大家樂 (電訊一代廣場)

營業中

休息中

今日放假就去了大家樂買下午茶，看到有個炒的下午茶叫日式炒烏冬茶餐可配西多士半件都幾吸引，三十元左右都幾抵食，而飲品再加錢配紅豆冰，等了幾分鐘就可以取，烏冬是一個碗形，但看到得好少肉同配菜，坐下一夾就有點爛，一食落去好濕沒有炒的感覺，而且好淋身，味道淡，只有少許豉油味，西多士帶微溫都可以，入面仲有花生醬。飲品紅豆冰要了少冰，飲落去不太甜都不錯，而且紅豆不少都好咬口不錯又大杯，但烏冬只試一次就夠了，實在有點失望。

我諗好多 #香港人 都會同 #小秘書 一樣，對 #叉燒飯 情有獨鍾❤️ 尤其係 #師傅 斬咗啲靚嘅部位比你，小小嘅 #肥肉、搽一層薄薄嘅 #蜜糖 喺 #叉燒 上面... 味道真係可以同 #山珍海味 比美😋咪以為相裏面嘅 #叉燒係幫襯啲 #名店，其實只係 #大家樂 嘅 #下午茶餐... 咬落去 #叉燒口感 #好鬆化，半肥瘦咁，估佢唔到只係三十六蚊一個 #下午茶餐，仲有 #熱奶茶 同 #雞翼，都有咁好質素... 或者係我生得太靚，#師傅 當益下我食好啲啦😅😂😂

每朝早諗食咩早餐都幾煩惱，揀嚟揀去，都係搵返平時去開個幾間。今日就揀咗大家樂，佢就好似香港人嘅食堂，非常有親切感！我揀咗J2早餐，雪菜肉絲米、香腸、多士，熟蛋，再加杯意式風味咖啡，都糸25元，好味加抵食。😊😋

午飯時間的九龍灣，到處都好多人！其他嘅餐廳食到好厭，都係食返大家樂（≧∇≦）好耐冇黎大家樂，呢啲連鎖式嘅餐廳🍴唔知係咪因為泰萊冇黎，連幾時換咗餐牌都唔知添！每一個餐平均都低於$40 ！而且仲包埋嘢飲！非常之抵！好似今日我食呢個餐，元貝冬菇滑雞炒飯再配上熱奶茶，都係$35咋！呢一區嘅午餐來講，算係非常之平！先講講佢嘅熱奶茶：茶底濃厚，再加上原來佢係可以比練奶你自己加，要多要少自己調節，個人認為好飲。而元貝冬菇滑雞炒飯：首先佢想點係透明嘅碟，感覺好特別！因為大家樂都係白色嘅碟，呢次賣相反而好好。而味道都屬正常，一般茶餐廳感覺！沒太大特別。值得一題係食飯期間有點樣過嚟問我地需唔需要紙巾同埋牙籤！感覺溫暖！香港人感覺！總括來講，食物唔會係太特別太驚喜，但係價錢驚喜！

去完姊妹屋企打完麻雀，手風勁唔順， 真係窮到褲穿窿，差一dd連刮痧都冇，於是在走去大家樂食返個「咖哩牛腩飯」諗住開心一下，結果又係換來唔開心嘅經驗咖哩牛腩飯套餐，包括一碟飯、一碗咖哩牛腩、一杯檸檬可樂。呢個咖哩牛腩，咖哩汁係港式咖哩，聞落去本來就唔夠香，咖哩汁好稀溜溜，嚴格嚟講可以用水汪汪嚟形容，食唔到有好多香料或者洋蔥之類嘅菜料，薯仔煮得唔夠淋又唔夠入味，牛腩煮得唔夠入味，而且牛腩仲係好硬好實。香又唔夠香，辣又唔夠辣，個汁又稀溜溜，肉又唔夠淋，完全唔好味。

星期六仲要係公司搏鬥，梗係要對自己好啲叫番個下午茶自我安慰一下，公司附近選擇唔多就去大家樂買咗個$29燒鴨瀨加熱奶茶。外賣盒冇分層，湯粉同餸直接浸到返公司，好彩係瀨粉冇話浸到淋晒，燒鴨啖啖肉，都有好多件，再嘆埋杯奶茶，心情靚靚繼續開工！

因為太多嘢做，攪到午餐都冇時間食，唯有食番個下午茶頂住先，去到大家樂見到細碗义燒飯未賣哂，先柯打一個細碗义燒飯，加多杯熱檸水，义燒飯嘅份量啱啱好，配杯熱檸水簡直冇得頂，因為份量唔太多，好快俾我食晒，跟住又返公司博殺。

今日自己食lunch, 近近地嚟左大家樂，叫左呢個天天超值選-貴妃鮑魚雞粒飯, $35連熱飲，材料豐富、有三片鮑片，都幾鲜甜、好入味嘅冬姑粒、竹笙又索曬個汁，都幾爽口等等，分量啱啱好，最鍾意佢多芡汁，有d杰身，鍾意食多汁飯嘅人啱晒，如果個汁冇咁鹹就更加好啦！

今日返工連lunch都無時間食，去到三點幾先得閒少少，於是，想快快地解決咗個遲嚟嘅lunch, 所以，就去咗大家樂食下午茶！嗰度有我嘅至愛：蜜糖燒雞翼！有好多配搭可以揀。因為都比較肚餓，所以揀咗迷你叉燒飯配雞翼，加熱奶茶！蜜糖雞翼一如既往地咁好食，燒到好香同脆！估唔到個迷你叉燒飯又分量幾多，一啲都唔迷你，真係會食得飽！以35蚊嘅價錢嚟講又飽又好食都真係算唔錯！大家樂嘅奶茶質素都唔錯，茶底好香，奶都好滑！

首先我想講58蚊真係唔好要求咁高, 但係大家樂你可唔可以認真返少少？嗰隻豉油雞燒都冇燒過就叫做燒雞？ 蝦片過氣唔脆， 椰漿飯我完全食唔到啲啲椰子香味淨係食到黃色嘅飯係冇味嘅， 隻雞係中老雞鞋口嘅, 不過58蚊我真係唔可以要求你咁多， 我淨係想食燒雞唔係畀隻豉油雞係咁咦焗爐 烘下就叫做燒雞, 你當D客傻的嗎???各位有圖有真相, 大家樂本身D圖係好正既燒雞!

收工做完 #massage 又有啲餓，但係 #甩頭甩髻 又唔去得邊度，就近近地喺附近食啲嘢就返屋企🥢 以前 #大家樂 只會 #冬天 賣 #火鍋，可能係太好利潤、反應又咁好，估唔到5月都仲可以入去 #打邊爐😃#觀塘 呢間 #大家樂 都係開咗一兩年左右，新舖嘅裝修大多數唔差，座位都幾舒服。我呢日就買咗個$68嘅 #火鍋餐 配 #沙嗲湯底🍻 味道保持到嘅，但係 #配料 相比 #其他競爭對手，似乎唔夠豐富🤨 牛肉嘅質素一般🐮 不過啲 #肉丸 就幾好味嘅😋 不過要讚嘅放係 #大家樂 有派餐服務，唔使 #小秘書 手震震搬返位啦！

香港平日既下午茶都係去「cafe de coral」多！其實就係大家樂！因為佢又平又多分店又好抵食！今日去到大家樂，選左個$29蚊既tea sst, 包左杯紅豆冰同埋燒鴨粉！ 抵到爛！紅豆冰大大杯，有好多既淡奶同埋滿滿既紅豆！甜甜地！又唔會好甜！可能我個人比較like 甜既野食！ 另外個燒鴨粉大大碟甘，不會因為tea set比少好多你，有成2小碗同5/6舊肉！really great with cheap price at tea time!

經常在外吃飯吃得有點膩，有時想簡簡單單清清地又沒太多時間吃，都會選擇到大家樂吃，始終是品質保證又經濟實惠，還有我最喜愛飲的中式湯。今次在官塘逛完傢私舖，來這間大家樂吃，我點了一個滑蛋粟米肉粒飯，附送一餐飲，但我選擇轉湯，今天有木瓜花生雞腳豬𦟌湯👍飯很軟綿綿，配上滑蛋粟米肉粒，我又可以吃光一大碟。男友點了黑松露雞煲仔飯，一杯花旗參蜜，再加了一碟油菜(生菜)，雞肉嫰滑入味，菜很新鮮。每次在大家樂吃總不會令人失望。

今天放假同兩姊妹睇戲行街之後！再去惠康超市行完找地方休息一下！要揾個坐得耐嘅地方又唔係貴！隔離大家樂就不二之選！下午兩點半只叫了一個下午茶餐！雞脾加紅豆冰雞脾沒血水，肉質算嫩，但少少咸！三個人分享至在吹水！紅豆冰之前食過好多次是不錯的！但是今天沒有飲，給其中一姊妹！我在自助水機拿清水飲而已！唔經唔覺差不多六點了！雖然食了雞脾，但好快又肚餓！晚市又開始了⋯⋯隨便叫左個兩份邊爐同妹妹一齊食！餐牌內的X4同X5買了飛後不久自取放在檯面...等服務姐姐幫你開爐！有米線,蔬菜盤,肉丸,小雲吞等配料，加$8杯凍檸樂 兩者不同主要就是：X4 美國穀飼牛同特級丹麥豚肉X5就是兩份牛肉全部獨立包裝牛肉同豬肉質素不錯,唔算太肥,全部食起來都幾夠肉味每份都有米缐，米線幾香滑！服務方面都是全部自助！火鍋湯亦自己加！老實說在這平民化的店！真的不要說什麼優質服務！下午茶$25，晚餐$151就咁我地傾下飲下食下就過左大半天！成九點多才走！真係非常悠閒寫意！提外話這裡全自助,自己取醬汁湯底有2種 豬骨湯及沙爹我地最喜歡就是沙爹醬！

在家一覺醒來已經下午二時了，肚子不斷在打鼓！哥哥不約而同說一定要吃飯，現正在下午茶時段，價錢還可以平一點呢！我哥哥反應也相當大，他說現在的平價下午茶餐沒有飯！要不是雞翼就是西多士，那些根本不飽肚，要是有飯，也要$40以上！我不相信跟他輸賭了一場我帶哥哥到官塘大快活，看一看餐牌！終於給我發現這裏竟有一個飽肚餐迷你叉燒飯配飲品$30我兩就決定買這個餐。買飛排隊等了大約三分鐘，套餐已經準備好了！看見這個迷你叉燒飯，白飯分量對我來說也絕不算迷你！足足有六件不算薄的叉燒它的叉燒未致肥瘦相間，應該是貨種問題，但也好吃，香軟味美。最重要的是價格也很怡人