大家樂 (糖廠街)

今期大家樂早餐有一個南瓜魚蓉雞粒粥值得推介給大家， 雖然粥內的南瓜不是很濃郁哪種，但個魚粒非常到位，沒有腥味 ，雞肉粒也得滑，個粥底好味，稀稠度剛好，食咗無口渴喎，我是在糖廠街分店嚐到的，希望其他分店都一樣出色。大家樂現在D食物都好有營，紅米炒飯、椰菜花、早歺嘅燕麥三文魚炒疍、冬瓜盅真好味……，而且餸菜都不油膩，它的奶茶仍是最啱我口味；我雖不是天天光顧的熟客，但每間的客服都非常到位，尤其對長者那份耐性及包容，真要讚讚讚！難怪是不少長者的開歺地。…查看更多

本是這家大家樂的常客, 一向感覺良好, 但這次是完全失望! 早晨的牛尾湯淡如水, 只得颜色沒有味道, 應該是加太多水! 一向軟糯的餐包又硬又乾, 無法食下去😑 而且顯示牌告知已可以去拿, 但站在備餐處等六分鐘仍未準備好😤…查看更多

唔知係咪之前中過招有腦霧，之前明明記得大家樂燒味好唔掂，今日又渾渾噩噩叫做個切雞米粉， 到咗先至奶嘢， 4粒瘦猛猛的雞胸，在下午茶時段要賣40元， 唔食得嘅都佔咗一半， 之前食叉燒已經喺柴皮咁，真係唔知有乜係得嘅，本來身為大家樂股民， 唔應該咁講， 咁搞法都，我啲股票都唔知幾時返家鄉。…查看更多

午市燒味部阿叔態度惡劣！我叫燒味瀨粉，佢俾碗飯我，我要求check下張單睇下究竟係佢俾錯咗我吖定係收銀落錯單，佢唔俾我check之餘仲叫我早d講吖，我話我嚟拎餐先見到碗瀨粉變咗飯，我點早d講呀？然後你眼望我眼，完全冇意思想換俾我，仲要態度惡劣，講真我都唔想嘥嘢兼夾驚佢加料我都唔會要佢換，但態度唔應該係咁囉，我嬲嬲地成個餐冇食過就走人，以後都唔會再幫襯！我之前都見過呢個燒味阿叔同個男食客嘈㗎喇，佢仲講晒粗口咁問候人哋阿媽，但成間舖d經理呀員工呀都係自己友幫自己友，完全冇人理個食客，個食客話要搵話得事投訴，經理都係求其叫個食客留低電話話有人會跟進番就打發個食客走，我唔明點解咁大個集團可以繼續縱容d下屬咁樣對d食客囉！…查看更多

本身呢d連鎖快餐店都唔會有咩期望，連好評差評都覺得無需要打，但呢個早餐真係食到好火起。叫左個雞扒早晨全餐，個雞扒尚算正常可口，炒蛋可以接受，但半涼不熱，多士唔知乜料扮法式吐司？壓到扁哂成pat屎咁，好難食，又凍！薯餅都係半冷不熱，早餐時間繁忙整定我都可以預算到，所以還可以接受。但個煙肉、蕃茄全部係冰凍，好似雪櫃直接囉出黎咁，又乾又硬又凍，煙肉仲要好難食，又乾又鞋，勁Dry!!!!! 白雪雪咁0油光，好凍好硬！頂唔順！…查看更多

每一次去大家樂買午餐，例排一定點焗豬扒飯，因為大家樂的招牌焗豬扒飯，豬扒鬆軟，醬汁又好味，此刻一想起， 也很想吃，但吃太多很容易變胖，加上近年掀起吃素食，健康的飲食生活態度，已成為大趨勢。而最近，大家樂為皇牌「招牌焗」系列再添一員，推出全新「招牌焗素豬扒飯」，優質的素豬扒配搭全蔬菜底純植物醬汁及紅米蛋炒飯底，當中精髓所在採用英國Vegetarian Society 認可的優質特選厚切無骨植物肉所炮製而成的外脆內嫩素豬扒，以全植物食材包括大豆及小麥等製作而成，一口咬下口感鮮嫩 Juicy，比經典焗豬扒有過之而無不及，同時比真豬扒低脂及不含膽固醇，更含有豐富的膳食纖維，素豬扒還鋪上蕃茄及翠玉瓜豐富伴菜，吃得更健康，不單止是我覺得好吃，連波士及公公也讚好！除了日常熱門的「招牌焗素豬扒飯」外，經典「招牌焗豬扒飯」及「阿拉斯加鱈魚柳茄汁焗飯」都很受歡迎架，每款都很滋味。…查看更多

加班時份，大家樂係我嘅朋友。。。已經要加班，就要對自己好少少。見到有燉湯套餐，雖然要等，都係要補一補西爛花炒魚片。味道不錯，燉湯夠熱又夠味咕嚕肉正常，飯量頗多，下次要叫少飯…查看更多

午餐時間要最近最快既燒味飯，莫過於大家樂，其實沒太大期望，只是更沒想過個飯那兩條菜會有發泡膠粒送，應該是洗菜時沒有洗乾淨，所以同事話從來不會吃這些「配菜」話說回來，這叉雞飯的叉燒令我頗滿意，叉沒有很好肥羔但唔鞋，有肉汁，商業區， 41蚊個飯，要求不要太高罷.....…查看更多

呢排都唔知搞乜🤨 #小秘書 都開始有啲嬲自己手腳太慢😪 中午要留喺office食 #飯盒 嘅次數亦愈來愈密... 數字應該遠遠超過2018全年😪😪每次當 #小秘書唔知食咩好，例牌我都會走去公司對面間 #大家樂 整個 #芝士焗豬扒飯，因為口味應該係最穩陣👍🏻👍🏻 一如以往，無令我失望。大大塊厚切豬扒好鬆化，炒飯底加埋啲新鮮蕃茄、洋蔥、菠蘿，可以減少油膩感，加埋杯咖啡.. 雖然味道麻麻，不過都可以頂到眼瞓嘅💤 #小秘書 加油呀！…查看更多

下午去咗鰂魚涌太古坊做嘢，下午茶就在附近大家樂食，見到餐牌有個西多配紅豆冰，$23，一於食呢個茶餐！件西多士剛剛炸好，仲好熱，包圍件西多士嘅鷄蛋醬炸得好香口，加埋D練奶同牛油搽上多士一齊食，甘香甜脆，好好食呀！杯紅豆冰用高身杯盛載，夠哂份量，特別係D紅豆夠腍，加埋花奶香滑，同西多一齊食係好好嘅配搭，咁價錢嘅下午茶餐，真超哂值了!…查看更多

小秘書每朝都要食個早餐先開工㗎，一般我會食麵包、而開8:00早會果日我就會食得豐富啲，彌補我嘅睡眠不足[睡] 至於星期五呢... 我就會比較隨心，今日見「大家樂」無咩人排隊，就點佢燈啦🤣快餐店食嘅嘢來來去去都係腸仔同蛋+通粉，所以有時我都會揀啲中式嘅食物，今日我就外賣咗個特價早餐「炒麵、火腿、蘿蔔糕+咖啡」補補佢[吐舌] 一早流流食咁大澱粉質落肚其實唔係咁健康，不過呢排食緊藥，食得太少個胃又會唔舒服😌 唉！唯有... 🐷咁啦「大家樂」嘅炒麵炒得比較乾身、無咁油膩，蘿蔔糕都可以呀，起碼唔會比我見到滿面油光😅 $23超值啦…查看更多

下午茶一些在港式茶餐廳，大部份都會光顧連鎖快餐店，今天去了大家樂叫咗個火腿扒公司治加杯熱奶茶，半份只是二十七蚊、件三文治烘過，夠熱的面包，饀料是火腿一片，番茄加生菜同埋沙律醬，仲有炒旦㚒埋一起，ok!好食㗎，啱哂唔係好肚餓，又想歇下腳果D時刻，杯奶茶都好滑，冇澀口，坐下玩陣手機，又成粒鐘了！…查看更多

今天中午去了糖廠街大家樂吃了一碟粟肉粒飯做午餐，四十元有飲品一杯，論價錢算經濟，但中午時份，這裡客人甚多，找個空位置也不容易！飯的碟頭充足，但清清地只有十粒八粒肉粒混和粟米獻汁內，另伴碟幾片椰菜，紅蘿蔔，裝飾一下，食味很淡，而且肉粒沒有調味，很寡，典型的雪藏凍肉，飯粒也很粗鞋，只有粟米蓉可以送飯！吃了半碟也放棄了！下次不會點這個飯！…查看更多

今天下午在鰂魚涌糖廠街果間大家樂叫咗個雲吞湯、西多士加花生醬和練奶。只是$30。雲呑包以豬肉饀、頗鮮味，湯配以椰菜蛋花，火腿等，算是足料，可惜不夠熱！西多原本點餐說明是花生醬和練奶，但給我是花生醬和糖膠，自己沒留意，算吧，但反映出員工的工作專注度有改善空間！這件西多水準一般，好像炸好而放了很久的才上碟，是預先製作好的吧！這個餐沒包括飲品，如要加杯飲品收費另計，白開水就不另收費！以三十塊錢吃個下午茶醫吓肚，不作苛求了！…查看更多

起碼有４年幾冇打過邊爐，見大家樂晚市已有一人一鍋，就在迎月夜去試。是晚，試左呢個肥牛雜錦鍋，要豬骨濃湯湯底，盛惠六十幾蚊！（如果唔駛加錢有埋野飲仲好）落左柯打之後約等左差唔多廿分鐘，店員就拎個湯底＋食物黎啦。食材包括：肥牛片、炸魚皮（唔腥）、魚腐福袋Ｘ１、冬菇馬蹄肉丸Ｘ２、豬肉菜餃Ｘ１、粟米、長蟹柳、南瓜、金菇草菇、黑木耳、生菜、蕃茄、米線。估唔到D肥牛好鮮嫩，都有起碼八片以上，比我想像中多！成個邊爐餐都算份量十足，而且菜肉均衡 (蔬食類都有好幾款)，烚下烚下講真都幾飽！讚：調味料係自助形式的，蔥、蒜、辣椒、芝麻基本都有。…查看更多