大家樂 (錦英商場)

營業中

休息中

晚餐喺度食冇乜選擇錦英苑都係得嗰幾間，竟然喺呢度驚喜，見到有粟米魚肚😮都唔算唔錯喎，質地又唔算好稀，飲落都有唔少嘅粟米同埋有啲蛋花蛋白咁樣，都算少少濃有粟米，又有口感。

幾鍾意食素食。因為我覺得素食比較健康，而且又可以減少對環境嘅負擔。之前我試過幾次大家樂嘅焗素豬扒飯，都覺得幾好食。可惜唔係時時有得賣，最近我又再食咗一次，都係一樣冇令我失望。呢個素豬扒嘅口感同味道都同真豬扒好相似。我用匙羹切開佢嘅時候，都覺得有啲似真豬扒嘅質感。食落口嗰陣，都有豬肉嘅香味同鮮味。我特別鍾意佢個醬汁。個醬汁係茄汁底，酸酸甜甜，好開胃。撈埋啲飯同埋素豬扒一齊食，真係好正。我覺得呢個焗素豬扒飯嘅配菜都幾豐富。除咗有素豬扒之外，仲有翠玉瓜、青豆、粟米、菠蘿等等。食完之後，都覺得幾飽肚。

晚餐諗唔到食D咩，又懶得煮，通常會去附近大家樂食。本身想食咖哩牛腩，但可能8:30 太夜，買曬。最後叫左扒餐，再追加多一個酥皮湯同紅豆冰俾老婆😂埋單$83 都幾大份，有2塊扒，熱狗腸，跟餐一個酥皮粟米海鮮湯同焗薯。平民價錢，味道尚可，算唔錯啦👍🏻

那天，又要早送加仔回學校了。多出了的時間，就留在錦英苑，食返個輕鬆早餐才搭車去上班。當日心想，街市兩個茶檔食過了，近巴士站的餐廳也食過了。而樓下的茶餐廳同酒樓混合體暫未有興趣去試。想簡單也想快，就決定食《大家樂》。食得太多雞早餐了，這一次就決定轉一轉口味。來一個中式的配搭。首先，是一個皮蛋瘦肉粥。說不上是一碗好粥，只因感覺是水太多，只有爛米而欠缺了米漿。幸是皮蛋同瘦肉都有足夠的份量。這炒麵算是出色的一份，夠豉油味，入口有啖啖的醬油香。加 多兩粒燒賣，直接地令到這一個中式早餐，更加之豐富。又爽又夠豉油味的炒麵，再落多一包甜醬，甚是滿足。《大家樂》的奶茶，不用多評了，因為他們的茶底絕對是夠濃香，何時何刻都可以叫好。《大家樂》的西式早餐，向來都滿意。《大家樂》的糯米雞早餐，向來都滿意。這次食《大家樂》的炒麵、粥早餐，都令我感滿意。

香港人經常歇腳點， 馬鞍山呢一間幾寬敞環境 ，唔算多人， 食個下午茶差唔使同人左逼右逼， 廿零三十蚊食個叉燒奶粉配紅豆冰，都相當不錯， 唔夠飽嘅仲可以加多9蚊一隻雞翼，不過size就算細。

啲野食都OK,每次叫加飯,都會好足夠,幾好,但整體味道不錯,但徐左野食,我最不滿只係環境(離題,但好重要)→  日日會落錦英大家樂,成日買野食,都一定都比人嘈幾句 ,去排隊等野食,啲阿叔就大大聲係度:「噓~」然後啤住我,第二次就一個阿叔一手推開我同一個男仔,然後講粗口,啲阿姨成日除鞋將隻腳放上張凳,有時食野都聞到,即刻無胃口,好黑人憎,其實啲野食我覺得ok,只係客人同環境好有問題

星期日瞓晏咗添，早餐變午餐，午餐變下午茶，講到下午茶，最近馬鞍山派咗D優惠劵到我家信箱，大家樂下午茶食滿$21可減$2，平時見親D人比錢都有Lee D優惠劵，總係唔知佢哋係點得黎嘅，宜家我知啦～原來下午茶時段D人多數外賣，係就係覺得唔多環保，但係就方便咗我哋唔洗等位囉，真係有好有唔好。記得早一星期想食早餐，見多人到無可能等到位，結果放棄了，始終Lee間舖位比以前細咗一半，無計啦！自從錦英開多咗唔同嘅食店之後，我都真係好耐無幫襯過大家樂啦！今日同屋企人Tea一Tea，我自己叫咗個茶餐"西多士併紅豆冰"，好耐無食過西多士，屋企唔會晒油炸，出街先會食，宜家原來係有花生醬餡，啱啱炸起，都OK! 係"漏"咗小小啫，當甜品食，無所謂啦！另一個茶餐係"奶油豬+雪菜肉絲米粉+紅豆冰"，奶油豬夠脆，雪菜肉絲唔"孤寒"多料，都唔錯，抵食！宜家食嘢真係好貴，如果大家樂成日有Lee D優惠劵, 嘻嘻... 我真係會多D幫襯囉！

樓下只有大家樂，經常吃但很厭倦。近期推出的肉躁飯令我罕有地主動到大家樂吃飯。40多元，有小唐菜和腐皮卷肉躁飯（附雜菜，鹵蛋）。腐皮卷讓人失望！咬落去太多油了，而且非常乾，咬唔斷，味道奇怪，係好難食嘅野菜味。幸好肉躁不錯，味道挺正宗，而且口感不會一"patpat"，份量也ok，鹵蛋亦不會煮得太老，和肉躁好match。好像肉躁撈飯味道還更好，腐皮卷另整個飯扣分不少。幸好有另附的小唐菜，令整道菜味道更豐富，亦避免了太過heavy。

今餐係brunch,就黎兩點下午茶，但係吾想排隊同人逼，所以一點九都照落去食午餐。淨返吾多選擇，所以我地是但揀左咖哩雞飯同豬扒腸仔飯。咖哩食落有啲辣，味道吾錯，幾有水準,撈飯好正，但雞就少左啲，吾知係吾係尾單，淨返吾多餸。另外個個飯就一般喇，所以冇咩評語。

大家樂就近走點比較高級了的路線。最新的是那個明爐煲。和爸一人一個。我的是白蘿卜牛坑腩。幾好味！牛腩燜得ok林，蘿卜都ok，腐皮就爛左d。他的是頭抽走地雞，雞身都幾彈牙，骨就多左d。最后用爐番熱個煲，都幾值得加分。如果有埋湯就好啦。

在這里常常來吃的吃了很久了覺得這大家樂吃的東西不錯就像我果日吃的一哥局豬扒飯多年來都在menu上都幾好吃的另外像燒味師夫,如果識你就會斬多d比你架而且大部分工作人員都很友善這間都算好有人情味(只是價錢不停上脹...晚餐想用少過$30都真是差不多沒可能)

今日特登早d落去食,午市多好多選擇,我嗌左碟栗米肉粒飯,冇野飲,今日d飯好過尋日好多,至小唔再係煮到爛,d汁只係普通罐頭栗米廉忌湯煮肉粒,味道普通,不過份量就岩岩好。而d staff見你冇跟餐飲都會主動比杯暖水你,都幾細心=)另外,大家樂有好多款飯,好似有南瓜豉汁排骨蒸燕麥飯,鮮三文魚焗海鮮飯,重有輕怡版ge栗米肉粒飯同埋豬扒飯,輕怡姐係細碟d,但輕怡重貴過普通份量,拗晒頭= ="

今日好晏先落街食野,懶得行,所以只好選擇大家樂。2點去到d staff換緊下午茶d牌,但實在太肚餓,所以只好選擇叉燒飯。份量岩岩好,都有幾多飯,d叉燒ge份量岩岩好,重有條白菜。不過條菜唔知用咩煮,鹹到想喊>_<而d飯好爛,有d似隔夜飯翻叮。而d叉燒都ok,都幾瘦。如果要野飲就要加$5,有d唔抵,所以唔要。

我住在錦英苑多年,由於附近沒有大型食肆,只有麵包廊,OK便利店,故此只能選擇大家樂.自2,3年前,這間大家樂漸漸使用培訓員工來取來舊有員工.是的,由於錦英苑人流相對較小,有經驗的員工已調到其他人流多的分店.整體質素下降,雖然食品質素與其他分店差不多,但員工效率其差!人多時,水吧便會慌張,常常忘記給糖,調伴匙羹,醬油等小物;而且給餐速度慢,繁忙時間必有人龍.今天我在10時左右買早餐,店內收銀排長龍,因為新來的培訓收銀員對收銀機操作不上手,使她要close自己的收銀機,當另一位收銀員的助手........理論上收銀慢,水吧應該不用處理咁多人流,但卻不是,水吧效率低,給餐速度慢,人龍依舊......但幸好是次水吧沒有俾漏東西.是次買了一份吉列豬扒+腸仔,配多士,火腿通粉&熱檸檬茶.$19,質素ok,而且有2塊小size豬扒,很飽肚.可能塊扒細塊,水吧俾多塊,平時不論大小也只俾1塊.這大家樂,食品質素,價錢和其他分店差不多,員工態度ok,至少不會無端罵客人,包好餐便會講多謝,但效率其差,可以的話我會選其他食肆或其他分店.

食物味道每況越下不特止, 佢地果d咁既員工個個剩係識得傾計, 特別係出野食果part, 個個剩係識得係咁傾係咁傾, 住係果度的人都知道, 如果去那裏買野食, 尤其係外賣就一定要自行點算多一次, 因為佢地慣性每次都會比錯野, 比少野, 基本上錦英苑的人都對佢地一d信心都冇. 偏偏這個屋苑除了大家樂之外就咩食肆都沒有, 以致佢地就算衰到無輪都仲會有人幫襯.佢地睇少眼都死架. 真係唔明咁大個集團, 究竟算係d咩management?