大將 (已結業)

當時呢間店選擇左2個湯底 番茄同 芫荽番茄🍅湯底比較濃郁 芫荽湯底就顏色十分顯眼煮起上黎感覺不大美觀 我都係覺得番茄湯底比較好味😋另外令我驚訝就係蟹棒真係好大條 根本成個迷你鍋都裝唔曬 不過味道還不錯仲有相對於雞肉同五花肉 我比較喜歡北海道和牛 肉質鮮美 雞肉就滑身為主還有提供一些自助餐式的熟食同飲品甜品 不過不失 可以推薦大家試試

今日同好耐冇見嘅朋友敘舊，佢話好想打邊爐，於是我就俾佢揀去邊度啦！佢話佢想去top 行街，於是就揀咗top food court入面既火鍋店打邊爐。呢間店似乎都幾新，入邊嘅裝修偏向簡約風，睇落都幾舒服，一入去已經見到自助區，入面就有好多位。我哋揀咗第二高級嘅日本黑毛和牛套餐，價值$428 ，可以食150分鐘，即係2個半鐘，喺香港有得任食日本黑毛和牛真係少見。一坐低已經見到有幾份食物等緊我哋，所以湯底到咗之後都唔使再等，一嚟就可以煮。和牛脂肪紋靚，五花腩紋理都唔錯，食落好味。佢嘅雞肉滑，係脂肪比較多嘅雞肉。湯底方面，我第一次是椰子雞，有驚喜，清甜。蕃茄湯底都好耐，不過打打吓就會越嚟越淡，如果茄湯底可以有返同一隻湯就更好。呢度肉類都有幾多選擇，我哋主要當然都食和牛啦，另外見到佢有其他肉都好吸引，例如美國prime等。自助餐佢唔需要行太遠，都方便。唯一係佢叫野食一定要等職員過嚟先叫到，冇得QR code落單。順帶一提呢度比較特別嘅應該係佢自助餐有得自製窩夫，見到人哋整出嚟賣相都好靚好似唔錯，不過因為我已經好飽就無整啦。非常飽滿嘅一餐。

叫左$298個餐，冇QR code落單已經好差好唔方便！黎左一次啲肉，已經冇人手落單再叫野食！叫左個女職員落單一次，食物冇黎！再叫個女職員跟，佢話會跟，食物冇黎！我哋要自己行去counter搵個男職員落單，見佢即刻落左單，但食物都冇黎！貴餐多嘅食物全部無！唯有叫個男職員改翻平餐，佢態度都幾好，接受嘅。但個女職員就態度惡劣，大大聲話自己有跟，但冇貨賣又唔出聲，0交代，推卸責任俾廚房，0服務態度，好差！冇下次！劣呀～俾錢買難受～

經過旺角T.O.P間餐廳竟然播「世界が終るまでは…」，就揀你啦！有品味呀～ 同屋企人烚吓烚吓烚走啲唔好嘅嘢，迎接新嘅一年，最緊要大家身體健康㊗️新年快樂🎉💮日本黑毛和牛食到屋企人舔舔脷，入口融化，脂肪比例恰到好處，一人一鍋湯底，強推椰子🥥雞湯，令到肉質更鮮甜，配合菜菜子食法都好夾🤤 佢嘅自製窩夫🧇好玩又好味，我食咗兩底，可以自己揀醬汁同配料，出嚟嘅效果好正🤍適逢新年佢哋仲有一個糕點時光禮盒買$79，包裝都幾得意！勁耐冇食過叮叮糖、牛耳餅，估唔到呢一度會有得賣，唔知呢間花生糖，係唔係細個嘅味道呢？撥打敏電話#火鍋 #日式火鍋 #火鍋放題 #日式放題 #任飲任食 #和牛 #放題 #日式涮涮鍋 #播咗一小時SD歌 #之後再播FirstLove #窩夫好玩又好味

旺角一人一火鍋呢排天氣得番十度，緊係要即刻打邊爐啦🍲今次去旺角行街shopping順便搵食，見到有一人一鍋即刻試吓～餐廳環境寬敞舒適，晚上人多，記得book位。餐廳有自助醬料、飲料、菜、配料自己拎。自助區種類繁多，麵類、蔬菜、丸類等，最特別係有自助軟雪糕機和窩夫機，可以自己整甜品。日本黑毛和牛120分鐘放題每位$428+1，一開始會比四款唔同嘅肉客人試，覺得好食就再叫😋有黑毛和牛、美國三筋肉、和牛肩胛肉、阿古豬五花肉片和昆布漬雞肉等等湯底方面，我加咗$10揀四季文昌椰子雞湯，比想像中清甜，而且充滿椰子香味，煮娃娃菜好好味，值得一試。另外，蕃茄濃湯都幾好味，酸酸甜甜，味道濃郁記得留肚食甜品，自己整窩夫🧇雪糕🍦好玩又好味，整完之後加入朱古力醬，再唧軟雪糕（雲呢拿和朱古力味）記得加埋朱古力脆脆玉米片，增加口感，更加滋味飲品除咗有支裝鴻福堂，仲有自由斟汽水系列：可口可樂、檸檬茶、芬達、雪碧。另外仲有咖啡機、熱朱古力等等。服務質素：7/10環境舒適度：7/10ᶘ ᵒᴥᵒᶅ個人口味評分：7/10

一人一火鍋，可以唔洗遷就，就可以揀自己喜愛嘅火鍋湯底👍🏻👍🏻-火鍋配料，例如各式蔬菜🥬烏冬，拉麵，公仔麵🍜各款肉丸都係可以係自助區自取，蔬菜款式有好多選擇，可以慢慢揀👍🏻同侍應會不停refill唔怕無得食😂-飲品區有多款鴻福堂涼茶任飲🤩有無糖烏龍茶-醬料區請問有好多款醬汁任君選擇，不過值得一提大將有一款椰子芫荽汁，好特別，因為有好香濃既椰子味🥥同淡淡既芫荽味，點肉點蔬菜都好岀色😋😋-椰子雞湯椰子雞湯好清甜，因為大將係用上Jax coco 100%純椰子水🥥去做湯底，加埋嫩滑嘅雞件，令湯底更加鮮甜😍😍-黃金壽喜燒甜甜地既黃金湯底，配一隻日本生雞蛋，簡直係絕配-一坐低揀好餐侍應就會拎一份日本黑毛和牛同阿古豬五花肉片同昆布漬雞肉-阿古豬五花肉片爽脆，昆布漬雞肉嫩滑-日本黑毛和牛有好香濃既牛肉味，每一片都切得很薄，有手掌咁大都肥瘦均勻，只要輕輕灼幾秒就食得，好柔軟嫩滑，好Juice，真係入口即化🥰🥰不停咁無限encore😂-杭州黑魚片好嫩滑，新鮮有魚味好好食😋-海鮮拼盤有大蝦同青口，好新鮮👍🏻-蝦滑好彈牙，好濃蝦味，食完又再食😂-甜品有自助窩夫，自助唧雪糕機，不過好飽已食唔落，不過見到其他人玩

今日同女朋友黎到旺角天氣凍我地都想打邊爐就俾我地見到呢間任食放題決定入去試下有多款套餐和湯底選擇，每一款都有特色最重要係一人一鍋，不需跟人分享另外有糕點時光禮盒售賣，只售$79 丸類，蔬菜同醬汁等都係自助椰子雞湯椰子味極濃郁，用上大量椰子同雞既鮮味好匹配好鮮甜，飲到停唔到花生沙嗲湯用上花生製成既沙嗲湯另有風味有種沙粒感，我好喜歡湯底好濃郁日本黑毛和牛牛肉好新鮮，呈鮮紅色一睇就知高質淥5秒就食得肉質嫩滑，油香十足阿古豬五花肉油花好靚食得好香口炸雞熟食都有水準外脆內軟，有肉汁

天氣突然急降溫，凍凍地梗係想打邊爐啦🥘所以即刻做個frd即刻shabu shabu，呢度好正㗎仲可以一人一鍋😏想食咩湯底都得，一個食辣一個唔食辣都唔洗驚👍✨我就叫咗個呢度比較出名嘅四季文昌椰子雞湯，朋友就叫咗蕃茄湯，我地試左個日本黑毛和牛120分鐘放題，都幾多嘢食㗎😊🤗椰子雞鍋湯底好清香椰子味🥥，湯色清澈，有椰子片再伴上嫩滑嘅雞髀肉，冬天食真係好補，又唔會話好熱氣👍當晚都叫咗唔少嘢，包括有：🔻黑毛和牛正咁賣相都好吸引，放題質素嚟講有中上，另外油脂都均勻🔻阿古豬五花肉片脂肪分佈平均，都有唔少肥豬肉，厚薄一致，食到油香，肉質好嫩🔻海蝦size正常，每隻都差唔多，幾有誠意🔻牛肩肉牛味好重，肉質亦都非常之軟腍，一啲都唔會un🔻羊肉呢個不得不提，超級無敵重羊騷味🐏食羊嘅朋友一定要試下，每塊都好大片，足料🔻蝦滑另外，佢地有賣糕點時光禮盒，只售$79🥰👍

天氣凍諗唔到食乜，最後好邪惡去左一人一鍋打邊爐xD, 㨂左日本黑毛和牛，任食150分鐘。有我最愛既椰子雞湯底，仲係四季文昌雞，幾滑幾好食。自助區分左蔬菜，同丸類。丸類都幾多，最鍾意食年糕褔袋，同埋芥末蟹籽丸。另外干貝燒，蜂巢豆腐都唔錯，可以索下湯。除左汽水機，仲有細支裝鴻福堂野飲，飲下竹蔗茅根清下熱。小食都有幾款，有炸雞，甜薯，沙律，煎薄餅等等。 個炸雞熱辣辣外脆內軟，甜薯我就最鍾意配雪糕食。主打一定係食黑毛和牛，望落幾靚，邊位有d肥油，食落好香同埋特別滑，encore再encore.除左和牛，昆布漬雞肉都好滑，五花肉就肥得黎夠爽。海鮮拼盤有青口，蝦，同埋細八爪魚,我自己最鍾意就係青口。 另外蝦滑有驚喜，好彈口，好似食緊蝦餃嘅感覺.最後食埋個甜品，出面有窩夫機可以自己整，分半鐘就搞掂。 我鍾意食呢種軟綿綿既窩夫，就咁食乜都唔加甜甜地已經好食。雪糕就似沙冰既質感，食埋已經好飽。 出面其實仲有幾款甜品杯，不過已經食唔落。

食過黑毛和牛之後真係好難返轉頭！嗰種輕盈嘅油花質感加上濃郁嘅牛肉香氣，真係諗起都會餓！所以，日本黑毛和牛120分鐘放題我們又來了！呢度打邊爐真係好好，一人一鍋，自己揀自己鍾意嘅湯底，又唔使擔心食人哋口水尾，所以特別鍾意呢度打邊爐！今次湯底選了四季文昌椰子雞湯，真係落咗真椰子肉同埋雞去煲，配搭特別好味，推介推介！揀得最貴嗰餐梗係要食日本黑毛和牛肩胛肉，塊塊雪花都靚到不得了，鮮嫩嘅粉紅色配搭均勻嘅白色條紋，每一片都足足手掌咁大，由於薄切，大概灼10秒就可以食，再點上辣椒豉油，一片塞滿成個咀，勁滿足！雖然油花咁勁，但係識落完全唔會覺得肥膩，好神奇，一盒有兩塊，足足encore左六次😂特選牛腹肉都係唔能夠錯過，食起嚟比較輕盈，同埋有牛肉味，都嫩嘅，我都幾鍾意食㗎！老公就話西班牙五花肉片啱晒佢心水，軟綿綿嘅口感喎！當然熄咗好多款唔同嘅美食啦！蝦滑、即炸午餐肉都係人氣食品！自助區都有好多食物，超過10款蔬菜、炸雞、多達20種丸類、飲品、甜品都應有盡有！我仲玩咗自製格仔餅，原來好容易， 2分鐘就整到，配搭埋焦糖醬同埋提拉米蘇，有得玩，又好食，真係冇得彈！原來仲有糕點時光禮盒售賣，只售$79，見幾得意

朋友之前食過哩一間，係旺角話唔錯，係一人一鍋、一於同朋友一齊去試下，係TOP商場，非常方便，而且容易穩。一落電梯就見到一人一鍋令到可以選擇自己鐘意既湯底，唔驚朋友唔岩👍🏻哩個真係非常好餐牌150分鐘有3個唔同Leave選擇$298美國牛肉/ $428 日本黑毛和牛 /$498 日本和牛上肩肉我地選擇佐$日本黑毛和牛、剩係頭盤都差唔多有20樣食物😍 黑毛和牛🐮肉質食落 入口即化，靚牛 ，除佐頭盤多樣，另外出邊自助款式多非常多，丸類同菜類都成10幾20種 😍食物質量都非常好👍🏻下次要再黎食👍🏻

鍋湯底又矮又細 肉一碟得兩塊湯底無味 全加味精水啲菜全部又黃又黑炸物無晒又唔加調味位置無標籤 唔知乜野打乜野人手唔夠 又要人手落單 加得湯支黎又落唔到單落到單黎 又收唔到枱本身想食和牛餐係門口望左兩望見到唔對路都係食返個平價餐真心無下次咁都開到分店真係西利

大將(旺角店)日本黑毛和牛150分鐘放題椰子雞湯清如水，甜似蜜，晶瑩剔透，清涼解渴；椰子汁的風味獨特，既有荸薺的味道，又在甜中帶有椰香，解渴去暑生津。椰肉，肉香味美，椰味芬芳，湯清爽口，補中有清，風味獨特，日本黑毛和牛一咬落口牛脂香味爆發。美國三筋肉油花豐富、細緻且均勻。和牛肩胛肉霜降般的美感及入口時油脂的甘甜和肩胛肉的香氣皆恰當好處。阿古豬五花肉片每片肉片都非常大塊，而且橫切面超級艷澤美麗。臨近新年，有糕點時光禮盒售賣，只售$79

帶家中長者去試1人1鍋，一行8人18:30入座，試$298(星期日加$12)嘅150分鐘放題，套餐當中有4款牛肉片，美國三筋肉，和牛肩胛肉，嚴選Prime牛肩肉同特選牛腹肉，入座時每人送上一盤美國三筋肉同另一盤豬肉加雞肉，我地再去自助區拎咗其他配料，然後落咗一轉和牛肩胛肉，嚴選Prime牛肩肉同特選牛腹肉，肉嘅質素尚可，大約19:30落第二轉牛，等咗十幾分鐘都未到，追單繼續無到，約20:00聽到有侍應同其他客人講和牛肩胛肉，嚴選Prime牛肩肉無哂！！見無人通知我地，唯有主動查問，証實套餐只剩2款牛供應，根據個人經驗，未試過放題會咁嘅情況，因為店方無牛，要求改回100分鐘$219套餐遭拒絕，只肯俾八五折了事！！坦白講，由訂座開始服務已經一般(無問貴姓就落咗呂小姐留位，但我地唔係姓呂🫣)，衛生有改善空間，食物供應(窩夫機壞，無牛)短缺，唔知有無遣返商品說明條例，應該唔會有下次😤😤

今次是第二次來光顧大將。第一次來光顧時，同樣是叫了$178的100分鐘任飲任食。牛肉質素是屬正常，只是後期會稍為多肥肉。而他們的格仔餅十分吸引，我們可以即場自製。但今次光顧的時候，外面有一位侍應向我們推介是次的餐牌。我們三人被她熱情的招待吸引進去了。我們同樣是叫了$178的100分鐘的套餐。當我們坐下時，他們便拿了牛肉、豬肉和雞肉每份一碟。牛肉的質素非常之差，大約三分之二都是肥肉。這樣質素的肥牛，叫人如何吃得下去。打算來吃牛肉變了來吃肥膏。我們花約$200元吃火鍋放題，但牛肉竟然是佳寶凍肉的貨色，甚至比佳寶更差。最後來的牛肉更是只得四分之一是肉。一間火鍋放題但給比佳寶凍肉的貨色。可想而知他們是愈做愈差。可能有客人是喜歡吃肥牛是肥肉佔大多比例，但我們絕不是。加上有第一次的光顧經驗作對比，使我感覺他們是欺騙消費者。原本牛肉質素差已經可以不計較，因為我們是期待可以吃到自己自製格仔餅。自製格仔餅是他們最吸引適合光顧的原因。當我們打算去自製格仔餅的時候，發現沒有蛋漿，而且格仔餅機是沒有開着。 問職員才知道格仔餅機壞了，但剛才在出面招呼的職員並沒有告訴我們。我們真的吃到一吐氣。到職員來結帳的時候，