大富人家 (已結業)

係好耐好耐之前 仲係大富人家既前身時幾乎每個星期都會去飲一次茶幸好只是改了改名字 內裡環境跟食物都保持一樣糯米釀雞翼 $35真心推薦金黃炸皮下 有豐富軟腍糯米塞到脹卜卜望到都興奮到想大叫工序十分繁複 真係夠唒抵食糯米軟軟的 內裡仲有花生雞肉帶香糯米令本身冇咩味既糯米 充滿油感同鹹香味加上脆脆雞皮 卡落卡落的口感同份量都極豐富每逢下午茶 特價點心都係襄中物潮州蒸粉果 $4.8半透明水晶皮軟軟 特別在不黏身 可以輕易脫離下面既紙水晶皮易咬開 唔黏口唔黐牙因為外皮唔黏身 所以食落沙葛粒粒明顯跟韭菜成為主要味道 味道鮮明 十分惹味不過如果有花生 有種果仁味就可以更豐富了蠔皇叉燒包 $4.8其實唔同茶樓既叉燒包都差唔多蠔油多juicy 包本身甜甜的最鍾意食內餡周圍 沾有少少叉燒醬既包整體鹹甜得宜泰式炸春卷 $8.8甘荀粉絲素春卷 材料簡單內餡絲絲條條感覺 口感跟脆皮有強烈對比脆皮炸得唔燶 點埋泰式辣醬 酸酸甜甜椰絲甜薄撐 $12.8記得係海港見過甜薄撐 上次冇試睇下大槪係什麽一回事傳到黎時外貌好似可麗餅（法式薄餅皮少少煙韌 不過都容易咬開內餡有花生芝麻椰絲 一整個都是粒粒甜甜的感覺有d似花生糯米

今晚在這家酒家晚飯，是媽媽生日，因為是閒日，妹妹日間緊急召集，兩姐妹先跟媽媽正日慶祝。原定是同區另一家，可能是例休吧，店沒開門；大雨，趕忙挑一家；這家上次已吃過一趟，覺得不錯，再來一次。老闆娘由迎客、吩咐安排安置雨傘，到點菜提議，主動過來替我們拍家庭合照；用女大將的氣度形容之，絕不為過，熱情好客，大體控場，八面玲瓏。侍應生今夜也特別熱情週到，敬業樂業，客吃得開心，工作也自開心；服務行業的滿足感本來就是來自互動，也是鏡子效應的直接相對論。不過近年的市面，能一遇這種上下一心都對客人細致用心的，還是覺得太值得一讚，多作鼓勵！

今日保母表示，會帶我家寶貝往附近的大富人家吃飯。在我理解裡，大戶人家不是已結業嗎﹖後來才知道是轉了手，也換了名字。其實不難找，在景峰站向下走五分鐘不到便到了。本來打算到達是即時接走寶貝的，但寶貝未吃完，也在保母的邀請下，和見過數面之緣的其他家庭成員一起用餐，為的是慶祝一歲孫兒的生日，順便提早慶祝父親節。保母家人點了以下食物：迷你冬瓜盅：賣相精緻，用料豐富，但湯頭略淡燒腩仔：皮脆肉香，肥瘦度剛好叉燒：不清楚是否因為有幼兒在場的考慮，選擇了瘦叉，口感略遜西蘭花花枝桂花蚌：不過不失三色蛋炒莧菜：沒有吃，份量很大蝦仁炒蛋：蛋炒的嫰滑，但蝦的味道一般清蒸鮑魚仔：沒有吃，不作評論翠塘豆腐：口感軟滑，用料豐富蒸魚：蒸的稍嫌過火白飯是以砵仔形式奉客，一砵可分兩至三碗，不過飯有點硬。單尾甜品為南瓜西米露和紅豆沙，兩者都是偏淡。份量大，味道大致可以，服務也很好。謝謝保母一家請客，也祝可愛的孫子生日快樂、身體健康。

新年真的不停食飯, 初六舊曆生日, 同屋企人嚟左呢度食晚飯, 老闆娘推介我們食元貝, 佢話好抵, 平時要50幾蚊一隻, 今晚只係32蚊炸, 我們初初都冇諗住食的, 叫左幾個小菜, 老闆娘又問我地諗左食咩未, 食唔食元貝, 見佢咁熱情, 叫左每人一隻啦.之後見到有人食燒腩仔好似幾靚, 又叫左一份燒腩仔拼燻蹄, 仲有瑤柱扒豆苗, 北菇紅燒豆腐, 京都焗豬扒及大芥菜咸豬骨煲.燒腩仔都好脆, 塊皮卜卜聲架, 唔會好肥, 好味呀. 粉絲蒸元貝送嚟, 我地都嘩嘩聲, 因為真的好大隻呀, 上面有些蔥, 豉油同埋粉絲, 好大粒呀, 啖啖肉, 正呀. 可能太大隻, 所以蒸得過左少少, 不過都好好味, 都爽口的, 唔會好鞋及實, 果然冇介紹錯呀.北菇紅燒豆腐, 豆腐都好香同幾滑的, 好食, 有菜芯同北菇幾件, 份量都唔係好大, 可能新年啦.  豬扒反而失色, 好細碟, 同埋全部幾乎都係骨, 同平時食開的京都豬扒有點分別, 好乾又有汁的, 有幾件菠蘿咁啦. 豬扒都好淋的, 但係冇肉囉.咸豬骨煲都維持住味道, 同上次食冇分別, 都係好熱辣辣, 又多芥菜, 豬骨都煲都好淋身, 入晒味, 個湯唔會好濃, 少少胡辣

去完大澳, 晚上去了這間酒樓食晚飯, 都係第一次係呢度食晚飯炸, 有三寶可以叫, 我們叫了半隻鹽焗雞, 生炒排骨, 海蜇燻蹄, 大芥菜鹹豬骨煲, 瑤柱扒豆苗, 鮑片生菜, 粟米魚肚羮, 糯米飯. 上菜好快的啊, 半隻雞, 都幾好味, 夠滑唔肥, 多肉, 加埋薑蓉, GOOD, 海蜇燻蹄38元, 都幾大份的, 夠爽, 鮑片生菜都大碟喎, 鮑片好多, 夠甜, 生菜都好甜, 豆苗都好多瑤柱的, 豆苗都鮮甜, 魚肚羮每人一碗啱啱好, 好多魚肚, 好味, 好多粟米好香啊. 生炒骨都好好味, 排骨唔肥, 粉醬又唔會太厚, 菠蘿好甜, 好味.豬骨煲好大煲喎, 芥菜好大件, 豬骨都係, 熱辣辣, 又夠甜, 豬骨還可以飲骨水添呀. 這個幾特別, 唔係度度有得食. 我們食晒所有嘢但係個糯米飯都未嚟, 追了幾次先嚟, 賣相都好靚啊, 仲有係炒得好乾身, 又好味, 入面好多蠟腸及蠟肉架, 仲要係切到好薄身, 這個好好味的. 埋單每人大約100元都好抵食呀.

重新開張不久來過飲早茶同食晚飯！本來不會再來的，因為的出品真是太差！點心無味、仲有的雪氣味添，小茶柚子過太干同只得骨頭無肉，仲有炒菜都炒不熟，炒介蘭都仲係生的，都不知點食，但有朋友住這頭同朋友再來食多次！這次又改進不小，由其特介小菜，只得三樣小的！但做得唔錯，如有機會一定會再來！希望可以保持到啦，下次再來不要令我失望！但望記影低相！

這間酒樓改左名了, 老細好似也改了, 幾星期前話裝修, 現在重開, 原來改名了, 其實冇咩裝修度, 只係D枱及桌布用了新的, 碗碟那些也是舊的啊. 枱面上的枱號那個插都唔同左, 換了一個小小的球, 好似好靚咁, 不過其實係冇咩實際用途.價錢貴左, 點心選擇同以前冇咩分別. 都係那些啊, 咸菜豬肚好大件, 大件的咸菜, 大件的豬肚, 所有嘢都係大件的, 所以較難入味, 唔係好重胡椒味. 叉燒飯都好味的, 叉燒肥肥地甜甜地, 碗飯軟軟地大大碗, 好味.叉燒包都係手做的, 所以都好味道, 叉燒又係唔肥好味, 甜甜地咁. 雞扎都好大件啊. 幾好味, 入面有芋頭,夠淋, 魚肚夠大夠甜, 雞肉都滑身. 雞絲粉卷都好味, 足料, 好肥的一條啊, 入係唔係得肉, 仲有些白薯白, 西芽絲, 好味.星期日又嚟過, 但係原來已經冇左下午茶特價的點心, 所以唔多抵食了.