大家樂 (已搬遷) 新店位置

晏咗食午飯...所以索性食下午茶餐！去到青衣城...望尼望去...發覺唔見咗間大家樂...連隔離間米線陣都唔見埋🤔用手機google先知原來搬咗去隔離座新起好嘅青衣城2！去到見到佢哋大家樂集團包括米線陣、一粥麵、連同大家樂三家集中開喺同一樓層(G/F)位置...只不過係間開三part座位...分開吾同Section買飛...同吾同Section攞餐！相比青衣城舊舖...大家樂嘅座位間隔少咗一半！不過好在去到仍然食到至愛既$29燒鴨湯瀨粉同鴦走(改用練奶)! 而且燒鴨件數分量仍保持冇變😋

今日路經青衣城，巧遇午餐時間，試找找進食午餐的地方，發現食店唔算少，但每間到時有份量的食店，想找一間稍為經濟的都很辛苦，正當經過《 大家樂 》的門口，看看他的牆上的餐牌，發現價錢也不便宜，但當中有一個每週精選《 鮑片竹笙雞粒炒飯+飲品 》只售$34元，可算經濟，所以我便叫了作為我今天的午餐，食後的對此的味道，以這樣的價錢已算不錯，當然和一些大酒樓的質素怎能相比，但以一間連鎖式的餐館及這樣的價錢，已算滿意，還可以加多一個白飯不需另行收費。

已經好耐冇食過大家樂啦,今日口痕痕想食下,點之真係失望到一個點。滑蛋粟米魚塊飯配大煲翅首先個魚塊勁厚炸粉,之後D魚得勁少又冇魚味,D魚塊得3舊咁大把仲要好細。個玻璃汁勁淡冇味,個滑蛋都算OK正正常常,但係西蘭花得果兩舊比多舊都冇。個大煲翅好少配料,得果幾條蟹柳同肉絲,粉絲都冇條。仲要咸到死,食完飲左幾杯水都仲覺得好口渴。總結:呢個飯晚餐都成5十幾蚊,份量少而且食物質素認真一般,估唔到大家樂質素差左咁多。

今晚又是夜食，9點幾駕車來青衣城，本來想吃米線或烏冬的，怎料宵夜米線提早截單了，店員說因為商場11點停電，所以是晚提早關門，這下我們就急起來了，因為怕其他餐廳也提早關門，於是跑上去自家烏冬，大概也是提早關門所以叫我們過隔離板長，過到板長才發現沒有平常吃的烏冬，只餘幾款烏冬，所以就離開，去大家樂隨便吃就算了⋯宵夜餐有肉醬意粉，但意粉有點硬，而且比平常的幼，感覺像拉麵似的，不過食得大家樂都沒有太多要求了⋯另外視夜餐是迷你叉燒飯配油菜，咦？似賣淨的菜煮成一碗多點，沒辦法，只賣淨這2款宵夜餐了，好過無得食啦﹗

收工九點幾黎到，無物餐揀，最後揀左櫻花蝦荷葉飯餐跟素翅。不過好失望，好難食！荷葉飯又淋又淡味，一pat野甘。份量少又冇配料...得幾只櫻花蝦係面。的櫻桃蝦又乾冇肉...我都唔知自己食緊的咩...唯獨係個翅的料。味道唔太咸，可以接受。以後唔會食呢個餐！

這個肉燥雞扒飯($41), 雖然個賣相一般, 但估唔到都有少少驚喜,肉燥個味道好濃, 好惹味~ 淨係肉燥撈飯都已經可以食一大碗,栗米雖然佢無加牛油,但反而更加好, 因為撈埋落肉燥到~ 可以中和肉燥既咸味~而且佢既栗米好甜!唔錯!雞扒亦都好嫩滑, 不過我覺得有點細塊!呢個價錢(重包飲品), 都算幾抵食!

放假去左青衣城買野, 行到肚餓想搵野食, 但四圍都係人, 唔想等位就揀左快餐食. 睇完水牌都唔知食咩好, 所以最簡單要左一哥焗豬扒飯, 連飲品都成為$50, 都唔平. 好彩份量都仲KEEP到, 唔會太少.豬扒仍然好大塊, 肉質唔會太鬆, 茄汁焗唔會太酸, 而且仲有真蕃茄, 菠蘿配料. 而炒飯底好似無以前無多蛋絲炒, 不過飯唔會太硬, 都幾好.快餐店已經唔再平, 但好彩大家樂既飯味道份量仍然保持到.

好耐都無食過大家樂嘅燒味飯，今日去大家樂食一次，真係同以前差好遠。以前大家樂嘅燒味起碼叉燒會有肉汁，燒味汁會係熱的菜仲有很多。但今日再去食，佢嘅叉燒已經完全無曬味，燒味汁涷嘅。d菜又少。真係好似愈嚟愈差，呢d燒味真係可一不可再。

要不是約了好姊妹也不會大老遠來到青衣，更要不是她家裡突然有事也不用逛街途中回家，我也不用因為想不到吃什麼而吃大家樂。本來以為吃燒味飯會是穩陣之選，誰知竟然慘淡收埸！雞肉多骨小肉，肥的地方比肉還多。叉燒算是不過不失，味道正常但肉質偏硬。最可怕是飯是非常硬，難以入口！希望只是此分店如此

下午茶時段 行過大家樂 有D肚餓 ，於是來過下午茶吧 叫個細叉燒飯啦!!見到有人食緊個叉燒飯, 幾(令仔) 決定我又試下  我來了一個細叉，多汁。份量又剛剛好  呢度 燒味一直都不錯蜜汁叉燒味道香甜  口感不致於入口融  但叉燒半肥瘦 又淋淋地- 正我再加點甜豉油  唔會過咸  個飯更香更好味，個飯連杯飲品 只係$26  超值LA

青衣城的大家樂長期多人，裝修過後的情況更甚。本來打算齋坐陪男友用餐，不過男友卻幫我買了炸雞脾餐，那刻看着男友，真的不知道是笑好還是喊好。炸雞脾彷如瀕臨滅絕的品種，買少見少，以前香港有很多港式快餐店，現在卻只餘連鎖店，龍頭之一的美心快餐甚至已經放棄了烤雞脾，改為油雞脾。大家樂的雞脾餐，盛惠$25，包餐飲一杯。四方形的雞上脾大大件，底面兩邊均炸至金黃，沒有雞皮覆蓋的部份口感硬脆。雞皮的皮下脂肪雖然很少，沒有油膉味但還是有點肥膩。雞皮覆蓋着的一邊，肉質很嫩又juciy，醃料當中有股令人懷念的港式快餐店味道，大家樂能有這樣的水準已屬難得。其實腸胃炎已經有好幾天，一直沒有好，原因嗎？自己饞嘴當然是主要原因之一，不過我那個煮了煎釀三寶和辣辣咖喱的可愛媽咪，還有帶我去吃點心和買炸雞脾的體貼男友都要負點責任吧。

今天和朋友到青衣分店的大家樂「吹水」，我只點了一杯紅豆冰。紅豆冰是用一個透明的長玻璃杯裝著。杯底是紅豆，而上面是奶。紅豆和奶各佔杯的一半，分得很平均。紅豆還算甜，但奶的味道很淡。紅豆和奶混在一起喝，只喝到甜甜的紅豆味。整體不太抵飲。

昨晚，去了大家樂吃晚飯，平時在這裏不是吃焗豬扒飯就是吃咖喱牛腩飯的我，這次決定試一試新出品 ---三重芝士海鮮焗飯~這個飯的芝士味香濃而不膩，我想其中一種芝士可能是cheddar cheese，說實在，芝士部份實在做得不錯，喜歡芝士的朋友應該會喜歡這個飯~ 但海鮮方面，當然不能expect too much，畢竟這是一間頗大眾化的快餐店~另外，餐湯點了西湯，想不到湯裏竟然有牛腩粒 (很多快餐店也不會有牛腩粒，可能因為成本高吧) ~ 不錯~最後，dinner set裏還有雪糕，雖然雪糕球真是細得很，而且，跟飯和湯一併送上，亦即是說要先吃甜品，後吃飯和湯，不過，個人認為不緊要啦~ 畢竟身處於大眾化的快餐店，不能expect太多，而且，吃了那個飯和湯已頗滿足了~^^~

今晚又是一個人吃飯的時候，其實不太肚餓，但又要食點東西。經過這裡，排隊人數不多，但竟然看到8點半後有宵夜吃，份量少點，剛好！宵夜選擇不算多，我就點了砂鍋鹹雞粥配炒麵，31元，在大家樂算不貴了有得食了，砂鍋上的雞粥，份量其實有成兩碗左右，雞件也有不少，而且不是一大堆骨，都有肉食的粥有點多水，但尚可個炒麵猜想是微波爐加熱，因表面沒有煙，但一夾起不少煙湧上來，熱度先叫平均 。但味道一般說真的，只可說一般，但至少多一個選擇吧

之前耐唔耐都會起度用膳，都有成八個月無起度食過，見佢新裝修，撞啱蝦餃仔想食E度嘅焗豬扒飯，咪起度食囉薯片妹負責揾位，蝦餃就負責攞野食，呢D咪默契囉時間係下午—點半左右，好奇怪唔洗等位，重可以四圍揀位坐呢薯片妹揀咗鎮江雞扒跟上湯香菜飯飲凍0茶，蝦餃仔就要咗焗豬扒飯飲熱奶茶唔洗排隊唔洗等餐，分零鐘有得食豬扒飯:只係微暖、唔夠熱，焗飯重點係熱到辣咀呀，唔該，汁又唔夠，又唔夠咸，要自已加兩包茄汁撈飯，唉!再加上個飯太濕，真係唔合格，而豬扒餐牌寫明厚切，其實又咪係之前果隻，還敢自稱"—哥焗豬扒飯"鎮江雞扒:原先幻想係似鎮江排骨或鎮江肉嘅味道，點知一食，又中伏喇，只係得少酸微甜，—D都食唔到有醋香味，佩菜有好多油嘅豆角、似白烚嘅燻蛋……上湯香菜飯:一D上湯味都無，似薑飯多囉，個名叫做菜飯，菜嘅比例係咪應該多D呢?而菜粒好似出完水先至切粒撈飯，攪到D菜無晒菜味凍0茶:飲咗小半杯就無飲啦，茶唔夠香濃!!!熱奶茶:唔錯，幾0k啦!重有就係果段時間無人執枱，要自己黎全部野總數$82，浪漫嘅蝦餃仔埋單!