室平時去開食下午茶，因為出邊位置可以帶埋毛孩，都幾好👍🏻呢晚同老婆行過見到佢嘅晚飯小菜都幾吸引，就決定坐低試吓。估唔到連素食都有👍🏻乾炒牛河 部色澤都幾吸引，唔會油笠笠，同埋個底都多牛肉，都炒得幾入味，加埋豆瓣醬仲好食。Siri Siri開燈Siri熄燈。 Siri，熄燈Siri開佢地都有全日早餐，都好豐富。揀咗雞扒，配煙肉、炒蛋、雜菜、蕃茄、粟米粒、薯餅。 炒蛋有流水感，幾好味。跟餐送熱飲，揀咗熱奶茶。

都係果句，飲嘢前係要打底嘅。由於都係飲cocktail ，我地唔需要放舊牛油入口，食飽就夠，最多唔飲嘢啦！聽講大小姐之前食物質素麻麻哋，不過睇到門口Menu，有嘢想食，所以堅持入去試伏。好彩呢度啲嘢係Ok嘅，相信依家有進步，比想像中好超多，嚇死寶寶了！舖頭門面係咁樣雲吞雞煲 $148雖然雲吞雞係湯，不過呢度叫雲吞雞煲，係有例湯同白飯一碗。呢度係簡易做法，將雞肉浸喺雞湯上面，然後放雲吞，幾鍾意呢種做法，起碼啲雞肉係食到嘅，唔係煲湯雞。呢度嘅雲吞係港式做法，蝦都幾多。同埋原來食完雲吞，浸左好多娃娃菜，都算足料。百花炸蟹钳 （2隻）$70百花即係蝦膠，外皮炸得乾身，裡面包嘅蝦膠，係幾爽，如果想食得清爽啲，可以點埋隔離個糖醋，酸酸甜甜，又一番風味。肯定好過街市凍肉舖，果啲魚漿產品。菠蘿海鮮炒飯 $108菠蘿海鮮炒飯，真係好多海鮮。黃薑粉炒飯炒得幾乾身，海鮮有魷魚、蝦仁、蜆肉同鳴門卷，呢間無落雞肉再炒，反而有三色豆，加多少少港式炒飯嘅感覺。唔錯但偏貴，$108應該貴在兩隻青口，方便俾我地打卡。總數 $326

大小姐冰室以現代化嘅設計為主調。裝潢一啲都唔似傳統嘅舊式茶記，反而好光猛整潔。聽講之前食物質素麻麻哋，但其實比想像中好薑蔥霸王雞啱晒香港人口味！雞皮滑溜溜，雞肉嫩滑又多汁，完全唔柴。薑蔥味道非常出色，非常惹味，配埋一碗白飯，簡單又滿足。沙嗲金菇牛肉煲沙嗲湯底濃郁，帶有微微嘅辣度。牛肉片切得夠薄，煮完都保持嫩滑，金菇吸晒沙嗲汁，口感滑溜又入味，特別滋味。鮮果咕嚕肉呢個茶餐廳經典有啲新嘗試，加入咗菠蘿、蜜桃，酸甜嘅果味帶出咕嚕肉嘅層次感，特別清新。肉件炸得外脆內嫩，包裹住酸甜醬汁，唔會油膩，食完令人開胃。花旗參燉湯湯底清澈見底，唔油唔膩，花旗參嘅清香滲透湯底，飲落去有一種自然嘅甘甜味，飲完覺得滋潤又暖胃。

北角好多寵物友善嘅地方不過帶住🐶食飯多數選擇都係西餐Cafe今次就跟其他狗友揾食試左主打特色小菜、海鮮嘅冰室🤤 🥢百花炸釀蟹鉗(2隻起🦀)✨🥢豉汁蒸白鱔✨🥢豉油王虎蝦✨🥢椒鹽鮮魷🥢羊腩煲(小)✨🥢上湯雲腿片扒娃娃菜晚飯記得升級燉湯(+$10)，勁足料🤩 知道餐廳設有室外位，特登提早book 枱，難得可以帶🍗一齊食中式小菜，一坐低店員就拎左餐具同水杯俾雞髀，仲請佢食🥚👅so sweet！！！ Order左幾款海鮮招牌菜，炸釀蟹鉗同蒸白鱔真係好驚艷！先講百花炸釀蟹鉗，外層炸皮又薄又香脆，點自製酸甜醬食，有一定的中和，而且蟹肉彈牙，比起其他中菜餐廳更勝一籌👍🏻 另外，豉汁蒸白鱔係令小妹流哂口水嘅其中一個菜式，每舊鱔都肥美厚肉，咬落彈牙爽脆，配豉汁蒜蓉汁，令鱔魚食落更鮮味！所有小菜都好出色🤤🙌🏻

I had high hopes for this restaurant, but the experience was marred by the abysmal service. Upon entering, we were left standing for an unreasonable amount of time before anyone acknowledged our presence. The staff seemed disinterested and unresponsive to our needs. It took nearly 30 minutes for our drinks to arrive, and even longer for our food, which was a shock considering the restaurant wasn’t particularly busy. The server was inattentive and dismissive when we tried to address our concerns.