大家樂 (愉景新城)

營業中

休息中

同仔仔上完PG都係時間食晏，唔想向南豐荃豐一帶食野，就同佢行左去愉景新城食野兼換片。食飯時間搵位都等左一陣，好好彩好快就有位。嗌野食晚時侯見到職員身後有個寫住奇趣兒童餐見到有肉醬意粉又有橙汁，就叫左一個比仔食。職員見我帶住小朋友唔方便去拎都比個牌我放向枱度等姐姐送餐過黎。兒童餐有A,B餐可以選擇（早，午，晚，下午茶都有得嗌架。唔不同時段唔同款式）（11歲以下小朋友就嗌得喇）兒童餐都係用一般既兒童餐既車仔裝住有橙汁，啫喱杯，粟米同腸仔肉醬意粉份量都好多，意粉有半份大人既份量（出面1個都要$40以上，份量仲要好少），所有呢個親民價$37算好抵食特色兒童牆門外仲有幾部扭蛋機可以玩下，其他分店都未見過有架。如果大家帶小朋友行開呢個商場，去大樂開餐都不失一個好選擇。職員家姐姐都非常友善架。

今次係呢間分店新裝修之後第一次黎,乾淨企理左好多,又多左個位回修餐盤的叫左個免牛飯配忌廉汁焗蔬菜。點解我叫呢個呢，因為平時佢d飯都4,50蚊一個,就算最平果三寶(R1,R2,R3)都無乜變化完全唔想嗌。但今期呢個R3竟然有兩款野食，個人黎講係完全超值。係，個免牛飯係細碟過平時就咁嗌，但只係細左少少，同埋個肉醬做得幾好。另外以為個焗蔬菜好細碟啦,點知佢同碟飯個size 唔係爭太遠,係抵讚既$39食到飽哂，真係超值

在愉景新城 附近 上班， 身為打工仔的我銀彈不多， 大家樂就成為了我食飯的最好選擇。最近 裝修咗， 明顯光猛了很多 ， 座位闊落 是食飯傾計的好地方， 最後面還有一個兒童區域， 牆面上有很多可愛的卡通圖案， 大人小孩都喜歡 。今日點了 咖哩牛腩飯， 竟然仲有甜品-- 喳咋，比 想像中更豐富， 擺盤又靚， 可以媲美外面貴價西餐廳。咖哩牛腩都 辣， 好彩我仲勉強食到 這個 辣度， 牛腩可以再炆淋啲， 最驚喜係個甜品 真材實料， 成碗都係豆，好中意，食得好飽好滿足

復活節假期落足幾日雨，個個都去哂室內地方，適逢愉景新城有彈床玩，又有恐龍活動，一家大人湧哂過去，晚飯時間想搵個位都難。搵廁所期間見到側邊位有間大家樂，竟然仲有位，二話不說就霸左位先，點知就俾我地發現全港獨家嘅【大家樂兒童餐】兒童餐有A餐B餐，價錢一樣都係$38分別只在於意粉雞肉腸同薯餅雞扒小朋友三兩下就食完，味道應該唔錯出面一份車車兒童餐至少收你$58，即時覺得抵左原來佢地仲有tea set，都只係$28咋而且呢度有大量bb櫈，服務員姨姨又有善帶開小朋友去玩記得去大家樂啦！

平時極少食飯都要讚下呢個煲仔飯，今次呢個煲仔飯完全打破左我一直以為煲仔飯一定又乾又硬既想法。.大家樂推出的「WOW!最香煲仔飯」雜錦臘味煲仔飯，未開蓋都聞到臘味香，第一啖就已經令夏沫好鍾意，臘味粒配以秘製醬汁落鑊炒香，再加落飯令油香滲入飯粒，那份充滿臘味油香的米飯，既香既軟，就好像剛煮好的飯一樣，香氣噗鼻，加上金黃香脆的飯焦，滋味滿分。.主打雜錦臘味煲仔飯，材料包括臘腸、潤腸、臘肉、大蝦米、菜甫粒、馬蹄粒、豬肉粒等，口感味道超滿足。（午市、晚市港幣 $45起）.另外仲食左咸魚肉餅煲仔飯同樣喜出望外，不過這個飯身會比較硬，但那份咸香煲蓋也掩蓋不了，香濃馥郁的咸魚，配合彈牙富肉汁的肉餅，加上飯焦香，一啖一啖暖上心頭。（午市、晚市港幣 $45起）.咁既價素價錢絕對超值。

約好友人中午見面看到有優惠，就跟上去吃下午茶昨天陽光明媚燦爛！心情不錯朋友叫兩套餐，因單叫飲料是不划算的！一大塊三文治+一杯熱咖啡！我喜愛熱咖啡原因就是那濃濃的香味，一聞到咖啡感覺所有壓力都給吹走！三文治鬆軟及火腿味好重，不錯超值！而且好飽肚！，朋友吃一個好大了雞腿，雞腿肉質細膩及滑，我一般不吃雞腿，就是怕硬，不過這次味道不錯！這樣價格這樣質地到哪裏吃！吃快餐好處就是快！

話時話我最愛燒味飯我所有同事都知道所以周圍見到燒味飯我都想試下尤其是新鮮熱辣嘅燒味！同事話今日不如食燒味飯, 我當然一口就答應啦今天去了大家樂大家都叫燒鴨飯。真係誇張，等左差不多十分鐘飯先有得食，因為今天燒腊非常旺場分量黎講，絕對夠飽既師傅切得大大件比我地，仲係鴨脾位真好要比個like佢鴨本身幾肥，皮燒得香。肉質則一般，肉味豐厚加上甜豉油的白飯，也算是交足貨。大家都食得開心又滿意！飲品無乜特別...

Crispy French toast with noodles and a cup of milk tea. 😋😋🍴In cafe de coral, this is one of the best place to have a cheap and quick meal! My favorite combo is definitely the French toast and noodles.😍 Golden crispy toast with savory noodles. It would definitely be so much better if I ordered the iced red bean drink.🤤

政府終於做番啲好事，推行走塑行動，各大連鎖餐飲巨頭亦一同響應，希望這個行動可以持續下去，對環保能作出一點貢獻。今朝去了其中一間連鎖快餐點吃早餐，張飛大大隻字講明會走塑，日日無飲管。剛剛領咗交通津貼，呢餐早餐算係政府請。蜜糖雞扒、煎雙蛋加雪菜肉絲米配熱咖啡味道正常，最緊要每樣嘢都係熱。你知啦，好多快餐店啲煎蛋通常都係凍冰冰。吉烈豬扒、煎蛋配熱咖啡豬扒比想像中大件，吉烈皮脆，裡面的豬扒仲熱又唔乾，食得過啦。飲咖啡搭支木條，仲咁大支，似乎仲衰過用以前嗰條膠飲管仔。可唔可以連呢條木條都走埋呢?

今晚屋企冇人煮飯，得自己一個，更更冇可能唔想煮啦，唯有收工返屋企之前，喺商場行個圈睇吓買咩我買返去食啦，荃灣多野食就係人都知既，但咁多選擇，其實會令我好痛苦，我覺得自己有選擇困難症，而且病情都幾嚴重下。最後就行左黎為我做足一百分既大家樂，我叫左個焗豬扒飯，拎走既，飲熱檸茶，八達通比。姐姐有問我要唔要join member，好似要download個apps咁，咁我話唔洗啦唔該你。之後等左一陣，就到手啦！

朋友約我周末去南豐紗廠舊址，嗰度最近保育成為The Mills，係打卡新熱點。裡面人來人往，好不熱鬧。雖然裡面都有幾間café，但都擠滿了人，我哋只好行去斜對面的愉景新城搵啲嘢食，醫下個肚。誰不知，愉景新城都好多人，逛咗幾間食店都係好多人，卒之去咗又大間又多位的大家樂食tea。買咗一個西多士加雪菜肉絲米粉配熱咖啡，同一個西多士、燒雞翼配熱奶茶。正所謂肚餓就咩都好食，況且呢兩個tea sets，又真係唔差。雪菜肉絲米size 都唔細，加埋兩件西多士，都夠一個人食㗎喇。西多士係有花生醬做夾心，搽埋牛油和糖漿，雖然有啲邪惡，但係都無計，因為佢嘅魔力係無法抵抗的。仲有一個惡魔，就係燒雞翼，本身味都唔錯，再刻意加些糖漿嚟食，真係想學星爺唱番句 “燒雞翼，我鍾食……”

下晝去咗行街，行到攰攰地就去咗愉景新城呢一間大家樂坐低抖下，順便食個下午茶～ 呢間大家樂唔算話好大，但係都算太可以抖下嘅地方～ 大家樂嘅下午茶選擇好多，我就揀咗燒鴨湯瀨粉，好抵，因為送埋飲品，我就叫咗可樂👍🏻等咗大概10分鐘左右，就見到Number可以拎得！一見到碗燒鴨瀨就覺得好豐富～ 我冇要求走鴨胸，但係見佢比嘅部位都唔差！瀨粉份量都好多，好興奮！ 燒鴨好有燒汁味皮好脆，唔多肥膏~ 👍🏻👍🏻 冇得頂，咸度中等，配湯瀨中和返之後係唔錯 整體來講，係下午茶之選！而且價錢唔貴

大家樂作為一間普通嘅快餐店，我其實對佢冇太大期望， 只求食飽就算。但今次有d唔同，我晚餐叫左芝麻炸魚柳、配菜飯、滷水蛋～魚柳賣相精美，有3大塊、熱辣辣、食到係即炸的，香脆可口！不但好好味，而且真係超大份量、係超級多！！我覺得個汁好正，可以撈飯，仲叫廚師比多啲我^^ 以$40幾蚊個餐黎講，依個真係超水準！👍🏻我屋企人叫既牛扒餐都很不錯，好似比一般既快餐店好！哈哈滿意程度高到我要影相share俾朋友，同埋寫篇食評表揚佢🤣🤣

因為係呢度附近返工，我每日都會喺呢度食早餐，我次次都淨係會揀呢一個餐黎食，火腿通粉，牛油炒滑蛋同埋兩塊火腿，加埋十分之香口嘅多士！我知香港有好多間大家樂，但係我覺得唔係間間大家樂都會相同質素，可能師傅唔同啦，早餐來講我比較執着滑蛋，因為有啲餐廳炒啲滑蛋真係難食到死，但係荃灣愉景新城呢間大家樂炒嘅滑蛋十分之香牛油味，次次食完都唔夠喉好想再食！如果你同我一樣都好鍾意食呢個餐嘅話，經開呢頭你可以試吓食愉景新城嘅呢間大家樂絕對冇推介錯！

之前有次嚟咗大家樂食下午茶~叫咗呢個"鐵板香酥排骨炒讚歧烏冬"~ 再之前已經食過一次, 嗰次食都係29蚊咋...估唔到咁快(應該一兩個月內)就一下子加5蚊..而家要34蚊啦....雖然34蚊都仲係ok既價錢..但其實按百分比嚟講個加幅真係太大, 始終嚟食大家樂既食客都係街坊為主. 好彩味道水準都無下降, 醬汁淋落鐵板之後同樣係熱辣辣和香氣撲鼻, 個醬汁惹味而唔會過鹹~ 烏冬入面除咗兩塊炸排骨之外, 仲有好多洋蔥和紅青椒做配料~不過烏冬份量就唔算多, 如果可以大碟啲就更理想啦~~飲品方面, 仲加3蚊試一試新出既泡沫咖啡~ 幾好飲~ 即使我無落糖都唔覺有苦味~ 咖啡味幾香~可以一試~