大家樂 (幸福商場)

近日我阿媽我朋友盛贊大家樂很好味，尤其是一哥🐷扒飯是炒飯底，有蛋味也有飯味，飯粒炒至粒粒乾身！我卻三翻四次衝著他們好食評再去試各式各樣粉、麵、飯，換來不是涼飯就是薄餸都算，肉醬意粉更是一pat pat, 意粉淋到夾不起來，芝士全部在蓋上等等！真係吃怕了，今天正好沒什麼胃口，便過來分享一下！話說回來，我無飯家庭長大，由細到大食飯盒，大家樂曾經陪伴我成長，我對他感情深厚！希望他可以捱得過風風雨雨，改善食物質素是基本！…查看更多

我講明係要堂食雞扒鰻魚飯，佢哋冇堂食得返錫紙外賣又唔出聲，就咁畀咗錫紙合我🤔都算啦，雞扒正常size唔算大，不過鰻魚得手指尾長少少，仲要一啲鰻魚香味都冇，仲要有腥味🤮，大家千祈唔好中伏👎…查看更多

都幫襯幾年....近期斬四寶飯大跌眼鏡.期望唔高仲要斬叉燒肉酸飛起成舊野睇見嘔,係咪外賣客人冇望合飯求其執頭尾叉燒件...堂食又唔你咁斬好睇....你咁樣職業操手 極之非常失望！！！…查看更多

所謂龍蝦汁魚柳焗飯簡直不知所謂，收$56.00 完全唔值，魚柳係早餐嘅魚柳大件少少，同是最低價嘅魚，汁液少及完全唔見有龍蝦味，飯亦完全無炒過及可能放了大半天，中間唔熱嘅，大家樂越嚟越差。…查看更多

諗住近近地喺長沙灣附近食個大家樂，點知去到呢嗰個收銀員個態度極為之差，圖中穿黃衫站在收銀處的女人為該服務態度極差的收銀員，佢已經唔係對我一個態度差，對住啲阿公阿婆都係咁差，所以我先要寫一篇食評點名批評下佢！事緣我去到嗰度諗住嗌一個粟米肉粒飯啦，但係佢就好唔耐煩同好急咁樣係咁問我，要飲咩嘢，係咪喺度食？係咪喺度食？重複咗起碼五六次，而當日我其實係有少少唔舒服，可能反應係會慢左少少，但都應該不至於要佢趕收工式咁不停問我同一句野咁多次掛🙂🙂:(:(:(而我因為俾佢吹到褲都甩嘅關係，我就答咗句飲綠茶，後尾先醒起我仲有少少咳，所以想轉杯熱檸茶，而佢就黑晒面！勁唔耐煩，服務態度極差！不過我唔係成日喺嗰一頭食野所以就算數啦，寫篇食評發洩吓就算數，但係真係替嗰邊嗰啲街坊辛苦，日日落街想食個大快樂快餐都要受氣，對住呢一個疑似經理級嘅收銀員，我見班員工都唔多開心！最後一張相就係個投訴熱線，如果大家係成日食呢一間大家樂，而又遇到類似嘅事件記得投訴佢！…查看更多